Suring-basa ni Althea Louise Lara

FILIPINO 10

SURING BASA
Ipinasa ni: Ipinasa kay:
Lara, Althea Louise C. Bb. Mischelle J. Mendoza

Taon at Antas:
Dec 12, 2021

Pagkilala sa May-akda:
Si Ernest Hemingway ay kilala bilang isang journalist at manunulat.
Noong 1954 ay nanalo sya ng Nobel Prize in Literature.
Si Ernest Hemingaway ay nakapagsulat ng pitong nobela, meron syang
anim na maiikling kwento at tatlong non-fiction.

Uri ng Panitikan:
Ang isinulat ni Ernest Hemingway na pinamagatang “Ang Matanda at ang
Dagat” ay isang uri ng nobelang pampanitikan. Ang nobela ay isang
mahabang kathang pampanitikan na naglalahad ng mga pangyayari na
pinaghahabi sa isang mahusay na pagbabalangkas na ang pangunahing
sangkap ay ang pagkakalabas ng hangarin ng bayani sa dako at ng
hangarin ng katunggali sa kabila. Ang katangian ng nobela ay ang
maliwanag at maayos na pagsulat ng mga tao at kaisipan, pumupuna sa
lahat ng mga larangan ng buhay, dapat maging malikhain at maguni-guni
ang paglalahad, pumupukaw ng damdamin ng mambabasa kaya ito
nagiging kawili-wili, kailnangan isaalang-alang ang ukol sa
kaasalan,maraming ligaw na tagpo at kaganapan, ang balangkas ng mga
pangyayari ay tumutukoy sa kaisahang ibig mangyari, malinis at maayos
ang pagkakasulat, maraming magagandang tagpuan na kung saan mas
nakikilala pa ang mga tauhan ng lubusan.
Layunin ng May-akda:
Ang layunin ng nobela na isinulat ni Ernest Hemingway ay makapagbigay
inspirasyon sa mga taong may pinagdadaanan, maliit man o matinding
pagsubok sa buhay. Layunin din ng may akda na mapaikita na habang
buhay ang isang tao ay mayroong pag asa na makayanan ang bawat
suliranin sa buhay at makakamtan ang bawat mithiin.

Tema at Paksa:
Ang Tema o Paksa sa Ang Matanda At Ang Dagat ay ang hindi pagkawala
ng pag-asa. Sapagkat kahit si Santiago ay matanda na at inaabot ng
kamalasan sa kanyang pangingisda, siya ay hindi nawalan ng pag-asa.
Patuloy pa din ang pakikipaglaban niya sa buhay, patuloy pa din sa kanya
ang buhay bilang isang mangingisda. Isang aral na inilahad ng kwentong
ito ay nagpapakita ng pakikipagsapalaran sa buhay. Maihahambing ito sa
pang-arawang gawain ng lahat sapagkat naitaguyog ang sarili sa kabila ng
labis na pagsubok na dumating.

Mga tauhan o karakter:

Santiago- Isang matandang taga cuba na mangingisda, siya ang
pinakapangunahing tauhan sa kwento. Si Santiago ang tinaguriang
pinakamalas na mangingisda. Tinawag nila ito bilang "salao", ang
pinakamatinding uri ng kamalasan.

Manolin- Isang estudyante o aprentis na kaibigan ni Santiago. Hindi na

pinayagan ng kaniyang mga magulang na sumama pa kay Santiago dahil
nadadamay lamang siya sa kamalasan.

Marlin- Isang malaking isda, tinatayang 11 talampakan ang taas at may

91-181 kilo ang bigat.

Mako- Isang uri ng malaking pating o dentuso

Tagpuan:
Ayon sa nobela, nabanggit na ang mangingisda ay taga cuba na
pumapalaot rin sa karagatan ng cuba. Ang dagat ay isang malawak na
anyong tubig. Medyo masama ang panahon noong mag araw na yon.

Nilalaman/Balangkas ng mga pangyayari:

Ito ay naglalaman ng pakikipagsapalaran ng isang matandang
mangingisda sa dagat. Pagbabago ng tingin ng lipunan sa taong ang
buhay ay puno kamalasan. Kahit na ipinagbabawal maaaring suwayin
dahil sa kagustuhang tumulong sa isang kaibigan.

Mga kaisipan/ideyang taglay ng akda:

Kahit na sya pa ay inabot ng ilang araw, araw2 nya paring sinusubukan na
pumalaot at umaasang may makukuha. Maihahalintulad sa buhay ng tao
Dahil kahit ano man ang pagsubok na dumating sa buhay, kailangan
nating maging matatag at maging handa sa pagharap nito. Hindi
magpapaapekto sa sasabihin ng ibang tao at ipagpatuloy ang naisa na
gawin sa buhay, bagkos gagawin itong inspirasyon sa paggawa ng bagay
na sa tingin mo ay iyong pagtatagumpayan. Pagtulong sa kaibigan na
bukal sa kalooban at di iisipin ang kung ano mang kamalasan ang
makukuha kapagka tumulong ka. Ang pagtulong ay walang hinihinging
kapalit o kung ano man, ito ay kusang binibigay sa kapwa.

