PENGAWA BEJALAIKA PROFESSIONAL LEARNING COMMUNITY (PLC) DIKENA

NYUNGKAKKA PENGELANDIK NGAJAR JALAI JAKU

GIBSON ANAK JOHN

PISMP BAHASA IBAN AMBILAN JUN 2015
gibsonjohn96@gmail.com

ABSTRAK

Komuniti Pembelajaran Profesional ataupun Profesional Learning Community (PLC) diiktiraf

sebagai komuniti di sekolah yang turut serta dalam usaha penambaikan dan meningkatkan
prestasi sekolah. PLC ini telah lama digunakan oleh negara-negara maju untuk
meningkatkan kualiti guru di sekolah. Oleh hal yang demikian, kajian ini dijalankan untuk
melihat sejauh mana PLC dapat meningkatkan kemahiran guru untuk mengajar tatabahasa
kepada murid-murid di sebuah sekolah daerah Meradong. Kajian ini dijalankan atas
beberapa pemasalahan yang sering dihadapi di sekolah seperti sesetengah guru dan murid
menganggap tatabahasa ini sukar untuk diajar dan dipelajari, masalah kemahiran guru novis
yang sering diberi kelas yang mencabar pada awal penempatan mereka dan masalah
berkaitan perlaksanaan PLC di sekolah seperti kerelaan guru berkongsi idea dan
berkolaborasi antara satu dengan yang lain. Metodologi yang digunakan untuk menjalankan
kajian ini ialah secara kualitatif dan kuantitatif kerana pengkaji menggunakan dua instrumen
iaitu temubual (kualitatif) dan borang soal selidik (kuantitatif). Secara keseluruhannya,
pengkaji mendapati faktor kejayaan PLC dilaksanakan di sekolah disebabkan sifat
profesionalisme guru besar dan guru-guru di sekolah. Kesan kejayaan PLC ialah guru dapat
meningkatkan kualiti aktiviti pengajaran melalui kolaborasi

Kata Kunci: Professional Learning Community, kemahiran guru, profesionalisme, kualiti

guru, kolaborasi

PELASAR

Professional Learning Community (PLC) tu sebengkah langkah rapat dikena

pengajar belajar sechara konsisten awakka ulih nyungkakka pengelandik ngajar di
sekula. Ukai semina nya aja, nitihka pansik Hord (2009), PLC mega ulih
nyungkakka profesionalisme pengajar di sekula awakka ulih ngajar sechara
berakup enggau pangan diri. Pansik tu dipejalaika dikena meda pemujur PLC tu
dalam nyungkakka kualiti sereta pengelandik pengajar. Ba pansik tu mega,
pemansik bejurai sereta begigaka penemban pengawa bejalaika PLC di sekula
enggau pengawa ngajar jalai jaku.

Pemansik meri skop mit agi ngagai pengawa ngajar jalai jaku laban aspek
jalai jaku jarang bendar dikemeratka ba sekula tang jalai jaku tu mih ti nyadi pugu
ngagai pengelandik ngarang. Nya alai, pemansik ngulihka infomasyen senentang
kualiti pengajar tu bepelasarka aspek faktor ti nentuka pemujur PLC, empas ti
dominan dalam PLC ti tau nyungkakka pengelandik pengajar sereta elemen kritikal
PLC ti dominan dkena nyungkakka pengelandik pengajar. Nitihka Paideia
Consulting Group (1990), PLC ngembuan lima elemen kritikal iya nya Randau
Reflektif (Dialog reflektif), Amal Swasta (Penswastaan Amalan), Fokus Sechara
Kolektif ngagai Pelajar Nembiak, Bekunsi Norma enggau Nilai lalu kepenudi iya nya
Kolaborasyen. Nya mih kebuah pemansik ngiga elemen kritikal ti pemadu dominan
dikena bejalaika PLC di sekula.

