Mother Tongue-Based

Multilingual Education
Kumaduwan Markaan–Modyul 1:
Dugan Tëpët, Dugan Ëbat!
Mother Tongue-Based Multilingual Education – Ikatlong Baitang
Alternative Delivery Mode
Kumaduwan Markaan – Modyul 1: Dugan Tëpët, Dugan Ëbat!
Sagot! Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung
ito ay pagkakakitaan. Kabilang sa mga maaaring gawin ng nasabing ahensiya o tanggapan
ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul na ito
ay nagtataglay ng karapatang-ari ng mga iyon. Pinagsumikapang matunton ang mga ito
upang makuha ang pahintulot sa paggamit ng materyales. Hindi inaangkin ng mga
tagapaglathala at mga may-akda ang karapatang-aring iyon. Ang anomang gamit maliban
sa modyul na ito ay kinakailangan ng pahintulot mula sa mga orihinal na may-akda ng mga
ito.

Walang anomang parte ng materyales na ito ang maaaring kopyahin o ilimbag sa

anomang paraan nang walang pahintulot sa Kagawaran.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio

Contextualization Team of the Module

Bumuo sa Pagsulat ng Modyul
Writer: Alice Alcantara
Manunulat: Glaiza A. Dela Cruz
Editor: Babeth P. Gevila Editor: Gemma M. Erfelo
Jesusa P. Ambrona, Reviewer: Renata G. Rovillos
Lourdes C. Manlapus Layout Artist: Lemuel Dino V. Visperas
Tagasuri: Grace L. Completo
Management Team:
Jennie T. Calamba
Myleen C. Robinos Aguedo C. Fernandez
Tagaguhit: Elmer E. Dela Cruz Ma. Criselda G. Ocang
Tagalapat: Hazel Jane A. Villegas Venus Maria SM. Estonilo
Tagapamahala: Evelyn R. Fetalver
Janette G. Veloso Maria Linda R. Ventenilla
Analiza C. Almazan Renata G. Rovillos
Ma. Cielo D. Estrada Gemma M. Erfelo
George N. Wong
Winnie E. Batoon
Chona M. Calatrava
Teresita E. Helgason
Jesusa P. Ambrona

Inilimbag sa Pilipinas ng

Department of Education – Region XI

Office Address: F. Torres St., Davao City

Telefax: (082) 291-1665; (082) 221-6147
E-mail Address: regionxi@deped.gov.ph * lrms.regionxi@deped.gov.ph
 3

Mother Tongue-Based
Multilingual Education
Kumaduwan Markaan–Modyul 1:
Dugan Tëpët, Dugan Ëbat!
Pangigapo’y Salita

Sayan Self-Learning Module o SLM ët inasikason imprepara para

ëd say ugugaw tayon man-aaral ëd abung. Tutugyupën iya na
nanduruman parte na mangiwanwan ëd sikara umpiyan
natalusan da so kada aaralën tan napabulaslas da ray
kasanayan ya impaksëb na kurikulum.

Sayan modyul ët wala’y impreparan pangiwanwan na

Bumabangat/Tagadaloy ya panunot, tulong o estratehiyan
nausar na saray atëng o siyopa man a mangantabay tan
untulong ëd panag-aral na ugugaw diya’d kaabungan da.

Aya ët wala’y tekep ton paunan gagawaën umpiyan nasukat

so pakayari na ugaw ya wala’y koneksiyon ëd impreparan
aaralën. Aya so mangibaga no manëpëg a lalon tulungan
malapu’d bumabangat o tagadaloy. Wala mët so gagawaën
diya’d balang pansamput na aaralën umpiyan nasukat so
naaralan. Wala’y dugan ëbat umpiyan nanëngnëng no duga o
aliwa so saray ëbat ëd kada gagawaën. Ilaluan mi ya
matuwa/matuor so balang sakëy ëd sayan pan-usar.

