Isomo Ryo Kwigisha abana ijambo ry’Imana – Middle & Upper Class
Ingaruka zo kutizera – Itang 16:1-15
« Kwizera ni ukumenya rwose ibyiringirwa
udashidikanya ko bitazaba, kandi ni ko
kuduhamiriza ibyo tutareba ko ari iby'ukuri.
Icyatumye aba kera bahamywa neza, ni uko
bari bagufite. » - Abaheburayo 11 :1-2
Iki nicyo gisobanuro cy’ukwizera umwanditsi
w’urwandiko rw’Abaheburayo atubwira,
nyamara ibi bitandukanye cyane nibyabaye
kuri Aburahamu na Sara umugore we, dusoma
muri iyi nkuru yo mu Itangiriro 16 !
Mubyukuri, inkuru yo mu gice cya 15 twizeho,
twabonye ko Uhoraho yarahiye Aburahamu ko
azasohoza ibyo yamusezeranije, maze indahiro
y’Imana ibera Aburahamu ibyiringiro ko
izasohoza amasezerano yayo kuri we, kandi uko
kwizera Aburahamu yagize kumuhindukira
gukiranuka mu maso y’Imana (Itang. 15 :6).
Ibi byari bihagije, ngo Aburahamu na Sara
bakomeze gutegerezanya ibyiringiro igihe
Imana yagennye gusohoza ibyo yasezeranye.
Aliko nk’uko twabisomye, ukutabyara cyari
ikibazo gikomereye cyane Sara ku buryo
yuzuwemo no gushidikanya ku bushobozi
bw’Imana bwo gusohoza ibyo yabasezeranije !
ibi byamuteye gutekereza undi mugambi wo
kwibonera igisubizo gitandukanye n’ibyo
Imana yababwiye kandi abishyigikirwamo na
Aburahamu umugabo we, nawe wari
utagishoboye gutegereza ibyo Imana yavuze!
Uku gutakaza ibyiringiro mu masezerano
y’Imana no gukora ibihabanye n’ubushake
bwayo byari icyaha kuri Aburahamu na Sara
kandi byagize ingaruka zikomeye cyane,
zitagarukira kuri Aburahamu na Sara gusa,
ahubwo zigera no kubandi !
Kuri twebwe Abarimu n’abana twigisha iyi
nkuru, turi urubyaro rwa Aburahamu kubwo
kwizera ubutumwa bwiza bwa Yesu Kristo
twasezeranijwe, bityo ibyabaye kuri
Aburahamu na Sara mu rugendo rwabo rwo
kwizera amasezerano y’Imana bitubereye
akabarore kugira ngo twe turusheho kuba
abizera nyakuri b’ibyo Imana yasezeranye
kandi twe kugerwaho n’ingaruka mbi zaterwa
no gukora ibihabanye no kwiizera Imana. Twe
n’abana turazirikana ko :
Ugushidikanya kudutera gucumura kandi
kwandukira no kubandi
Kuba inkuru itangira ivuga ko « Sara nta mwana
yari yarabyariye Aburahamu » bitwereka ko
icyo cyari ikibazo gikomereye cyane Sara,
ahora atekerezaho ku manywa na nijoro, ibyo
bikamuhuma amaso ngo atita ku masezerano
y’ibyiza Imana izakora ! ibyo kandi nibyo
yasangizaga Aburahamu umugabo we, bombi
bagahora mu biganiro byo kwibwira uko Imana
yabahemukiye ! Iyi mibereho itandukanye
cyane niy’abakiranutsi ijambo ry’Imana
ritubwira muri Zaburi 1 :
« 1Hahirwa umuntu udakurikiza imigambi
y'ababi,
Ntahagarare mu nzira y'abanyabyaha,
Ntiyicarane n'abakobanyi.
2Ahubwo amategeko y'Uwiteka ni yo yishimira,
Kandi amategeko ye ni yo yibwira ku manywa
na nijoro.
3 Uwo azahwana n'igiti cyatewe hafi
y'umugezi,
Cyera imbuto zacyo igihe cyacyo.
Ibibabi byacyo ntibyuma,
Icyo azakora cyose kizamubera cyiza. »
Twe n’abana dukwiye kumenya ko iyo
tutabona umwanya wo kuzirikana ku byiringiro
duhabwa n’Ijambo ry’Imana, bituzanira
imibereho irimo gushidikanya kubyo Imana
yavuze kandi ibikorwa byacu bikaba
ugukiranirwa gusa. Nyamara ijambo ry’Imana
rihora ari ukuri, n’ibiri muri ryo ntacyabibuza
gusohora nk’uko Imana yabisezeranye.
