Professional Documents
Culture Documents
Filipino 9-LAS - Q2 - Aralin 2.4 - Pabula
Filipino 9-LAS - Q2 - Aralin 2.4 - Pabula
Ang pabula ay isang maikling kuwentong kathang-isip na nagbibigay ng aral na praktikal o moral.
Kadalasan ang mga tauhan nito ay mga hayop, ngunit may mga pabula ring ang mga tauhan ay mga
nilikhang mitikal , mga halaman, mga bagay na walang buhay, o mga puwersa ng kalikasan. Ang mga tauhan
sa pabula ay binibigyan ng may-akda ng mga katangiang pantao. Kadalasan, mga hayop ang itinatampo sa
pabula dahil may mga katangian silang maaaring maglarawan sa mga katangian ng tao.
Ang mga tauhan ng pabula ay kumakatawan o sumasagisag sa mga katangian o pag-uugali ng tao.
Narito ang halimbawa ng mga hayop at ng kanilang mga kinakatawan sa mga pabula.
Ahas—taong taksil
Pagong – taong makupad
Kalabaw – taong matiyaga
Palaka – taong mayabang
Unggoy – taong tuso
Aso – taong matapat
Bubuyog – taong nanliligaw
Ang pabula ay isa sa mga sinaunang panitikan sa daigdig. Noong ika-5 at ika-6 na siglo bago si
Kristo, may itinuring nang pabula ang mga taga-India. Ang karaniwang paksa ng mga pabula ay tungkol sa
buhay ng itinuturing na dakilang tao ng mga sinaunang Hindu, si Kasyapa.
Lalong napatanyag ang mga ganitong kuwento sa Gresya. Si Aesop ang tinaguriang “Ama ng
Sinaunang Pabula” dahil sa napabantog niyang aklat, ang Aesop’s Fable.
● Dayag et al, Pinagyamang Pluma 9, Lungsod Quezon, Phoenix Publishing House, 2015
● Peralta et al., Panitikang Asyano – Ikasiyam na Baitang, Modyul ng Mag-aaral sa Filipino,
Pasig City, Vibal Group Inc. Unang Edisyon, 2014
● https://365psd.com/images/istock/previews/4719/47192608-rabbit-cartoon.jpg
Inihanda ni:
GNG. VIRGINIA V. SANTOS
Guro sa Filipino 9