Ipapanunot ëd say ugugaw na asikasuën iyan SLM umpiyan

nausar ni na saray mangkaukulan. Aga susulatan o mamarkaan
so antukaman na parte na modyul. Man-usar na papel ëd pan-
ëbat ëd say gagawaën.

Aayatën iray ugugaw ya tawagëy imano na say bumabangat

da no sikara ët makadanas na problema ëd pantalos ëd saray
aaralën tan diya’d pan-usar na sayan SLM.

Ëd panamëglëy na sayan modyul tan say tulong na saray

tagadaloy/bumabangat, man-ilalo kami na makaaral iray
ugugaw tayo anggano anggapo ira’d eskuwelaan.
 Amtaën

Kumusta? Malikët ya insabi ëd Kumaduwan

Markaan! Ga la tan bansag tayon amtaën so
kawalaan na modyul ya wala’y titulon Dugan Tëpët,
Dugan Ëbat!
Subukën mon amtaën no anto ira iyan
pamasandin panëpët. Wala iray gagawaën ya intarya
para ëd sikayo ta piyan paaligwasën so kakabatan
nipaakar ëd saya.
Kasumpalan ya aralën so sayan modyul, iilaluan
ya sika ët:
● Nakabatan iray pamasandin panëpët.
(MT3G-IIa-b-2.2.3).

ëd Bumabangat
Sayan modyul ët makatulong ëd saray
man-aaral ta piyan naiyaliguwas so ideya
da, kanunutan tan nalilikna da ëd dili,
pamilya, eskuwelaan tan komunidad.
Ipanunot ëd sikara ya ag da susulatan
ta piyan nausar ni ya na saray arum na
man-aaral ëd manuntumbok ni ran taon.

1
 Subukën
Basaën so antikëy ya istorya ëd lëksab.

Si Elsa tan say Alagan ton si Mingming

nën: Glaiza A. Dela Cruz

Siyak si Elsa tan aya so alagak a pusa ya si

Mingming. Anëngnëng ko si Mingming nën siyak
ët pasëmpët lan man-aakar a nanlapu’d
eskuwelaan. Ngalngalin sikato ët natalapus ëd
saman a panaon. Tinumbok to ak ya anëmpët
ëd abung.
Kanyan manlapu ëd saman inasikasok la si
Mingming. Naynay kon papakanën tan lilinisan.
Matalag kamin manggagalaw ëd paway na
abung mi. Inar-arok si Mingming tan inaro to ak
mët.

Piliën so dugan pamasandin panëpët diya ëd luob

na kahon piyan natuop so kabaliksan na saray tëpët ëd
kada bilang. Isulat so letra na dugan ëbat ëd papel o
diya’d kuwaderno .

A. Anto B. Inër C. Siyopa D. Kapigan

1. so importantin tuo ëd istorya?

(Si Elsa so importantin tuo ëd istorya.)

2. so agawa ëd pusa? (Ngalngalin

natalapos may pusa.)

2
3. so ginawa nën pusa ëd kinën Elsa?
(Tinumbok nën pusa si Elsa nën pasëmpët la ëd abung.)

4. anëngnëng nën Elsa si Mingming?

(Anëngnëng nën Elsa si Mingming ëd dalan nën sikato
ët man-aakar pasëmpët la ya nanlapu’d
eskuwelaan.)

5. inasikaso nën Elsa si Mingming?

(Nanlapu’d saman ya sinmabi may pusa ëd abung da
nën Elsa aasikasuën to ya.)

3
 Aaralën

1 Dugan Tëpët, Dugan Ëbat!

Adanas mo la kasi ya tinawag ka na maestram tan

tenëpët to ka ya bigla? Diya ëd ingkabiglam aliwa so
naeyëbat mo. Makaëlëk ka ëd dili tan nanunutan mo no
sarag to labat ya naipawil so panaon piyan duga so
ëbat mo ëd tëpët nën maestram.
Sayan modyul wala iray nanduruma ya dugan tëpët
ya wala’y dugan ëbat ya pan-aralan tayo. Siguradon
ag ka nalingo-lingo no diya’d manuntumbok a tawagën
tan bigla da kan tëpëtan na maestra.

