Taon 35 Blg.
23 Ikalawang Linggo ng Adbiyento (C) — Lila
Araw para sa mga Katolikong may Kapansanan / Pambansang Linggo para sa mga may AIDS
Pagbabagong-loob,
Pagbabagong-isip
Cl. Lennon
Caranzo, SSP
S a ebanghelyo, matatagpuan
natin si Juan Bautista, ang
pangunahing karakter ng mga
unang araw ng adbiyento. Kilalá
na natin kung sino si Juan. Ngunit,
kaiba sa ibang synoptic gospels,
mas malawak ang espasyong
inilaan ni Lucas sa karakter ni
Juan sa kanyang ebanghelyo. Ang
ebanghelyo ni Lucas ay ika-unang
yugto lamang ng isang two-part
series (ang ikalawang parte ay
ang Gawa ng mga Apóstoles).
Sa apat na ebanghelista, si
Lucas ang pinaka-elegante at
pinakamagaling magbalangkas sa
kanyang pagsulat. Para kay Lucas,
may tatlong tagpong esensyal sa
kasaysayan ng kaligtasan: ang
panahon bago si Kristo (Unang
Tipán), ang panahon ni Kristo
(ebanghelyo), at ang panahon
ng Espíritu Santo at ng Simbahan
(Mga Gawa). Importanteng tauhan
si Juan sapagkat siya ang tulay
ng panahon bago si Kristo at ng
panahon ni Kristo. Sa teolohiya
ni San Lucas, si Juan ang huling
propeta ng Unang Tipán; siya
ang nagsisilbing tarangkáhan ng
panahon ng kaligtasan.
Simple lang ang mensahe ni
Juan: “Patagin natin ang daraanan
Disyembre 5, 2021
ng Panginoon… magbalik-loob”.
Ang pagbibinyag ni Juan ay isang
pagbibinyag ng pagbabalik-loob o
sa orihinal na griyego, metánoia,
“pagbabago ng kamalayan.” Ang
implikasyon nito ay hindi lamang
pagsisisi sa ating mga kasalanan,
dahil higit sa mga kasalanan at
pagkukulang natin ay ang baluktot
nating pag-iisip; Mga palagay
na baluktot gaya ng “káya kong
mag-isa, hindi ko kailangan ang
sinúman” o kaya’y “nagkakamali
ako pero mas maigi pa rin ako
kaysa sa ibang tao,” o “’di naman
ako apektado kaya okay lang”.
Ito ang hinihingi sa atin,
ang isinisigaw ni Juan sa
a t i n : “ m a g b a g o n g - i s i p .”
Ang pagbabagong-loob
ay nangangailangan ng
pagbabagong-isip. Pero, ano nga
bang kahulugan ng pagbabagong-
isip? Mas mauunawaan natin ito
kapag binasa natin ang liham ni
Pablo sa mga taga-Filipos (2:5):
“Nawa’y magkaroon kayo ng
kaisipang tulad ng kay Kristo
Hesús.” At ano nga ba ang
kaisipang tulad ng kay Kristo
kundi ang kamalayang nagsisilbi
sa kapwa at bukás sa kalooban
ng Diyos? (tgn. Flp 2:5-8).
Sa ating lipunang
indibidwalista, lumuluhod pa
ba tayo’t humihingi ng tulong sa
Maykapal o baka ang mentalidad
nati’y “ako lang at sapat na?” May
panahon pa ba tayong lumingon
at masdan ang paghihirap ng
ating kapwa? Naglalaan pa ba
tayo ng oras upang pakinggan
ang hinaing ng iba o masaya na
tayo sa mundo ng ating sariling
katotohanan?
Ito ang paghahandang
hinihingi ng adbiento.
