Professional Documents
Culture Documents
Walang Sugat
Walang Sugat
(Sarsuwela)
ni Severino Reyes
Ikalawang Tagpo
(Julia at Temyong)
Salitaan
Julia: Huwag na, Temyong, huwag mo nang tingnan; masama ang pagkayari, nakahihiya…
Temyong: Tangan si Julia sa kamay). Ang daliri bang ito na hubog-kandila, na anaki nilalik na maputing garing, ay may yayariin kayang
hindi mainam? Hala na, tignan ko lamang ...
Julia: Huwag mo akong tuyain, pangit nga ang mga daliri ko.
Julia: Bakit Temyong, napagod ka ba? (Hindi sasagot si Temyong). Masama ka palang mapagod.
Temyong: Ay!
Julia: (Sarili) Anong lalim ng buntonghininga! (Biglang ihahagis ni Julia ang Bastidor). (Sarili) Lalo ko pang pagagalitin!
Temyong: (Pupulutin ang bastidor) Julia, Julia ko. (Luluhod) Patawarin mo ako; hindi na ako nagagalit.
Julia: Hindi a, nagkakamali ka, hindi ukol sa iyo ang panyong iyan…
Temyong: Amang nating frayle, laking kaalipustahan! Huwag mo akong aglahiin tungkol sa mga taong iya't madaling magpanting ang
tainga ko.
Temyong: (Dudukutin ni Temyong sa kaniyang bulsa ang posporo at magkikiskis ng maraming butil at nang nag-aalab na'y magsasalita)
Julia, magsabi ka ng katotohanan: para sa kura nga ba? Kapag hindi ko sinilaban ay . . . sinungaling ako . . . mangusap ka.
Susulsulan ko na? (Anyo nang sisilaban)
Musika No.2
Julia: Huwag mong silaban ang tunay mong pangalan.
Julia: Hindi maghahandog sa lahi ni Satan; ang panyong iyan ay talagang iyo, sampu ng nagburdang si Juliang iniirog mo.