GAWAING PAGKATUTO SA FILIPINO SA PILING LARANG (Akademik)

SENIOR HIGH SCHOOL (SMILE 1)

Pangalan : ___________________________ Baitang/Pangkat: ____________

Guro: _______________________________ Petsa ng Pagpasa: ___________

I. SUSING KONSEPTO

AKADEMIKONG PAGSULAT

Ang AKADEMIKONG PAGSULAT, ayon kay Karen Gocsik (2004), ay isang

uri ng pagsulat na ginagawa ng mga iskolar para sa mga iskolar. Madalas na ito
ay nakalaan sa mga paksa at tanong na pinag-uusapan at intertesante sa
akademikong komunidad at naglalahad ng mga importanteng argumento. Ito ay
isang masinop na at sistematikong pagsulat ukol sa isang karanasang panlipunan
na maaaring maging batayan ng marami pang pag-aaral na magagamit sa
ikatataguyod ng lipunan.

Karaniwang ang mga uri ng pagsulat ay nagkakaiba-iba sa paksa, anyo o

estruktura, layunin at maging sa antas ng kaalamang nais ipabatid sa target na
mambabasa. Natatangi sa mga ito ang akademikong pagsulat. Ang akademikong
pagsulat ay naglalayong pataasin ang antas at kalidad ng kaalaman ng mga
mambabasa.

Mga Katangian:

1. pormal at piling-piling paggamit ng pananalita,

2. pagiging obhetibo
3. may paninidigan
4. may pananagutan, at
5. may kalinawan

Kung ihahambing sa malikhaing pagsulat (gaya ng maikling kuwento, tula,

dula at nobela) ang akademikong pagsulat ay nangangailangan ng mas
mahigpit na na tuntunin sa pagbuo ng sulatin. Layunin nitong magbigay ng
makabuluhang impormasyon sa halip na manlibang lamang. Layunin din nitong:

 manghikayat sa pamamagitan ng pagbibigay ng mga posibleng sagot o

dahilan at ebidensiyang maaari mong paniwalaan;

1
RO_ FPL: Akademik _Linggo 1
  mag-analisa sa pamamagitan ng paliwanag at ebalwasyon gayundin
ng mga baryabol at ang kaugnayan nito, at panghuli;

 magbigay ng impormasyon sa pamamagitan ng pagpapalawak at

pagpapalalim sa kaalaman ng mambabasa.

Narito ang mga paraan kung paano ipinahahayag ang mga ideya sa akademikong
pagsulat:

1) Paglalahad (ekpositori) – kung ang teksto ay nagbibigay-linaw/nagpapaliwanag

hinggil sa proseso, isyu, konsepto, o anumang paksa na nararapat na alisan
ng pag- aalinlangan.

2) Paglalarawan (deskriptiv) – kung ang teksto ay bumubuo ng isang imahe sa

pamamagitan ng paglalantad ng mga katangian nito.

3) Pagsasalaysay (narativ) – kung ang teksto ay nagkukwento ng mga

magkakaugnay na pangyayari.

4) Pangangatwiran (argumentativ) – kung ang teksto ay may layuning manghikayat

at manghikayat at magpapaniwala sa pamamagitan ng pagbibigay ng mga
patunay at ebidensiya.

II.KASANAYANG PAMPAGKATUTO:

 Nabibigyan ko ng kahulugan ang akademikong pagsulat.

III. MGA GAWAIN SA PAGKATUTO

Gawain 1 - Akademik o Di- Akademik

Panuto: Basahin at unawain ang pahayag sa bawat bilang. Isulat ang kung
ito ay tumutugon sa mga katangiang taglay ng akademikong pagsulat at
kung hindi. Isulat ang sagot sa loob ng kahon.

1. Layunin ng akademikong pagsulat ang magbigay-impormasyon, mag-

analisa at manghikayat.

2. Sa pagsulat ng akademikong sulatin hindi maaaring gumamit ng higit sa

Isa o kombinasyon ng mga paraan ng pagpapahayag sa iisang teksto.

3. Ang wikang ginagamit sa akademikong pagsulat ay karaniwang di-pormal

pagkat ito ay angkop na angkop sa mga mambabasa sa akademikong

2
RO_ FPL: Akademik _Linggo 1
 institusyon.

4. Masusi ang proseso ng akademikong pagsulat pagkat ito ay nanganga-

ilangan ng pananaliksik ng mga paktuwal na datos na magagamit sa
paglalahad ng mga impormasyon at pag-aanalisa.

5. Ang akademikong pagsulat ay nakalaan sa mga paksang interesante at

pinag-uusapan ng lahat ng tao sa kahit na anong antas at estado ng
lipunan.

Gawain 2 – Compare at Contrast

Panuto: Gamit ang Compare at Contrast, ipaliwanag/ ilarawan ang pares ng salita
sa ibaba. Maaring magsaliksik ng karagdagang kaalaman para sa ikalilinaw ng
paliwanag.

Akademikong
Pagsulat Malikhaing
pagsulat

3
RO_ FPL: Akademik _Linggo 1
Gawain 3 - Katangian Ko, Suriin Mo!

Panuto: Basahin at unawaing mabuti ang sipi ng akademikong sulatin na makikita

sa kasunod na pahina. Sa tulong ng talahanayan, suriin ito batay sa mga taglay
nitong katangian.

