1.

2 Ang Pagpaplano sa Pagtuturo

Layunin:
a. Maisa-isa ang mga pagpaplano sa pagtuturo
b. Matalakay ang nasabing paksa ng malinaw
c. Makapagbigay ng mga senaryo na konektado sa paksa
d. Magamit ang epektibong estilo sa pagtuturo ng panitikan

Saklaw ng Panahon: Dalawang Linggo

Mga Kagamitan: Mga papel para sa gawain, laptop, TV, projector

Pagpaplano
❖ Ang mga pagpaplano o paghahanda sa pagtuturo ay ekstensyon ng katauhan at estilo ng isang guro.
❖ Tumutukoy sa mga gawain na nagbibigay direksyon sa pagbubuo ng ugnayan ng mga gawaing pang
mag-aaral at gawain ng guro guro (Clark at Yinger,1980). Ang ganitong depinisyon ay kumikilala
sa pagkakaiba-iba ng personalidad at istilo ngmga guro; pormal, masusing pagpaplano para sa
mga gurong sensitibo sa pangangailangan ng mga mag-aaral at impormal na proseso para sa iba.
Batay sa ganitong pananaw, madali nating makukuro ang isang depinisyon na naglulundo sa mga
pagpaplanong pagtuturo ( instructional planning). Sa tanglaw ng konteksto matutukoy natin na ang
pagpaplano ay isinasagawa upang mabigyan nang tamang direksyon ang pagsasangkot ng mga mag-
aaral sa mga gawain para sa kanilang pagkatuto.
❖ Sa anumang pagpaplanong isasagawa, kailangang bigyang-pansin ang sumusunod:
1. ang mga layunin ng liksyon,
2. ang pamaraan at pagkakasunud-sunod ng mga teknik o istratehiya,at
3. pag-alam sa kasaklawan ng pagtatamo hindi pagtatamo ng mga lilinanging mga layunin.
❖ Ang tatlong aspektong ito ay mahalagang bahagi ng mga pagpaplanong isinasagawa ng guro
para sa isang pagtuturo bagama’t maaaring hindi nabibigyan ng magkakatulad na atensyon o
importansya ang bawat isa. Ang pang-araw-araw na banghay-aralin na ginagawa ng guro bilang
paghahanda sa pagtuturo ay naaayon sa kanyang intwisyon at mga desisyong rasyunal tungkol sa
mag-aaral, sa nilalaman at mga kasanayang linangin, at mga paraan at mga estratehiyang
gagamitin sa pagtuturo.

1. Mga isinasaalang-alang sa Pagtuturo

❖ A n g i sa ng g u r o a y na gp ap l a no up a ng m ak o n t r o l n iy a an g ma aa r i n g k a l a la b as an
n g pagkatuto. Magagawa niya ito sa pamamagitan ng pag-alam sa mga salik na nakaiimpluwensya
sa pagkatuto sa mga tiyak na sitwasyon. Sa pagpaplano kailangan ng isang guro na :

Gamitin ang kanyang kaalaman sa:

❖ Kalikasan ng wika;
❖ Pagkatuto ng wika;
❖ Paano natutuhan ang wika;
❖ Mga salik sa epektibong pagkatuto;
❖ Mga sagabal sa pagkatuto;
❖ Mga kagamitan sa pagtuturo; at
❖ Mga dulog, pamaraan at teknik.
 Pagtiyak o pagbuo ng desisyon tungkol sa:
❖ Ano ang dapat matutuhan;
❖ Gaano ang maaaring matutuhan sa isang tiyak na panahon;
❖ Pag-aayaw-ayaw ng mga episode sa pagtuturo;
❖ Anong Gawain at materyales ang gagamitin at kung saang episode;
❖ Paano masusubaybayan ang pagkatuto at paano makapagbibigay ng pidbak; at
❖ Paano tatayain at pahahalagahan ang pagkatuto.

