Republic of the Philippines

Laguna State Polytechnic University

Province of Laguna
ISO 9001:2015 Certified
Level I Institutionally Accredited

Mga Yugto sa Prosesong

Pagdulog sa Pagsulat

Pangalan: John Rafael L. Cortez

Kurso/Seksyon: BSED 2-B Filipino
Ipinasa kay: Dr. Sierra Marie Aycardo
 Mga Yugto sa Prosesong Pagdulog sa Pagsulat

Layunin
Sa pagtatapos ng aralin, ang mga mag-aaral ay inaasahang:

 Natutukoy ang mga yugto sa prosesong pagdulog sa pagsulat.

 Nakabubuo ng ideya gamit ang mga teknik sa pagbuo ng ideya.
 Nasusunod ang mga hakbang sa pagsusulat ng isang sulatin.
 Nakalilikha ng isang sulatin batay sa nabuong ideyang kaugnay sa paksang susulatin.

1. Bago Sumulat

 Nagsisimula matapos ihayag ng guro ang paksa o di kaya ay matapos mapagkasunduan ng

buong klase ang paksang tatalakayin. Tumatagal ito hanggang sa paglikha at paghanap ng mga
ideya at nagtatapos kapag isinulat na ang burador.
 Ang mga gawaing pangklasrum sa yugtong ito ng pagsulat ay tiyak na makakatulong sa mga
mag-aaral sa paglinang ng mga ideya o di kaya ay magpapalinaw o magpapayabong sa kanilang
orihinal na mga ideya.
 Kadalasan ito ay mga pangkatang gawain at makatutulong sa kanila ang mga larawan, tsart,
artikulo mula sa pahayagan o magasin, audio-video recording o film viewing upang maganyak
ang mag-aaral na mag-isip at makabuo ng makabuluhang ideya.

Ilan sa mga teknik na maaring gamitin sa paglikha o pagbuo ng mga ideya:

A. Brainstorming

Pagbibigayan ng mga mag-aaral ng maraming ideya(salita o parirala). Lahat ng ideyang ibibigay

ay tatanggapin o lilipunin sa pamamagitan ng pagsulat sa pisara, manila paper o kwaderno.
Inaasahan na mas magbubunga ang gawaing ito ng higitna maraming ideya o kaisipan.

B. Pagtatala (Note taking)

Bawat mag-aaral ay hikayating magtala ng mga ideya na kaugnay sa paksa hanggang sa

makabuo siya ng mahabang talaan. Ito ay pagtitiyak na hindi mawaglit ang lahat ng ideya na
nasa kanilang isipan at alaala habang naglalahad ng iba pang ideya.

C. Mabilis na Pagsulat

Sa tulong ng pamagat at ng pambungad na pangungusap, pasulatin nang tuloy-tuloy ang bawat

mag-aaral sa loob ng limang minuto. (Kung wala siyang maisip na ideya, isusulat niya ang ganito
“ Ano ang susunod kong isusulat?” nang maraming beses hanggang sa may maisip na ideya.)
Patitigilin sa pagsulat ang klase matapos ang limang minuto. Maaaring magpalitan ang mag-aaral
sa mga naisulat o talakayin ito ng pangkatan.
D. Mind-Mapping

Tulad ng brainstorming, maaari itong isagawa nang pangkatan o ng buong klase. Ang gawain ay
pasisimulan ng guro sa pagsulat sa pangunahing ideya sa gitna ng pisara at susundan ng
pagsulat ng mga kaugnay na ideya/salita sa paligid ng ulong salita o pangunahing ideya.

E. Pagbuo ng mga ideya

Ang ibat’ibang teknik tulad ng brainstorming ay makatutulong ng malaki upang makapagtipon ang
mga mag-aaral ng maraming ideya para sa kanilang sulatin. Susunod ay ang pagbuo at pagpili
ng ideya kaugnay sa paksang susulatin. Maaari itong ipagawa nang isahan upang
makapagpasya kung alin ang dapat ilagay sa unahan, sa gitna at sa katapusan. Sa dakong ito,
ipaplano na ang pagsulat ng komposisyon.

2. Pagsulat

 Ito ang ikalawang hakbang sa pagsulat. Dito isinasagawa ang aktawal na pagsulat kung saan
napapaloob dito ang pagsulat ng burador.
 Isinasaayos ang simula, katawan at pagwawakas ng komposisyon.
 Sa akdang patula ito ay kinapapalooban ng pagsasaayos ng taludturan at saknong.

A. Pagsulat ng Burador (Draft)

Isulat ang burador batay sa planong isinagawa.

 Kailangan ito ay positibong saloobin upang malayang mailahad ng mga mag-aaral ang
kanilang mga ideya sa paraang gusto nila ng hindi pigil o takot magkamali.
 Maaaring masiyahan na sila sa unang burador o di kaya’y gumawa pa ng pagbabago
habang sumusulat.
 Ipaalala na dapat isaisip ang layunin at kung sino ang target na tagabasa upang
makapili ng angkop na salita, istilo at anyo ng mga pangungusap para sa sulatin.

B. Pidbak/Pakikipanayam

Sa yugtong ito ay nabibigyan ng ibayong patnubay ang mga mag-aaral kung paano nila
mapapabuti ang kanilang mga kasanayan sa pagsulat. Sa pamamagitan ng mga tanong at
puna ng guro o ng isang kaklase, matutuklasan ng isang mag-aaral ang kahinaan at
kabutihan ng kanyang komposisyon at daan ito upang mapalinaw at mapadalisay ang
kanyang sulatin. Ang pakikipanayam ay maaaring isahan o pangkatan. Gawin itong maikli at
bigyang-pokus ang nilalaman at pakahulugan dito. Tungkulin ng guro na bumuo ng mga
tanong na gaganyak at pansuporta sa mga pagsisikap na ginagawa ng mga mag-aaral sa
pagsulat.

