Sadyang hindi biro iyong mga sakripisyo

Hirap, pagod, at pagdurusa’y natitiis ninyo

Kaya’t ito’y nagsisilbing lakas at inspirasyon ko
Upang patuloy na lumaban sa mga hamon ng mundo

O tunay ngang kay-palad ng aking buhay

Ito’y bunga ng inyong sipag na napakahusay
Kaya’t walang hanggang pasasalamat, aking iaalay
Sa aking mga magulang na mamahalin ko habang buhay

Sa aking mga magulang ibibigay itong pagpupugay

Utang ko sa inyo ang aking hininga

Minahal, hinubog ng inyong kalinga.

Mga sakripisyo’y sadyang hindi biro

Pagmamahal ninyo’y nagsilbing lakas ko.

Ngayon ang buhay ko ay sadyang kay-palad

Pangarap ko’y unti-unting natutupad
Ito’y bunga ng ‘nyong dakilang paglingap
Sa ‘king puso’y walang hanggang pasalamat.

Nagsasakripisyo at nagtatrabaho araw–araw

Para maibigay ang iyong pangangailangan

Paghihirap ay kanilang titiisin,

Pawis sa noo’y kanilang papawiin,
Masakit na likuran hihlurin,
Maunlad na pamumuhay pipilitin,
Pagmamahal sa pamilya’y pupunoin.
Pagdurusa ay kanilang hihigupin,
Kayod kalabaw ang nagiging gawain,
Bumabaha man, nagtratrabaho pa rin,
Upang sa pamilya ay may mapakain,
Pasalubong sa anak di lilimutin.

Walang hanggang pasasalamat aking iaalay

Sa mga magulang kong sa akin ay gumabay
Sa lahat ng oras ay nagiging karamay
Aking mga magulang na mamahalin ko habang buhay.

OCTOBER 27, 2021 NOVEMBER 8, 2021