Dikena bejalaika pansik tu, pemansik ngena Teori Kuadran Glickman (1981)
ti ngelinsar senentang profesionalisme pengajar. Glickman (1981), madahka
pengajar bisi empat variasyen lalu setiap variasyen pengajar tu ditentuka ngena
tikas komitmen enggau abstraksyen (penemu) pengajar nya. Variasyen pengajar ti
dipansik Glickman iya nya pengajar ti pil tauka nadai kualiti, pengajar ti enda fokus,
pengajar ti kritis enggau pengaajr ti profesional. Bepelasarka teori tu, pemansik
bejuraika tikas komitmen pengajar iya nya penyanggup sida bejalaika PLC lalu tikas
abstraksyen tauka penemu pengajar tu dikabihka enggau tikas penemu sida
senentang program PLC. Nya alai, teori tu endang seriran bendar dikena pemansik
bejalai sereta nguse asil pansik lalu nyukung jurai pansik ti dipejalaika.

PENANGGUL PANSIK

Siti ari penanggul pansik ti dipejalaika iya nya sekeda pengajar enggau nembiak ti
nyangka pengawa belajarka jalai jaku tu tusah lalu pedis diperatika. Kelimpah ari
nya, peneleba pengajar baru dalam ngajar mega siti ari penanggul dalam pansik ti
dipejalaika tu. Nitihka penemu Feiman Nemser (2003), pengajar baru tauka
pengajar Novis tu diberi kelas ti tusah maya sida bepun ngajar lalu pengerunggang
ti ditapi sida iya nya nadai peneleba ti entap dikena ngajar kelas ti mar baka Primari
enaam ti napi peresa UPSR. Penanggul ti kepenudi iya nya, penyanggup pengajar
bekunsi penemu enggau bekolaborasyen lebuh ti bejalaika pengawa ngajar. Nitihka
penemu Robert seduai Pruitt (2009), pengajar enda tentu deka bekunsika penemu
enggau pengajar bukai lebuh ti ngajar. Penemu tu mega disukung Teague enggau
Anfara (2012), ti madahka bisi sekeda sekula ti enda nyukung pengawa pengajar ti
numbuhka daya ngajar bekolaborasyen.
OBJEKTIF ENGGAU TANYA PANSIK

Objektif Pansik

i. Nentuka faktor pemujur PLC dikena nyungkakka pengelandik ngajar jalai

jaku.
ii. Nentuka empas PLC ti dominan ngagai pengelandik ngajar jalai jaku.
iii. Nentuka elemen kritikal PLC ti dominan dikena nyungkakka pengelandik
ngajar jalai jaku.

Tanya Pansik

i. Nama faktor ti nentuka pemujur PLC dikena nyungkakka pengelandik ngajar

jalai jaku?
ii. Nama empas ti PLC ti dominan ngagai pengelandik ngajar jalai jaku?
iii. Nama elemen kritikal PLC ti dominan dikena nyungkakka pengelandik
ngajar jalai jaku.

METODOLOGI PANSIK

Desain Pansik

Gambar 1. Desain pansik ti dipejalaika.

Bepelasarka Gambar 1 di atas nya, metodologi dikena bejalaika pansik tu bisi dua
bengkah iya nya kualitatif dikena mansik objektif satu lalu kuantitatif dikena mansik
objektif dua enggau objektif tiga.
Instrumen Pansik

Instrumen pansik objektif satu iya randau standard lalu instrumen pansik objektif
dua enggau tiga iya nya ngena tusun tanya lalu tusun tanya nya diuse nengah
chara ngiga min iya.

Sampel Pansik

Dikena bejalaika instrumen satu iya nya randau standard, pemansik bekenaka dua
iku responden iya siku pengajar ti lama udah ngajar di sekula nya lalu siku pengajar
ti pemadu baru ba sekula nya. Udah nya, instrumen kedua dipejalaika ngagai
semua pengajar ti bisi ba sekula nya nyengkaum Kepala Pengajar. Teknik sampel ti
dikena pemansik bejalaika kedua-dua instrumen pansik iya nya sampel betuju
(purposive sampling) bepelasarka penemu Kerlinger (1986) ti madahka sampel ti
dipilih ngembuan perampa penemu senentang pekara ti dipansik sereta tuju ti deka
digapai pemansik.