Pe r o , t e k a , ‘ wa g k a n g
mangamba kaibigan. Ang
mensahe ng pagbabagong-isip/
loob ay hindi isang mensahe ng
kalungkutan. Isa itong mensahe
ng pag-asa. Sa dinami-raming ulit
nating hinayaang maging baku-
bako ang mga kalsada ng ating
puso, narito at tinatawagan pa
rin tayong patagin ito. Binibigyan
muli tayo ng Diyos ng isa pang
pagkakataón, ng marami pang
mga pagkakataon. Paulit-ulit.
Kaya naman “Jerusalem,
hubarin mo na ang damit-panluksa
at isuot mo ang walang hanggang
kaluwalhatian ng Diyos” (Bar 5:1).
Ako at ikaw, tayo ang Jerusalem na
tinatawagan tungo sa kagalakan.
Kung susundin natin ang
panawagan ni Juan, matatagpuan
natin ang Mesiyas. Kung
maghahanda tayo, darating ang
Bisitang ating inaasam. Maaaring
nakakapagod at minsan ay
puwedeng makaranas tayo ng
mga pagkatalo na tila baga’y,
tayo’y mag-isa at sumisigaw sa
desiyerto, pero “ang mabuting
gawang pinasimulan sa inyo
ng Diyos ay kanyang lulubusin
hanggang sa Araw ni Hesukristo”
(Fil 1:6).
 PASIMULA
Antipona sa Pagpasok
(Is 30:19, 30)
(Basahin kung walang pambungad na awit.)
Sambayanan ng Maykapal, narito
ang hinihintay: Poong sasagip sa
tanan; tinig n’ya’y mapapakinggan
ang hatid n’ya’y kagalakan.
Pagsisindi ng Kandila
(Sisindihan ang unang kandila na ku-
lay lila.)
P — Dakilang Ama, sa pag­
sisimula ng aming paglalakbay
ngayong panahon ng Adbiyento,
sinisindihan namin itong kandila
ng pag-asa. Pagkalooban mo
kami ng sigasig na umasa:
umasa sa iyong presensiya,
umasa sa iyong kapayapaan,
at umasa sa iyong pangako.
Pagbati
(Gawin dito ang tanda ng krus.)
P—Sumainyo ang Panginoon.
B—At sumainyo rin.
Paunang Salita
(Maaaring gamitin ito o kahalintulad
na pahayag.)
P—Ngayong Ikalawang Linggo
ng Adbiyento, ipinakikilala sa atin
si Juan na siyang maghahanda
sa daan ng Panginoon. Siya
ang simbolo at huwaran ng
paghahanda sa panahong ito.
Kung sa Unang Linggo ng
Adbiyento ay binigyang-pansin
natin ang darating na panahon,
ipinaaalala naman ngayon sa
atin na ang panahong iyon
ay nagsisimula na. Tinawag
ng Panginoon si Juan mula sa
ilang upang simulan ang misyon
ng paghahanda sa mga tao sa
pagdating ng Mesiyas—ang
Mesiyas na ipakikilala pa lamang
ngunit nasa piling na rin nila.
Pagsisisi
P—Mga kapatid, aminin natin
ang ating mga kasalanan upang
tayo’y maging marapat gumanap
sa banal na pagdiriwang.
(Tumahimik)
P — Sinugong Tagapagligtas
sa mga nagsisisi; Panginoon,
kaawaan mo kami.
B—Panginoon, kaawaan mo kami.
P—Dumating na Tagapag-anya-
yang mga makasalana’y magsisi;
Kristo, kaawaan mo kami.
B—Kristo, kaawaan mo kami.
P—Nakaluklok ka sa kanan ng
Diyos Ama para ipamagitan
kami: Panginoon, kaawaan mo
kami.
B—Panginoon, kaawaan mo kami.
P—Kaawaan tayo ng makapang-
yarihang Diyos, patawarin tayo
sa ating mga kasalanan, at
patnubayan tayo sa buhay na
walang hanggan.
B—Amen.
(Walang Gloria tuwing Adbiyento.)