Bionote ni Bienvenido Lumbera

Isinulat ni Rommel Rodriguez
Kilalang manunulat at iskolar ng kultura at panitikan, si
Bienvenido Lumbera ay ipinanganak noong Abril 11, 1932 sa Lipa,
Batangas. Nag-aral sa Unibersidad de Santo Tomas noong 1950 at sa
Indiana University noong 1967. Naging propesor din siya sa Osaka
University at University of Hawaii sa Manoa, gayundin din sa iba’t ibang
unibersidad sa bansa.

Hindi matatawaran ang kontribusyon ni Bien sa larangan

ng sining at panitikan. Nakapaglimbag na siya ng mga panandang-bato
na antolohiya, nakapagsulat ng iba’t ibang dula tulad ng Tales of the
Manuvu, Nasa Puso ang Amerika at Hibik at Himagsik nina Victoria
Laktaw. Pinarangalan siya bilang Pambansang Alagad ng Sining at
nagkamit na rin ng gawad mula sa Ramon Magsaysay Awards para sa
Pamamahayag.
Sa kabila ng buhay sa sining, hindi nakaligtaan ni Bien ang
halaga at ugnayan ng kanyang pagiging iskolar, guro at artista sa
lipunan at bayan. Kinikilala ang kanyang ambag sa larangan ng
pagtatayo ng mga organisasyong nagtataguyod ng pambansang
demokrasya. Bukod sa pagiging Professor Emeritus sa UP Diliman, siya
rin ang Chairman Emeritus ng Concerned Artists of the Philippines at
Congress of Teachers/Educators for Nationalism and Democracy. Siya
rin ang naging tagapanguna sa pagkakatatag ng Alliance of Concerned
Teachers, Philippines na nangangalaga naman sa kagalingan ng mga
guro sa Pilipinas.

Maraming beses na rin nakasama si Bien sa mga pambansang kilos-

protesta. Patuloy siyang nakikibahagi sa pagsulong ng makatuwirang
sahod at karapatan ng mga manggagawa. Inilapat niya sa kanyang mga
akda ang buhay at himagsik ng mga magsasaka.

Naging lunan ng kanyang mga karanasan noong batas militar ang mga
obrang tula at awitin. Sa lahat ng ito, isang dakilang patunay si Bien na
ang sining ay marapat lamang magsilbi sa mga uring inaapi at
pinagsasamantalahan, habang ito rin ay mabisang paraan upang
himukin ang mamamayan na makiisa tungo sa paglaya ng bayan.

4
RO_ FPL: Akademik _Linggo 1
 Pamagat ng Teksto: KATANGIAN

Paksa

Layunin

Nilalaman

Kahalagahan sa
Mambabasa

Ginamit na Paraan ng
Pagpapahayag

IV. RUBRIC SA PAGPUPUNTOS

Gagamitin sa Gawain 2, at 3

Organisasyon ng ideya 5 puntos

Wastong estruktura ng wika 5 puntos

Linaw ng paliwanag 5 puntos

Kabuoang puntos 15 puntos

Leyenda:

5- MAHUSAY 3- KATAMTAMAN 1- DI- MAHUSAY

V. REPLEKSIYON

Gamit ang Learners Response Journal, buoin ang di-tapos na pahayag

bilang sariling pagninilay.

1. Pagkatapos ng aralin tungkol sa Akademikong Pagsulat, nalaman kong

_________________________________________________________
kaya ____________________________________________________.

2. Bilang mag-aaral sa Senior High School, mahalagang matutuhan ko ang iba’t

ibang paraan ng pagsulat sapagkat _______________________________.

5
RO_ FPL: Akademik _Linggo 1
VI. SANGGUNIAN

 Rodriguez, Rommel.“Ika-80 Kaarawan ni Dr. Bienvenido Lumbera, Guro at Artista

 Ng Bayan, Ipagdiriwang.” Pinoy Weekly. 13 Abril 2012.Web.Inakses noong 5
 Pebrero 2016.http://pinoyweekly.org/new/2012/04/ika-80-kaarawan-ni-dr-
 bienvenido-lumbera-guro-at-artista-ng-bayan-ipagdiriwang/
 Kagawaran ng Edukasyon. K to 12 Senior High School Applied Subject- Filipino sa
 Piling Larang -Akademik (Curriculum Guide). Disyembre 2013.
 Santos, Corazon L. at Concepcion, Gerald P. Filipino sa Piling Larang- Akademik
 (Kagamitan ng Mag-aaral). Kagawaran ng Edukasyon, Unang Limbag 2016.
 Santos, Corazon L at Concepcion, Gerald P. Filipino sa Piling Lang- Akademik
 (Patnubay ng Guro). Kagawaran Ng Edukasyon. Unang Limbag 2016.
 https://www.academia.edu/5641061/PAGSULAT.

VII. SUSI SA PAGWAWASTO

Gawain 1 Gawain 2 Gawain 3

1. Gagamit ng Rubric Gagamit ng Rubric

2.

3.

4.

5.

Inihanda ni:

ROSEMARIE M. NOCEDO
Amtic NHS, Sangay ng Lungsod Ligao

Tiniyak ang kalidad ni:

LEOPOLDO C. BRIZUELA, JR.

Pandibisyong Superbisor sa Filipino

6
RO_ FPL: Akademik _Linggo 1