10

Filipino
Kwarter 2- Aralin 2
Saloobin at Damdamin
Ipahayag Mo!
Filipino – JHS Baitang 10
Aralin 2: Damdamin at Saloobin, Ipahayag mo!

Isinasaad ng Batas Republika 8293, sekyon 176 na “Walang aangkin ng karapatang-

ari ng anumang akda na gawa ng Pamahalaan ng Pilipinas. Gayunman, kailangan muna ang
pahintulot ng ahensiya o tanggapan ng pamahalaan na naghanda ng akda kung ito ay
gagamitin upang pagkakitaan. Kabilang sa mga maaaring gawin ng nasabing ahensiya o
tanggapan ay ang pagtakda ng kaukulang bayad.”

Ang karapatang-ari ng mga hiniram na kagamitan (tulad ng awit, kuwento, tula,

larawan, ngalan ng produkto, tatak atbp.) na ginamit sa modyul na ito ay taglay ng may-akda
at ng tagapaglathala nito. Ginawa ang lahat ng paraan upang mahanap at makuha ang
pahintulot ng nagmamay-ari na magamit ang mga nabanggit na kagamitan. Hindi kinakatawan
maging inaangkin ng tagapaglathala at ng mga may-akda ang karapatang-ari sa mga ito.

Inilathala ng Kagawaran ng Edukasyon

Panrehiyong Direktor: Gilbert T. Sadsad

Kawaksing Panrehiyong Direktor: Ronelo Al K. Firmo

Mga Bumuo ng Modyul

Manunulat: Maricel N. Formales

Editor: Nora J. Laguda
Tagasuri: Sonny A. Taugan
Tagaguhit: Jan Ervin S. Babor
Tagalapat: Jaycel P. Laurente; Brian Navarro
Paunang Salita

Bilang tugon sa makabagong tunguhin sa pagkatuto ay binuo ang serye ng

modyul na ito. Nilalaman nito ang mga pinakamahahalagang kasanayang
pampagkatuto o Most Essential Learning Competencies (MELC) sa ilalim ng
kasalukuyang kalagayan ng edukasyon. Upang matugunan ang hamong kinakaharap
sa edukasyon, kalusugan at kaligtasan malaking tulong ang modyul na ito sa patuloy
na pag-aaral ng kabataan sa loob at labas ng paaralan sa pakikipagtulungan ng mga
magulang at tagagabay
Inaasahan na ang modyul na ito ay higit na makatutulong sa paglinang ng
kasanayan at kakayahan ng mga mag-aaral.

Para sa Tagagabay:
Upang lalong kagiliwan ng mag-aaral at maging kapaki-pakinabang
ang modyul na ito, tiyaking makapagbigay ng oryentasyon sa mga mag-
aaral, magulang, o sinomang miyembro ng pamilya kung paano gagamitin
at iingatan ang modyul na ito.
Ipabatid na kailangang magkaroon ng sariling sagutang papel ang
bawat mag-aaral para sa paunang pagsubok, mga gawain sa bawat bahagi
at panapos na pagsubok. Kung tapos nang sagutin ang modyul na ito,
ipaalala sa mag-aaral na kaagad itong ibalik sa guro para sa kaukulang
tunguhin.

Para sa mag-aaral:
Inihanda ang modyul na ito para sa iyo. Kailangan
mong sundin at saguting mag-isa ang mga gawaing
nasa loob nito. Huwag kang mag-alala, kayang-
kaya mo ito. Tiniyak kong matutuwa ka habang
natututo.
Ingatan mo ang modyul na ito. Huwag mong
susulatan at iwasang mapunit ang mga pahina.
Gumamit ka ng sagutang papel o ang iyong
kuwaderno. Sige, simulan na natin!

ii
 Saloobin at Damdamin
Ipahayag mo!

P animula

Magandang araw, Kaibigan!

Handa ka na bang ipahayag ang iyong saloobin at damdamin?
Sa pag-aaral ng panitikan, ang pagpapahayag ng saloobin at
damdamin ng mag-aaral bilang reaksyon sa binasa at sinuring akda
indikasyon ng pagkatuto.
Sa pagbabasa ng lunsarang akda ,malalaman mo ang pagkakaiba at
pagkakatulad ng kultura ng bansang pinagmulan ng akda ng Scotland
at ng Pilipinas.
Tara simulan na natin!

L ayunin

Sa modyul na ito ikaw ay inaasahang…..

Naisusulat nang wasto ang sariling damdamin at saloobin tungkol sa
sariling kultura kung ihahambing sa kultura ng ibang bansa.

T alasalitaan
May mga bagong salita na dapat mong kilalanin para sa araling ito. Magagamit
mo ang mga ito upang ganap mong maunawaan ang mga susunod na talakayan
tungkol sa ating paksa

1
 Ambisyon – pangarap sa buhay
Damdamin – kilos o gawi resultang emosyon mula sa binasang akda
Heneral – opisyal na may mataas na ranggo
Kastilyo – gusaling tirahan ng maharlika
Kultura – pinaghalong tradisyon, paniniwala at pamumuhay na
kinasanayan na ng mga tao sa isang komunidad
Saloobin – positibo o negatibong kaisipang nabuo mula sa akda
Tradisyon – kaugalian o dktrina na nagpasalin-salin mula sa
mula sa magulang tungo sa mga anak o naging kinagawiang
paraan ng pag-iisip o pagkilos

P animulang
agsubok
Bago tayo magsimula ng ating aralin. Subukin mo munang paglakbayin ang
iyong kaisipan sa pamamagitan ng pagsubok na ito. Panuto:Magbigay ng iyong
saloobin at damdamin tungkol sa bansang Scotland batay sa sumusunod na aspekto.
Gamitin ang grapikong presentasyon.