Pambungad na Panalangin
P—Manalangin tayo. (Tumahimik)
Ama naming makapang-
yarihan at maaawain, sa aming
pag­s alubong sa iyong Anak
huwag mong ipahintulot na
maging hadlang ang aming
m g a p i n a g­k a k a a b a l a h a n .
Turuan nawa kami ng kanyang
karunungan upang kami ay
kanyang maka­p iling kasama
mo at ng Espiritu Santo mag-
pasawalang hanggan.
B—Amen.
PAGPAPAHAYAG NG
SALITA NG DIYOS
Unang Pagbasa (Bar 5:1-9)
(Umupo)
Inaanyayahan ang Jerusalem na
muling magsaya sapagkat pauuwiin
ng Diyos ang kanyang mga anak.
Tulad ng pananabik ng Jerusalem,
ganito rin dapat ang paghahanda
natin sa pagdating ng Panginoon.
Pagbasa mula sa Aklat ni Propeta
Baruc
JERUSALEM, hubarin mo na
ang lambong ng pagluluksa at
isuot mo ang walang hanggang
kaningningan ng Diyos. Ibalabal
mo ang kanyang katwiran at
iputong mo sa iyong ulo ang
korona ng kadakilaan ng Diyos
na Walang Hanggan. Itatanyag
ka niya sa lahat ng dako.
Tatawagin kang “Kapayapaang
bunga ng katwiran at karangalan
ng pagiging maka-Diyos.”
Jerusalem, tumindig ka at
umakyat sa mataas na burol.
Tingnan mo ang iyong mga
anak na sa isang tawag lamang
ng Diyos na Banal ay natitipon
mula sa silangan hanggang sa
kanluran. Nagagalak sila pagkat
hindi sila kinalilimutan ng Diyos.
Bihag silang inagaw sa iyo at
kinaladkad na palayo, ngunit
ngayo’y ibinabalik sa iyong
sakay sa kaluwalhatian na wari’y
nakaupo sa maharlikang trono.
Iniutos ng Diyos na patagin ang
matataas na bundok at walang
hanggang burol, at tambakan
ang mga lambak upang panatag
na makabalik ang bayang Israel
na puspos ng kadakilaan ng
Diyos. Sa utos niya’y lilitaw
ang maraming mababangong
punongkahoy upang liliman ang
Israel. Aakayin sila ng Diyos,
at babalik silang masaya sa
pangangalaga ng kanyang habag
at katwiran, at liligaya sa liwanag
ng kanyang walang hanggang
kaningningan.
—Ang Salita ng Diyos.
B—Salamat sa Diyos.
Salmong Tugunan (Slm 125)
T—Gawa ng D’yos ay dakila
kaya tayo’y natutuwa.
E. C. Marfori

D
  
     
Ga wa ng D'yos ay da

Em Em7
   
2
  

ki la ka ya ta
  
A A7 D
 
3
    
yo'y na tu tu wa.
1. Nang lingapin tayo ng
Diyos at sa Sion ay ibalik,/ ang
nangyaring kasaysaya’y parang
isang panaginip./ Lahat tayo ay
natuwa, masasayang nagsiawit. (T)
2. Ang sabi ng mga bansang
nagmamasid sa paligid,/ “Ang
ginawa ng Diyos nila ay dakila,
anong rikit!”/ Dakila ngang
masasabi, pambihira ang ginawa,/
kaya naman kami ngayon,
kagalaka’y di kawasa! (T)
3. Kung paanong inuulan
yaong mga tuyong batis,/ sa
sariling bayan namin, kami,
Poon, ay ibalik./ Silang mga
nagbubukid na nagtanim na may
luha,/ bayaan mo na mag-aning
masasaya’t natutuwa. (T)
4. Yaong mga nagsihayong dala’y
binhi’t nananangis,/ ay aawit na
may galak, dala’y ani pagbalik! (T)
Ikalawang Pagbasa (Fil 1:4–6, 8–11)
Hinihikayat ni San Pablo ang mga
Kristiyano sa Filipos na magka­roon ng
malinis na kalooban at walang kapin-
tasang budhi hanggang sa pagdating
ni Kristo.
