ANG PAGTUTURO NA BATAY SA MGA SIMULAIN

MGA SIMULAING KOGNITIBO

1. OTOMATISITI - isinasaad ng simulaing ito na ang mabisang pagkatuto ng wika ay
nakasalalay sa isang sistematiko at limitadong pagkontrol ng ilang anyo ng wika na
maglulundo tungo sa otamatikong pagpoproseso ng di mabilang na mga anyo ng wika.
Binibigyang halaga nito ang mga sumusunod:
1. Natural o di namamalayang pagkatuto ng wika sa pamamagitan ng
makabuluhang paggamit nito.
2. Mabisa at mabilis na paglayo sa pokus na anyo ng wika ang binibigyang-diin
patungo sa pokus na ang sentro ay layunin sa paggamit ng wika.
3. Epektibo at mabisang pagkontrol ng ilang aspekto ng wika patungo sa walang
limit at otomatikong pagpoproseso ng anyo ng wika.
4. Naiiwasan ang pagsusuri ng mga maliliit na detalye sa anyo ng wika.
Implikasyong Pangklasrum ng Simulaing Otamatisiti
1. Ang isang klase sa wika na labis na nakatuon sa aspektong istruktural at porma
ay maaring makahadlang sa katatasan sa pagsasalita.
2. Ang mga aralin ay dapat nakatuon sa gamit ng wika na siyang tunay na diwa ng
kontekstong dapat na mararanasan sa loob ng klasrum.
3. Hindi agad natatamo ang otomatikong ng pagpoproseso sa wika. Kailangang
matiyaga ang guro habang unti-unti niyang sinasanay ang mga mag-aaral na
maging matatas sa pagsasalita.
2. Makabuluhang Pagkatuto - Isinasaad ng simulaing ito na ang makabuluhang
pagkatuto ay nagbubunga ng higit na pangmatagalang pagkatuto kaysa sa pagsasaulo
lamang.
Mga Implikasyong Pangklasrum
1. Puhunanin ang kahalagahan ng makabuluhang pagkatuto sa pamamagitan ng
pagpukaw sa kawilihan at interes ng mga mag-aaral, pag-alam sa kanilang
tunguhing pang-akademiko, at mga layuning panghinaharap.
2. Sa tuwing maglalahad ng bagong paksa o tapik, sikapong maiugnay ito sa dating
alam ng mag-aaral upang maging makabulihan ang kanilang pagkatuto.
3. Iwasan ang maaring negatibong bunga ng rote learning gaya ng:
a. Labis na pagpapaliwanag ng gramatika

b. Labis na dril o pagsasanay

C. Mga gawaing di-tiyak ang mga layunin

 d. Mga gawaing malayo sa pagtatamo ng mga layunin.

e. mga teknik na mekanikal na kung saan nakapokus ang interes ng mga

mag-aaral sa kayarian ng wika sa halip na mensahe o kahulugan nito.

3. Pag-asam ng gantimpala - Ang simulaing ito'y maipahahayag sa tulong ng operant-

conditioning paradigm ni Skinner. Isinasaad nito na ang bawat tao ay nagaganyak na
kumilos sa pag-asang may matatamong gantimpala o pabuya na maaaring materyal o
di-materyal.
Mga Implikasyong Pangklasrum
a. Maglaan ng hayagang pagpuri at pampalakas ng loob
b. Himukin ang mga mag-aaral na igalang ang kakayahan ng bawat isa sa
pamamagitan ng pagbibigay suporta sa anumang gawain
c. Magbigay ng kaukulang pidbak hinggil sa mga katuparan ng mga gawaing
pangklase.
d. Magpakita ng kasiglahan sa pagkaklase sa lahat ng pagkakataon.
4. Pansariling pangganyak - Ang simulaing ito'y nagsasabi na ang pinakamabisang
gantimpala ay yaong pagganyak na bukal sa sarili.
5. Strategic investment - Ang tanging binibigyang-diin sa pagtuturo ng wika ay kung
paano maipapaangkin sa mga mag-aaral ang wika.