Ilan sa mga tanong na maaaring gamitin sa pakikipanayam ay ang mga sumusunod:

 Ano ang paksa ng iyong sulatin?

 Bakit gusto mo itong sulatin?
 Sino ang iyong target na tagabasa?
 Ano ang pinakagusto mong bahagi?
 C. Muling Pagsulat/Rebisyon

Pagkatapos, isusulat na muli ng mga mag-aaral ang kanilang komposisyon na

isinasaalang-alang ang mga kaisipang natamo sa pakikipanayam. Hikayatin ang mga
mag-aaral na mag-sip habang isinusulat muli ang komposisyon at hindi lamang basta
kinokopya ang burador. Dapat bigyang pagpapabuti ang gawain sa pamamagitan ng mga
wastong paglilinaw sa ideya at pagiging kawili-wili nito.

Mga patnubay na tanong para sa muling pagsulat:

 Kawili-wili ba ang pangunahing ideyang inilahad mo sa iyong burador?

 Sa iyong palagay, iisipin ba ng iyong target na tagabasa na kawili-wili ang ideyang iyong inilahad,
mauunawaan kaya nila ang iyong ideya, makakapulot ba sila ng bagong kaalaman sa iyong mga
ideya, matatanto kaya nila kung sino at ano ka bilang tao?
 Mayroon bang bahagi sa iyong komposisyon na dapat alisin o baguhin?
 Nasisiyahan ka na ba sa iyong panimula/pagwawakas? Paano mo ito mapapaganda?
 Mas makabubuti ba kung may bahagi (pangungusap/talata) na ililipat mo ng lugar upang ito’y
maging malinaw at kawili-wili?
 Maaari mo bang palitan ang ilang salita upang gawin itong mas tiyak?
 Malinaw ba ang pag-uugnayan ng mga ideyang iyong inilahad? Paano mo ito magagawang mas
malinaw?

D. Editing/Pagwawasto

Matapos maisulat muli ang komposisyon, maiwawasto na ito na bibigyang-pansin ang

nilalaman, pagbubuo, balarila at kayarian ng pangungusap. Hikayatin ang mga mag-aaral
na gumawa ng sariling pagwawasto sa kanilang komposisyon bago ito ipasa sa guro.

MGA MUNGKAHING PATNUBAY SA PAGTUTURO NG PAGSULAT

1. Gawaing maluwag ang kalagayang pangklase:
a. Pagpares-parisin ang mga mag-aaral sa unang araw ng pasukan at hayaang
kapanayamin ang isat’ isa. Pagkatapos, hayaang ipakilala sa klase ng bawat isa ang
kanilang kapares.

b. Ganyakin ang bawat mag-aaral na magkwento tungkol sa isang karanasan na

nagpapakita ng “pagmamalaki sa sarili.”

c. Magpakita ng larawan(pansarili o pampamilya) at magkwento tungkol dito. Bigyang pansin

ang mga sumusunod: Ano ang iyong naging damdamin ng kunan ang larawang ito?
Masaya o malungkot ka ba? Bakit? Ano ang kaibahan mo noon at ngayon?

2. Linangin ang kasanayan sa pagmamasid sa paligid.

 Ang isang manunulat ay sumusulat upang mailarawan ang mga bagay tungkol sa kanilang
sarili at dpat aigdig na ginagalawan. Upang maging tapat sa kanilang paglalarawan,
kailangan maging sensitibo sila sa mga detalye- at ito’y nangangailangan ng masugid na
  Isang mainam na pagmamasid ay ang paglalarawan ng isang tao hanggang sa kaliit-
liitang detalye tulad ng edad, taas, buhok, mukha, pananamit, tindig, kilos o galaw,
pananalita, tinig at iba pang katangiang iyong mapagtutuunan mang pansin.

3. Maging maluwag sa pagbibigay ng mga nakakaganyak na papuri

Gising ang pandamdam:

 “Napapagalaw mo ang iyong pandamdam”

 “Naging matalas din ang iyong pandinig.”
Detalye:

 “Siguradong makikita ko ang lugar na iyon; Nailarawan mo ito hanggang kaliit-liitang detalye.”
Kapani-paniwala:

 “Tunay na alam mo ang lugar na iyon.”

Mga Salitang Kilos:

 “Kumilos… Gumalaw… tunay na nagagamit mo nang mahusay ang mga pandiwa.”

Determinasyon:

 “Alam kong nahihirapan ka sa pagsulat nito pero pakinggan mo ang daloy ng iyong mga
pangungusap.”
Tibay ng Loob:

 “Nakaranas na rin ako ng kabiguan at minsan mahirap itong sabihin sa iba. Subalit nagawa
mo na ito kung kaya’t maganda ang naging marka ng iyong papel.”
Paggamit ng salita:

 “Pansinin mo ang pares ng salitang iyong ginamit patak sa bitak. May bahagi bang matulain
sa iyong sinulat?”
Dayalog:

 “Nang papagsalitain mo ang iyong tauhan, para silang mga totoong tao.”
Imahinasyon:

 “Naramdaman kong parang totoong nandoon ako sa planetang iyon.”

Katatawanan:

 “Sumakit ang tiyan ko sa katatawa sa bahaging ito.”

Sabihin: “Ipakita! Huwag sabihin.”

 Hindi sinasabi ng magagaling na manunulat ang kanilang naiisip o nadarama. Ipinakikita nila
ito.

Sanggunian:
https://www.slideshare.net/avigailgabaleomaximo/filipino-major-mga-dulog-sa-pagsulat