Pawilën
Antis tayon unla ëd balon aaralën, pawilën tayo ni so
naaralan tayo ëd inmunan modyul.

Anto so idyoma? Mansulat na duwaran balikas ya

wala’y idyoma. Gawaën iya ëd malinis a papel.

4
 Sukayan
Basaën so tungtungan na sangkaaro ya sika ra nën Karin tan
Kaloy ëd lëksab.

Kaloy: Karin, inër ka unla?

Karin: Unla ak ëd tindaan, mangaliwak natoyo.
Kaloy: Unla ka ëd abung da nën Karla?
Karin: Anto’y wala ëd abung da nën
Karla?
Kaloy: Ingkiyanak nën Karla.
Karin: Inër a banda so abung da?
Kaloy: Ditan labat ëd parke.
Bansag ta lan unla.
Karin: Sige, bansag ta la. Siyopa
so kaiba tan unla diman?
Kaloy: Sikara di Karlo tan Kris.
Karin: Sige, mannënëngnëngan ti la naani.

Ëbatan iray manuntumbok a tëpët nipaakar ëd

binasan tungtungan. Isulat so letra na dugan ëbat ëd
papel o kuwaderno.

1. Anto so tëpët nën Kaloy ëd kinën Karin nën akapan-

nëngnëngan ira?
a. Pigara’y taon mo la?
b. Inër ka man-aayam?
c. Inër ka unla?

5
 2. Anto so intëpët nën Karin ëd kinën Kaloy nën
akapannëngnëngan ira ya say ëbat nën Kaloy ët
“Ingkiyanak nën Karla?”
a. Siyopa sikato?
b. Inër so kulaan to?
c. Anto so wala ëd abung da nën Karla?

3. Anto so intëpët nën Karin ëd kinën Kaloy ya say ëbat

nën Kaloy ët “ Sikara di Karlo tan Kris.”
a. Pigara’y taon to la?
b. Kapigan so agëw ya ingkiyanak to?
c. Siyopa so kaiba tayon unla diman?

Suriën
Natan pantungtungan tayo so ëbat mo ëd
inmunan gawaën. Akapantarya ka la?

No say ëbat mo ëd unaan a tëpët ët (Inër ka unla?)

duga so ëbat mo. Diya ëd kumaduwan tëpët balët no
say ëbat mo ët (Anto so wala ëd kinën Karla?) duga so
ëbat mo. Diya ëd kumatlon tëpët no say ëbat mo ët
(Siyopa so kaiba tayon unla kinën Karla?) duga lamët so
ëbat mo.

Saray salita ya anto, inër, kapigan tan siyopa ët

saray salitan ungkëkërëw ya ëbat tan tatawagan na
Pamansadin Panëpët o saray salitan mantëtëpët.
Kabkabat iyan say tawag Interrogtive Pronoun ëd
Ingles.
6
 Tandaan

Wala iray salita ya nëpëg mon usarën tan

amtaën piyan naëbatan a duga. Araya ët
Pamasandin Panëpët.
• Siyopa – say pamasandin panëpët ya
uusarën tayo no mantëtëpët nipaakar ëd tuo
o ngaran na tuo.
Alimbawa:Siyopa so maestram ëd Kumatlon
Baitang?
Siyopa so paboritom ya artista?
• Inër – say pamasandin panëpët ya uusarën
tayo no mantëtëpët nipaakar ëd pasën o
ngaran na pasën.
Alimbawa: Inër ka man-aaral?
Inër so kargaan na kawës mo?
• Kapigan - say pamasandin panëpët ya
uusarën tayo no mantëtëpët nipaakar ëd oras
o ngaran na oras.
Alimbawa: Kapigan tayo ipasa so aaralën ëd
abung?
Kapigan so ingkiyanak mo?
• Anto – say pamasandin panëpët ya uusarën
tayo no mantëtëpët nipaakar ëd sakëy ya
bëngatla o agawa.
Alimbawa: Anto so ginawam karuman?
Anto so marakëp ya itër a regalo
para ëd ingkiyanak to?

