MODYUL 2

IKALAWANG MARKAHAN

ALAMAT

ALAMIN

Isang mapagpalang araw kaibigan!

Heto ang panibagong modyul para sa iyo. Tulad ng ibang modyul, Napakadali
lamang nito. Mahalaga lamang na magpokus at maglaan ka ng kaunting oras upang
matagumpay mong matugonan ang mga pangangailangan ng modyul na ito.
Naaalala mo pa ba ng kuwentong pinagmulan ng pinya, saging at durian? Sa
modyul na ito, pag-aaralan natin ang alamat. Ito ay nagsasad kung paano nagsimula
ang mga bagay-bagay. Tatalakayin din natin dito ang mga pahayag sa paghahambing
at iba pang kaantasan ng pang-uri.
Handa ka na ba sa isa na namang kapana-panabik na aralin? Huwag kang
mag-alala dahil sasamahan kita simula umpisa hanggang sa wakas ng modyul na ito.

Sa modyul na ito ay matatalakay at matututunan natin ang tungkol sa:

Panitikan: Alamat
Gramatika: Mga Pahayag sa Paghahambing at Iba Pang Kaantasan ng
Pang-uri

Narito ang kaalaman at kasanayang malilinang sa iyo sa pagtalakay mo sa

araling ito:

1. Nahihinuha ang kaligirang pangkasaysayan ng binasang alamat ng

Kabisayaan. (F7PB-IIc-d-8)
2. Naisusulat ang isang alamat sa anyong komiks. (F7PU-IIc-d8)
3. Nagagamit nang maayos ang mga pahayag sa paghahambing (higit/mas, di-
gaano, di-gasino, at iba pa). (F7WG-IIc-d-8).
SUBUKIN:

Pamilyar ka ba sa mga larawan? Anong lugar ang naaalala mo sa larawang

ito? Nakarating ka na ba rito? O kung hindi pa, marahil ay nakita mo na ito sa poster,
mga babasahin o di kaya ay napanood mo na ito sa telebisyon. Tama, ang lugar na
ito ay Bohol. Alam mo bang may kuwento rin tungkol sa pinagmulan ng Bohol? Sa
modyul na ito ay tatalakayin natin iyan. Pero bago iyan ay susubukin muna natin kung
gaano na kalawak ang nalalaman mo tungkol sa Bohol?

May ideya ka ba sa kuwento-kuwentong nagpasalin-salin na sa bibig ng taong

bayan kung paano nabuo ang Bohol? Sagutin nga ang mga sumusunod:

Panuto: Piliin at isulat ang titik ng tamang sagot sa patlang.

_____1. Ang lalawigan ng Bohol ay matatagpuan sa:
A. Luzon
B. Visayas
C. Central Visayas
D. Mindanao
_____2. Ang Bohol ay matatagpuan sa pagitan ng:
A. Cebu at Leyte
B. Samar at Leyte
C. Iloilo at Leyte
D. Aklan at Leyte
_____3. Alin sa mga sumusunod ang mahahalagang produkto ng Bohol?
A. abaka
B. maguey
D. tabako
D. lahat ng nabanggit
_____4. Bagamat marami ang nakaiintindi ng Tagalog sa Bohol, ang kanilang
ginagamit na diyalekto ay:
A. Ilonggo
B. Cebuano
C. Boholano
D. Maguindanaon
_____5. Ang pinakamatandang simbahan sa Pilipinas na matatagpuan sa Bohol na
sa kasamaang palad ay winasak ng lindol noong 2013 ay:
A. Baclayon
B. Loboc
C. Loon
D. Maribojoc
_____6. Ito ay maalamat na punong nakatatakot, pinalalagay na tirahan ng mga
lamang-lupa.
A. balete
B. akasya
C. narra
D. kawayan
_____7. Tumawag ng pulong ang Datu sa kanyang nasasakupan. Ang ibig sabihin
ng nasasakupan ay:
A. kaibigan
B. kubo
C. mga tauhan
D. amo
_____8. Bakit nagsigawan at naghalakhakan ang lahat ng hayop maliban sa malaking
pagong nang sabihin ng matandang pagong na “susubukin ko.”
A. wala silang tiwala na makukuha niya ang dumi ng puno
B. natutuwa sila sa matanda
C. pinapasaya lamang nila ito
D. tutol sila sa gagawin nito.
_____9. Saan nanirahan ang anak ng Datu na kung mapapansin ay may pagkakatulad
sa hugis at anyo ng Bohol?
A. likod ng pagong
B. ulo ng palaka
C. tiyan ng daga
D. tuka ng bibe
_____10. Ayon sa alamat, mula saan ang araw at buwan na nagbigay ng liwanag at
init sa anak ng Datu?
A. bituin
B. apoy
C. kidlat
D. korona ng datu
_____11. Ito ay bahagi ng pananalitang naglalarawan o nagbibigay-turing sa
pangngalan o panghalip.
A. pangngalan
B. panghalip
C. pang-uri
D. pandiwa
_____12. Magkasinghaba ng damit sina Nina at Rachel. Alin ang pang-uri sa
pangungusap?
A. magkasinghaba
B. damit
C. sina
D. Rachel
_____13. Naghahambing sa katangian ng tatlo o higit pang pangngalan o panghalip.
A. patulad
B. palamang
C. pasahol
D.pasukdol
_____14. Hari ng tapang ang tito ang tito ng aking kaibigan. Anong uri ng
paghahambing ang ginamit sa pangungusap?
_____15. Ang lahat ay salitang ginagamit sa pahambing na pasahol maliban sa isa.
A. saksakan ng
B. di-gaano
C. di-lubha
D. di-masiyado

