Prescription:

Insulin Glargine (Lantus SoloStar) 100 units/mL, 3mL, 14 units SQ every night at bedtime
Simvastatin (Zimvast) 10 mg 1 tab at bedtime #30 tabs

Patient diagnosed with type 1 DM, hyperlipidemia, borderline HTN

Counseling session:

Maayong buntag sir, ako si Vinz, ang pharmacist nimo karong adlawa, unsa ang matabang nako
sir?

PX: (prescription) Maayong buntag sir, gi hatagan kog prescription sa doktor ug gusto ko nga
mas makabalo pa kung unsay naa ani nga mga tambal ug iyang mga epekto.

Sir unsay ngalan nimo? Ikaw mu tumar ani? Pila imong edad sir?
PX: (mu tubag lang sya sa pangutana base sa prescription)
Sir gi hatagan kag Insulin Glargine o Lantus SoloStar ug Simvastatin o Zimvast.

Ang kaning insulin glargine o kaning Lantus SoloStar kay para ni saimong type 1 DM. Sa type 1
DM kay gamay lang ang nabuhat nga insulin saimong pancreas kay siguro naay mali saimong
pancreas. Importante ning imong insulin, kay kung wala ni, dili kontrolado ang sugar levels sa
dugo nimo. Kani nga tambal kay ginagamit ni sya para controlon ang imong sugar sa dugo sa
sulod sa usa ka adlaw. Mura ni siyag ballpen nga e inject nimo sa panit sa pama agi na imong
tuplokon ang babaw sa pen. 14 ka units sa insulin ang kailangan og matag gabie kini e inject sa
dili paka matulog. Naa puy higayon sir nga habang ga gamit ka aning insulin, makasinati ka
aning hypoglycemia or sobrang pagbaba sa sugar levels sa dugo nato og delikado kini.
Makasinati kag pangurog, kalipong, kagutom, ug paspas ang pag pitik sa kasingkasing. Kung
mahitabo man ni, kaon or inom lang tag mga tam is sama sa kendi, juice or coke pero gamay
lang para mu saka gamay atoang glucose levels. Sa pag inject nato ani sir kay sa lahi2 nga
parte sa atoang lawas para dili magka lipoatrophy or ang pagkawala sa tambok nga naa sa
tissues hinungdan nga mura siyag naay bangag. Pwede ta mu inject sa tiyan, sa paa, or sa
braso nato basta kay di pwede nga permi ra ani nga parte sa lawas mag inject.

Karon pa ba ka kagamit ani Sir? Okay raba sir nga gamiton taka nga sample sir para mapakita
nako ang sakto nga pag inject? Naka pen mani sya sir dali lang ni gamiton. Lisoon ra nimo ni
padung 14 units tapos pindoton para mu gawas ang insulin (naka vertical ha). Pag mu gawas
na, pwede na sya e tusok. Before e tusok nimo sir, limpyohan nimo kung aha ka mag inject,
tapos kusion nimo gamay imong panit, dayon e tusok na nimo ang pen. Ang pag hipos aning
insulin sir kay ibutang lang nimo sya sa ref pero di lang sa freezer. Ang dagom ani sir kay ig
human nimog gamit kay tanggalon ug ilabay sa insaktong lugar nga di makatusok. Tapos ang
dagom nga refill kay e butang sa cabinet or sa uga nga lugar.

Ang ikaduha nga tambal kay ang Simvastatin o kaning Zimvast. Ginagamit ni para saimong
hyperlipidemia o taas na cholesterol sa imong lawas, para mu baba o macontrol ang atoang
cholesterol sa lawas. Kaisa lang kini ginatumar ug taga gabii sa di paka matulog. Pwede ra kini
imnon nga naay kaon o wala. Tubig lang dapat ang angay na pangtulak sa tambal aron walay
mahitabo na d maayong interaksyon. Habang ga tumar ka ani nga tambal, makasinati ka og
kalipong maong mas maayo sya nga tumaron ig gabii aron walay mahitabo nga disgrasya. Kani
nga tambal sir kay pwede lang isabay saimong DM nga tambal kay bahin sa mga experto sa
American Diabetes Association, pwede ni sya aron di madayonan ang pag lambo sa
cardiovascular diseases pareha sa stroke, high blood, ug uban pa hilabi na kay 55 naka sir og
high blood pd ka. Sa paghipos nimo sa imong tambal sir, sa uga lang kini na lugar ibutang,
ayaw lang sya painiti ug ayaw pd sya ibutang sa ref. Pwede kini nimo ibutang sa cabinet.

Pahinumdum lang nako sir na sundon gyud ang oras sa pagamit sa tambal og dili kini
undangan sa pag gamit og tumar gawas kung ni engon na imong Doctor na undangan na kini.
Magbantay sd ta sa atoang gikaon og mag exercise gyud kay dako kaayo ning matabang sa
imoha. Dugang pd nako sir nga mag palit or mang hiram ug glucometer, limpyohan lang dapat
kung manghiram, para ma monitor ang sugar levels nimo.

Sir kaning imong mga tambal kaduha ka mag balik dirias parmasya kay ingon saimong doktor
nga 2 refills. Kaning imong insulin pang bayte uno rani ka adlaw sir, Dec 8 man ta karon mubalik
ka diri sir para saimong insulin sa Dec 26 ug sa Jan 16. Imong simvastatin kay hangtod traynta
ka adlaw mani sya, mubalik ka diria Jan 4 ug Feb 3 puhon para ma utrohan kag hatag niani.
Dalaon nimo imong reseta ig mubalik naka. E pasiguda jd nako sir nga mag pa check up ka
balik sa doktor ig mahurot naning duha ka refills nimo para mabal an ang condisyun saimong
lawas human sa pag tumar saimong tambal ug kung resitahan pa ba ka ani.

Naa pa ba kay mga pangutana sir? Nasabtan raba sir?

PX: Oo sir nasabtan ra, salamat kaayo
Sige sir, balik lang diria kung naa pakay gusto e klaro sir. Salamat!