Professional Documents
Culture Documents
Kabihasnang Klasiko NG Greece
Kabihasnang Klasiko NG Greece
510 BC – 323 BC
Ang tawag ng mga Greek sa kanilang sarili ay Hellenes. Ito ay hango sa salitang
Hellas, na tumutukoy sa kabuoang lupain ng sinaunang Greece. Ang panahon ng
kasikatan ng Kabihasnang Greek hanggang sa pagtatapos nito noong 338 B.C.E. ay
kadalasang tinatawag na Panahong Hellenic.
Athens Sparta
ATHENS
Naging sentro ng kalakalan at kultura sa Greece ang Athens. Ang Athens ay
tinaguriang demokratikong polis. Dahil direktang kabahagi ang mga taga-Athens sa
pagpili ng kinatawan at maaari rin silang manungkulan, direct democracy ang
ipinatupad ng Athens. Subalit hindi kabahagi sa demokrasya ng Athens ang mga babae
at banyaga. Ang mga sumusunod na pinuno ang nagpalawig ng democracy o
pamahalaan ng nakararami sa Athens:
Solon Inalis niya ang mga pagkakautang ng mga mahihirap at ginawang ilegal
ang pagkaalipin nang dahil sa utang.
Pisistratus Ipinagtanggol ang katayuan ng mahihirap at ipinamahagi ang mga lupain at
ari-arian ng mayayaman sa mahihirap at walang lupa.
Cleisthenes Sinimulan ang ostracism o ang sistema kung saan pinahintulutan ang mga
mamamayan na palayasin ang sinumang opisyal na sa kanilang paniniwala
ay mapanganib para sa Athens.
Pericles Sa kanyang panahon naranasan ng Athens ang tugatog ng demokrasya.
Itinaguyod niya ang pag-upo sa opisina ng pamahalaan ng mga
karaniwang mamamayan.
SPARTA
Nananakop ang Sparta ng mga karatig rehiyon nito upang mangamkam ng mga
lupain. Ang mga mamamayan ng kanilang lupaing sinakop ay ginagawa nilang taga
saka ng lupa na tinatawag na helots. Oligarkiya o oligarchy ang uri ng pamahalaan dito
kung saan binubuo ito ng isang lupon ng mga dugong bughaw upang palitan ang hari.
Sa mga lungsod-estado, ang mga lehitimong mamamayan ay binigyang karapatang
bumoto, magkaroon ng ari-arian, humawak ng posisyon sa pamahalaan, at ipagtanggol
ang sarili sa mga korte. Bilang kapalit, sila ay dapat na makilahok sa pamahalaan at
tumulong sa pagtatanggol sa mga polis sa panahon ng digmaan.
Ang Sparta ay isang mandirigmang polis. Nanatili itong isang oligarkiya at
isang estadong mandirigma. Sa lahat ng mga lungsod-estado, ang Sparta lamang ang
hindi umasa sa kalakalan. Ito ay may magandang klima, sapat na patubig at matabang
lupa na angkop sa pagsasaka. Pinalawak ng mga taga-Sparta ang kanilang lupain sa
pamamagitan ng pananakop ng mga karatig na lupang sakahan at pangangamkam
nito. Ang mga magsasaka mula sa nasakop na mga lugar ay dinala nila sa Sparta
upang maging mga helot o tagasaka sa malawak nilang lupang sakahan. Ang
pangunahing layunin ng Sparta ay lumikha ng magagaling na sundalo sa pamamagitan
ng mga sumusunod na hakbang:
• Ang mga bagong silang na sanggol ay sinusuri. Ang mahihinang bata o may
kapansanan ay hinahayaang mamatay. Tanging ang malalakas at malulusog na
sanggol lamang ang pinapayagang mabuhay.
• Pitong (7) taon – ang mga batang lalaki ay dinadala na sa mga kampo-militar upang
sumailalim sa mahigpit na disiplina at sanayin sa serbisyo militar. Malakas na
pangangatawan, katatagan, kasanayan sa pakikipaglaban, at katapatan ang ilan sa
pangunahing layunin ng pagsasanay.
• Dalawampung (20) taon – ang mga kabataang lalaki ay magiging sundalong
mamamayan at ipinapadala na sa mga hangganan ng labanan.
• Tatlumpung (30) taon – maaari na silang mag-asawa ngunit dapat na kumain at
manirahan pa rin sa kampo, kung saan hahati na sila sa gastos.
• Animnapung (60) taon – sila ay maaari nang magretiro sa hukbo.
Sa larangan ng Arkitektura
✓ Parthenon - ay isang marmol na templo sa Acropolis sa Athens. Ito ay inalay sa
diyosang si Athena na itinuturing ng mga mamamayan na kanilang patron. Itinuturing
itong simbolo ng Sinaunang Gresya, Demokrasyang Ateniano, Kabihasnang Kanluranin
at isa sa pinakadakilang mga monumentong pangkultura.
✓ Tatlong istilo ng haligi: Doric – ang pinakapayak, Ionic – mas payat ang haligi at
napapalamutian ng mga scroll, at Corinthian – pinakamagarbong dekorasyon sa lahat.
Sa Larangan ng Pananampalataya
✓ Ang tradisyonal na pananampalataya sa Greece ay pagsamba ng iba’t ibang diyos
sa pangunguna ni Zeus, ang diyos ng langit.
✓ Pinaniniwalaan ng mga Greek na naninirahan sa Mount Olympus ang diyos at diyosa
at maaaring pasayahin ang mga diyos sa pamamagitan ng pag-aalay ng mga hayop at
pagkain bilang sakripisyo, paglalagay ng palamuti sa kanilang mga templo, pagdarasal
at pagdaraos ng mga pagdiriwang.