NJTES Developmental Learning School SY 2020-2021

Filipino Baitaing 6 1
NJTES Developmental Learning School SY 2020-2021

Aralin I:
Paggamit ng Pangngalan at
Pagsagot sa Pabula
Maligayang Pagbati! Ikaw ay nasa Baitang 6 nang
pag-aaral sa Filipino! Kawiwilihan mo ang nilalaman ng
modyul sa Unang Kuwarter, Unang Linggo. Ito ay ginawa
upang magbigay ng suplementaryong kagamitan sa iyo
bilang gabay sa pag-aaral sa mga paksa sa Filipino 6 na
binubuo ng mga aralin na kinakailangang matapos sa loob
ng isang linggo.

Pagkatapos ng araling ito, inaasahan na;

 Nasasagot ang mga tanong tungkol sa
napakinggang pabula;
 Nagagamit nang wasto ang pangngalan sa
pakikipag-usap sa iba’t ibang sitwasyon;
 Nakapagsipi ng isang talata mula sa huwaran; at
 Naiuugnay ang binasa sa sariling karanasan.

Simulan na natin ang iyong paglalakbay, halina’t

tuklasin ang itinatagong ganda ng modyul na ito.

Filipino Baitaing 6 2
NJTES Developmental Learning School SY 2020-2021

Panimulang Pagtataya
Panuto: Basahing mabuti ang mga sumusunod na pangungusap. Sagutin ang mga tanong at
isulat ang titik ng tamang sagot bago ang bilang.

_____ 1. Ito ay pangngalang pambalana na tumutukoy sa mga bagay na may katangiang

pisikal kaya’t ito ay nakikita at nahahawakan.
a. pantangi b. tahas c. pambalana d. basal

______ 2. Pangngalang tumutukoy sa tangi o tiyak na ngalan ng tao, bagay, hayop, lugar at
pangyayari. Nagsisimula ito sa malaking titik.
a. lansakan b. pambalana c. tahas d. pantangi
______ 3. Pangngalang pambalanang tumutukoy sa kaisipan o konsepto. Wala itong pisikal na
pisikal na katangian kaya’t hindi nakikita at nahahawakan.
a. basal b. pambalana c. lansakan d. tahas
______ 4. Ito ay pangngalang tumutukoy sa pangkalahatang ngalan ng tao, bagay,
hayop, lugar at pangyayari. Nagsisimula ito sa maliit na titik.
a. pambalana b. pantangi c. basal d. lansakan
______ 5. Pangngalang nangangahulugan ng dami o kalipunan ng marami.
a. tahas b. basal c. lansakan d. pambalana
______ 6. Maglaro, kumanta at magliwaliw ang hilig gawin ni Tipaklong araw-araw. Anong
uri ng pangngalang pambalana ang nakasalungguhit?
a. tahas b. basal c. pantangi d. lansakan
______ 7. Tukuyin ang pantangi sa pangungusap na ito. Mahilig kumain ng tsokolate si Elena.
a. kumain b. mahilig c. Elena d. tsokolate
______ 8. Kailan pwedeng ipakita ang pagiging totoong kaibigan?
a. kapag may nakakakita c. sa tamang lugar
b. kapag binibigyan ng pagkain d. sa lahat ng oras
______ 9. Habang ikaw ay naglalakad, may nakita kang batang nadapa. Ano ang gagawin
mo?
a. hahayaan ko siya dahil hindi ko siya kaibigan c. tutulungan ko siya
b. tatawagin ko ang nanay niya d. pagtawanan

_____ 10. Tutulong ka ba sa isang kaibigang lalapit lang kapag may kailangan?
a. Oo, dahil kami ay magkaibigan at nagtutulungan sa panahon ng kagipitan.
b. Hindi, dahil siya ay tamad.
c. Oo, dahil baka makatulong rin siya sa akin pagdating ng panahon.
d. Oo, dahil kilala ko siya.

Panuto: Isulat sa loob ng kahon ang mga salitang nasa ibaba ayon sa wastong hanay ng
pangngalan.