 Isomo Ryo Kwigisha abana ijambo ry’Imana – Middle & Upper Class
Ukutizera bigira ingaruka mbi kandi zandukira
no kubandi
« Hagari abonye ko atwite asuzugura nyirabuja.
5Sarayi abwira Aburamu ati: ‘Izi ngorane ni
wowe uzinteye, ni wowe watumye ngushyingira
umuja wanjye! None aho aboneye ko atwite
asigaye ansuzugura. Uhoraho ni we
wadukiranura!’
6Aburamu
aramusubiza ati: “Umuja ni uwawe,
mugenze uko ushaka.” Nuko Sarayi ajujubya
Hagari ku buryo yamuhunze. »
Ingaruka z’igikorwa kitakoranywe ukwizera
zabaye mbi cyane kandi zigera kuri benshi:
Hagari ntiyongera kumvikana na nyirabuja
Sara, Aburahamu ntiyongera kumvikana
n’umugore we Sara, Aburahamu ntiyongera
kuba ukemura ibibazo by’ibitagenda neza mu
rugo rwe, Sara ahinduka utoteza umuja we
Hagari, n’ibindi!
Ibi byose bitwereka ko ingaruka z’ibikorwa
twakoreshejwe n’uko twatakaje ukwizera mu
Ijambo ry’Imana ziba mbi cyane kandi zikagera
kuri benshi kurenza uko twabitekerezaga mbere
yo kubikora.
Dukwiye kumenya tudashikanya ko ibikorwa
byose tudakorana ukwizera ari icyaha kuri twe
kandi nta mahoro tubasha kubonera hanze
y’ibyo twasezeranijwe n’Imana, kuko ubushake
bw’Imana aribwo bwiza kuri twe.
Imana yacu irareba kandi ikumva byose
tunyuramo
Kumenya ko Imana twiringiye ari Imana ireba
kandi yumva, ni inkuru y’ibyiringiro mu gihe cyo
gucika intege.
Yihishuriye Hagari mu butayu, ubwo yari
ashobewe kubw’ibibazo yatejwe n’ingaruka zo
kutizera kwa Aburahamu na Sara, Hagari
asobanukirwa neza ko Imana ireba abari mu
bigoye, ikabona ibyo banyuramo kandi ikumva
gutaka kwabo. Aburahamu na Sara, nabo bari
bakeneye kumenya ko Imana izi neza ibihe
barimo byo kutagira umwana kandi yumva
akababaro kabo.
Ibyanditswe byera bigira biti: “Kuko tudafite
umutambyi mukuru utabasha kubabarana
natwe mu ntege nke zacu, ahubwo
yageragejwe uburyo bwose nkatwe, keretse
yuko atigeze akora icyaha. Nuko rero, twegere
intebe y'ubuntu tudatinya, kugira ngo
tubabarirwe tubone ubuntu bwo kudutabara
mu gihe gikwiriye.” – Abeheburayo 4:15-16 BYSB
Abana bacu bakwiye na none kumenya ko
Umwami Yesu areba ibyo tubayemo kandi
atwumva kuko yabaye umuntu ugeragezwa
nkatwe. Ibyo bizaduhindukira umunezero
n’imbaraga mu bihe bigoye tunyuramo, mu
rugendo rwacu rwo kwizera
Amen
Intego y’ isomo
Kwemeza abana ko bashobora kwiringira
Imana no kuyumvira mu bihe bikomeye kubera
ko imenya ibyo tunyuramo.
Uko wakwigisha umwana iri somo.
Nyuma yo gusenga no kwakira abana,
turaririmba indirimbo imwe, maze twibukiranye
ibyo bize mu nkuru y’ubushize. Wabikora
ubabaza ibibazo bikurikira:
 Ni iki Abrahamu yarategereje ko Imana
izamuha?
[Umwana ( Itang15:2) ni igihugu (Itang
15:8)]
 Ni ikihe muri ibi kizaba nyuma Abraham
yarapfuye?
[guhabwa igihugu(Itang 15:14 – 15)]
 Ni gute Imana yerekanye ko izakomeza
amasezerano?
[yagiranye amasezerano adasanzwe
na Abraham( Covenant) (Itang 15:18)]
Shimira abana ko bibuka ibyo twize ubushyize,
maze ukomeze n’imvumburamatsiko y’isomo
tugiye kwiga:
 Isomo Ryo Kwigisha abana ijambo ry’Imana – Middle & Upper Class
Mbere yisomo shyira igikarito gifunze hamwe
nigikombe cya plastiki kirimo amazi imbere mu
gikarito.
Agakarito kagomba gushyirwaho neza
ikimenyetso kerekana hejuru, hamwe
numwambi werekeza hejuru: "HEJURU NI
AHA▲".