Pagbasa mula sa sulat ni Apostol
San Pablo sa mga taga-Filipos
ANG AKING mga panalangin
para sa inyo ay laging puspos
ng kagalakan dahil sa inyong
tulong sa pagpapalaganap
ng Mabuting Balita tungkol
kay Kristo, mula nang ito’y
inyong tanggapin hanggang sa
kasalukuyan. Tinitiyak ko sa
inyong ang mabuting gawa na
pinasimulan sa inyo ng Diyos
ay kanyang lulubusin hanggang
sa Araw ng pagbabalik ni Kristo
Hesus. Nalalaman ng Diyos na
ang pananabik ko sa inyo ay
kasinlaki ng pagmamahal sa inyo
ni Kristo Hesus.
Idinadalangin ko sa Diyos na
mag-ibayo ang inyong pag-ibig
at masangkapan ng malinaw
na pagkakilala at malawak na
pagkaunawa upang mapili ninyo
ang pinakamahalaga sa lahat
ng bagay. Sa gayun, pagdating
ng Araw ng pagbalik ni Kristo,
matagpuan kayong malinis,
walang kapintasan, at puspos
ng magagandang katangiang
kaloob sa inyo ni Hesukristo sa
karangalan at kapurihan ng Diyos.
—Ang Salita ng Diyos.
B—Salamat sa Diyos.
Aleluya (Lc 3:4,6) (Tumayo)
B — Aleluya! Aleluya! Daan
ng Poong nar’yan na t’wiri’t
ihanda sa kanya. Pagtubos n’ya’y
makikita. Aleluya! Aleluya!
Mabuting Balita (Lc 3:1–6)
P — Ang Mabuting Balita ng
Panginoon ayon kay San Lucas
B—Papuri sa iyo, Panginoon.
IKALABINLIMANG taon noon ng
paghahari ni Emperador Tiberio.
Si Poncio Pilato ang gobernador
sa Judea, si Herodes ang tetrarka
sa Galilea at ang kapatid naman
niyang si Felipe, sa lupain ng
Iturea at Traconite. Si Lisanias
ang tetrarka sa Abilinia. Sina
Anas at Caifas naman ang mga
pinakapunong saserdote noon.
Nang panahong iyon, nasa ilang
si Juan na anak ni Zacarias.
Dumating sa kanya ang salita
ng Diyos, kaya’t nilibot niya ang
mga lupain sa magkabilang panig
ng Jordan at nangaral. “Pagsisihan
ninyo’t talikdan ang inyong mga
kasalanan at pabinyag kayo upang
kayo’y patawarin ng Diyos,” wika
niya. Sa gayo’y natupad ang nasu­
sulat sa aklat ni propeta Isaias:
“Ito ang sabi ng isang sumi­
sigaw sa ilang: ‘Ihanda ninyo ang
daraanan ng Panginoon, tuwirin
ninyo ang kanyang mga landas!
Tatambakan ang bawat lambak,
at titibagin ang bawat burol at
bundok. Tutuwirin ang daang
liku-liko, at papatagin ang daang
baku-bako. At makikita ng lahat
ng tao ang pagliligtas na gagawin
ng Diyos!’”
— Ang Mabuting Balita ng
Panginoon.
B—Pinupuri ka namin, Pangi-
noong Hesukristo.
Homiliya (Umupo)
Pagpapahayag
ng Pananampalataya (Tumayo)
B— Sumasampalataya ako sa
Diyos Amang makapangyarihan
sa lahat, na may gawa ng langit
at lupa.
Sumasampalataya ako kay
Hesukristo, iisang Anak ng
Diyos, Panginoon nating lahat,
nagkatawang-tao siya lalang
ng Espiritu Santo, ipinanganak
ni Santa Mariang Birhen.