BALIKAN:
Kaibigan, alam mo bang ang bawat alamat ay kapupulutan ng mga aral kaya
naman ito ay patuloy na ikinukuwento at pinag-aaralan sa mga paaralan? Gaya na
lang ng “Alamat ng Pinya” na tumalakay sa kahalagahan ng paggalang sa magulang.
Pinaksa nito ang kapahamakang maidudulot sa isang anak na masuwayin at
reklamador. Masasalamin din sa “Ang Alamat ng Saging” na pagiging matapobre at
kailanma’y walang maidudulot na mabuti sa sinuman. At ang isa pa ay ang “Alamat
ng Durian” na nagbibigay-aral tungkol sa taong tamad sa pangangalaga sa katawan.
Babasahin natin ngayon ang isa pang alamat tungkol sa pinagmulan ng Bohol.
Pagkatapos ay matutukoy mo ba kung anong gintong-aral ang mapupulot mo rito?

TUKLASIN:
Kumusta kaibigan? Nasagutan mo ang mga aytem na nasa itaas? Handa ka
na bang alamin kung paano nabuo ang lugar na Bohol ayon sa mga kuwento-
kuwentong nagpasalin-salin sa bibig ng taong bayan? Alam kung handang-handa ka
pero bago iyan ay samahan mo ako’t ililibot muna kita sa Bohol dahil napakahalagang
mapag-aralan mo ang akdang pampanitikan ng Kabisayaan dahil sa mga ito
masasalamin ang kultura, tradisyon, at kaugalian ng Kabisayaan

Matatagpuan sa Central Visayas ang lalawigan ng Bohol. Ito ay napapagitnaan

ng Cebu at Leyte. Bagama’t maburol at mabundok, isa ito sa lugar na may
pinakamalalaking taniman ng niyog. Ang abaka, maguey, at tabako ay ilan din sa
mahahalagang produkto ng Bohol.
Binubuo ng apatnapu’t pitong munisipalidad at isang lungsod ang lalawigang
ito. Boholano ang gamit na diyalekto rito ngunit marami rin ang nakaiintindi ng
Tagalog.
Sa Bohol nagmula ang ipinagmamalaking angkan ng Sri-Vijaya na nagdala sa
Pilipinas ng kulturang Malay.
Dito rin naganap ang pag-iisang dugo nina Miguel Lopez de Legazpi, Raha
Sikatuna, at Raha Sigala. Ang pinakamahabang pag-aalsa rito sa ating bansa na
umabot ng 85 taon ay dito rin naganap sa pangunguna ni Francisco Dagohoy.
Isa sa ipinagmamalaking pook ng Bohol ay ang Simbahan ng Baclayon na
itinuturing na pinakamatandang simbahan sa Pilipinas. Sa kasamaang palad, winasak
ito ng isang malakas na lindol noong 2013.
 Napakagandang maglibot sa Bohol hindi ba? Alam kong ibig mo nang tuklasin
ang alamat nito. Simulan na natin.

Basahin at unawain ang akda.

