Ako ay isang simple at normal na tao. Ating pag-usapan ang aking
pisikal na kaanyu-an, magsimula tayo sa mukha, bilugan ang aking mukha, makapal ang aking mga kilay kaya kadalasan unang impresyon saakin ay mataray, pango ang aking ilong kagaya ng karamihan sa ating mga pilipino.Kulay rosas naman ang aking labi, hindi gaanong manipis at hindi rn gaanong makapal. Hugis almond ang aking mga mata. Sa unang tingin ay aakalain mong makinis ang aking mukha ngunit kung ito ay tititigan mo ng maigi makikita mo ang mga maliliit na tagyawat na nagkalat sa buong mukha ko, ngunit hindi ko ito itinuturing na kapintasan dahil ang pagkakaroon ng tagyawat ay normal na lalo na saaming mga kabataan. Kung ang pag-uugali ko naman ang ating pag uusapan madalas nakadepende yan sa pakikitungo ng taong kaharap ko. Mabait naman talaga ako wag lang aabusuhin ang aking kabaitan dahil tiyak hindi nila ito magugustuhan. Mapagmahal at mabait akong bata lalo na sa aking mga magulang. Higit sa lahat ay pursigido akong mag-aaral. Hindi ako perpektong tao, may mga kapintasan din ako tulad nalang ng madali akong mapikon, hindi ko makontrol ang aking emosyon lalo na kapag ako ay galit at bigla bigla nalang nagtataray. Narito naman ang aking mga katangian. Payat ang aking pangangatawan at mapusyaw ang kulay ng aking balat. May katam tamang tangkad na umaabot sa sukat na limang talampakan at isang pulgada. Isa ko pang katangian ay magaganda kong ngipin kasama na ang matamis kong pagngiti. Hindi ako talentado gayunpaman may mga gustong gusto akong gawin kagaya na lamang ng potographiya, magedit ng larawan o video kaya naman natutuwa ako sa ating pagsasanay na ito.
Ang bawat tao ay may kanya kanyang katangian, pag-uugali maging sa
pisikal na aspeto at ito ang humuhubog sa kung sino tayo. Sa pamamagitan din nito ay nakikila tayo kasama na sa kung paano tayo na-iiba sa ibang tao. Ako si Nicol B. Wallang, labing walong taong gulang at nag-aaral sa Unibersidad ng Kalinga nag-iiwan ng katagang “Ako ay Ako” ‘