Pinagpakasakit ni Poncio Pilato,
ipinako sa krus, namatay, inilibing.
Nanaog sa kinaroroonan ng mga
yumao, nang may ikatlong araw
nabuhay na mag-uli. Umakyat sa
langit. Naluluklok sa kanan ng
Diyos Amang makapangyarihan
sa lahat. Doon magmumulang
paririto at huhukom sa nanga-
bubuhay at nangamatay na tao.
Sumasampalataya naman
ako sa Diyos Espiritu Santo, sa
banal na Simbahang Katolika,
sa kasamahan ng mga banal, sa
kapatawaran ng mga kasalanan,
sa pagkabuhay na muli ng
nangamatay na tao, at sa buhay
na walang hanggan. Amen.
Panalangin ng Bayan
P—Habang tayo’y nananabik
sa pagdating ng Panginoon,
dumulog tayo sa Diyos Ama
upang tayo’y kanyang tulungang
tumugon sa panawagan ni Juan
Bautista na ihanda at tuwirin
ang daraanan ng Mesiyas.
Buong pagpapakumbaba tayong
manalangin:
T—Mapagpalang Ama, dinggin
mo kami.
L—Para sa mga misyonero at
mga pinuno ng aming Simbahan:
magkaroon nawa sila ng lakas
ng loob at tapang upang tagpuin
ang mga taong nasa lansangan
at nasa laylayan ng lipunan.
Manalangin tayo: (T)
L—Para sa mga namumuno sa
aming pamahalaan at yaong
mayroong katungkulan sa aming
pamayanan: tupdin nawa nila
lagi ang kalooban ng Diyos
sa pamamagitan ng pagpatag
ng kanilang mga personal na
hangarin, korapsyon, dahas at
pagkamuhi. Manalangin tayo: (T)
L — Para sa pagwawakas ng
pandemyang dulot ng Covid-19:
makatagpo nawa kami ng
kagalingan at espiritwal na
paglago sa Salita ng Diyos
at hapag ng Eukasristiya.
Manalangin tayo: (T)
L—Para sa mga may kapansanan
at yaong mga nagdurusa dulot
ng sakit na AIDS: makasumpong
nawa sila ng kasiyahan at
karagdagang lakas sa iyo, O
Diyos, sa gitna ng kanilang
sakit at paghihirap sa buhay.
Manalangin tayo: (T)
L—Para sa mga yumao naming
kapatid: matamasa nawa nila ang
kagalakan sa piling ni Kristo, mga
anghel at mga banal, sa piging
ng kanyang kaharian sa langit.
Manalangin tayo: (T)
L — Sa ilang sandali ng kata-
himikan, ating ipanalangin ang
iba pang mga pangangailangan
ng ating pamayanan pati na rin
ang ating pansariling kahilingan
(Tumahimik). Manalangin tayo:
(T)
P — Diyos Ama naming nasa
langit, patagin mo ang aming
kaloobang mapagmataas upang
tuluyang maghari sa amin ang
iyong pag-ibig at pagpapatawad
habang malugod kaming
nananabik at naghihintay sa
pagdating ni Hesukristong Anak
mo at aming Panginoon ngayon
at magpasawalang hanggan.
B—Amen.
 PAGDIRIWANG NG
HULING HAPUNAN
Paghahain ng Alay (Tumayo)
P—Manalangin kayo...
B—Tanggapin nawa ng Pangi­
noon itong paghahain sa iyong
mga kamay sa kapurihan niya
at karangalan sa ating kapaki­
nabangan at sa buong Samba­
yanan niyang banal.
Panalangin ukol sa mga Alay
P — Ama naming Lumikha,
kalug­dan mo ang aming mga
panalangin at alay. Sa anumang
kakulangan ng aming abang
nakayanan nawa’y ang pag-ibig
mo ang magbigay-kapupunan
sa pamamagitan ni Hesukristo
kasama ng Espiritu Santo
magpasawalang hanggan.
B—Amen.