2. Mga pananaliksik at batayang teoritikal sa pagpaplano

Kindsvatter, et al., 1996
❖ Ang katotohanan na ang epektibong pagpaplano ay mahalaga para sa epektibong pagtuturo
ay hindi na lingid sa kabatiran ng marami. Kakaunti lamang kung mayroon mang pananaliksik sa
pagpaplano noong mga nakaraang dekada. Nito lamang mga huling 15 taon naging masigla ang
mga pag-aaral at pananaliksik hinggil sa pagpaplano. Karamihan sa mga i to’y mga
palarawang pag-aaral (descrip tive research ) at isinasagawa s a antas ng elementarya.

Clark at Yinger 1979

❖ Natuklasan nila na karamihan sa mga guro ay hindi matapat na sumusunod sa paglalapat ng mga
si,ulaing natutuhan nila sa mga ekspertong edukador hinggil sa pagpaplanong pampagtuturo.

Person, Max at Clark 1978

❖ Natuklasan nila na mas unang binigyang-pansin ng mga guro sa pagpaplano ang nilalaman at mga
estratehiya sa pagtuturo bago ang mga layunin.

Iba pang mga mananaliksik:

Levin at Long 1981
❖ Natuklasan nila na maganda ang kalalabasan sa pagkatuto kung may kabatiran ang mga mag-aaral
hinggil sa mga tiyak na layunin na lilinangin. Pinatunayan din sa kanilang pag-aaral na ang pagsasabi
ng tiyak na layunin sa mga mag-aaral ay nagbibigay ng direksyon at seguridad sa pagkatuto.

Clark at Yinger 1980

❖ Sa kanilang pag-aaral humigit kumulang 12 oras sa loob ng isang linggo ang ginugol ng mga guro sa
pagpaplanong pampagtuturo.

Earle 1992
❖ Bumubuo ang maraming guro ng mga imahen o senaryo sa proseso ng kanilang kabuuang plano sa
pagtuturo.

Westerman 1991
❖ Mas komprehensibo ang pananaw ng mga bihasang guro sa mga mag-aaral at sa mga kaalamang
kanilang itinuturo. Ang mga baguhan nama’y nakatutok sa pagtatamo ng layunin sa halip na isaalang-
alang ang dating alam ng mga mag-aaral at iuugnay ang mga ito sa bagong kaalaman.
 Tyson 1991
❖ Nagagawa ng mga sanay na guro na mapagtagni-tagni ang mahahalaga at mahihirap na bahagi ng
isang paksang-aralin kaya nabibigyan nila ito ng ibayong diin. Tinitiyak din ng mga sanay na guro
kung naunawaan ng mga mag-aaral ang mga kasanayang nilinang sa halip na ipalagay na lamang
na natutuhan ang mga ito gaya nang nasa isipan ng maraming guro.

Cooper 1990
❖ Ang epektibong guro ay iyong nagagawang maihatid sa mga mag-aaral ang mga inaasahang bunga
ng pagkatuto.

3. Ang aralin, liksyon at pagplano sa mga aralin

❖ Isang yugto sa pagkatuto kung saan ang mga gawain ay mahusay na pinag-aayaw-ayaw sa
paglinang ng isang tiyak na layunin. Ang isang liksyon ay binubuo ng iba’t ibang yugto may simula,
gitna at katapusan.

4. Mga salik sa isinasaalang-alang sa pagbabanghay-aralin

❖ Ang mga panlahat na layunin at mga tiyak na layunin na inaasahang matatamo.
❖ Katangian ng mga mag-aaral.
❖ Dating kaalaman ng mga mag-aaral.
❖ Mga gawain sa pagkatuto.
❖ Mga kagamitang panturo.
❖ Wikang kailangan sa pagsasagawa ng mga gawain
A. Bago piliin ang mga gawain
B. Kapag napili at naisaayos na ang mga kagamitan para sa mga itinakdang gawain.
❖ Oras at takdang panahon
❖ Partisipasyong guro-mag-aaral
❖ Pagbabalanse sa pagtatakda ng oras para sa mga gawain
❖ Pagsunud-sunod at pag-aantas ng mga gawain

Bakit mahalaga ang pagpaplano ng isang aralin?