Ang Pinagmulan ng Bohol

Salin ni Patrocinio V. Villafuerte

Ang mga tao noon ay

naninirahan sa kabila ng ulap. Isang
araw, ang kaisa-isang anak na babae
ng datu ay nagkasakit. Hindi
mapalagay ang datu.
“Tanod, may sakit ang anak ko.
Humayo ka, papuntahin mo rito ang
manggagamot. Ngayon din!”
“Ngayon din po, Mahal na
Datu!”
Maya-maya pa, dumating ang
matandang manggagamot at ang
tanod sa tahanan ng datu.
“Magagawa ng matandang lalaki ang anuman na makagagaling sa kanya!” ang
sabi ng datu.
Sinuring mabuti ng matandang manggagamot ang maysakit. Pagkatapos ng
pagsusuri, nag-usap ang manggagamot at ang Datu sa labas ng kubo. Tumawag ng
pulong noon din ang datu.
“Mga kalalakihang nasasakupan ng aking barangay. Makinig kayo sa akin.
Maysakit ang aking anak na babae at ang tanging hinihiling ko ay ang inyong tulong.
Sundin ninyong lahat ang mga tagubilin ng manggagamot upang magbalik ang dating
lakas ng aking anak.”
“Mga lalaki, dalhin ninyo ang maysakit sa malaking puno ng balete. Hukayin
ninyo ang lupang nakapaligid sa mga ugat, ang utos ng manggagamot.
“Gagawin naman ang iyong ipinag-uutos alang-alang sa pagmamahal namin
sa datu at sa kaniyang kaisa-isang anak na babae!”
Nagsimulang kumilos ang mga tauhan ng datu. Pinuntahan nila ang lugar na
kinatatayuan ng puno ng balete. Ang maysakit na anak ng datu ay isinakay sa duyan.
Hinukay ng ilang lalaki ang lupa sa paligid ng mga ugat ng puno ng balete. Nang ito’y
matapos.
“Dalhin ang maysakit sa kanal! Ang tanging makagagaling sa kanya ay ang
mga ugat ng malaking puno ng balete.”
Buong ingat na inilagay sa kanal ang maysakit.
Ngunit sa di-inaasahang pangyayari, bumuka ang ulap.
“Ooooops, Aaaa. Ama ko, tulungan ninyo ako Ama….” at babae’y tuluyang
nahulog sa hukay ng ulap.
“O, Diyos ko. Ang aking anak. Ibalik ninyo siya sa akin… O, hindi! Ang aking
anak!”
“Huli na ang lahat, Datu. Siya’y patay na.!”
Sa ilalim ng ulap ay may malaking daluyan ng tubig. Gumulong sa hangin ang
maysakit bago tuluyang bumagsak ang kanyang katawan sa malaking daluyan ng
tubig.
 Nakita ng dalawang bibe ang pagkahulog ng babae.
“Isplas! Wasss! Isplas!
Nagmamadaling lumangoy ang dalawang bibe at mabilis na bumagsak sa likod nila
ang katawan ng babae. Sa kanilang mga likod namahinga ang may sakit.
“Kwak, kwak, kwak, kwak!”
At isang pulong ang idinaos.
”Ang babaeng kababagsak lamang mula sa ulap ay labis na nangangailangan
ng tulong. Kailangang tulungan natin siya.”
“Oo, dapat tayong gumawa ng bahay para sa kanya.”
“Lumundag ka, palaka, at dalhin mo ang dumi ng puno sa ibaba,” ang utos ng
pagong.
Sumunod ang palaka ngunit hindi siya nagtagumpay. Inutusan naman ng
malaking pagong ang daga. Siya ma’y sumunod ngunit nabigo.
Hanggang sa. . .
“Susubukin ko, ang kusang-loob na sabi ng malaking palaka.
Sa pagkakataong ito, ang lahat ng hayop ay nagsigawan at naghalakhakan,
maliban sa malaking pagong.
“Natitiyak naming hindi mo iyon magagawa. He-he-he! Ha-ha-ha.”
“Subukin mo, baka ikaw ang mapalad.”
Huminga nang malalim ang matandang palaka at nanaog… nanaog… Sa
wakas, ang samyo ng hangin ay dumating at sumunod ang matandang palaka. Sa
kanyang bibig, nagdala siya ng ilang butil ng buhangin na kanyang isinabog sa paligid
malaking pagong. At isang pulo ang lumitaw. Ito ang naging pulo ng Bohol. (Kung
susuriin ang likod ng pagong, mapapansin ang pagkakatulad nito sa hugis at anyo ng
Bohol). At dito nanirahan ang babae. Nanlamig ang babae kayat muling nagdaos ng
pulong…
“Kailangang gumawa tayo ng paraan para siya mainitan.
“Kung makaaakyat ako sa ulap, makukuha ko ang kidlat at makagagawa ako
ng liwanag, “ang sabi ng maliit na pagong.
“Gawin mo ang iyong magagawa. Marahil ay magiging mapalad ka.