Mindanao Sapatos Pedro Pusa lapis kasal Maria Pasko Lanao del Norte aso

Tao Bagay Hayop Lugar Pangyayari

Filipino Baitaing 6 3
NJTES Developmental Learning School SY 2020-2021

Ang Pangngalan ay bahagi ng pananalita na nagsasaad sa ngalan ng tao, bagay,

hayop, lugar at pangyayari.

Panuto: Basahin ang kwento at unawaing mabuti ang bawat detalye upang masagot mo ang
mga sumunod na tanong.

Si Langgam at Si Tipaklong

Maganda ang panahon. Mainit ang sikat ng araw. Maaga pa lamang ay gising na si
Langgam. Nagluto siya at kumain. Pagkatapos, lumakad na siya. Gaya nang dati, naghanap
siya ng pagkain. Isang butil ng bigas ang nakita niya. Pinasan niya ito at dinala sa kanyang
bahay. Nakita siya ni Tipaklong.
“Magandang umaga kaibigang Langgam, bati ni Tipaklong. Kaybigat ng iyong dala.
Bakit ba wala ka nang ginawa kundi maghanap at mag-ipon ng pagkain?”
“Oo nga. Nag-iipon ako ng pagkain habang maganda ang panahon”, sagot ni Langgam.
“Tumulad ka sa akin kaibigang Langgam, wika ni Tipaklong. Habang maganda ang
panahon tayo ay magsaya. Halika! Tayo ay lumukso, tayo ay kumanta.”
“Ikaw na lang kaibigang Tipaklong, sagot ni Langgam. Gaya nang sinabi ko sa iyo,
habang maganda ang panahon ako ay maghahanap ng pagkain. Ito'y aking iipunin para ako ay
may makain pagsumama ang panahon.”
Lumipas pa ang maraming araw. Dumating ang tag-ulan. Ulan sa umaga, ulan sa hapon
at sa gabi ay umuulan pa rin. At dumating ang panahong kumidlat, kumukulog at lumalakas
ang hangin kasabay ang pagbuhos ng malakas na ulan.
Ginaw na ginaw at gutom na gutom ang kawawang Tipaklong. Naalala niyang puntahan
ang kaibigang si Langgam.
Paglipas ng bagyo, pinilit ni Tipaklong na marating ang bahay ni Langgam. Bahagya na
siyang makalukso. Wala na ang dating sigla ng masayahing si Tipaklong.
Tok! Tok! Tok! Bumukas ang pinto.
“Aba! Ang aking kaibigan, wika ni Langgam. Tuloy ka. Halika at maupo.”

Filipino Baitaing 6 4
NJTES Developmental Learning School SY 2020-2021

Binigyan ni Langgam ng tuyong damit si Tipaklong. Saka mabilis na naghanda siya ng

pagkain.
Ilan pang sandali at magkasalong kumain ng mainit na pagkain ang magkaibigan.
“Salamat kaibigang Langgam, wika ni Tipaklong. Ngayon ako naniwala sa iyo.
Kailangan nga pa lang mag-ipon habang maganda ang panahon at nang may makain
pagdating ng taggutom.”
Mula noon, nagbago na si Tipaklong. Pagdating ng tag-init at habang maganda ang
panahon ay kasama na siya ng kanyang kaibigang si Langgam. Natuto siyang gumawa at
natuto siyang mag-impok.

1. Anong katangian ang ipinakita ni Langgam at Tipaklong dito? ______________________

2. Nang dumating ang tag-ulan, anong nangyari kay Langgam? _______________________
3. Kung ikaw si Tipaklong, hihingi ka rin ba ng tulong kay Langgam sa kabila nang ginawa
mo? Bakit? ______________________________________________________________
4. Sa palagay mo, ano kaya ang maaaring mangyari kay Tipaklong kung hindi siya tinulungan
ni Langgam? _____________________________________________________________
5. Paano mo maipakita ang pagiging isang mabuting kaibigan? ________________________

