Ako’y Isang Tinig

ni Genoveva Edroza - Matute

I. MAY-AKDA:

Si Genoveva Edroza-Matute ay
hindi lamang sikat at premyadong
kuwentista. Siya ay isa ring guro at awtor
ng aklat sa Balarilang Tagalog. Nagturo ng
mga asignaturang Filipino at mga
asignaturang pang-edukasyon.

Siya ay nagturo ng apatnapu’t

anim na taon sa elementarya, haiskul at
kolehiyo, at nagretiro bilang Dekana ng
Pagtuturo sa Philippine Normal College
(ngayon ay Philippine Normal University)
noong 1980. Pinarangalan siya ng Cultural Center of the Philippines ng
Gawad CCP Para sa Sining (Panitikan) noong Pebrero, 1992.

Maraming ulit siyang nagkamit ng Gantimpalang Palanca. Mabisa

at madaling unawain ang kanyang pananagalog. Ang ilan sa kanyang
mga kuwentong nagkamit ng gantimpala ay Kuwento ni Mabuti,
Paglalayag sa Puso ng Isang Bata, Parusa, Maganda Ang Ninang Ko at
Pagbabalik.

Ilan sa mga naging aklat niya ay ang Mga Piling Maiikling

Kuwento ng Ateneo University Press; ang Tinig ng Damdamin, katipunan
ng kanyang mga piling sanaysay, ng De La Salle University Press; at ang
Sa Anino ng EDSA, maiikling kuwentong sinulat niya bilang National
Fellow for Fiction, 1991-1992, ng U.P. Press.

Namatay siya noong 21 Marso 2009 sa edad na 94.

II. BUOD:

May isang tinig sa ilang, tinig na namamaos ngunit walang

gustong makinig. Tinig na humihiling na kailangang magising sa
katotohanan. Ang sariling lupa ay nararapat na ipaglaban.

This study source was downloaded by 100000808301259 from CourseHero.com on 02-02-2022 20:22:27 GMT -06:00

https://www.coursehero.com/file/78042295/Akoy-isang-tinigdocx/
 Siya ay namundok. Tanging alaala na lamang ng kaniyang nilisan
ang kaniyang baon. Ngunit ang pag-asa sa kaniyang puso ay buhay pa.
Ilan na sa kaniyang pamilya ang nagbuwis ng buhay, ngunit may ilan pa
ring natitira. Ang kanilang lupa ay muling babalikan upang pagyamanin
habang may lakas pa.

Ang nag-iisang tinig sa ilang sa loob ng maraming taon ay may

isang tumugon at nadagdagan nang nadagdagan. Unti-unti ay
nabubuksan ang isipan ng mga mamamayan.

III. ELEMENTO:
A. Paksa
Ang isang tinig ay bubuo ng maraming tinig upang basagin
ang katahimikan ng maraming taon.

B. Himig/Tono

Nagpapaunawa.

Patunay:

Ang lupang pinataba ng sigla ng aming kabataan, ng

pangitain sa aming mga pangarap, ng luha ng aming mga
kabiguan, ang lupang ito ay kami. Ang lupang ito ang
mahabang hanay ng aming mga ninuno at ng mga salin ng
lahing susunod.

Ngayo’y nauunawaan na ba ninyo ako?

C. Simbolismo
Tinig – karapatan, kalayaan

D. Uri

Pormal
Ito ay tumatalakay sa mga seryosong paksa at
nangangailangan ng masususing pag-aaral at malalim na
pagkaunawa sa paksa; inaakay ng manunulat ang mambabasa sa
malalim na pag-iisip upang makabuo ng sariling pagpapasya at
kumilos pagkatapos.

Patunay:

This study source was downloaded by 100000808301259 from CourseHero.com on 02-02-2022 20:22:27 GMT -06:00

https://www.coursehero.com/file/78042295/Akoy-isang-tinigdocx/
 Ang kayumangging lupa ay nasa aking dugo, ang mga
kahiwagaan niya, ang init ng kanyang mapag-arugang dibdib,
ang sulak ng kanyang poot kung siya’y nagngangalit, ang
pangako ng kaganapang nasa kanyang sinapupunan – ang
lahat ng ito’y bahagi ng aking lahi.