ANG SIMULAING PANDAMDAMIN

Tinintingnan natin ang damdaming pansarili, ang pakikipag-ugnayan sa mga
tagapagsalita ng wika at ang mga ugnayan sa pagitan ng kultura at wika.
6. Language Ego - Isinasaad ng simulaing ito na habang natutuhang gamitin ng tao
ang wikang pinag-aaralan, nagkaroon din siya ng bagong paraan ng pag-iisip,
pakiramdam at pagkilos na katulad ng taong nagsasalita ng target na wika.
Mga Implikasyon Pangklasrum
a. Lahat ng mag-aaral ng wika ay dapat pakitunguhan nang may
pagmamahal at pagkalinga.
b. Ang mga teknik na ginagamit sa pagtuturo ay kailangan may sapat na
hamon sa kaisipan subalit hindi naman makalulunod sa damdamjn ng
mag-aaral.
c. Upang maisaalang-alang nang lubos ang language ego kinakailangang
alamin ng guro kung:
 Sino ang tatawagin sa pagkaklase
  sino ang hihingan ng impormasyon
 Kailan iwawasto ang mga pagkakamali
 Paano ipaliliwanag ang isang bagay
 paano ang pagpaplano ng mga gawain
 Sino ang pagsasamahin sa isang pangkat at
 Paano ka magiging " matatag" sa inyong mga mag-aaral.
7. Pagtitiwala sa Sarili - Pinakapuso ng anumang tagumpag sa pagkatuto ng wika ay
ang katotohanang may tiwala ang mag-aaral sa kanyang sariling kakayahan at
naniniwala siyang mapagtatagumpayan niya ang anumang gawain.
Mga Implikasyon Pangklasrum:
 Magbigay nang sapat na kapanatagan ng loob sa mga mag-aaral; pasalita man o
sa ibang paraan
 Ihanay o pagsunod-sunurin ang mga Teknik mula sa madadali patungo sa
mahihirap na Gawain.
8. Pakikipagsapalaran (Risk Taking) - Ang ikatlong simulain pandamdamin na may
makabuluhang kaugnayan sa naunang dalawang simulain ay may kinalaman sa
kahalagahan ng pakikipagsapalaran sa kagustuhang magamit ang wika.
-Isinasaad ng simulating ito na sa tagumpay na pag-aaral ng wika bahagi na nito
ang pakikipagsapalaran para lamang maipahayag at maipaliwanag ang sarili sa
target na wika.
Paano maipapakita anng simulain ng pakikipagsapalaran sa klasrum?
1. Lumikha ng isang kaligiran sa loobb ng klasrum na gaganyak sa mga mag-aaral
na subuking masalita ang wika at mahimok silang sumagot anumang oras nilang
naisin.

2. Maglaan ng mga Teknik na tuwirang hahamon sa kakayahan ng mga mag-aaral.

Gawin ito nang may katamtamang kahirapan subalit hindi naman lubhang
napakadali.

3. Ipaliwanag kung ano ang ibig sabihin ng “pakikipagsapalaran” sa pag-aaral ng

wika upang di isipin ng iba na kahit ano na lamang ay maaari nilang ibulalas o
sabihin
.
4. Purihin ang anumang makabuluhang pagtatangka ng mga nakagaganyak na
pagsang-ayon subalit hindi dapat kaligtaan ang mga pagkukulang sa wikang
pinag-aaralan.
9. Ugnayang wika at kultura - Sa Pamamagitan ng wika, nagkakaalaman at
nagkakaugnayan sa pamumuhay, saloobin, tradisyon, mithiin at paniniwalaang mga
tao. Sapat sa pangangailangan ng mga taong gumagamit ng wika ang kanilang
sinasalitang wika batay sa kanilang kultura. Ang wikang Filipino, halimbawa ay sapat sa
pangangailangan ng mga Pilipino para gamitin ito sa pakikipagtalastasan.
Mga Implikasyon Pangklasrum
1. Talakayin ang pagkakaiba ng mga kultura at bigyang-diin ang kaisipan na
walang kulturana mas higit kaysa ibang kultura. Pahalagahan din ang kaisipan
na ang pag-unawa sa kultura ng mga taong gumagamit ng target na wika ay
mahalaga sa pag-aaral na ito.
2. Ituro ang konotasyong pangkultura ng wika lalo’t higit iyong may kinalaman sa
aspepktong sosyolinggwistika.
3. Isama sa inyong mga Teknik ang mga Gawain o kagamitang naglalarawan ng
kaugnayan ng wika at kultura.
4. Salain at iwaksi ang mga Gawain, kagamitan at mga Teknik na makasasakit ng
damdamin dahil sa pagkakaiba ng kultura.
5. Ipamulat sa mag-aaral ang kahalagahan ng ilang maliliit na bagay tungkol sa
isang kultura na kalimitan ay binabale-wala.
Mga Simulaing Linggwistik
Ang huling kategorya ng mga simulain sa pagkatuto at paagtuturo ng wika ay
nakapokus mismo sa wika at kung paano ang mga mag-aaral ay nakikibagay sa isang
masalimuot na sistemang panlinggwistika sa pagkatututo nito.
10. Ang Epekto ng Unang Wika - Hindi mapasusubalian ang kahalagahan ng unang
wika sa pag-aaral at pagtatamo ng bagong wika. Kalimitan ay tinatanaw ng marami na
ang unang wika ay nakakasagabal sa pagtatamong target na wika subalit ito’y taliwas
sa inaasahan. Ang karamihan sa mga pagkakamali ng mga mag-aaral sa pangalawang
wika, lalo na’t sa panimulang antas, ay nag-uugat sa pagpapalagay ng mga mag-aaral
na ang target na wika ay nagagamit nang tulad ng katutubong wika.
- Nagsasaad na ang katutubong wika ay magsisilbing mahalagang sistema para
maging sandigan ng mga mag-aaral sa paghula ng Sistema o Balangkas na target
ng Wika.
11. Interlanguage - Ang mga mag-aaral ng pangalawang wika ay pumapailalilm sa
isang sistemang proseo ng pag-unlad habang lubusan nilang nauunawaan ang target
na wika.
Mga Implikasyon Pangklasrum
1. Tiyakin sa mga kalahok sa pakikipagtalastasan kung ano ang konteksto
ngbtalastasan. Ang mga salik sosyolinggwistika ang nagdidikta ng gagawing
pag-uusap.
2. Ang wika ay isang kasangkapan sa pakikipagtalastasan, di tulad noong araw na
ang ginagawa ng guro ay ituro lamang ang kayarian ng wika at gumagamit ng
mga pagsasanay tulad ng substitutuion drill, pattern practice at iba pa.
 3. Bigyanng-diin kung gaano kahusay sa pakikipagtalastasan sa wika ang isang
tao, hindi kung gaano ang nalalaman niya sa gramatika ng wika.
4. Mahalagang gamitin sa loob ng klase ang mga sitwasyong tunay na
paggagamitan ng pakikipagtalastasan.
12. Kakayahang komunikatibo
Ayon kina Canale at Swain (1980). May apat na aspeto o element ng kakayahang
komunikatibo, Para masabi na ang isang tao ay kakayahang komunikatibo sa isangw
ika kailangang magtaglay siya ng tinatawag na Linguistic o grammatical competence,
socio linguistic competence, discourse competence at stragetic competence.