1. Balikan ang kwentong “Si Langgam at si Tipaklong”. Mula sa nabasang kwento, magtala
ng:
a.) mga salitang tiyak o tanging ngalan ng tao, hayop, bagay, lugar at pangyayari. Ito ay
mga pangngalang nagsisimula sa malaking titik. Isulat ito sa iyong sagutang papel.
b.) mula sa mga pangkalahatang pangngalang iyong naitala, uriin ang mga ito at ilagay
sa loob ng kahon ayon sa wastong hanay nito.
Salitang may pisikal na Salitang walang pisikal na Salitang nagsasaad
katangian kaya’t ito ay katangian kaya’t ito ay hindi ng dami o kalipunan
nakikita at nahahawakan nakikita at nahahawakan ng marami

2. Mula sa kwento, magsipi o isulat ang isang talata na kung saan ito ay kapupulutan ng
inspirasyon at kung papano mo ito maiiugnay sa iyong sariling karanasan. Isulat ito sa iyong
sagutang papel.

Ang pangngalan ay nahahati sa dalawang uri. Pangngalang tumutukoy sa tiyak o

tanging ngalan ng tao, bagay, hayop, lugar at pangyayari at ito ay nagsisimula sa malaking titik
na tinatawag na Pantangi. Ang pangngalang tumutukoy naman sa pangkalahatang ngalan ng
tao, bagay, hayop, lugar at pangyayari at nagsisimula sa maliit na titiik ay tinatawag namang
Pambalana. Ang pambalana ay nahahati sa tatlong uri. Ang pambalanang tumutukoy sa mga
salitang may pisikal na katangian kaya ito ay nakikita at nahahawakan ay tinatawag na Tahas.
Mayroon ding pambalanang tumutukoy sa anumang salitang walang pisikal na katangian kaya
ito ay hindi nakikita at nahahawakan ngunit ito ay isang kaisipan o konsepto na tinatawag
namang Basal. At ang pambalanang nangangahulugan ng dami o kalipunan ng marami ay
Lansakan naman ang tawag nito.

Filipino Baitaing 6 5
NJTES Developmental Learning School SY 2020-2021

Ang pagsipi ng talata mula sa huwaran ay pagkuha o pagkopya ng talata o mga

salitang naglalaman ng nakikita, naririnig at nadarama ng isang tao kung saan ito ay
nakapagbigay inspirasyon sa iba.

Panuto: Suriin ang uri ng pangngalang may salungguhit kung ito ay pantangi o pambalana.
Kung ang pangngalan ay pambalana, ibigay kung anong uri ng pambalana ito. Lagyan ng tsek
ang patlang ng tamang uri ng pangngalan.

1. Si Ana ay naglilinis ng bahay.

_____ pantangi
_____ pambalana ___ tahas ___ basal ___ lansakan

2. Ang aking kuya ay masunurin sa magulang.

_____ pantangi
_____ pambalana ___ tahas ___ basal ___ lansakan

3. Kasintigas ng bato ang kanyag puso.

_____ pantangi
_____ pambalana ___ tahas ___ basal ___ lansakan

4. Marami nang nagkakasakit sa Pilipinas dahil sa covid-19.

_____ pantangi
_____ pambalana ___ tahas ___ basal ___ lansakan

5. May bago kaming alagang pusa sa bahay.

_____ pantangi
_____ pambalana ___ tahas ___ basal ___ lansakan

Tandaan!
Ang dalawang uri ng pangngalan ay ____________at __________. Pantangi ay
tumutukoy sa tiyak o tanging ngalan ng tao, bagay, hayop, lugar at pangyayari. Nagsisimula ito
sa malaking titik. Ang pambalana naman ay tumutukoy sa pangkalahatang ngalan ng tao,
bagay, hayop, lugar at pangyayari. Nagsisimula ito sa maliit na titik. May tatlong uri ang
pambalana: tahas, basal, at lansakan. _______ kung ito ay may katangiang pisikal kaya ito ay
nakikita at nahahawakan. _______ naman kung ito ay walang katangiang pisikal kaya ito ay
hindi nakikita at nahahawakan ngunit ito ay isang kaisipan o konsepto. Tinatawag naman itong
___________ kung ito ay nangangahulugan ng dami o kalipunan ng marami.

Ang pagsipi ng talata mula sa huwaran ay pagkuha o pagkopya ng talata o mga salitang
naglalaman ng nakikita, naririnig at nadarama ng isang tao kaya ito ay nakapagbigay
inspirasyon sa iba.

