OLEH :

NAMA : NI KETUT SARIATI

NPM : 05786
PROG : DIII
 DAMPAK SAKING PERGAULAN BEBAS

Pemahbah
Kaping ajeng tan lali titiang ngaturang suksmaning manah majeng ring ide
dane antuk galah sane katibe ring sikian titiang tur maning mawastu rahinane
mangkin titiang kasarengin angge tim puniki praside kacunduk mesadu majeng
ring ida dane sareng sami pamekas ring sane pacing miarsayang penyukuhan
saking tim titiang puniki sadurungne titiang nglantur pacang matur pinih riin
lugrayang titiang ngiringang ratu idedane sareng sinamian nyikiang pekayun
ngaturang acepan pangebhakti majeng ring Ida Sang Hyang Prama Kawi santukan
antukan asung kerta wara nugraha Ida parikrame puniki side memargi becik
turmaning irage sami prasida igum mapupulan iriki gumanti pacing nyarengin
penyuluhan kadi mangkin melarapan pengastungkaran titiang ngiring kawitin Om
Swastiastu
Kaping ajeng :
- Ring manggala Camat Karangasem utami sane nyade pemargine sane
dahat wangiang titiang
- Ring manggala Kelian Desa Parkaman sane wangiang titiang
- Ring manggala prebekel sane wangiang titiang
- Ring pare prajuru desa sane suksmayang titiang
- Taler majeng ring krame desa pakraman sane suksmayang titiang
Ratu ida dane sareng sami sane banget wangiang titiang ring manah ring
galahe sane becik puniki titiang kasarengin angga tim pacing ngaturang unteng
bebaosan inggih puniki ngenemin indike Dampak sane kemetuang saking
pergaulan saking pergaulan bebas.
Inggih ida dane sareng sami minab ida dane minakadi pangalingsir-
pangalingsir titiang wiki sampun tatas uning ring perkembangan jagatesekadi
mangkin makeh wenten kemajuan-kemajuan wyadin nike ring segi kemajuan ilmu
lan teknologi, peradaban, keagamaan, mode trend, moralitas, ekonomi, sosial,
budaya taler sane lianan. Kemajuan-kemajuan nike wenten sane becik ring jagate
wenten taler sane nenten becik utami cocok ring jagat iragane sane ngamargian
adat kelimuran, kawentenan jamane skadi mangkine sane makehan nenten prilaku
utami polah sane menyimpang minakadine sane jagi kapidartayang inggih punike
indik pergaulan bebas. Pamekasnyane pergaulan bebas sane kabahas niki boye je
tios indik dampak negatif sane kametuang ipun sane sering kamargiang ring
jamane mangkin.
Inggih ida dane sane suksmayang titiang sadurungne titiang nglanturang
malih ngiring mangkin indayang telehing utami kenali napi keh nike sane
mewaste pergaulan bebas, yening kakepah saking kruna ipun pergaulan nike
mategesan inggih punike metimpal utawi menyama braya, nanging kruna bebas
nike mategesan nenten kebatasin inggih sane nenten kebatesin niki sampun salah
kemargiang ring sane nyalanin pergaulan bebase niki ngawinang ring jamane
mangkin pergaulan bebas punike mapiteges inggih punike magegetan ring
sajeroning sane tresnain nanging ipun malih megegelan sareng sane tiosan ring
ngemargiang pergaulan punike laksana sane kamargiang cenderung laksana sane
nenten becik utawi nenten manut ring ajaran agama hindune inggih skadine cara
nglaksanayang penjinahan ngletehin jagate niki. Yening teleking ring cirri-siri
pergaulan bebas inggih punike :
Mabusane sane nenten manut saking sesame inggih punika transaparan
mini tur seksi sane gelis nyandang hal-hal negative taler nglaksanayang
samara ring sambarangan orang.
Tiosan ring nike sane ngranjing katagori pergaulan bebas inggih punike skadine
nyarengin utawi mitutin mode-mode trern saking dure Negara sane nenten manut
ring adat iragene sareng sami luir ipun minum-minum sane berakohol skadi arak,
tuak, wiski. Malih trend mangkin ABS inggih punika campuran arak bir sareng
sprite wiski miwah sane lianan sane mengandung alkohol, berpoya-poya ke
genah-genah bar diskotik, megenti-genti pasangan, keluyuran mrike-mriki, lianan
ring nike sane ngawinan pergaulan bebas punike sangkaning para jamane lanang
istri gelis keni pengaruh tur menyalah gunakan perkembangan jamane mangkin,
perkembangan ilmu lan teknologi sekadine internet. Hp sane keanggon
nglimbakang gambar-gambar, film-film sane berbau porno sane ngawinang
ngusak mental ring genaris mudane.
 Inggih ratu ida dane sareng sami sane suksmayang titiang ring sampune
pergaulan bebase nike nglimbak makeh utami samian jagi pacing kausak olih
pergaulan bebase punika yening tegesang titiang pergaulan bebase nike pacing
ngametuang dampak-dampak sane nenten becik inggih punike makeh wenten
kejahatan-kejahatan ring jamane mangkin sane wenten ring dura desa skadi ring
jawa hampir ring sajeroning galah lan genah wenten kadurjana skadi pembunuhan
perampokan, pengedar utawi pemakai narkoba miwah kejahatan-kejahatan sane
lianan pembakaran-pembakaran. Santukan moral utawi iman para janene sampun
karusak antuk minuman keras, lali mekarya, lali ring tanggung jawab, doh ring
ajaran-ajaran agama lali ring Ida betara sane wenten pengangguran kegelapan
samian nike cenderung kalaksanayang ring generasi muda wiyadin ringsane
sampun makaluarga utawi makurenan.
Tiosan ring nike dampak sane kametuwang inggih punike pergaulan
bebeas nike tiosan ngusak politik, ekonomi, sosial budaya, unsur-unsur religi nike
jagi ngausan kekampiang taler ajaran-ajaran agama jagi nenten kerunguang
kasuen suen budayane dadosne manah yening pergaulan bebase nike ngansan
ngalimbak pemarginyane tur sane pinih menonjol keamanan jagate nenten terjaga
santukan moral sampun nenten becik yening sampun dampak-dampake nike
wenten ring jagat menappi dadosne panegaran iragene santukan generasi mudane
sane sepatutnyane ngemajuang utawi mecikang jagate sampun rusak.
Inggih ida dane ring sampune ide dane tatas uning napi nike pergaulan
bebas wiadin dampak sane kamedalang antuk pergaulan bebas punike nemangkin
ngiring metaki-taki memargi mangdene pergaulan bebas punike ngansan sue
ngansan kirangan ring jagate ngiring mangkin sareng-sareng memarangi sane
mewasta pergaulan bebas kawitin saking ring angga ida dane soang-soang
nglantur ring keluarga, pakancan, nyama braya mangdene kasuen-suen panegaran
utawi jagat iragene side mewali becik tur maju.
Inggih ida dane sareng sami sane suksmayang titiang mangkin titiang jagi
ngaturang indik tata cara sane jagi anggen senjata ngicalang utawi memerangi
pergaulan bebase inggih punike.
Kaping siki irage sareng sami mangdene state eling bhakti nampak ring
Ida Sang Hyang Widhi, sane merage Sang Hyang Sempurna.
 - Ring sampune irage stata bhakti ring Ida Sang Hyang Widhi niscaya
irage sareng sami jagi molihang ketentraman ring kayun wakiya sunar
sane anggen petunjuk ring para ida dane antuk ngemargiang hidupe niki
sane makeh wentn gegodannyane utawi halangan-halangan.
- Ring sampune kayun Ida dane molihang katentraman rawing petunjuk
petunjuk nike nglantur ide dane jagi tahu uning napi sane sepatutnyane
iraga laksanayang ring gumine wyakti irage jagi state ngusahayang
pemargi sane becik ring kayun, becik ring atur-atur, tur becik ring
laksana.