Kepengamat Enggau Kepemetul

Dikena pemansik nguji kepengamat enggau kepemetul pom tusun tanya, pemansik
bejalaika pansik rintis ngagai 4 iku pengajar ti ngajar kelas Primari 6 taun 2018
enggau Sapit Kepala Pengajar ba sekula SK Sungai Aup, Sibu. Bepelasarka pansik
rintis senentang pom tusun tanya tu, nilai Alpha Cronbach ti diulih pemansik iya nya
0.954. Nitihka penemu Bond enggau Fox (2007), enti sema Alpha Cronbach ti diulih
lebih ari 0.9, reti iya tusun tanya nya chukup manah sereta efektif dikena ba tikas
konsistensi ti tinggi.

Prosedur Ngumpul Enggau Nguse Data

Udah tembu bejalaika instrumen pansik, pemansik lalu nguse data ti diulih dikena
ngulihka asil ti nemban. Asil pansik ari randau standard diuse sechara selampuir
ngena teori ti nemban lalu asil pansik pom tusun tanya diuse nengah chara ngulihka
skor min enggau frekuensi ngena Statistical Package for Social Sciences (SPSS).
Kepenudi, data ti diulih ari SPSS tu lalu dipejuraika pemansik dikena ngulihka asil
pansik ujung dikena nyaut tanya pansik.
ASIL PANSIK ENGGAU JURAI

Faktor Pemujur PLC Dikena Nyungkakka Pengelandik Ngajar Jalai Jaku

Bepelasarka asil pansik ti diulih pemansik nengah randau standard, kedua-dua

faktor ti dominan bisi disebut respondan iya nya kualiti pengajar enggau ansak
sereta sukung Kepala Pengajar. Kedua-dua bengkah faktor tu endang bekabih
enggau profesionalisme sereta kolaborasyen bala pengajar. Ba faktor ti keterubah
iya nya kualiti pengajar mega bekait enggau profesionalisme pengajar nya lalu
faktor kedua iya nya ansak sereta sukung ari kepala pengajar mega bepanggai ba
profesionalisme Kepala Pengajar nya. Nya alai, Teori Kuadran Glickman (1981)
endang semitan sereta nemban bendar dikena bejuraika asil pansik tu. Bala
pengajar enggau Kepala Pengajar patut ngembuan penemu enggau komitmen ti
tinggi dalam ngemujurka pengawa bejalaika PLC di sekula. Nya alai, ba reti jaku ti
bukai, faktor ti nentuka pemujur pengawa bejalaika PLC dikena nyungkakka
pengelandik ngajar jalai jaku iya nya profesionalisme tikas tinggi ti dikembuan
Kepala Pengajar enggau bala pengajar di sekula nya.

Empas PLC Ti Dominan Ngagai Pengelandik Ngajar Jalai Jaku

Bepelasarka skor min lima iti item tusun tanya ba Bagi A, item ti pemadu dominan
iya nya item 5 ti ngembuan skor min 4.40 (SP=0.70). Item 5 tu madahka pengawa
bejalaika PLC meri empas ngagai pengelandik pengajar nyedia, nambah sereta
nyeleti aktiviti awakka manah agi nengah chara bekerejasama enggau pengajar
bukai. Reti iya, lebuh bala pengajar bekolaboraysen bekunsika sara penemu
senentang pengawa belajar tu, sida ulih nambah aktiviti ngajar jalai jaku ngagai bala
nembiak. Taja pia, sekeda ketuai dalam sekula enda ngemeranka pengawa
bejalaika PLC tu. Penemu tu disukung Boyd enggau Hord (2008) ti madahka
sekeda pengajar ba sekula ngereja pengawa kediri lalu mutarka penanggul sechara
individu. Bala pengajar patut bekolaborasyen lebuh mutarka penanggul milih aktiviti
ngajar awakka bulih idea ti lebih kreatif agi. Awak nyadika simpul, pengawa
bejalaika PLC di sekula endang ulih meri empas dalam aspek bala pengajar milih
aktiviti sereta nyeleti aktviti ti endang udah disediaka sida awak lebih menyana
sereta manah agi dikena ngajar bala nembiak.
Gerim 1

