MAIKLING KUWENTO

➢ Isang anyo ng panitikan na naglalayong magsalaysay ng isang mahalaga at

nangingibabaw na pangyayari sa buhay ng pangunahing tauhan at nag-iiwan ng isang
kakintalan sa isip ng mga mababasa.
➢ Maikling katha na nagsasalaysay at tumatalakay sa madulang bahagi ng buhay. Hindi ito
pinaikling nobela o buod ng isang nobela.
➢ Isang uri ng masining na pagsasalaysay na maikli ang kaanyuan at ang diwa ay
napapalamanan sa isang buo, mahigpit at makapangyarihang balangkas na inilahad sa
isang paraang mabilis ang galaw.

Mga Sangkap/ elemento ng Maikling Kuwento

1. Banghay
➢ Tumutukoy ito sa maayos, kawing-kawing at magkakasunod na mga pangyayari.
2. Tauhan
➢ Tumutukoy sa mga tauhang gumagalaw sa kwento na maaaring pangunahing
tauhan at pantulong na tauhan.

Dalawang uri ng paglalarawan ng May-akda sa Tauhan:

a. Tuwirang pagpapahayag
➢ Kung binabanggit ng may-akda o ng ibang tauhan sa kwento ang mga katangian
ng tauhan.
b. Madulang pagpapahayag
➢ Kung matimpi ang mga paglalarawan ng tauhan, na nangangahulugang
mahihinuha ang katangian ng tauhan sa pamamagitan ng pagkilos at pagsasalita
niya.
3. Tagpuan
➢ tumutukoy sa lugar at oras ng pinangyarihan ng kwento.
4. Saglit na kasiglahan
➢ inihahanda sa bahaging ito ang mga mambabasa sa pagkilala sa mga pagsubok
na darating sa buhay ng mga tauhan.
5. Paksang-diwa o tema
➢ tumutukoy sa kaisipang iniikutan ng katha. Ito ang sentral na ideya ng kwento na
nagpapahayag ng pagkaunawa sa buhay. Ito ay hindi dapat ihayag sa isang salita
o parirala lamang kundi sabihin ito sa isang buong pangungusap.
Halimbawa:
“ang pagsama ng isang tao”

Kundi ihayag ang buong pangungusap nang ganito:

“kung minsan, ang pagsama ng isang tao ay dala ng mapait niyang karanasan sa buhay”
6. Simbolo
➢ ito ang mga salita na kapag binabanggit sa isang akdang pampanitikan ay nag-
iiwan ng iba’t ibang pagpapakahulugan sa mambabasa.
Halimbawa:
Ang puti ay kumakawan sa kalinisan o kawagasan samantalang ang pula ay
kumakatawan sa katapangan o kaguluhan.

7. Suliranin
➢ mga problemang kinakaharap ng mga tauhan sa kwento. Ito ang nagbibigay-daan
upang magkaroon ng kulay at kawili-wili ang mga pangyayari sa kwneto. Dito
makikita kung paano kakaharapin ng mga tauhan ang paglutas sa suliraning
kinakaharap.
8. Tunggalian
➢ ito ang nagbibigay-daan sa madudulang tagpo upang lalong maging kawili-wili at
kapana-panabik ang mga pangyayari kaya’t sinasabing ito ang sanligan ng akda.
Nagsisimula ito sa paghahangad ng pangunahing tauhan na hahadlangan ng
sinuman o anuman sa katuparan. Ang sagabal o katunggaling lakas ay dapat na
nababagay sa kahalagahan ng layunin; at dapat na magdulot ng pananabik at
kasiyahan sa mga mambabasa sa dakong huli.

Mga uri ng tunggalian:

a. Tao laban sa tao

b. Tao laban sa sarili
c. Tao laban sa kalikasan
9. Kasukdulan
➢ dito nagwawakas ang tunggalian. Pinakamasidhing pananabik ang madarama ng
mga mambabasa sa bahaging ito sapagkat dito pagpapasyahan ang kapalaran ng
pangunahing tauhan o bayani sa kwento. Subalit bago sumapit ang pinakarurok
na ito ng kasabikan, kailangang magduyan muna ang pananabik ng mambabasa
sa isang lundo na sa ilang saglit, mabibitin ang tinurang pananabik sa kahihinatnan
ng pangunahing tauhan.
10. Kakalasan
➢ ito ang kinalabasan ng paglalaban. Sumusunod ito agad sa kasukdulan.
11. Wakas
➢ tinatawag na trahedya ang wakas kapag ang tunggalian ay humantong sa
pagkabigo ng layunin o pagkamatay ng pangunahing tauhan. Tinatawag na
melodrama kapag may malungkot na sangkap sybalit nagtatapos naman nang
kasiya-siya para sa mabubuting tauhan.