Kaping Kalih
Ring sampun irage ngemargiang Tri Kaya Parisudha ring jagate ngiring
milah-milah pengaruh-pengaruh sane rauh saking dure negra sane becik
rarisang anggen sane nenten manut ring panegaran iragene sampunang
nganggen mangdene side irage state eling ring angga ring tanggung jawab
iraga dados manuse arepe ring Ida sesuunan ring kaluarga ring masyarakat
taler ring lingkungan ide dane soang soang.

Inggih Ida dane yening ring angga ida dane soang-soang sampun terbebas
saking pengaruh – pengaruh utawi laksana – laksana pergaulan bebas punika sinah
masyarakat jagi kahindarang saking dampak dampak sane kametuang saking
pergaulan bebas punika skadi pengangguran, pemabuk, pencurian, perampokan,
penganiayaan, pemerkosaan, pemabakaran, pembunuhan nenten je ngansan labek
ring jagate nanging niki samian ngansan kirangan kawentannyane boye je nike
sane state ke aptiang hidup ring jagate niki kketentraman, pakedek pakenyung,
lulut asih menyama braye state ngacep ngaturang bhakti ring Ida Sang Hyang
Prama Kawi samian nike cermin saking ketentraman jagate.
Inggih Ida dane ketentraman ring angga inggih punika wit saking
ketentraman ring keluarga nglantur ngalimbak-ngalimbak dados ketentraman ring
masyarakat sane ngawinang jagate tentram.
Inggih Ida dane sareng sami sane suksmayang titiang wantah asapunika
titiang sida maatur atur indik dampak sane kametuang saking pergaulan bebas
dumogi napi sane aturang titiang ring wau sida nyusupin kayun Ida dane
mangdene side magenah ring Ida dane soang-soang antuk nguangun jagate
tentram Kertha raharja dumogi irage sareng sami eling ring kayun tur sida
nglaksanayang pari pokeh sane nganutin sesana iraga dados manusa arepe ring Ida
Sang Hyang Parama Kawi, ring kaluarga, ring masyarakat miwah ring panegara
iraga sareng sami.
Inggih Ida dane sareng sami antuk ketambetan titiang ngiring ida dane
meatur-atur iriki sampun janten titiang madue kekirangan ring atur titiang, ring
sor singgih basa titiang mekekirang langkung titiang nunas gengrena sinampura
ring ida dane sareng sami dumogi ida dane ledang ngampurayang sikian titiang
sauing titiang ngaturang suksama banget atuk keledangan ida dane ngerauin tyur
mirengang pidartane niki nbgantos usan inggih ngiring mangkin sarreng sineb
antuk parama santi.
Om Santih, Santih, Santih, Om.