Isang araw, nang hindi pa gaanong dumidilim, uminog ang ulap at tinangay ang
pagong nang papaitaas.
“Uww-ssss ! Brahos !”
Mula sa ulap, kumuha siya ng kidlat…
“Brissk ! Bruumm ! Swissss !”
Nabuo ang araw at ang buwan na nagbigay ng liwanag at init sa babae. Mula
noon, naninirahan ang babae sa piling ng matandang lalaking nakita niya sa pulo. At
nanganak siya ng kambal. Sa kanilang paglaki, ang isa’y naging mabuti at ang isa’y
naging masama.
“Ihahanda ko ang Bohol sa pagdating ng mga tao.”
Ang mabuting anak ay gumawa ng mga kapatagan, mga kagubatan, mga ilog
at maraming hayop. Lumikha rin siya ng mga isdang walang kaliskis. Ngunit ang ilan
sa mga ito’y sinira ng masamang anak. Tinakpan niya ng makakapal na kaliskis ang
mga isda kaya’t mahirap kaliskisan ang mga ito
“Ano ang ginawa mo?”
“Walang halaga lahat ‘yan.”
“Walang halaga?”
“Bakit mo pinahihirapan ang iyong sarili sa paggawa rito? Hangal ka!”
“Inihahanda ko ang lugar na ito para sa pagdating ng mga tao.”
 “Dito, dito’y wala tayong kinabukasan. Samantalang sa ibang lugar ay hindi ka
kailangang gumawa. Isa kang baliw!
Kaya’t naglakbay sa kaunlaran ang masamang anak. Dito siya namatay.
Samantalang ang mabuting anak ay nagpatuloy ng pagpapaunlad ng Bohol at
inalis ang mga masasamang ispiritung dala ng kanyang kapatid. Hinulma ang
mabuting anak ang mga Boholano sa pamamagitan ng pagkuha ang dalawang lupa
sa daigdig at hinugis ang mga ito ng katulad ng tao. Dinuran niya ang mga ito. Sila’y
nabuhay.
“Ngayong kayo’y naging lalaki at babae, iniiwan ko sa inyo ang mga
magagandang katangiang ito: kasipagan, mabuting pakikitungo, katapatang
kabutihang-loob, at mapagmahal sa kapayapaan.”
Ikinasal ang dalawa at nagsama. Isang araw, kinausap sila ng mabuting anak.
“Narito ang iba’t ibang uri ng buto. Ibig kong itanim ninyo ang mga butong ito
para kayo matulungan. Gawin ninyong laging sariwa at magandang tirahan ang lugar
na ito.”
Nang malaunan, ang mabuting anak ay lumikha ng igat at ahas katulad ng isda sa
ilog. Lumikha rin siya ng malaking alimango.
“Humayo kayo, dakilang igat at dakilang alimango saan mang lugar na ibig
ninyong pumunta.”
Sinipit ng malaking alimango ang malaking igat. Nagkislutan ang dalawa at ang
kanilang paggalaw ang lumikha ng lindol.
Ito ang dahilan kung bakit maraming alimango sa Bohol, maging sa lupa o sa
dagat, at ang igat na kaunaunahang nilikha ng mabuting anak. Gustong-gusto kainin
ito ng mga Boholanos. Hindi sila kumakain ng palaka dahil iginagalang nila ang mga
ito. Hindi rin nila kinakain ang mga pagong katulad ng ibang mga Bisaya kahit
maaaring ihain ang mga ito sa handaan.
Halaw mula kay Leonora Dela Cruz,
Gantimpala Pinagsanib na Wika at Panitikan 7, p136-139
SURIIN:
Ngayon ay sagutan mo ang mga sumusunod upang masukat natin ang iyong
pag-unawa sa binasa.
A. Isulat ang TAMA sa patlang kung wasto ang ipinahahayag ng pangungusap.
Kung mali, lagyan ng ekis (x) ang salitang nagpamali at itama ito.
_____1. Ang mga tao noon ay naninirahan sa kabila ng ulap.
_____2. Gumulong sa hangin ang malaking palaka bago tuluyang bumagsak
ang katawan sa tubig.
_____3. Nabuo ang araw at ang buwan na nagbibigay ng liwanag at dilim sa
babae.
_____4. Nabuhay ang lalaki at babae. Iniwan ang magagandang katangian.
_____5. Gustong-gustong kainin ng mga Boholano ang alimango at pagong.
_____6. Sa Bohol naganap ang pinakamahabang pag-aalsa sa kasaysayan ng
Pilipinas.
_____7. Hindi kumakain ng palaka ang taga-Bohol
_____8. Ang mabuting anak ay lumikha ng igat at ahas katulad ng isda sa ilog.
_____9. Namatay ang masamang anak nang siya ay maglakbay Kanluran.
_____10. Ang lindol ay dahil sa pagkikislutan ng malaking alimango at malaking
hipon.
PAGYAMANIN:

ANG KALIGIRANG PANGKASAYSAYAN NG ALAMAT

Ang salitang alamat o legend sa Ingles ay mula sa salitang Latin na legendus

na nangangahulugang “upang mabasa.”
Isang mahalagang bahagi ng kulturang Pilipino ang mga alamat. Ang mga ito
ay nagsasaad kung paano nagsimula ang mga bagay-bagay. Karaniwan itong
nagtataglay ng mga kababalaghan o mga hindi pangkaraniwang pangyayari.
Ang karaniwang paksa ng mga alamat ay ang ating katutubong kultura, mga
kaugalian, at kapaligiran. Taglay nito ang magagandang katangiang tulad ng kalinisan
ng kalooban, katapatan, at katapangan, subalit tinatalakay rin sa mga alamat ang hindi
mabubuting katangiang tulad ng kasakiman, katamaran, kalupitan, paghihiganti,
pagsumpa, at iba pa. Karaniwan itong kapupulutan ng aral at nagpapakitang ang
kabutihan ay laging nananaig laban sa kasamaan.

Halaw mula kay Alma M. Dayag, et al,

Pinagyamang Pluma 7, p175-176

“Pare, ubod ng ganda ang Bohol ano? .”

“Oo nga, di-masiyadong maingay matrapik kumpara sa ibang siyudad.”
“Napakaraming tourist spots na pwedeng puntahan.”
“Naku! Labis akong namangha sa tarsier na kasinliit ng ordinaryong
daga.”

Mababasa sa teksto sa itaas ang mga pahayag na nakadiin tulad ng ubod

ng ganda, di-masiyadong maingay, napakaraming tourist spots, kasinliit ng
ordinaryong daga. Masasabi mob a kung ano ang ipinakikita o ipinahahayag ng mga
salitang ito? Ang mga ito ay nagpapahayag ng paghahambing o pag-aantas ng pang-
uri. Kilalanin pa natin ang tungkol sa paksang ito.

Naintindihan natin ang pang-uri ay bahagi ng pananalitang naglalarawan o

nagbibigay-turing sa pangngalan o panghalip.

Pahambing ang pang-uri kung may dalawang pangkat ng pangngalan o panghalip na

inilalarawan. Ito ay may dalawang uri.
a. Patulad – sa ganitong uri, ang pangngalan o panghalip ay may pantay na
katangian at walang nakalalamang sa paghahambing. Ikinakabit sa unahan ng
salitang ugat ang mga panlaping magsing-, magkasing-, kasing- at sing-
 Mga halimbawa:
Magkasinlaki lang ng populasyon ang Bohol at Negros.
Sinliit ng ordinaryong daga ang tarsier.
b. Di-Patulad – ang uring ito ay nagpapahiwatig na may nakalalamang kaya’t
hindi magkatulad ang katangiang pinaghahambing. Ito ay may tatlong uri:
● Palamang – kapag nakahihigit ang isa sa dalawang pangngalang pinaghahambing.
Ginagamit dito ang mga salitang higit, lalo, di hamak, mas, lubha, at kaysa.
Mga halimbawa:
Higit na tahimik sa Bohol kaysa sa ibang siyudad.
Di hamak na mas Malaki ang Cebu kaysa sa Bohol.
● Pasahol - Ang katangiang pinaghahambing ay kulang sa pinag-uusapan.
Ginagamitan ito ng di gaano, di lubha, di masyado, gaya o tulad
Mga halimbawa:
Ang Chocolate Hills ay tulad ng isang paraiso sa ganda.
Di lubhang mas masarap kumain sa Loboc habang tanaw na tanaw mo ang
kagandahan ng ilog.
● Pasukdol – naghahambing sa katangian ng tatlo o higit pang pangngalan o
panghalip. Ginagamitan ng mga salitang hari ng, ubod ng, saksakan ng, at iba pa.
Mga halimbawa:
Ubod ng linaw ang tubig sa kuweba ng Hinagdanan.
Saksakan ng ganda ang makasaysayang simbahan ng Baclayon.
Halaw mula kay Leonora Dela Cruz Dayag,
Gantimpala, Pinagsanib na Wika at Panitikan 7, p146-147

