Senior High School

Filipino sa Piling
Larangan
Akademik
Kuwarter 2 - Modyul 9:
PANUKALANG PROYEKTO

Kagawaran ng Edukasyon ● Republika ng Pilipinas

BOOKLET NO. TSHS-FPLA-__________

1|Page
 PAANO GAMITIN ANG MODYUL
Bago simulan ang modyul na ito, kailangang isantabi muna ang lahat ng inyong
pinagkakaabalahan upang mabigyang pokus ang inyong gagawing pag-aaral gamit ang modyul
na ito. Basahin ang mga simpleng panuto na nasa ibaba para makamit ang layunin sa paggamit
nito.
1. Sundin ang lahat ng panutong nakasaad sa bawat pahina ng modyul na
ito.
2. Isulat ang mahahalagang impormasyon tungkol sa aralin sa inyong kwaderno.
Nagpapayaman ng kaalaman ang gawaing ito dahil madali mong matatandaan ang
mga araling nalinang.

3. Gawin ang lahat ng mga pagsasanay na makikita sa modyul.

4. Hayaan ang iyong tagapagdaloy ang magsuri sa iyong mga kasagutan.
5. Pag-aralang mabuti ang naging katapusang pagsusulit upang malaman ang antas ng
iyong pagkatuto. Ito ang magiging batayan kung may kakailanganin ka pang dagdag
na pagsasanay para lalong malinang ang aralin. Lahat ng iyong natutuhan ay gamitin
sa pang-araw-araw na gawain.

6. Nawa’y maging masaya ka sa iyong pag-aaral gamit ang modyul na ito.

BAHAGI NG MODYUL

1. Inaasahan – ito ang mga kasanayang dapat mong matutuhan pagkatapos

makompleto ang mga aralin sa modyul na ito.

2. Unang Pagsubok – ito ang bahaging magiging sukatan ng mga bagong kaalaman at
konseptona kailangang malinang sa kabuuan ng aralin.

3. Balik-tanaw – ang bahaging ito ang magiging sukatan ng mga dating kaalaman at
kasanayang nalinang na.

4. Maikling Pagpapakilala ng Aralin – dito ibibigay ang pangkalahatang ideya ng aralin.

5. Isagawa – dito makikita ang mga pagsasanay na gagawin

6. Tandaan- dito binubuo ang paglalahat ng aralin

7. Pag-alam sa mga Natutuhan – dito mapatutunayan na natutuhan mo ang bagong
aralin.

8. Pangwakas na Pagsusulit – dito masusukat ang iyong antas ng

pagkatuto sa bagong aralin.
9. Papel sa Replektibong Pagkatuto - dito ipahahayag ang pangkalahatang

2|Page
 Para sa asignaturang ito, bawat mag-aaral ng
Filipino sa Piling Larangan Akademik at
Teknikal Bokasyonal ay kailangang may sariling
90 leaves na composition notebook. Lahat ng
inyong mga sagot sa bahaging ISAGAWA AT
PAPEL NG REPLEKTIBONG PAGKATUTO sa
bawat modyul ay siyang isusulat sa composition
notebook. Para naman sa iba pang bahagi, isulat
ang inyong mga sagot sa isang malinis na yellow
paper.

Inuulit ko, ang mga bahaging Inaasahan, Unang

Pagsubok, Balik-tanaw, Maikling Pagpapakilala
sa aralin, Tandaan, Pag-alam sa Natutunan, at
Pangwakas na Pagsusulit ay sa YELLOW
PAPER ISUSULAT ANG SAGOT.

Para naman sa bahaging ISAGAWA at PAPEL

NG REPLEKTIBONG PAGKATUTO, sa
composition notebook ninyo isusulat.

Maraming salamat.

3|Page
 9 PANUKALANG PROYEKTO

Inaasahan
INAASAHAN

Ang modyul na ito ay isinulat upang matulungan ka na magtamo ng

mga tiyak na kasanayang kaugnay sa pagsulat ng talumpati.

Pagkatapos sa modyul na ito ikaw ay inaasahang:

Natutukoy ang mga katangian ng isang sulating akademiko.
a. Nakikilala ang katangian ng panukalang proyekto bilang isang
halimbawa ng akademikong sulatin. CS_FA11/12PB-0m-o-102

b. Nakasusulat ng organisado, malikhain at kapani-paniwalang

sulatin. CS_FA11/12PU-0p-r-94
Balik-Tanaw

UNANG PAGSUBOK

PANUTO: Isulat ang HEPHEP kung Mali ang pahayag sa ibaba at HURRAY
naman kung ito ay Tama. Isulat sa yellow paper ang iyong sagot.

