METODOLOHIYA

Disenyo ng Pananaliksik

Ang pag-aaral ay gumamit ng kwalitatibong disenyo sa pananaliksik. Ayon sa aklat nina

Lartec et.al, sa Instruksiyong Modyular sa Pananaliksik (2011), ang kwalitatibong pag-aaral ay

naglalayong lumikom ng pang-unawa sa kilos at pag-uugali ng tao, gayundin ng mga

kadahilanan ng mga kilos at ugaling ito. Ang pag-aaral na ito ay nakabatay sa mga dahilang

nakapaloob sa iba’t ibang aspekto ng kilos at ugali ng tao. Hindi ito dumedepende sa mga

katanungang nagsisimula sa katagang ano, saan at kalian, kundi pati na rin ang mga

katanungang bakit at paano. Ang pakikibahagi sa kapaligiran ng pinag-aaralan, direktang

obserbasyon, pakikipanayam at pag-aanalisa ng mga dokumento at mga materyales na ginamit

ay mga metodong kasamang ginamit sa paglikom ng mga impormasyon sa qualitative na pag-

aaral (239).

Sa isinagawang pag-aaral, tinuklas ng mananaliksik ang rekonseptwalisasyon at

rekontekstwalisasyon ng salitang ugnay sa isyu ng Dengvaxia na nangyayari sa mga diskurso

ng Pilipino. Tinukoy rin sa pag-aaral ang paggamit ng mga Pilipino ang sa salitang Dengvaxia at

ang mga salitang naiuugnay sa isyung ito.

Lugar at Populasyon ng Pananaliksik

Pinili ng mga mananaliksik ang mga taong naninirahan sa isang komunidad sa Maynila.

Binubuo ang komunindad na ito ng mahigit 40 pamilya. Nagtungo rin ang mananaliksik sa mga

paaralang Andres Bonifacio Elementary School sa Tondo, Manila at Jose Rizal Elementary

School sa Tondo Manila. Pakikipagkwentuhan at pakikipanayam ang paraan ng mananaliksik

sa pangangalap ng mga datos upang matukoy ang kahulugan ng mga salitang may kaugnayan

sa Dengvaxia. Sa nasabing komunindad, pinili ng mananaliksik ang mga naturukan ng

dengvaxia, mga magulang o kamag-anak ng mga naturukan ng dengvaxia, mga guro ng mga
naturukan ng dengvaxia at abogado o ahensiya na nilapitan ng mga biktima ng Dengvaxia

upang makapagbigay ng pagpapakahulugan sa salitang dengvaxia.