Istilo ng pagkakasulat ng akda:

Ang awtor ay gumamit ng pasalaysay na istilo sa nobelang ito. Isa itong
kwentong maiihambing sa tunay na buhay subalit sa umpisa ng kwento ay
mahirap maunawaan ng mambabasa ang nais ipahiwatig ng kwento,
ngunit ng lumaon naipakita nito ang nais na maipakita ng awtor sa
kwento.
Simbolismo ng akda:
Dagat- Ang dagat ang sumisimbolo sa mundo kung saan ang bawat tao’y
dapat na maglakbay. Ito ay walang hanggan at sa iyong paglalakba’y may
mga posibilidad na mga bagay na nakakubli mula sa karaniwang nakikita
ng mata.

Marlin- Ang marlin ang sumisimbolo sa kahiwagahan ng mundo na

nagsisilbing hamon para sa lahat. Ito rin ay kumakatawan sa huling
pagkakataon na maaring dumating sa isang indibidwal. Sa nobela ay labis
na nagsikap ang marlin upang maiwasan ang kamatayan. Ang kamatayan
ay ang katotohanan ng buhay ng lahat ng tao.

Pating- Sa kuwentong “Ang matanda at ang dagat,” ang pating ang

nagsisilbing pagsubok na dumarating sa ating buhay. Ito rin ay
kumakatawan sa pwersa ng kasamaan na naghahari sa buhay ng mga tao.
Gagawin nito ang lahat upang kunin o agawin ang pinaghirapan mo at
kung hindi mo ito lalabana’y tiyak na magwawagi ito sa kanyang
masamang balak.

Santiago- Ang matandang mangingisda na si Santiago ay sumisimbolo sa

mga tao. Siya rin ay kumakatawan kay Hesus. Siya ay puno ng kabutihan,
tiyaga, at kababaang-loob. Marami rin siyang dinanas na pagsubok sa
gitna ng dagat na maihahalintulad rin sa mga pinagdaan ni Hesus.

Manolin- Si Manolin ay isang batang sumisimbolo ng pag-asa. Siya’y

isang patunay na may mga magagandang bagay paring darating.
Sumisimbolo rin siya ng isang kaibigang nagbibigay saya at nagpapatatag
sa loob ni Santiago. Nakikita rin ni Santiago ang kanyang sarili sa tuwing
titingin siya sa batang si Manolin. Maaari rin siyang ihalintulad na
disipulo ni Hesus
Buod:
Panimula:
Mayroon isang mangingisda na nagngangalang Santiago na 84 araw na
hindi nakakahuli ng isda, kaya naman tinawag nila itong malas sa
kanilang buhay at pinangalanan na “Salao”. Dahil sa kamalasan at
kawalang huli ng isda ni Santiago ay hindi muna pinasasama si Manolin
ng kaniyang mga magulang at maghanap na lamang ng mas mahusay na
mangingisda sa kanilang lugar.
Saglit na kasiglahan:
Kahit hindi na pinasasama si Manolin kay Santiago ay naging
magkaibigan pa rin sila kahit hindi na nakakasama sa paglaot sa dagat.

Tunggalian:
Nang makabalik na sa pangingisda muli si Santiago, nakahuli siya ng
malaking Marlin ngunit sa sobrang laki nito ay nilabanan niya pa ang
lakas ng isda at nagkaroon ng dugo na nakakuha ng atensyon ng mga
pating.

Kasukdulan:
Nang maamoy ng mga pating ang dugo ng marlin, inatake rin nito ang
bangka ni Santiago na kaniya rin nilabanan nang puspusan. Pagtapos
matalo ni Santiago ang mga pating, wala na ang laman ng marlin kaya
hinayaan niya na lamang ito sa kaniyang bangka na puno ng dugo at
iniwan ang buto doon.

Kakalasan:
Diretso bumalik si Santiago sa kaniyang bahay kubo dahil sa kaniyang
pagod. Natagpuan naman ng mga kapwa mangingisda ang bangka ni
Santiago na may dugo at buto kaya nag alala ang mga ito at inakala na
may nangyaring masama kay Santiago.
Wakas:
Nang mabalitaan ito ni Manolin, agad niyang pinuntahan ang kubo ni
Santiago at natagpuan na maayos naman ang palagay nito, agad na
pinagtimplahan ng kape.