1. Mas kapanipaniwala ang isang Panukalang Proyekto kung mahaba

ang isusulat.
2. Hayaan na ang sponsor ng proyekto ang siyang mag-isip sa budget
dahil sila naman ang may pera.
3. Kahit na anong proyekto ay maaaring gawan ng panukala- may
problema man o wala.
4. Mahalaga na marami ang makikinabang sa proyekto kahit na wala
itong pakinabang sa sponsor.
5. Ang panukalang proyekto ay maaari lamang isulat kung ang naisip na
proyekto ay isang gusali.

BALIK-TANAW

PANUTO: Sagutin ang sumusunod na tanong:

Paano mo ihahanda ang iyong sarili bilang isang mahusay na tagapagsalita ng isang talumpati.
______________________________________________________________________________
______________________________________________________________________________
______________________________________________________________________________

4|Page
MAIKLING PAGPAPAKILALA NG ARALIN

PANUKALANG PROYEKTO (Project Proposal)

Ito ay isang uri ng dokumento na kadalasang ginagamit para

maipaliwanag at kumbinsihin ang namumuhunan o sponsor. Ang mga
pakay ng proyektong ito kadalasang solusyon sa para sa iba’t ibang
oportunidad o problema ng ating bayan. Mahalaga ang mainap na maingat
na pagsulat ng panukalang proyekto dahil dito binabase ang ideya na
minsan ay umaabot sa milyon-milyong salapi.

MGA HAKBANG SA PAGGAWA NG PANUKALANG PROYEKTO

1. Pagtukoy sa Suliranin- Tingnan ang paligid at tukuyin kung ano ang
kailangan ng pamayanan o komunidad na nangangailangan ng
agarang solusyon.
2. Pagpili ng Sponsor- Alamin ang mga opisina o ahensya sa malapit na
sa tingin mo ay makatutulong sa pagbibigay ng solusyon sa sa
suliranin.
3. Pakinabang ng Proyekto sa Sponsor- Bigyang diin ang pakinabang o
kahalagahan ng proyekto hindi lang sa komunidad kundi pati na rin
sa Sponsor ng binabalak na proyekto. Mahihirapang tumanggi ang
napiling opisina o ahensya kung nakita nilang may malaking
pakinabang ang proyekto sa mga indibidwal o grupong target ng
proyekto.
4. Tiyaking Malinaw, Makatwiran at Makatutuhanan ang budget sa
gagawing panukalang proyekto.
5. Paraan ng Pagsulat- Alalahaning nakaaapekto ang paraan ng pagsulat
sa pag-apruba sa panukalang proyekto. Gumagamit ng simpleng
salita o pangungusap. Iwasan ang maging maligoy. Hindi
makatutulong kung mahigit sa sampung pahina ang panukalang
proyekto.

MGA NILALAMAN NG PANUKALANG PROYEKTO

1. PAMAGAT- Dapat malinaw at maikli
Hal: Panukala para sa Tulaan 2016 sa Pagdiriwang ng Buwan ng
Wika
Pagkakaroon ng Automated ID System sa Mataas na Paaralang
Jose Abad Santos

2. PROPONENT NG PROYEKTO – Tumutukoy sa tao o organisasyong

nagmumungkahi ng proyekto. Isinusulat dito ang address, email
address, cellphone number at iba pang contact information ng tao o
organisasyon.
3. PAGLALAHAD NG SULIRANIN – Nilalahad sa bahaging ito ang estado
o suliranin ng komunidad na ninanais paglapatan ng proyekto.
4. KATEGORYA NG PROYEKTO – Ang proyekto ba ang isang seminar o
kumperensya, palihan, pananaliksik, konsiyerto o outreach program
5. PETSA- Kailan ipadadala ang proposal at ano ang inaasahang haba
ng panahon upang maisakatuparan ang proyekto.