1. Nabibigyan ng pagkakataon ang guro na pagtimbang-timbangin ang mga bagay na kaugnay ng aralin
upang makapamili siyang mabuti ng mga gawaing angkop ilapat sa bawat episode ng pagkatuto bago
ito ilahad sa klase.
2. Dalawang dimensyon:
Una: mga gawain na isinasagawa bago pa man simulan ang pagtuturo
Ikalawa: mga gawaing sa loob lamang ng klasrum isinasagawa
3. Nagagawang maihanda ng guro ang kakailanganing software at hardware sa pagtuturo.
4. Ito’y maaaring magiging sanggunian ng guro sa mga darating na araw upang makakuha siya ng mga
impormasyon hinggil sa anong mga gawain ang mabisa o ‘di mabisa sa pagkatuto ng mga batang
kanyang tuturuan.
5. Pagbuo ng isang malinaw na desisyon ay isang mahalagang batayan sa pagpaplano.
Anim na Kategorya ng estilo ng isang epektibong guro:
1. Socrates Type
❖ Ito ay isang uri ng pagtuturo kung saan ang guro ay ang nagtatanong sa estudyante sa halip na
mag-lektyur.
❖ Sa ganitong paraan ang pagtatanong ay nagiging isang isang uri ng gabay na matumbok ng mag-
aaral ang kasagutan sa pamamagitan ng sarili.
❖ Nasa likod nito ang pilosopiyang ang tao ay may kakayanang tuklasin ang katotohanan sa
pamamagitan ng pangangatwiran.
❖ Ipinangalan ang teknik na ito sa pilosopong nagpasimuno nito, si Socrates. Minsan daw kaseng
tinuruan ni Socrates ng Math ang isang bata sa pamamagitan lamang ng pagtatanong. Natuto ang
bata sa matematika sa pamamagitan ng sariling pagtuklas. Doon naghinala si Plato, isang disipulo
ni Socrates, na ang mga ideya ay nasa loob na ng isip bago pa man ipanganak ang isang indibidwal.
Doon nagsimula ang doktrinang rasyunalismo ni Plato. Ayon sa kanya ang katotohanan ay nasa
“Mundo ng mga Ideya” at ang mga nakikita natin ay larawan lamang ng realidad mula sa mundong
ito. Ang hindi alam ni Plato, ang pangangatwiran ang nagdala sa bata sa karunungan at hindi ang
ideya. Ito ang bagay na binigyan diin ni Aristotle sa kanyang doktrinang “empirisismo.” Ayon kay
Aristotle ang isipan ng tao ay isang tabula rasa o blankong papel. Nagkakaroon tayo ng ideya dahil
sa ating mga nakikita, naririnig at nadarama.

2. The Town-Meeting Manager Type

❖ Isang buong pagtitipon ng paaralan na nagpapaunlad ng pamayanan at nagbigay ng isang forum
upang ipagdiwang ang isinagawang pag-aaral ng mga mag-aaral.
❖ Nagbibigay sa mga mag-aaral ng pagkakataong ipakita ang pag-unlad ng kanilang pag-aaral sa mas
malaking pamayanan sa malikhain, kawili-wili at masining na paraan.

3. The General Type

Atityud ng guro: Salik sa matagumpay na pagkatuto ng wika:
a. Walang itinatangi g. Marunong tumanggap ng kamalian
b. May positibong ugali h. Mapagpatawad
c. May kahandaan i. May respeto
d. May haplos personal j. May mataas na ekspektasyon
e. Masayahin k. Mapagmahal
f. Malikhain l. Ipinadaramang kabilang ang mga
mag-aaral

❖ Ang epektibong guro ay malikhain. Ang kanyang klase ay masigla, kawili-wili at laging may bagong
gawain. Hindi lamang magpunla at magkintal ng impormasyon o prinsipyo at hangarin, kundi higit sa
lahat ang ninanais ay matulungan ang mga mag-aaral na mapabuti ang buhay (Richards 1992).

