“Halina’at pumasok sa mundo ng sampong kuwentong-pambata!
”
ANT AND THE GRASSGHOPPER ni Aesop
Si langgam ay puspusan ang pag-iimpok ng pagkain sa
kaniyang tirahan habang itong si tipaklong naman ay masayang
naglalaro at pasayaw-sayaw lamang sa damuhan at sinubukan
niyang anyayain si langgam. Dumating ang tag-ulan, gutom na
gutom na si tipaklong sapagkat wala siyang naitabing pagkain
kaya nanghingi na lamang siya sa kaibigang langgam.
“Maging masipag sa paghahanap at pag-impok ng pagkain
upang sa oras ng kagipitan ay may mapagkukuhanan. Dapat
tularan si langgam sa kaniyang aral na ibinahagi sa
kaibigang tipaklong.”
SI PAGONG AT ANG MATSING isinalaysay ni Virgilio S. Almario
Si matsing ay tuso at mapang-asar na kaibigan habang si
pagong naman ay maunawain at matulungin, madalas na
naiisahan ni matsing si pagong sa kanilang mga ginagawa.
Nang yumabong ang parte na napunta kay pagong, nainggit si
matsing at muling niloko si pagong ngunit sa huli napagtanto
niyang siya pala ang tunay na naisahan ni pagong noong nais
niyang bawian ito.
“Maging mabuti sa kapwa at huwag manloko kung ayaw
mong mangyari din sa’yo ito. Hindi rin dapat na hayaan na
maliitin lamang ng iba.”
THE GIVING TREE ni Shel Silverstein
Mayroong isang puno na labis ang pagmamahal sa batang
nakilala. Bumabalik ang lalaki sa tuwing hihingi siya ng tulong sa
puno, lahat ng pangangailangan niya ay ibinigay ng puno
hanggang sa wala nang matira sa mga dahon, bunga, sanga, at
katawan niya mapasaya lamang ang lalaki.
“Alagaan at pahalagahan natin ang mga sumusuporta sa
atin, huwag silang pabayaan na ubusin ang lahat sa sarili nila.
Matutong makiramdam sa kalagayan nila sapagkat sa
maaaring sila rin nangangailangan din ng pag-unawa at
pag-aruga.”
SI PILANDOK AT ANG MGA BUWAYA ni Victoria Añonuevo
Si Pilandok ay kailangang makatawid sa ilog upang makapitas
ng mga mangga ayon sa utos ng kaniyang ina, subalit
maraming buwaya ang nakaabang. Nang makakuha na ay
kailangan niya nang makabalik ulit sa pinanggalingan at
naisahan muli ang mga buwaya.
“Nakakatawa man itong kuwento ngunit kung susuriin ay
may natutunan ako, ano man ang bigat ng problema natin
ay mayroon pa rin tayong maaaring gawin upang
malampasan ito kahit na nasa bingit tayo ng panganib.”
ALAMAT NG BAYABAS ni Boots S. Agbayani-Pastor
Hindi naging maayos ang pamamalakad ni Haring Barabas sa
kaniyang mga nasasakupan at pinabayaan na bumagsak ang
buhay ng mga mamamayan, May matandang pulubi ang
nagturo sakaniya ng leksyon matapos na hindi bigyan ng
pagkain, dahil sa kasakiman ni Haring Barabas ay ginawa siya
nitong halaman na tinawag na bayabas.
“Malaki ang naging ambag ng kuwentong ito sa aking
pagkabata sapagkat dahil dito natutunan kong huwag
maging madamot at isipin ang kapwa. Dapat ay
makipagtulungan upang makaranas ng kaginhawaan nang
sama-sama.”
ALAMAT NG PINYA isinalaysay ni Boots S. Agbayani-Pastor
Si Pina ay hindi sanay sa gawaing bahay, nang magkasakit si
aling Rosa ang anak niya na ang nagluluto. Nagmamaktol na si
Pina noong nawawala ang kanilang sandok ngunit inuna niya
ang magreklamo kaya hiniling ng kaniyang ina na sana ay
magkaroon siya ng maraming mata at agad din itong
nagkatotoo.
“Hindi dapat natin inuuna ang pagrereklamo sa mga
ipinapagawa ng magulang. Sumunod at magkusa tayong
kumilos sa gawaing bahay upang maiwasan ang
mapagalitan, gamitin din ang mata sa paghahanap at hindi
bunganga.”
SANDOSENANG SAPATOS ni Luis P. Gatmaitan, M.D.
Mahusay sa paggawa ng mga magagarang sapatos ang tatay
ng tauhan, siya ng kapatid na si Susie ngunit wala itong paa,
hindi niya magagawang masuot ang mga sapatos na
ginagawa ng kaaniyang ama sa tuwing may okasyon pero
nagagawa niya itong maisukat sa pamamagitan ng
panaginip.
“Ang pagmamahal ng isang ama sa kaniyang anak ay
hindi matutumbasan. Hindi madaling maunawaan ang
kaniyang mga ginagawa sapagkat ang tanging hangarin
niya ay para sa ikasasaya ng mga anak.”
TIKTAKTOK AT PIKPAKBUM ni Rene O. Villanueva
Labis na magkaiba ang pag-uugali ng magkapatid kaya
madala silang mag-away, maraming kaibigan si Tiktaktok at
maraming kagalit si Pikpakbum. Nagbago ang lahat nang
sagipin ni Tiktaktok ang kapatid sa pagkaing naghatid kay
Pikpakbum ng kapahamakan.
“Kahit madalas mag-away ang magkakapatid, darating pa
rin sa punto na ililigtas nila ang isa’t-isa kapag nagkaroon
ng problema.”
ANIM NA SABADO NG BEYBLADE ni Ferdinand Pisigan Jarin
Hiniling ng batang si Rebo na magdiwang ng kaniyang
kaarawan kahit hindi pa mismo araw ng kaniyang
kapanganakan, saksi ang mga laruan niyang Beyblade sa
naging paghihirap niya sa nararamdaman niya. Sa ikaanim na
sabado, dito natapos ang lahat ng paghihirap ni Rebo at hindi
na muling malalaro pa ni Rebo ang kaniyang Beyblade.
“Ang buhay ng tao ay hiram lamang, ipakita at iparamdam
natin sa ating mga mahal sa buhay ang ating pagmamahal.
Ibigay ang karapat-dapat na kasiyahan na hindi natin
malilimutan.”
RUNNER AND HOMER ni Tony Johnston
Naging magkakilala ang kabayong si Runner at sugar glider na
si Homer sa isang kagubatan, ngunit hindi pa kayang lumipad
ni Homer kung kaya’t siya ay nakasakay lamang kay Runner.
Maraming pagsubok ang kanilang napagdaanan, at sa huli ay
natutunan nang muling lumipad ni Homer sa pamamagitan ng
pagtitiwala ng kaibigan.
“Hindi naging hadlang ang kanilang pagkakaibang uri ng
hayop upang matulungan ang isa’t-isa sa kanilang
kahinaan. Naging sandigan ang bawat isa upang
mapagtagumpayan ang kinatatakutan.”