5|Page
 6. RASYONAL- Ilalahad dito ang mga pangangailangan sa
pagsasakatuparan ng proyekto at kung ano ang kahalagahan nito.
7. DESKRIPSYON NG PROYEKTO- Isinusulat dito ang panlahat at tiyak
na layunin. Nakadetalye dito ang mga pinaplanong paraan upang
maisagawa at ang inaasahang haba at panahon.
8. BUDGET – Itatala rito rito ang detalye ng inaasahang gastusin sa
pagkompleto ng proyekto.
9. PAKINABANG- Ano ang pakinabang ng proyekto sa mga direktang
maapektuhan nito- sa ahensya o inibidwal na tumulong upang
maisagawa ang proyekto.

ISAGAWA 1

PANUTO: Basahin at sagutin ang sumusunod na katanungan. Isulat sa

iyong yellow paper ang tamang sagot mula sa kahon ng pagpipilian.

Anong bahagi ng panukalang proyekto ang tinutukoy ng sumusunod na

pahayag?
1. Humihiling kami ng P40,000.00 upang maisakatuparan nang lubos
ang mga layunin ng produkto.
2. Tatagal ng tatlong araw ang seminar-workshop, mula ika-28
hanggang ika-30 ng Marso 2022.
3. Konsultasyon ng lahat ng mga manggagawa kaugnay sa
iminumungkahing proyekto – tatlong araw
4. Panukala Para sa Medical Mission sa Tagoloan, Misamis Oriental
5. Hinihiling naming mapalawak ang aming school canteen sa ikatlong
palapag sa kapakinabangan ng mga empleyado at mag-aaral ng
Tagoloan Senior High School.

PAMAGAT PAKINABANG PETSA DESKRIPSYON

PROPONENT BUDGET RASYONAL SULIRANIN

ISAGAWA 2

PANUTO: Makikita sa ibaba ang isang halimbawa ng panukalang proyekto.

Suriin ang nilalaman nito at gawing huwaran sa gagawing panukala.

I. Pamagat: PANUKALANG PROYEKTO SA PAGKAKAROON NG

PANGKAT PARA SA CAMPUS JOURNALISM SA SAN JOSE HIGH
SCHOOL
II. Proponent ng Proyekto: Mark Edison Julian, Jenalyn Alonzo
III. Paglalahad ng Suliranin:
Kung inyo pong napapansin, ang atin pong paaralan ay
walang pagkat sa Campus Journalism. Batid po nating lahat
ang kahalagahan ng pagkakaroon nito kung saan nahahasa ang
bawat mag-aaral sa pagsusulat ganoon din ang oportunidad na
maaaring maidulot nito sa komunidad. Lahat ng mga kilala at
establisadong paaralan ay may mga pangkat ng Campus
6|Page
 Journalism sa Filipino at Ingles. Ibig sabihin, masyadong nang
huli ang ating paaralan sa ganitong larangan na siyang hindi
dapat mangyari sapagkat ang ating paaralan ay mayaman sa
mga magagaling na mag-aaral.

IV. Kategorya:
Ang proyektong pagbuo ng pangkat para sa Campus
Journalism sa San Jose High School (SJHS) ay isasagawa sa
pamamagitan ng pagpupulong sa mga guro sa English at Filipino
at pagbuo ng plano upang mahikayat ang mga mag-aaral na
sumali sa nasabing pangkat.

V. Petsa ng Bawat Hakbang:

PETSA MGA GAWAIN LUGAR/LOKASYON

Agosto 19, 2019 Pagpupulong ng student council Room 202 / TLE

officers (Julian at Alonzo) kasama Laboratory
ang mga guro sa English at
Filipino na magsisilbing school
paper advisers

Agosto 20, 2019 Pagtatalaga ng mga guro na Room 202 / TLE

magiging punong abala sa Laboratory
paghikayat sa mga mag-aaral/
pagpaplano ng gagawing
campaign sa buong eskwelahan

Agosto 21, 2019 Pagsasagawa ng campaign sa SJHS

buong SJSH upang makahikayat
ng mga gustong sumali/
pagpapatala sa mga nais
magpamiyembro

Agosto 22, 2019 Pagpupulong kasama ang mga SJSH Library/ Covered
nagpalista at pagbibigay sa kanila Court
ng kaalaman kung ano ang dapat
malaman tungkol sa Campus
Journalism/ Paghahalal ng mga
magiging officers ng club o
organization

Agosto 23, 2019 Pagpupulong mga club officers Room 202 / TLE
kasama ang council at school Laboratory
paper advisers para sa mga
proyektong pasisimulan kabilang
ang isang campus newsletter at
pagsali sa writing competitions

VI. Rasyonal
Ang kahalagahan ng proyektong ito ay magbibigay ng kaalaman
sa mga mag-aaral ng kahalagahan ng pamamahayag at
magbubukas ng bagong kaalaman para sa mga mag-aaral.