4. The Business Executive Type

Tungkulin ng guro:
❖ Lumikha ng isang kultura ng pangangalaga
❖ Magtatag ng mga panuntunan
❖ Pinapanatili ang pananagutan
❖ Pinapamahalaan ang mga problema
5. The Tour Guide Type
❖ Nagbibigay ng tiyak at malinaw ang layunin.
❖ Malawak ang kabatiran sa paksa/ asignatura.
❖ Nalilinang ang tatlong E’s ng pagkatuto.
1. Explore ( Paggalugad )
2. Exposure ( Pagpapakita )
3. Experience ( Karanasan )

6. Compulsive Type
❖ Mapilit, mangailangan, kailanganin
Mga tanong upang malaman kung ano ang compulsive type na guro:

1. Anong ugali ng guro ang dapat mamayani sa loob ng klase?

Ang mga katangian ng epektibong guro:
a. Walang itinatangi
b. May positibong ugali
c. May kahandaan at kahusayan

2. Ano ang impresyong maaring makita ng mga mag-aaral sa guro?

Mga hakbang walang itinatangi:
❖ Maging makaibigan at matulungin
❖ Sinisibukan ang iyong pinakamahusay
❖ Pagsunod sa mga panuntunan

3. May kinalaman ba ang ugali ng guro sa klase sa pagkatuto ng kanilang mga mag-aaral?
Atityud ng guro: Salik sa matagumpay na pagkatuto ng wika:
❖ Marunong tumanggap ng kamalian
❖ May mataas na ekspektasyon
❖ May respeto
❖ Mapagmahal, pag-aalala o pagmamahal

Mga Katangian ng Mabuting Pamamaraan sa Pagtuturo

❖ May mga dapat isaalang-alang ang guro sa pagpili ng pamamaraang kanyang gagamitin.
❖ Angkop sa kakayahan at kawilihan ng mag-aaral
❖ Angkop sa paksang-aralin at sitwasyon.

Maaaring sabihing ang isang mabuting pamamaraan ng pagtuturo ay magtaglay ng mga sumusunod:

1. Ang mabuting pamaraan ng pagtuturo ay yaong payak at madaling isagawa.

❖ Hindi na mangangailangan ng mahabang araw ng paghahanda ng mga kagamitan at mga
pantulong ang guro.
2. Nasasangkot sa lahat ng mag-aaral sa mahahalagang gawain gaya ng:
❖ Pagbabalak ❖ Pagsasanay at pagkakapit ng mga
❖ Pagtatanong simulain
❖ Paghahambing at pag- ❖ Tuntunin at paglalahat na nabuo at
eeksperimento natutuhan
❖ Pakikimatyag ❖ Pagsusuri
❖ Paglalahat ❖ Pagtatalakayan
❖ Pagpapasiya
3. Ang mabuting pamaraan ay nagbibigay ng mabuting bunga at kahihinatnan.
4. Ang mabuting pamaraan ng pagtuturo ay humuhubog sa mabuting pag-uugali at kaasalan ng mag-
aaral.
❖ Hindi diwa ng paglalaban o kompetisyon ang dapat malinang kundi ang diwa ng pag-unawa
at pakikipagtulungan.
5. Nakatutulong sa paglinang ng maraming kakayahan gaya ng:
❖ Pananaw
❖ Paghipo
❖ Pang-amoy
❖ Pakikinig panlasa

Nasasangkot din ang:

❖ Pang-unawa ❖ Pagpapahayag
❖ Pagsusuri ❖ Pagpapakahulugan
❖ Pagbibigay ng palagay ❖ Masusing pagmamasid

6. Ang mabuting pamaraan ng pagtuturo ay humahamon sa kakayahan ng mag-aaral.

❖ Gumaganyak ito sa mga mag-aaral sa pagsasakatuparan ng mga gawain.
7. Ang guro ay tagasubaybay at tagapayo at papasok lamang sa bahaging hindi na kaya ng mag-
aaral ang gawain.
8. Ang isang mabuting pamaraan ng pagtuturo ay umaalinsunod sa mga simulain ng pagkatuto at sa
pilosopiya ng pagtuturo at sikolohiyang edukasyunal.