MGA SIMULAIN SA PAGKATUTO NG WIKA

Sa pagbuo ng sariling teorya o paniniwala hinggil sa pagkatuto ng wika, kailangang
isaisip ang mga sumusunod:
 Ang kalikasan ng Wika
 Ang kalikasan ng mga mag-aaaral;at
 Kung paano mabisang matutuhan ng mga mag-aaral ang wika upang kusa itong
magamit sa pakikipagtalastasan.

Iba pang mga Simulain sa Pagtuturo at Pagkatuto ng Wika

1.Simulaing nakapokus sa mga mag-aaral.

 Ang bawat klase sa wika ay binubuo ng mag-aaral na taglay ang kanilang iba’t
ibang katangian: kognitib, pandamdamin, at kagulangang sosyal, kaalaman sa
wika, motibasyon, kakayahan sa pagkatuto ng wika, istilo sa pagkatuto, mga
mithiin at mga pangangailangang subhetibo at obhetibo.

2. Simulaing Nagsasangkot sa Mag-aaral

 Isinasaad ng simulating ito na dapat bigyan ang bawat mag-aaral ng maraming
pagkakataon upang makilahok sa iba’t ibang uri ng mga gawaing komunikatibo.

3. Simulaing Nakatuon sa Target na Wika

 Binibigyang-halaga ng simulating ito na kailanang bigyan ng guro ang mga mag-
aaral ng mga input na komunikatibo na abot ng kanilang pang-unawa at
makabuluhan para sa sarili nilang pangangailangan at interes.
4. Simulaing nakapokus sa Ilang Anyo ng Wika
 Upang mahusay na malinang ang kakayahang komunikatibo ng mga mag-aaral
sa loob ng maikling panahon, kailangan ipokus ng guro ang mga mag-aaral sa
ilang anyo at gamit ng wika, mga kasanayan at istratehiya na makatutulong
upang magamit ang wika sa isang kalagayan na limitado ang mga pagkakataon
sa paggamit nito.

5. Simulaing Sosyo-kultural
 Ang wika aay hindi maihihiwalay sa kultura ng mga taong gumagamit nito. Sina
Gumperz (1970), Widdowson (1977) at Wilkins (1976) ay kaisa sa paniniwala na
mahalagang magkaroon ng mga kaalamang kultura upang maunawaan at
mabigyang-kahulugan ang sinasabi ng kausap. Kaya’t tungkulin ng guro na
ipadama sa mag-aaral na kailangan ang pagpapahalaga sa mga karanasang
pangkultura na dala nila sa pag-aaral ng wika at mapagyaman ito sa kultura ng
mga taong gumagamit ng target na wika.