7|Page
 VII. Deskripsyon ng Proyekto
Ang proyektong ito ay aabutin ng limang buwan bago
maisakatuparan o makompleto. Maliban sa pagbuo ng grupo,
gagawa rin ang mga ito ng newsletter at sasali sa ilang patimpalak.

VIII. Badyet
Kahati sa badyet ng student council ang magiging campus
journalism group. Magbibigay din ang paaralan ng pondo sa mga
patimpalak na gagawin sapagkat isa ito sa mandato ng paaralan.

IX. Pakinabang
Lubos na makikinabang sa proyektong ito ang ating
paaralan. Magiging madali na para sa atin ang pakikilahos sa mga
Press Conference na inihanda ng mga Kagawaran ng Edukasyon.
Isa itong oportunidad para sa ating paaralan na makilala at
mapaigting sa larangan ng Journalism. Gayundin sa aming mga
mag-aaral. Isa itong pambihirang pagkakataon na mahasa ang
aming galing sa pagsusulat at pakikilahok sa Journalism kahit sa
mura pa naming edad.

ISAGAWA 3

PANUTO: Gagawa kayo ng isang panukalang proyekto. Sundin ang tuntunin

sa ibaba.

1. Ang paggawa ng Panukalang Proyekto ay maaaring mag-isa,

magkapares, tatluhan o grupo na may apat o limang miyembro.
2. Suriin ang Tagoloan Senior High School o ang komunidad na inyong
kinabibilangan. Maghanap ng mga suliranin na nangangailangan ng
agarang solusyon.
3. Mag-isip ng programa, serbisyo o produkto na sa tingin mo ay
makatutulong sa paglutas ng suliranin na iyong nabanggit.
4. Isaalang-alang ang mga tuntunin sa paggawa ng panukalang proyekto
na inilahad sa itaas na bahagi.
5. Sundin ang sumusunod na format sa pag-encode at pag-print ang
inyong nagawa:
a. Paper Size – A4 bondpaper
b. Margin – 1 inch each side
c. Font Style- Times New Roman
d. Font Size – 12
e. Spacing – Double (maliban sa coverpage na single space lang
f. Bilang ng Pahina – 5 hanggang 10 pahina lamang

6. Bibigyan kayo ng marka ayon sa sumusunod na pamantayan:

a. Pagtukoy sa Suliranin - 30 puntos
b. Kahusayan sa Panukala - 30 puntos
c. Kompletong mga Bahagi - 20 puntos
d. Pagsunod sa Format - 20 puntos

8|Page
 KABUUAN - 100 puntos

7. Isumite ang kopya ng inyong output sa araw na itatakda ng inyong

guro sa asignaturang ito. Sa bawat araw na mahuli kayo sa pagsumite
ng inyong output ay kakaltasan kayo ng limang puntos (5 puntos) sa
bawat araw na kayo ay mahuli o late.
8. Maaaring magsumite ng soft o hard copy ng inyong output. Sundin
lamang ang mga sumusunod na tuntunin:
a. Hard Copy- Bago pa o sa mismong araw na itatalaga ng guro,
isumite lang ang printed copy ng inyong panukalang proyekto.
I-staple lang ang inyong output at huwag nang ilagay sa
anumang lalagyan.
b. Soft Copy- Bago pa o sa mismong araw na itatalaga ng guro,
isumite ang soft copy o digital copy ng inyong panukalang
proyekto. Siguraduhing i-convert ito sa PDF file. Kung hindi
naka-PDF ay hindi ito ikokonsidera na nakapagsumite. I-save o
i-send lang sa link na ibibigay sa inyo ng inyong guro.

9. Coverpage. Sundin lang ang sumusunod na halimbawa

9|Page
 PANUKALANG PROYEKTO SA PAGKAKAROON NG PANGKAT PARA SA
CAMPUS JOURNALISM SA SAN JOSE HIGH SCHOOL
Pamagat ng
Panukalang
Proyekto

Isang parsyal na pangangailangan para sa asignaturang

Filipino sa Piling Larangan (Akademik)
Kopyahin lang ang
bahaging ito.