Prepasyo (Panahon ng Pagdating I)
P—Sumainyo ang Panginoon.
B—At sumaiyo rin.
P—Itaas sa Diyos ang inyong
puso at diwa.
B—Itinaas na namin sa Panginoon.
P — Pasalamatan natin ang
Panginoong ating Diyos.
B—Marapat na siya ay pasala­matan.
P—Ama naming makapangyari­
han, tunay ngang marapat na
ikaw ay aming pasalamatan sa
pamamagitan ni Hesukristo na
aming Panginoon.
Siya’y isinugo mo upang
matu­pad ang iyong magandang
balak para sa lahat. Hindi niya
ikina­h iyang mamuhay nang
mahirap upang mapakisamahan
niya kaming matapat. Siya’y
naging hindi na iba sa amin
upang maitampok niya kami
sa iyong piling. Sa kan­yang
lantarang muling pag­dating ang
pakiki­sama niya’y puspusang
magni­ningning at ang pangako
niyang kapana-panabik ay ina­
asa­han naming lubos na maka­
kamit.
Kaya kaisa ng mga anghel na
nagsisiawit ng papuri sa iyo nang
walang humpay sa kalangitan,
kami’y nagbubunyi sa iyong
kadakilaan:
B—Santo, Santo, Santo Panginoong
Diyos ng mga Hukbo napupuno
ang langit at lupa ng kadakilaan mo
Osana sa kaitaasan. Pinagpala ang
naparirito sa ngalan ng Panginoon
Osana sa kaitaasan! (Lumuhod)
Pagbubunyi (Tumayo)
B—Sa krus mo at pagkabuhay
kami’y natubos mong tunay.
Poong Hesus naming mahal,
iligtas mo kaming tanan ngayon
at magpakailanman.
PAKIKINABANG
Ama Namin
B—Ama namin...
P—Hinihiling naming...
B—Sapagkat iyo ang kaharian at
ang kapangyarihan at ang kapu­
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P—Ito ang Kordero ng Diyos. Ito
ang nag-aalis ng mga kasalanan
ng sanlibutan. Mapalad ang mga
inaanyayahan sa kanyang piging.
B — Pa n g i n o o n , h i n d i a k o
karapat-dapat na magpatulóy
sa iyo ngunit sa isang salita mo
lamang ay gagaling na ako.
Antipona sa Komunyon
(Bar 5:5; 4:36)
Lunsod ng kapayapaan, tumayo
ka at magdiwang. Narito ang
kagalakang lumalapit sa ’yong
tunay nanggagaling sa Maykapal.
Panalangin Pagkapakinabang
(Tumayo)
P—Ama naming mapagmahal,
kaming pinapakinabang mo
sa iyong banal na salu-salo ay
turuan mong kumilala sa layunin
ng iyong mga nilikhang bagay
na dapat naming gamitin upang
kami ay sumapit sa iyong piling
sa pamamagitan ni Jesukristo
kasama ng Espiritu Santo magpa­
sawalang hanggan.
B—Amen.
PAGTATAPOS
P—Sumainyo ang Panginoon.
B—At sumaiyo rin.
Pagbabasbas
P—Magsiyuko kayo habang
iginagawad ang pagbabasbas.
(Tumahimik)
Ama naming mapagpala,
p a t n u b aya n m o a n g m g a
pagsisikap ng iyong sambayanan
na sundin ang loob mo at
pakundangan sa iyong pangako,
marapatin mong dinggin
ang kahilingan ng tanang
dumadalangin sa pamamagitan
ni Hesukristo kasama ng Espiritu
Santo magpasawalang hang-
gan.
B—Amen.
P—Pagpalain kayo ng makapang­
yarihang Diyos, Ama at Anak (†)
at Espiritu Santo.
B—Amen.
Pangwakas
P—Humayo kayong taglay ang
pag-ibig upang ang Diyos ay
mahalin at paglingkuran.
B—Salamat sa Diyos.