Taglay ng mga pabula ang kagandahang asal at mabuting pamumuhay sa mga tao
lalong lalo na sa mga kabataan kaya sikaping unawain at ilagay ang sarili sa nararamdaman ng
may-akda upang ito ay lubos na maunawaan.
Kailangang isapuso natin ang mga magagandang aral na ating natutunan upang ito ay
magsilbing gabay sa ating pamumuhay at maging ehemplo sa iba.

Filipino Baitaing 6 6
NJTES Developmental Learning School SY 2020-2021

A. Panuto: Sumulat ng isang seleksyon at magtala ng mga pangngalang pantangi at

pambalana mula sa seleksyon, isulat sa loob ng kahon ayon sa wastong hanay nito. Isulat
ang sagot sa inyong kwaderno.

Pambalana
Pantangi
Tahas Basal Lansakan

B. Panuto: Magsipi ng isang talata mula sa seleksyon kung saan ito ay makapag-udyok sa iba
sa paggawa ng mabuti.

Si Togak at ang Gintong Uwak

Noong unang panahon ay may isang ibon na nakatira sa kagubatan na ubod ng itim at
may mapupulang mga mata. Ang pangalan ay Togak. Dahil sa kaniyang anyo ay nahihiya itong
lumapit at makipaglaro sa iba dahil baka pagtawanan lamang siya ng mga ito. Kaya palagi
siyang nag-iisa at nagdarasal na sana ay maging maganda ang kaniyang anyo tulad ng iba.
Isang araw, habang naghahanap ng pagkain si Togak ay may narinig siyang tumawag
sa kanya. Agad na lumapit si Togak at nakita niya ang isang magandang diwata. “Ako si Inang
diwata. Ang diwata ng mga ibon. At narito ako para tuparin ang iyong kahilingan ngunit sa isang
kondisyon,” wika ng diwata Kailangan mong magpakita ng magandang asal at huwag
ipagmalaki kung ano man ang iyong kaanyuan. Kung hindi, ikaw ay babalik sa dati mong anyo,”
malinaw na sabi ng diwata. At isang kumpas lang ng kamay ng diwata naging kulay ginto ang
kaniyang mga balahibo at naging maamo ang kaniyang mga mata. “Maraming salamat!”
Masayang sabi ni Togak sa diwata.
Habang naglalaro sina Kalapati, Kuwago at Maya ay napansin nilang napakaliwanag at
kulay ginto ang mga balahibo ni Togak. Inggit na inggit sa kaniya ang mga ito.“Togak, puwede
bang makipag-kaibigan?” Sabi nila. “Ayokong makipag-kaibigan sa mga mabababang uri,”
pahambog na sabi ni Togak. “Umalis kayo sa harapan ko, ayokong makipag-kaibigan sa mga
katulad niyo!” Pagyayabang na sabi ni Togak sa mga ito. “Talagang nagbago na nga si Togak
mula ng maging ginto ang kaniyang mga balahibo.” Wika ni Kuwago. “Oo nga, talagang wala na
siyang kinikilalang kaibigan.” Sabi naman ni Maya.
Kaya isang araw habang naglalakad si Togak ay nagpakita muli sa kaniya ang diwata.
“Togak, dahil sa ipinakita mong masamang pag-uugali at pagiging hambog, ikaw ay babalik sa
dati mong anyo.” Wika ng diwata. At sa isang iglap lang ay bumalik nga ang dating anyo ni
Togak na sobrang itim at mapupula ang mga mata. Kaya umuwi si Togak na luhaan at hiyang-
hiya sa sarili. At ng papauwi siya ay nasalubong niya sina Kalapati, Kuwago at Maya. “Puwede
bang makipagkaibigan sa iyo?” Sabi ni Kuwago. “Kahit na ganito ang anyo ko,”malumanay na
sabi ni Togak.
“Hindi naman panlabas na anyo ang basihan sa pakikipagkaibigan, ang importante ay
tanggap ninyo ang isa’t isa.” wika ni Kalapati. Kaya mula noon ay masayang masaya na si
Togak sa mga bago nitong kaibigan. Kahit na ubod ng itim at mapupula ang mga mata ay wala
na siyang ikinahihiya. Dahil tanggap siya ng mga ito ano man ang kaniyang anyo.