Kora kuburyo icyo kimenyetso kerekera
ahicaye abana ngo bakibone neza.
Bwira abana ko wasanze agakarito gafunze mu
ishuri katakugenewe ariko ufite amatsiko yo
kumenya ibiri imbere!
Baza abana ukuntu uri bubashe kumenya ibiri
imbere mu gakarito maze wumve ibyo
bagusubiza!?
Itegereze niba koko abana basobanukiwe
ikimenyetso cyashyizwe ku gakarito '' HEJURU NI
AHA▲” nk’uburyo nyabwo agakarito kagomba
kuba gateretsemo, hanyuma ubabaze niba
uramutse ugacuritse wabasha kumenya ibirimo
kuko biri bwicugutse ukabyumva?!
Abana baraguhakanya kubera ikimenyetso
cyashyizwe ku gakarito!
Ubabwire ko utemera ko ikimenyetso hari icyo
kivuze kandi ko bishoboka ko ntacyo bitwaye
uramutse ucuritse agakarito.
Mugihe uri bucurike ka gakarito, amazi
azasesekara hose maze agakarito gatohe –
uraba wangije ibintu byabandi!
Bwira abana ko mu nkuru y'uyu munsi yo muri
Bibiliya bagiye kureba uko byagenze igihe
Aburahamu na Sara bahagaritse kwizera
amasezerano y'Imana bagahitamo gukora
ibyo batekereza ko ari byiza.
Ubwire abana ibi bibazo bari buze
gusobanukirwa nyuma yo kumva inkuru:
 Ni ikihe kibazo Sara yageragezaga
gukemura?
[Ikibazo cyo kutagira abana (Itangiriro
16: 1)]
 Ni ibihe bibazo umugambi wa Sara
wateje?
[Umubano wangiritse hagati ya Sara na
Hagari (Itangiriro 16: 4), no hagati ya
Aburahamu na Sara (Itangiriro 6: 5)]
 Ni iki Aburahamu na Sara bari bakeneye
kwibuka ku Mana?
[Imana yumva kandi ibona byose
(Itangiriro 16:11 na 16:13)]
Wifashishije amafoto, bwira abana inkuru
ikurikira:
Inkuru yo Muri Bibiliya: Itangiriro 16: 1-15
1Sara muka Aburahamu, nta mwana yari
yaramubyariye. Sara yari afite umuja
w'Umunyamisirikazi witwaga Hagari. Nuko Sara
2
abwira Aburahamu ati: “Dore Uhoraho
yanyimye ibyara. None genda uryamane
n'umuja wanjye, ahari yaducikura.”
Aburahamu yemera inama Sarayi amugiriye,
3maze umugore we Sara azana umuja we
Hagari w'Umunyamisirikazi, amushyingira
umugabo we Aburamu. Ibyo byabaye hashize
imyaka icumi Aburahamu atuye mu gihugu cya
Kanāni. 4Aburahamu aryamana na Hagari
amutera inda.
Hagari abonye ko atwite asuzugura nyirabuja.
5Sara abwira Aburahamu ati: “Izi ngorane ni
wowe uzinteye, ni wowe watumye ngushyingira
umuja wanjye! None aho aboneye ko atwite
asigaye ansuzugura. Uhoraho ni we
wadukiranura!”
6Aburahamu aramusubiza ati: “Umuja ni
uwawe, mugenze uko ushaka.” Nuko Sara
ajujubya Hagari ku buryo yamuhunze.
7Ariko
Umumarayika w'Uhoraho asanga Hagari
mu butayu, hafi y'iriba riri ku nzira inyura mu
butayu bwa Shuru. 8Aramubaza ati: “Hagari
muja wa Sara we, urava he ukajya he?”
Aramusubiza ati: “Ndahunga mabuja Sara.”
9Umumarayika w'Uhoraho aramubwira ati:
“Subira kwa nyokobuja, maze wihanganire ibyo
akugirira. 10Abazagukomokaho nzabagira
 Isomo Ryo Kwigisha abana ijambo ry’Imana – Middle & Upper Class
benshi cyane ku buryo batazabarika. 11Iyo nda
utwite izavukamo umuhungu uzamwite
Ishimayeli, kuko Uhoraho yumvise uko
nyokobuja yakujujubije. 12Uwo muhungu
azamera nk'indogobe y'ishyamba, azarwanya
abantu bose kandi na bo bazamurwanya.
Azatura yitaruye bene se bose.”