IV. DULOG:

Eksistensyalismo
Ang buhay ng tao ay itinatakda ng kaniyang mga desisyon. Ang
mga desisyong ito ay nakaaapekto sa relasyon ng tao sa ibang nilalang.
Ang tao ay hindi nabubuhay nang mag-isa lamang.

Patunay:

Ang sabi ng aking Ingkong Berto sa aking tatang: Wala

kang hinaharap dito. Hanapin mo sa ibang gawain ang iyong
kaligayahan. Ngunit saglit lamang nilisan ng aking tatang ang
kanyang lupang sinasaka. Pagdatal ng dapit-hapon ay nagbalik
siyang muli upang malasin ang kahuli-hulihang paglalaro ng mga
silahis sa namimigat na mga uhay. Ang payo ng aking ama sa
akin: Lumayo ka rito. Kalasin mo ang mga tanikala ng mga
taon...

Ngunit ako’y naririto. At ang aking mga anak, at

ang kanilang mga magiging anak.

V. BISA:

A. Bisang Pandamdamin:
Ang pagmamahal sa bayan ang dahilan kung bakit hindi
maipagpalit ang lupang kinagisnan sa karangyaan.

B. Bisang Pangkaisipan:
Mas malakas ang maraming tinig kaysa sa nag-iisa.

C. Bisang Pangkaasalan:
May lakas ang pagkakabuklod.

This study source was downloaded by 100000808301259 from CourseHero.com on 02-02-2022 20:22:27 GMT -06:00

https://www.coursehero.com/file/78042295/Akoy-isang-tinigdocx/
 VI. MATATALINGHAGANG PAHAYAG/TALASALITAAN:

1. Ang tinig ko’y gumigimbal sa katahimikan ng paligid, sinasalo ng

malalabay at matitipunong bisig ng mga punongkahoy
 Ang kaniyang tinig ay bumubulahaw sa katahimikan ng
gabi, at tanging mga punongkahoy ang nakakarinig.

2. Ang mga kapwa ko nilalang ay nagpipinid ng pandinig sa aking

namamaos nang tinig.
 Ang kaniyang kapwa ay nagbibingibingihan sa kaniyang
pawala ng boses.

3. Ang kayumangging lupa ay nasa aking dugo.

 Ako ay isang tunay na Pilipino na nagmamahal sa sariling
bayan.

4. Ngunit ayaw kong palupig sa hinalang ang mga dahilang tinubos

ng luha at dugo ay mga anino lamang ng mga nakasuntok na
kamay ng pag-uyam.
 Ayaw kong patalo sa hinalang ang dahilan ng pagkawala ng
buhay at pagpapakasakit ay walang kabuluhan.
5. Ngayon... sa kalawaka’y may isang tinig na tumutugon. At isa pa...
at isa pa... Sa paligid-ligid ay nababasag ang nakahihindik na
katahimikan ng mga taon...
 May isang nagising mula sa matagal na pagkakatulog, at ito’y
nadagdagan nang nadagdagan, paraan upang unti-unti nang
mamulat ang sambayanan at mabuhay ang pag-asang
magtagumpay.

VII. MGA TANONG SA PAG-UNAWA:

1. Ano ang dahilan ng pamumundok ng asawa ni Isang? Ano ang

nangyari kay Isang at sa kanilang tatlong anak?

2. Bakit isang tinig sa ilang ang tinig ng lalaking nagsasalita sa akda?

3. Bakit kahit wala na ang kanyang asawang si Isang at tatlong anak

ay hindi pa rin lubusang namamatay ang kaniyang pag-asa?

This study source was downloaded by 100000808301259 from CourseHero.com on 02-02-2022 20:22:27 GMT -06:00

https://www.coursehero.com/file/78042295/Akoy-isang-tinigdocx/
 4. Makatwiran bang hindi sundin ng pangunahing tauhan ang payo
ng kanyang ama na lumayo sa pook na yaon na kanilang
sinasaka? Patotohanan ang sagot.

5. Naniniwala ka bang ang kabataang tulad mo ay mayroon ding

tinig? Ano ang maaaring maging tinig ng kabataan? Paano mo ito
maayos na maipaparinig sa kinauukulan?

This study source was downloaded by 100000808301259 from CourseHero.com on 02-02-2022 20:22:27 GMT -06:00

https://www.coursehero.com/file/78042295/Akoy-isang-tinigdocx/
Powered by TCPDF (www.tcpdf.org)