Filipino Baitaing 6 7
 NJTES Developmental Learning School SY 2020-2021

Panuto: Basahin at unawaing mabuti ang mga pangungusap. Mula sa isang pabula na nasa
itaas, sagutin ang mga tanong. Isulat ang titik ng tamang sagot bago ang bilang.
____ 1. Sino ang pangunahing tauhan sa kuwento?
a. diwata b. kalapati c. Togak d. Maya
____ 2. Bakit umiiwas si Togak sa ibang ibon?
a. ayaw niyang makipaglaro sa ibang ibon at baka masaktan lamang siya
b. nahihiya siyang lumapit sa iba dahil sa kaniyang anyong ubod ng itim at may
mapupulang mata
c. ayaw niyang pagtawanan ang kaniyang anyong ubod ng itim at may malalaking paa
d. baka pagtawanan ang kaniyang maputing balahibo at malaking mata
____ 3. Paano binago si Togak sa kaniyang bagong anyo?
a. naging palakaibigan c. sumikat siya
b. palaaway d. hambog at mayabang

____ 4. Kung ikaw si Togak, paano mo dadalhin ang iyong sarili bilang isang batang may ubod
itim na balat?
a. hindi ako lalapit sa iba
b. hindi ko ikakahiya at ipagmamalaki ko ang biyayang bigay ng Diyos
c. magtago at iiwas sa ibang bata baka ako ay kutyain
d. sisihin ko ang Diyos dahil ginawa niya akong iba sa lahat

____ 5. Aling talata sa kuwento ang magbibigay inspirasyon sa iba at nagpapakita ng

pagkapantay pantay?
a. 5 b. 3 c. 4 d. 2

6. Si Togak ay isang ibong ubod ng itim at may mapupulang mga mata. Anong uri ng
pangngalan ang nakasalungguhit?
a. pantangi b. basal c. pambalana d. lansakan

____ 7. Naging kulay ginto ang balahibo ni Togak ngunit ito ay nagpabago sa kaniyang
ugali. Tukuyin ang pambalanang basal sa pangungusap.
a. balahibo b. Togak c. kulay d. ugali

____ 8. Habang naglalaro sina Kalapati, Kuwago at Maya ay napansin nilang

napakaliwanang at kulay ginto ang mga balahibo ni Togak. Anong uri ng pambalana
ang nakasalungguhit?
a. lansakan b. tahas c. basal d. pantangi

____ 9. Tukuyin ang pambalanang lansakan sa pangungusap na ito. Isang kahong sardinas
ang natanggap ni Lando mula sa kanilang barangay.
a. kahon b. sardinas c. Lando d. natanggap

____ 10. Namigay ng bigas ang aming gobernador na si Gng. Angging Dimaporo. Anong uri ng
pangngalan ang ngalang Angging Dimaporo?
a. pambalana b. tahas c. basal d. pantangi

Filipino Baitaing 6 8
NJTES Developmental Learning School SY 2020-2021

Panuto: Maghanap ng isang pabula na may mga tanong. Kopyahin ito sa inyong kwaderno at
sagutin ang mga tanong.

 Mula sa pabula, itala ang mga pangngalang pantangi, pambalana, tahas, basal at
lansakan.
 Magsipi ng isang talata mula sa pabulang kinopya kung saan ito ay nagbibigay
inspirasyon sa lahat.

Filipino Baitaing 6 9
NJTES Developmental Learning School SY 2020-2021

Banlaygas, E.. & Antonio, E., 2016. Yamang Filipino 5, pahina, 67. Rex Printing Company, Inc.,
67.
Castillo, L. & Dichoso, J., 2017. Yamang Filipino 6. Rex Printing Company, Inc., 11.

https://www.kapitbisig.com/philippines/tagalog-version-of-fables-mga-pabula-si- langgam-at-si-
tipaklong-pabula-fable_590.html
https://lrmds.deped.gov.ph/list/kto12/subject/381?page=1

Filipino Baitaing 6 10