13Nuko Hagari atangarira Uhoraho bavuganye,
avuga ati: “Burya uri Imana iboneka!” Ni ko
kwibwira ati: “Ese koko nabonye Imana none
ndacyariho?” 14Ni yo mpamvu iryo riba ryitwa
“Iriba rya Nyirubuzima undeba.” Riri hagati ya
Kadeshi na Beredi.
15Hagari abyarira Aburahamu umuhungu,
Aburahamu amwita Ishimayeli. 16Icyo gihe
Aburamu yari amaze imyaka mirongo inani
n'itandatu avutse.
Amen
Kuganira ku nkuru
Komeza usobanurira abana uko ikibazo Sara na
Aburahamu bari bafite kandi kibakomereye
cyane. Babaze uti:
1) Mwaba bwibuka ikibazo gikomeye Sara
na Aburahamu bari bafite?
2) Mwumvise mu nkuru Sara avuga ko ari
inde wamuteje icyo kibazo?
3) Murabona mute uyu mugambi mushya
Sara afite wo kubona umwana? Kubera
iki ari umugambi mubi?
Sobanurira abana ko, kuva kera Imana
yagennye ko umugabo umwe abana
n’umugore umwe ubuzima bwose – umwe ari
papa undi ari mama, aliko Sara we yashakaga
ko Aburahamu azana undi mugore uba mama
wa kabiri! Ibyo byari ibintu bibi cyane kuko
binyuranye n’Ijambo ry’Imana.
Komeza ubwira abana ko, Aburahamu
yumviye inama ya Sara, agira Hagari umugore
we wa kabiri, maze ibintu ntibyangenda neza.
Baza abana uti:
4) Ni ukubera iki Hagari atongeye
kumvikana na Sara?
5) Ni ukubera iki Sara atongeye kumvikana
na Aburahamu?
6) Ni ibihe bibazo bikomeye Hagari yaje
kugira Nyuma?
Bwira abana ko, iyo duhagaritse kwizera Ijambo
ry’Imana, ngo twizere ko ibyo yadusezeranije
izabisohoza, dutangira gukora ibidashimisha
Imana, kandi tukanahura n’ingorane zikomeye.
Ibyo nibyo byabaye kuri Sara na Aburahamu,
ndetse ingaruka zigera no kuri Hagari, agirirwa
nabi na Sara kugeza amuhunze.
Komeza ubwira abana uti: Imana yo igira
imbabazi n’ubuntu bwinshi, yitegereje uburyo
Hagari ababaye, yumva no kurira kwe, maze
iramwiyereka kandi imusezeranya ibintu byiza.
Baza abana uti:
7) Ni ukubera iki umwana wa Hagari
yagombaga kwitwa Ishimayeli?
8) Ni ukubera iki iriba ryari aho Hagari
yahuriye na Marayika ryitwa “Iriba rya
Nyirubuzima undeba?”
9) Ni ikihe kintu gitangaje Hagari yamenye
ku Mana ubwo yabonanaga na
malayika w’Imana?
Bwira abana ko, twese abizera umwami Yesu
dukwiye gusobanukirwa ko Yesu yumva kandi
akareba ibintu byose bitubaho. Azi ibitugora
byose, icyo dusabwa ni ukumwizera kuko ariwe
wenyine ubasha kudufasha. Ikindi kandi iyo
tumwizeye tubasha gukora ibintu ijambo
ry’Imana ritubwira ko ari byiza.
Amen
Ikibazo cya Application muri Upper Class
Baza abana uti:
10) Byari byababaho ko mushaka gukora
ikintu ijambo ry’Imana ritubuza kuko
ntakundi mwabigenza? Nko ku ishuri
cyangwa mu rugo?
 Isomo Ryo Kwigisha abana ijambo ry’Imana – Middle & Upper Class

Bwira abana ko, burigihe bitatworohera kwizera GUSENGA

ko Imana iri budufashe nk’uko yabisezeranye
Mwami Yesu, nubwo bitubaho ko tunanirwa
mu Ijambo ryayo, bigatuma dutsindwa,
kwizera ibyo wadusezeranije, bigatuma dukora
tugacumura – gusa ntidukwiye gucika intege,
icyaha, utubabarire, kandi udushoboze guhora
ngo twibwire ko birangiye, Imana ihora
tuzirikana Ijambo ryawe ngo tubashe guhora
yiteguye kutugirira Ubuntu ngo twongere
tukwizera. Amen
kuyizera no kuyumvira. Niyo mpamvu dusabwa
guhora tuzirikana ijambo ry’Imana kugira ngo Memory Verse
dushobore kuryizera no kuryumvira.
“Uhoraho asohoza ibyo yasezeranye, ni
indahemuka mu byo akora byose.”

Zaburi 145:13b BIRD