Kopyahin lang ang Isinumite nina:

bahaging ito.
Julian, Mark Edison
Alonzo, Jenalyn
Isaisahin ang mga
miyembro ng grupo na
siyang nararapat bigyan
ngmarka sa Gawaing ito.

Isinumite kay:
Kopyahin lang ang
mga bahaging ito.
Gng. Dexie P. Dilag
Antas at Seksyon
Buwan at Taon ng pagsumite,
huwag nang lagyan ng araw

Grade 12- Fervor

Enero 2022

10 | P a g e
 TANDAAN

Sa pagsulat ng panukalang proyekto, isipin mo na nakikipag-usap

ka sa iyong kliyente at ang layunin mo ay itanghal ang iyong
produkto o programa o proyekto o serbisyo upang kanila itong
tangkilikin.

PAG-ALAM SA NATUTUNAN

PANUTO: Ang inyong nagawang panukalang proyekto ay

dedepensahan ninyo sa harap ng inyong guro sa Filipino.
Magkakaroon ng ORAL DEFENSE sa itatakdang iskedyul ng inyong
guro. Ipapaskil sa inyong Group Chat ang detalye ng bahaging ito.
Indibidwal ang markahan ng Oral Defense, hindi by group. Ibig
sabihin, kung may isa man sa inyo na hindi makapagdepensa nang
maayos, hindi maaapektuhan ang marka ng mga nakapagdepensa
nang maayos.

Para sa Oral na Depensa, bibigyan kayo ng indibidwal namarka ayon sa

sumusunod:

Kaalaman sa Panukalang Proyekto 50 puntos

Kahusayan sa Pagdepensa 30 puntos
Kaayusan ng Kasuotan 20 puntos
KABUUAN 100 puntos

PANGWAKAS NA PAGSUSULIT

PANUTO: Piliin ang titik ng napiling sagot. Isulat sa inyong yellow paper.

1. Sa bahaging ito nakasaad ang mga makikinabang kung mabigyan ng

katuparana ang isang panukalang proyekto.
a. Budget
b. Pakinabang
c. Pamagat
d. Rasyunal

11 | P a g e
 2. Ang mga inaasahang gastusin sa panukala ay nakasaad sa bahaging
ito.
a. Budget
b. Pakinabang
c. Pamagat
d. Rasyunal

3. Kinakailangang malaman ng mga posibleng sponsor kung kailan

maisasakatuparan ang bawat hakbang ng proyekto. Saang bahagi ng
proyekto ito makikita?
a. Rasyunal
b. Petsa
c. Deskripsyon ng Proyekto
d. Paglalahad ng Suliranin

4. Mahalagang bigyang-alam ang kinauukulan ang puno’t dulo ng

paglunsad ng isang proyekto. Isasalaysay ito sa bahaging _____.
a. Rasyunal
b. Petsa
c. Deskripsyon ng Proyekto
d. Paglalahad ng Suliranin

5. Ang proyekto ay maaring isang programa, serbisyo, produkto at iba

pang nararapat sa isang suliranin. Kailangan malaman ito ng mga
sponsor kapag nabasa niya ang bahaging ____.
a. Rasyunal
b. Petsa
c. Deskripsyon ng Proyekto
d. Paglalahad ng Suliranin

PAPEL SA REPLEKTIBONG PAGKATUTO

PANUTO: Sagutin ang sumusunod na mga tanong.

Bigyang-pansin ang iyong pamilya. Anong pangunahing suliranin ang

kinakaharap ninyo sa kasalukuyan. Ano kaya ang maaring agarang
solusyon sa suliraning ito?

12 | P a g e
 SANGGUNIAN

Julian, A. B., at Lontoc, N. B. (2016). Pinagyamang Pluma, Filipino sa Piling

Larang (Akademik). Quezon City: Phoenix Publishing House, Inc.

Mabilin, E. R. et.al. (2012). Pilosopiya ng Pagbasa at Pagsulat para sa Esensyal na

Pananaliksik. Lungsod ng Malabon: Mutya Publishing House, Inc.

https://www.panitikan.com.ph/panukalang-proyekto-halimbawa-kahulugan-katangian-
layunin-pagsulat

SUSI NG PAGWAWASTO

13 | P a g e