7
 Pabulaslasën
Basaën so tungtungan da nën Nanay Belen tan si
anak ton si Jimmy. Anapën tan isulat ëd papel so
pamasandin panëpët a nanëngnëng mo ëd
tungtungan da.

Nanay Belen: Kumusta’y klase yo anako nën niman?

Jimmy: Maung mët Nanay. Wala’y gawaën min outreach
program manaya.
Nanay Belen: Anto so gawaën yo ëd say outreach
program, anako?
Jimmy: Mangitër kami iray kakanën tan kawë-kawës ya abalëgan
mi la tan sarag to nin usarën na arum, Nay.
Nanay Belen: Siyopara tan mët so itdan yo, anako?
Jimmy: Saray naapektuan na kalamidad, Nay.
Nanay Belen: Anto so itër mo ta piyan makapantarya ak?
Inër tan siyopa so pangitëran tayo?
Jimmy: Saray kawës ko ya ag la unsusto ëd siyak. Siyak la
so mangiyakar ëd kinën Gng. Delos Reyes nabuwas.
Nanay Belen: Kaipigan yo iyakar tan ëd saray
naapektuan na kalamidad, anako?
Jimmy: Diya’d Biyernes, Nay.Sikara nën Gng. Delos Reyes
tan arum ni ran bumabangat so mangiyakar kaiba kamin
pigaran manaaral.
8
Nanay Belen: Hala, sige anako mangan ka la ditan ta
piyan naibaan mo ak ya man-anap ya arum na
kawës ya ag mët la unsusto ëd sikami nën Tatay
mo ta piyan makaarum.

Pakanunutën

Kapigan uusarën iray pamasandin panëpët ya

Anto, Inër, Kapigan, tan Siyopa? Isulat so ëbat ëd
dilin papel.

Gawaën

Piliën so pamasandin panëpët a nanëngnëng ëd

manuntumbok iran balikas. Isulat mo so ëbat ëd papel o dino
diya’d kuwaderno.

1. Kapigan agawa so tungtungan da nën Nana Belen tan

Jimmy?
2. Inër isulat so gagawaën tayo ëd abung ya MTB-MLE?
3. Siyopa so kaibam ya akimisa nën imbëbënëg a simba?
4. Anto so marakëp a regalo ëd kinën Nanay?
5. Inër linma si Kuya?
9
 Sumalën

Anapën tan isulat ëd dilin papel so pamasandin

panëpët a dugan usarën ëd saray balikas.
1. (Inër , Siyopa) ka linma nën labi?
2. (Kapigan, Siyopa) so kaibam ya angaliw na
pising ëd tindaan?
3. (Kapigan, Anto) ipasa so proyekto tayo ëd MTB-MLE?
4. (Inër, Anto) so ipapagawa na bumabangat tayo karuman?
5. (Siyopa, Inër) linma si Papa?

Kaaruman a Gagawaën

Basaën lamët so tungtungan da nën Kaloy tan

Karin. Isulat ëd dilin papel so pamasandin
panëpët ya inusar ëd impantungtungan da.

10
Saray Suston Ëbat

11
Reperensiya
Curriculum Guide sa MTB-MLE 3
Most Essential Learning Competencies (MELC) 2020 for MTB-MLE
Grade III Q2
Bamba, Nelia D. et.al, MTB-MLE Kagamitan ng Mag-aaral
(Tagalog- Baitang 3) 2014, 21 E Boni Serrano Ave., Quezon
City, Book Media Press, Inc.,122, 137, 139

12
Para sa mga katanungan o puna, sumulat o tumawag sa:

Department of Education - Bureau of Learning Resources (DepEd-BLR)

Ground Floor, Bonifacio Bldg., DepEd Complex

Meralco Avenue, Pasig City, Philippines 1600

Telefax: (632) 8634-1072; 8634-1054; 8631-4985

Email Address: blr.lrqad@deped.gov.ph * blr.lrpd@deped.gov.ph