Eleksyon na naman

Gumising na tayo mga kapwa ko mamamayan

Piliin natin ang taong may sapat na kakayahan

Sa pamumuno at paglilingkod sa ating inang bayan.

Imulat mo ang iyong mga mata

Huwag papasilaw sa mga pangako nila

Nasa kamay natin nakasalalay ang ating kinabukasan

Kaya’t halina ating kilatising mabuti ang dapat na ihalal.

Ang kailangan natin ay mga mamumunong maghahatid sa atin ng pagbabago

Mga taong walang bitbit na pansariling pagnanasa sa kanilang pagtakbo

Kailangan natin ng mga mamumunong may hangaring mapagkaisa ang mga Pilipino

Mamumunong handang makinig sa mga hinaing ng mga nagsusumamo at magpapa-iral ng nasyonalismo.

Marami na siguro kayong mga naririnig o nababasa

Mga paninira, kritisismo, at mga panghuhusga

Galing sa mga kapwa kritiko laban sa mga kandidata

Ngunit huwag basta maniniwala, maging matalino sa pagsusuri kung ito ay kasingungalingan o tama.

May mga napupusuan na ba kayo na sa tingin niyong karapat-dapat na maihalal?

Mula sa pagkapresidente, senado hanggang sa mga mamumunong lokal?

Huwag sana tayong padadala sa kanilang mga mabubulaklak na salita o sandamamak na pangako

Piliin natin sa halalan ang may paninidigan at prinsipyo.

Kabataan, tinaguriang pag-asa ng bayan

Mahigit sa apatnapu’t porsyento ang ang sakop natin sa susunod na halalan

Ito na ang pagkakataon upang boses natiý mapakinggan

Oras na upang ating patunayan na tunay ngang kabataan ang pag-asa ng bayan.

Boto mo, Boto ko lahat ay mahalaga

Halina’t ating abutin ang tunay na pagbabago para sa ating bansa

Tulong-tulong tayong baguhin ang ating baluktot na sistema

Para sa atin, sa mga naaapi, sa susunod na henerasyon at sa mga pinagkaitan ng hustisya.

Sa parating na eleksyon ay hindi lamang laban ng mga kumakandidato sa ating bansa

Laban din natin itong mga Pilipino, kaya’t magparehistro ka na

May ilang buwan pa ang natitira kaya’t humanda ka na

Maunlad, pantay at maayos na Pilipinas para sa mga Pilipino

Lumaban at magka-isa tayo.