Nunjukka Min Item 5

Item Penyata Min Sisihan Piawai

5 Aktiviti ngajar jalai jaku ulih ditambah sereta 4.40 0.70
diseleti manah agi nengah kerejasama
enggau pengajar lain sechara profesional.

4.6
4.4
4.2 Item 1
4 Item 2
3.8
3.6 Item 3
3.4 Item 4
3.2
Item 5
Item Item Item Item Item
1 2 3 4 5

Gambar 1. Banding min item tusun tanya Bagi A.

Elemen Kritikal PLC Ti Dominan Dikena Nyungkakka Pengelandik Ngajar Jalai

Jaku

Sepenembu nguse pansik ba tanya tiga tu, item tauka elemen kritikal ti nyadi
dominan dipilih responden dikena nyungkakka pengelandik ngajar jalai jaku iya nya
item 9 ti ngundan elemen kritikal Kolaborasyen. Siti ari Tiga Idea Pugu (Three Big
Ideas) ti ditengkebang DuFour (2008), madahka kolaboraysen tu daya idup
(budaya) sekula ti chukup manah dikena nyungkakka prestasi nembiak enggau
sekula. Reti iya, Kolaborasyen tu chukup nemban dikena nyungkakka pengelandik
ngajar jalai jaku ba sekula nya. Nitihka pansik Paideia Consulting Group (1990),
dalam elemen kritikal Kolaborasyen tu bisi beberapa iti strategi dikena bejalaika
PLC. Strategi ke dipadah iya nya numbuhka raban Horizontal enggau Vertical,
ngaga Induksyen Pengajar Baru (Pementoran), Unit enggau Projek entara
bemacham bidang enggau ngaga raban pemutar penanggul.
Gerim 2

Tikas Penemban Kolaborasyen

Item 9 Responden
R1 R2 R3 R4 R5 R6 R7 R8 R9 R10
a) Aum dipejalaika nitihka panitia mata pelajar jaku
awakka koordinasyen antara kelas ulih digapai. 4 5 4 4 5 4 4 4 4 4
b) Sukung enggau malin betukuh pedagogi,
prosedur enggau pemai ulah diberi ngagai
pengajar ti baru dalam profesyen tauka 3 4 4 4 5 4 4 4 4 4
organisasyen.
c) Siti raban pengajar sama bela berandauka
penanggul. Siku pengajar meri deskripsyen
senentang sebengkah penanggul. Pengajar 3 5 4 5 5 4 4 4 4 5
bukai minta penerang lalu meri tuduh penemu.

Penyampau 10 14 12 13 15 12 12 12 12 13

Tikas Penemban Enda Nemban Sedang Amat Nemban

Penemban
Frekuensi 0 1 9

SIMPUL, SADANG PENEMU ENGGAU IMPLIKASYEN

Simpul Pansik

Ambika simpul, Komuniti Belajar Profesional (PLC) tu endang sebengkah langkah

rapat ti baru ba menua kitai Malaysia tang udah lama dipejalaika ba menua bukai.
PLC tu endang nyulut bendar dalam pengawa nyungkakka prestasi sekula laban iya
nekanka aktiviti ngulihka penemu sechara terus enda milih hierarki bala pengajar
tauka nembiak sekula. Ari bejalaika pengawa tu, tikas penyereta komuniti sekula
kelebih agi bala pengajar dalam proses mejah seruri tikas prestasi amat tinggi
sereta ulih nyungkakka pengelandik sida dalam pengawa ngajar. Pengingin tu ulih
digapai enti ketuai pemegai sekula ulih numbuhka komuniti belajar ti chukup
profesional dikena ngemansangka sekula. Nambahka nya, amal PLC tu mega ulih
nambahka kreativiti pengajar dalam nengkebang aktiviti ngajar enggau belajar.
Kepenudi, amal PLC ulih numbuhka daya idup bekolaborasyen entara pengajar
dikena ngapai tuju sereta juluk ati ti udah ditetapka.

