PAGBASA 10 (ORAL READING)

Ang Lalaking Buffalo

Mitolohiya ng UTE Indians
Sa isang malayong lugar ay may mahirap na matandang mag asawa hindi sila makakuha
ng sapat nap ag kain at wala rin sila ng aanak kaya’t wala silang makatulong s paghahanap ng
kanilang makakain. Dahil sa kagutuman, lumabas ang matandang lalaki upang magbaka sakali sa
daan ay nakakita ng kawan ng buffalo sinundan niya ang bakas hanggang sa lugar kung saan
huminto ang kawan. Tanging namuong dugo lamang ang kanyang natagpuan, hinubad niya ang
kanyang kamiseta at binalot ang namuong dugo. Nang gabing iyon nagpakulo ng tubig ang
matandang babae at inihulog ang namumuong dugo sa kaldero subalit bago pa kumulo ang tubig
ay nakarinig silang magasawa ng iyak ng isang sanggol na lalaki mula sa loob ng kaldero.
Kinuha niya ang sanggol at pinatuyo sa kaniyang bisig at inari nila ito bilang tunay na anak.
Napansin ng magasawa ang mabilis na paglaki ng bata sa loob lamang ng ilang araw. Nagulat
ang matandang lalaki sa kanyang natuklasan, napakahusay ng bata sa pagpana. Sinabi niya sa
matandang babae na bihasang mangangaso ang kanilang anak at nais niyang utusan ito upang
kumuha ng kanilang makakain.
Kinabukasan, inutusan ng matandang lalaki ang batang mangaso mabilis at nananabik
pang tumalima ito sa utos ng ama. Hindi naglaon ay bumalik siyang may dala-dalang hayop na
mas malaki sa daga. Niluto nila ito at kinain. Kinabukasan, muling nangaso ang bata at
nakapaguwi ng kuneho na siya nilang ipinanghapunan. Ganoon muli ang ginawa ng bata ng
sumunod na mga araw at nakahuli naman siya ng mga hayop gaya ng badger, usa, elk, at marami
pang iba na ginawa nilang pagkain. Lumipas ang mga araw at naging ganap na binata ang ampon
ng mag-asawa. Nais niyang bumisita sa isang lugar kung saan maraming tao ngunit bago siya
umalis ay tiniyak niyang may sapat na pagkain ang kinalakhang mga magulang hanggang sa mga
huling sansali ng buhay ng mga ito.
Makalipas ang ilang araw na paglalakbay, napadpad siya sa isang tribu. Nakaharap niya
ang pinuno at matapat niyang sinabing hinahanap niya ang kanyang kalahi ngunit hindi niya
alam kung saan siya nagmula. Sa habag ng pinuno ay kinupkop siya’t hinayaang mamalagi sa
kanyang tribu. Hindi naglaon ay umibig ang binate sa anak na dalaga ng pinuno. Dahil sa
angking kagalingan sa pangangaso, pinahintukutan siya ng pinunong makasal sa dalaga.
Isang gabi, sinabi ng lalaki sa buong tribu na may malaking bagyong parating. Ibinilin
niyang itali nang mahigpit ang kanilang mga tepee. Kinaumagahan, nakita nilang may mga patay
na buffalo sa harapan ng bawat tepee. Noon napagtanto ng lalaki na siya ay bahagi ng tribu ng
buffalo ngunit labis niyang mahal ang kanyang asawa kaya’t ibinilin niya na upang manatili sa
piling nito, hindi dapat bigkasin ang mga katagang bisirong buffalo.
Pagkalipas ng ilang linggo, habang naghahanda ang mga tao sa paghuhuling buffalo, sa
labis na kasabikan sa gawain, nakalimutan ng babae ang tagubilin ng kanyang asawa. Malakas
itong sumigsw ng “Pataying ang bisirong buffalo!” Kagyat ay tumalilis ang lalaki palayo sa
tribu, nagpapalit-anyong buffalo habang tumatakbo.
Tinawag siya ng asawa upang bumalik ngunit hindi na siya lumingon. Namuhay siya sa
mga nalalabi niyang araw kapiling ang kanyang kauri—ang mga buffalo.