Ang aking hindi malilimutang karanasan sa ngayon ay ang pagkakasakit
ng aking ama nitong kasagsagan ng Pandemya. Sa kasamaang palad nito lamang Agosto ay nag positibo ang aking ama sa COVID-19. Napakahirap ng naging sitwasyon ng aking pamilya sapagkat ako ay bata pa at kaming tatlo lamang ng aking mommy at daddy ang nasa bahay. Sinugod sa ospital sa Tagaytay ang aking daddy at ang mommy ko ang nagbabantay. Ako lamang ang naiwang mag isa sa aming tahanan. Malungkot ang ilang araw o halos ilang linggo kong nag iisa sa aming tahanan sapagkat bawal akong makihalubilo sa ibang tao dahil ako ay closed contact ng aking daddy kaya’t kinakailangan kong bumukod mag isa. Ang aking pag aaral ay napabayaan sa loob ng ilang buwan hanggang sa gumaling na ang aking daddy. Walang nagtuturo sa akin sa mga takdang aralin kung kaya’t hindi ko nagagampanan ng maayos ang aking pag aaral. Malaki ang pasasalamat ko sa Diyos dahil binigyan niya mula ng panibagong buhay ang aking daddy na magkaroon pa ng mahabang panahon na aming makasama. Ako ngayon ay unti unti ng nakakabangon sa aking pag aaral.