Sadang Penemu

Pemansik endang ngaga refleksyen sepengudah tembu bejalaika pansik tu. Nya
alai, ari refleksyen ti dipejalaika, pemansik bulih bebrapa iti sadang penemu dikena
mejah seruri pansik dalam timpuh ti deka datai. Sadang penemu ti keterubah iya
nya bejalaika pansik nengah chara mandingka dua bengkah sekula awakka
pemujur pengawa bejalaika PLC tu ulih dipeda empas iya ngagai sekula siti
dibanding enggau sekula ti bukai. Udah nya, pemansik mega ngembuan sadang
penemu senentang bejalaika pansik ba sekula ti lebih besai tauka sekula ba nengeri
ti ngembuan populasyen pengajar enggau nembiak ti mayuh agi. Sadang penemu ti
kepenudi iya nya nambahka instrumen pansik baka ngaga perati, ngaga tes sereta
ngaga pansik dokumen.

Implikasyen

Pemansik bejuraika implikasyen pansik ngagai tiga bengkah komuniti baka sekula,
pengajar enggau nembiak sekula. Implikasyen pansik ngagai sekula iya nya meri
penyedar ngagai komuniti sekula kelebih agi Kepala Pengajar senentang pemesai
guna PLC tu dalam nikika prestasi sekula sida. Kelimpah ari nya, pansik tu mega
tau meri implikasyen ngagai pengajar senentang penemu sida bekabih pemesai
guna PLC tu dalam nentuka kereban sereta aktiviti ti deka dikena sida bejalaika
pengawa ngajar enggau belajar. Kepenudi, implikasyen pansik tu ngagai nembiak
sekula iya nya nambahka pengingin sida belajar dalam kelas. Kebuah pia, enti bala
pengajar udah bulih aktiviti sereta idea ti kreatif nengah pengawa bejalaika PLC,
nembiak rindu agi belajar laban sida ngasaika aktiviti nya ulih meri pemereti ngagai
sida iya. Nya alai, pemansik ngarapka pansik tu ngenataika impak ti beguna ngagai
semua komuniti di sekula dikena nyungkakka tikas pengelandik pengajar enggau
prestasi sekula.
SANDING PENEMU

Bond, T. & Fox, C. (2007). Applying the Rasch model: Fundamental measurement
in the human sciences (2nd). Mahwah, NJ: LEA.

Boyd V, Hord SM. (2012). Schools As Learning Communities. Issues About Change
4(1), 1-8.

Carl D. Glickman. (1981). Development Supervision (Alternative Practice for

Helping Teacher Improve Instruction). Virginia: ACSD

DuFour R, Dufour R, Eaker R. (2008). Revisiting Profesional Learning Communities

At Work: New Insights For Improving School. Bloomington: Solution Tree.

Feiman-Nemser, S. (2003). What New Teachers Need to Learn. Educational

Leadership, 60(8), 25–29.

Hord, S. M. (2009). Professional Learning Communities: Educators Work Together

toward a Shared Purpose.Journal of Staff Development, 30, Lambar 40–43.

Kerlinger, F.N. (1986). Foundations Of Behavioral Research. Orlando: Holt,

Rinehart and Winston Publishers.

Paidela Consulting Group, Inc. (1990). Nova Scotia: Canada.

Roberts, S. M., & Pruitt, E. Z. (Eds.). (2009). Schools As Professional Learning

Communities: Collaborative Activities And Strategies For Professional
Development. California : Corwin Press.

Teague, G. M., & AnfaraJr, V. A. (2012). Professional Learning Communities Create

Sustainable Change Through Collaboration. Middle School Journal, 44(2),
58.