6. Simulain ng Kamalayan
 Ang pag-aaral ng wika ay nagbibigay na pagkakataon sa mag-aaral na lubos na
maauunawaan ng ugnayan ng wika at kultura. Kaya nga kailangan ng osang
mag-aaral ng wika ang pagiging sensitibo sa wika at kultura ng ibang tao. Ang
pagsasaalang-alang sa kultura ay magiging daan upang madama ang lakas ng
wika upang mapaglapit ang diwa at isipan ng iba’t ibang tao sa daigdig.

7. Simulain ng Pagtataya
 Ang kamalayan hinggil sa sariling pag-unlad sa paag-aaral ng wika ay maaaring
maging pampasigla para sa ibayo pang pagkatuto. Kaya’t mahalaga na
palagiang mayroong pidbak ang mga mag-aaral hinggil sa kanilang pagsulong sa
pagkatuto at kailangan itong maging reyalistiko.

8. Simulain ng Pananagutan
 Mahalaga sa anumang larangan ng pag-aaral ang pagkakaroon ng sariling
pananagutan anuman ang magiging bunga nito at malinang ang pagkatuto sa
sariling sikap.

Ilang Implikasyong Metodolohikal ng Walong Simulain sa Pagkatuto ng Wika

Ang Simulaing nakapokus sa mga Mag-aaral
  *Isaalang-alang nang lubos ang mga mag-aaal sa pagtiyak ng nilalaman at mga
proseso sa pagkatuto
 *Pukawin ang imahiinasyon at pagiging malikhain ng mga mag-aaral
 *Lumikha ng isang kaligirang llinang sa mga mag-aaral ng paagtitiwala sa sarili
upang mahimok sila na makipagsapalaran sa paggamit ng wikaa.
 *Gumamit ng iba’t ibang istratehiya sa pagkatuto upang maisaalang-alang ang
pagkakaiba-iba ng mga mag-aaral.
2. Simulaing Nagsasangkot sa Mag-aaral
 *pahalagahan at itaguod ang isang tunay na komunikasyon
 *Himukin at itaguyod ang aktibong pakikisangkot ng lahat ng mag-aaral sa
pagsisiyasat, pagbabalik-isip, at pagtuklas
 *Itaguyod ang isang may kalidad na interaksyon sa pagitan ng mag-aaral ng guro
ng mga kagamitan at ng kaligiran sa pagkatuto.
4.Simulaing Nakatuon sa Target na Wika
 Lumikha ng isang kalagayan sa klasrum na kung saan magagamit ng mga mag-
aaral ang target na wika at maisaalang-alang ang kultura ng mga taong
gumagamit nito.
 Bumuo ng mga Gawain sa pagkatuto na angkop sa kakayahan ng mga mag-
aaral
 Maglaan ng iba’t ibang istimulong pangwika mula sa maraming
mapaghahanguang kalagayang pangwika, e.g. mga usapang guro, usapan sa
klasrum, usapan sa audio at video tapes, nakaulat at nakalimbag na
impormasyon , mga tunay na bagay, atb.
5. Simulaing Sosyo-Kultural
 Maglaan ng mga pagkakataong magagamit ang target na wika sa angkop na
kontekstong sosyo-kultural at maglaan din ng mga impormasyong sosyo-kultural
na mahalaga sa mga mag-aaral, e.g kaibigan sa panulat, audio at video tapes, at
mga awtentikong dokumento.
6. Simulaing ng Kamalayan
 Ipaliwanag nang malinaw sa mga mag-aaral ang mga katangian at pag-
uugnayan ng wika at kultura.
 Maglaan ng maraming karanasan kauugnay ng iba’t ibang kultura at ganyakin
ang mga mag-aaral na gumawa ng isang pinatnubayang repleksyon upang
maging sensitibbo sila sa sariling kultura at kultura ng ibang tao.
7. Simulain ng Pagtataya
 *Itaguyod ang anumang pagkatuto sa pamamagitan ng pidbak.
  *Himukin ang mga mag-aaral na managing kabahagi ng proseso sa
pagtataya,e.g sarilingpagtataya at pagtataya ng mga klase.
8. Simulain ng Pananagutan
 Linawin ang mga tunguhin at layunin ng pagkatuto ng wika at kung paano
matatamo ang mga ito.
 Itaguyod ang paglinang ng pagpoproseso ng mga kasanayang kognitib, kung
paano ang pag-aaral para matuto, at mga kasanayan para sa interaksyong-
sosyal.