Ngunyan na aldaw, atab akong

nagmata.
Pipirot pa ako nung sulugan ako ni
Mama ning bado.
Maiba ako saiya.
Aldaw ning saudan ngunyan!
 Magdungog ka maray sakuya,
ang taram ni Mama.
Mangapot ka sakun maray, ha?
Tanganing di ka mawara. Dangan
di pwedeng magparaturo ka ning
ipabakal mo.
Amo po Mama, pangako ko.
 Tig-saro kami ni Mama ning
bayong
Ang bayong ni Mama ay
dakula asin makulay.
Ang bayong ko man ay sadayot
asin kulay dilaw.
Mararibok sa saudan, nagsusuriyawan
ang mga tawo.
Pero dae man mga dagit. Maogma.
Baga gabos magkangirilala
Suki! Suki! Bakal na kamo sakuya.
Suki!!!
 Dae ko muya ang parong ning
saudan
Parong karne, manok, buda sira.
Pero nata baga si Mama muyaon
magparaparong kaiyan?
 Malang-init maray sa saudan.
Dangan ralaboy.
Kaya palan muya ni Mama na
maatab kami.
Surusuan sa saudan pag mudto na.
Malangboboot sang mga tindera
sa saudan.
Pinatana kami ni Mama kan
saindang manlainlain na paninda.
Sandiya (pakwan), lansones,
bibingka.
Pinuno man ninda ang sadayot
kong bayong ning iba-ibang
bagay.
Dakulon an makikita sa saudan
Ayo makangisi, ayo makatakot,
tapos ayo man magagayon na
bagay.
Hay. Magayunon ang sarong
sadayot na pulang kalan na ayo
saday na palayok.
Masiramon magluto-lutuan!
Pero nangako ako ki Mama.
 Tanglayon kami ni Mama.
Makapagal palan ang pagsaud.
Pag-uli namun sa balay, tinabangan
ko siyang magsaray-saray ning mga
pinamakal namun.
Ulat.... Ano yading nakikita kong
nakaputos sa dyaryo?
 Baga pamilyar ang
korte. Baga sooooo ....
Sarong sadayot
na kalan na ayo
saday na
palayok!
Salamat Mama!!!!