Ngayon kaibigan, nakikilala mo na ba ang pang-uri at ang kaantasan nito? Sige,

sagutin mo nga ang mga sumusunod na aytem:
A. Isulat sa patlang ang PT kung patulad, PL kung palamang at PS kung pasahol ang
pang-uring may salungguhit.
_____1. Magkasinghaba ng damit sina Nina at Rachel.
_____2. Di-hamak na maputi si emma kaysa kay Ligaya.
_____3. Di gaanong malamig ngayong buwang ito kaysa noong nakaraang taon.
_____4. Magsintaas ang lipad ng saranggola nina Paul at Jamie.
_____5. Mas tahimik ang barangay ninyo kaysa rito sa amin.
_____6. Di-gasinong masaya ang pagdiriwang ng iyong kaarawan gaya ng sa akin.
_____7. Magsinlinis ang suot nating sapatos.
_____8. Higit na matalino si Gloria kaysa kay Fidel.
_____9. Kasing-asim ng manggang hilaw ang santol.
_____10. Di-lubhang masarap ang buhay sa abroad tulad ng sa lungsod.

Natitiyak kong nagagamit mo na nang maayos ang mga pahayag na

paghahambing. Subukin natin ito:

B. Pagmasdan ang inyong paligid. Pumili ng dalawang bagay na maaari mong

paghambingin. Sumulat ng isang pangungusap mula rito na may paghahambing gamit
ang mga sumusunod na mga salita.

1. mas: ___________________________________________________
2. higit: ___________________________________________________
3. di-gaano: ___________________________________________________
4. di-hamak: ___________________________________________________
5. di-masyado: ___________________________________________________

ISAISIP

A. Isulat ang T kung tama ang isinasaad ng pahayag at M naman kung mali. Isulat sa
patlang ang tamang sagot.
_____1. Ang alamat ay isang akdang pampanitikan na nagkukuwento tungkol sa
pinagmulan ng mga bagay-bagay.
_____2. Isang mahalagang bahagi ng kulturang Pilipino ang alamat.
_____3. Ang alamat ay kuwentong kapani-paniwala na totoong naganap noong unang
panahon.
_____4. Taglay ng alamat ang magagandang katangian subalit tinatalakay rin nito ang
hindi mabubuting katangian.
_____5. Kagandahang-asal lamang ang tinatalakay ng alamat.

ISAGAWA:
Alam kong tulad ng ibang kabataan ay nalilibang ka rin sa pagbabasa ng
komiks. Hindi ba’t nakadaragdag sa kasiyahang nadarama ng mambabasa hindi lang
ang magandang kuwento ng binabasa kundi gayundin ang mga nakaguhit na
larawang lalong nagbibigay-buhay sa akda? Ngayon ay isa kang manunulat ng
komiks. Bubuo ka ng komiks na hango sa binasa nating alamat na “Ang Pinagmulan
ng Bohol.

Kung sakaling hindi ka marunong sa pagguhit ay huwag kang mag-alala.

Kahit stick drawing lang ay puwedeng-puwede na basta mabigyang-buhay mo nang
mahusay ang daloy ng mga pangyayari sa alamat sa paraang magugustuhan ng mga
kabataang mambabasa. Gumamit ka ng dalawang pirasong short coupon bond at
gawing gabay ang pamantayan na ito:

Pamantayan 5 4 3 2 1
1. Malinaw na nailahad ang nilalaman ng alamat.
2. Maikli ngunit nakukuha ng interes ang kuwento at pamagat.
3. Ang guhit (drowing) kahit simple lang ay angkop na angkop
sa kuwentong inilalahad.
4. Lohikal ang pagkakasunod-sunod ng mga pangyayari
Kabuoang Puntos
5-Napakahusay 2-Di gaanong Mahusay
4-Mahusay 1-Sadyang Di Mahusay
3-Katamtaman
TAYAHIN
Kaibigan, palagay ang loob ko at natitiyak kong nagabayan ka ng modyul
na ito sa isa na naming siksik-liglig na kaalaman. Narito pa ang mga aytem na tatasa
sa iyong natutunan. Maligayang pagsagot!

