Mahal naming Poong San Vicente Ferrer, Patron de Sampaloc
ipinagkaloob ka sa amin ng Ama upang maging huwaran namin. Idalangin mo sa Diyos na maipagkaloob sa amin ang mabathalang tulong sa Iyong pamamagitan. Nawa kami ay iyong ipag-adya sa lahat ng masasama Lalong lalo na ang aking pamilya at mahal sa buhay. Sa iyong tulong, aking inuluhog ang lahat ng aking kahilingan at hinaing sa buhay (sambitin ang iyong kahilingan). Pinagpipitaganan naming mahal na San Vicente Ferrer, idalangin mo kami sa Diyos na ipagkaloob sa amin ang lahat ng makagagaling sa aming kaluluwa at katawan. Makapagbigay puri at pasasalamat sa kanya hanggang sa buhay na walang hanggan. Amen.