Piliin at isulat ang titik ng tamang sagot sa patlang.

_____1. Alin sa mga sumususunod ang kapuna-puna sa alamat?

A. Isang mahalagang bahagi ng kulturang Pilipino ang alamat.
B. Nagsasaad ang alamat kung paano nagsimula ang mga bagay-bagay.
C. Kapupulutan ang alamat ng magandang asal.
D. Lahat ng nabanggit
_____2. Ilang munisipalidad mayroon ang Bohol?
A. 40 C. 47
B. 45 D. 48
_____3. Sa Bohol nagmula ang ipinagmamalaking angkan ng Sri-Vijaya. Anong
kultura ang dinala nito sa Pilipinas?
A. Negrito D. Tsino
C. Indones D. Malay
_____4. Ang pinakamahabang pag-aalsa sa Pilipinas ay naganap sa Bohol sa
pangunguna ni Dagohoy. Ilang taon ang inabot ng pag-aalsang ito?
A. 80 C. 90
B. 85 D. 95
_____5. Ayon sa Alamat ng pinagmulan ng Bohol bakit mahirap kaliskisan ang isda?
A. Ito ay sumpa ng datu sa kanyang nasasakupan.
B. Tinakpan ito ng makakapal na kaliskis ng masamang anak.
C. Ang matandang pagong ang may gawa nito.
D. Pinaglaruan ito ng mga palaka.
_____6. Saan namatay ang masamang anak?
A. Hilaga C. Timog
B. Silangan D. Kanluran
_____7. Mula saan hinulma ng mabuting anak ang mga Boholano?
A. bato C. lupa
B. puno D. bulak
_____8. Saan naninirahan ang mga tao noong unang panahon ayon sa alamat ng
pinagmulan ng Bohol?
A. pusod ng dagat C. gilid ng bundok
B. kabila ng ulap D. tuktok ng burol
_____9. Ang samyo ng hangin ay dumating at sumunod sa matandang palaka. Ang
ibig sabihin ng samyo ay:
A. hiniga C. amoy
B. bango D. init
_____10. Ang lahat ay ginagamit sa pahambing na patulad maliban sa isa:

A. magsing- C. kasing-
B. magkasing- D. higit na
_____11. Nakahihigit ang isa sa dalawang pangngalang pinaghahambing.
A. palamang C. pasukdol
B. pasahol D. patulad
_____12. Ang katangiang pinaghahambing ay kulang sa pinag-uusapan.
A. palamang C. pasukdol
B. pasahol D. patulad
_____13. Naghahambing sa katangian ng tatlo o higit pang pangngalan o panghalip.
A. palamang C. pasukdol
B. pasahol D. patulad
_____14. Higit na malawak ang kabukiran nina Miriam kaysa kina Michael. Ang
paghahambing ay:
A. palamang C. pasukdol
B. pasahol D. patulad
_____15. Ito ay isang grapikong midyum na ang mga salita at larawan ang
ginagamit upang ihatid ang isang salaysay o kuwento.
A. magasin C. tabloid
B. komiks D. wala sa nabanggit

KARAGDAGANG GAWAIN
Hindi ba’t napag-aralan natin na tuluyang hindi nasira ng mga Espanyol
ang Alamat dahil nagpasalin-salin lamang ito sa bibig ng taumbayan kaya mula noon
hanggang ngayon ay lumalaganap pa rin? Kaya mo bang ikuwento ang alamat ng
pinagmulan ng Bohol sa iyong mga kakilala?
Ibuod ang alamat sa tulong ng story grammar organizer.

Pamagat

Tagpuan

Mga Tauhan
Suliranin

Ihayag nang buong

katapatan ang mensahe
ng alamat Layunin/ Mithiin

Mga Pangyayari

Mahal kong estudyante, maligayang bati. Ngayong natapos mo na ang Modyul

na ito, maaari ka nang magpatuloy sa susunod na modyul.