Relihiyon Kultura at Tradisyon

Scotland

Panitikan at Literatura Mga Tao

• Pag-uugali
• Pananaw/
paniniwala
• Pamumuhay

2
 Binabati kita!

Nasagutan mo ang panimulang

pagsubok!

Mga Gawain sa Pagkatuto

Ang akdang babasahin at pag-aaralan natin ngayon ay isang dula. Ito ay mula sa
kilalang manunulat na si William Shakespeare. Bigyang pansin ang kulturang nakapaloob sa
akda.

Alam mo ba na….
ang dula ay isang uri ng panitikan? Nahahati ito sa ilang yugto na maraming tagpo.
Pinakalayunin nitong itanghal ang mga tagpo sa isang tanghalan o entablado. Gaya ng ibang
panitikan, ang karamihan sa mga dulang itinanghal ay hango sa totoong buhay maliban na
lamang sa iilang dulang likha ng malikhain at malayang kaisipan.

Samantala, ang trahedya ay isang dulang ang bida ay nahahantong sa malungkot

na wakas o sa kabiguan. Mayroon ding mga uri ng ganitong dulang may malungkot na wakas
o sa kabiguan. Mayroon ding mga uri ng ganitong dulang may malungkot ngunit
makabuluhang wakas. Nagsimula ang ganitong uri ng drama mula sa sinaunang Gresya.
Kabilang sa maagang bantog na tagapagsulat ng trahedya sa Gresya na sina Aeschylus,
Sophocles, at Euripides.

3
 Alam mo rin ba?
Ang Macbeth ay itinuring na isa sa pinakamahusay na trahedya at isa rin sa
pinakapopular sa mga dulang isinulat ni William Shakespeare kung ang dalas o bilang ng
pagtatanghal ang pag-uusapan. Ito rin ang pinakamaikli sa mga dulang sinulat niya na halos
kalahati lang ang haba ng isa pa niyang dulang Hamlet, Sinasabing nabuo niya ito sa
pamamagitan ng mga taong 1603 hanggang 1607.

May mga pamahiing iniuugnay sa dula na kilala ng mga artista sa teatro bilang “curse
of Macbeth.” Maraming kuwento ng kababalaghan ang iniuugnay rito. Isa sa mga kwento ang
tungkol daw sa biglang pagkamatay ng batang lalaking gumaganap bilang Lady Macbeth sa
araw ng unang pagtatanghal ng dula. Marami pang ibang kuwento tulad ng pagkakagamit daw
ng totoong patalim sa halip na di totoong patalim na naging sanhi ng pagkamatay ng tauhan.
May mga ginagawa ang mga artista upang makaiwas sa kamalasang dala raw ng dula sa mga
nagtatanghal nito. Isa na rito ang hindi nila pagbanggit nang malakas sa pamagat ng dula kapag
sila’y nasa loob ng tanghalan maliban na lang sa aktuwal na pagsasadula. Sa halip, tinatawag
nila itong “The Scottish Play” o “That Play.” Ang remedyo raw kapag aksidenteng nabanggit
ang pamagat ng dula ang paglabas muna ng taong nakagawa nito, pag-ikot ng tatlong beses,
pagdudura, at pagmumura nang malakas.
Gayunpaman, ang isang paliwanag kung bakit may mga nasasaktan sa pagsasadula nito ay
dahil sa napakaraming eksenang may pisikal na labanan sa Macbeth. Hindi tuloy maiwasang
may masaktan at kapag ang kuwentong ito ay nagpasalin-salin na sa bibig ng mga tao,
nagiging bahagi na ito ng “curse of Macbeth.”

Saggunian:
“The Story of Macbeth”.http://www.macbethonbroadway.com/Macbeth-synopsis.html.(accessed
October 14, 2014)
SparkNotes Editors.”SparkNote on Macbeth.”SparkNotes LLC.2002.
https://www.sparknotes.com/shakespeare/macbeth/(accessed October,2014).

Para lubusan mong maunawaan kung ano ang dula at malaman mo ang totoong misteryong
bumabalot sa dula “Macbeth” basahin at intindihin ang buod ng akda.
Macbeth (Buod ng Dula)
ni William Shakespeare
(Isang malayang Salin)

Si Macbeth at ang kaibigan niyang si Banquo, kapwa heneral ng mga kaharian

ng Scotland na pinamumunuan ni Haring Duncan ay papauwi na mula sa matagumpay nilang
pakikidigma sa dalawang hukbong magkahiwalay sa sumalakay sa kanilang kaharian.
Nakasalubong ng magkaibigan ang tatlong manghuhulang may nakakatakot na itsurang tila
mga bruhang hindi nagmula sa daigdig ng mga tao. Binati nila si Macbeth bilang Thane ng
Glamis(na siyang tunay na titulo) at Thane ng Cawdor). Sinabi rin nilang magiging hari siya
balang araw. Kay Banquo naman ay sinabi ng mga manghuhula na magmumula sa kanyang
sa kanyang hari ang magiging tagapagmana ng korona. Nang maglaho ang manghuhula ay
naiwan ang magkaibigang hindi makapaniwala sa kanilang narinig. Maya-maya’y dumating
ang mga tauhang ipinadala ni Haring Duncan upang batiin at pasalamatan ang dalawa, at
upang sabihin ding si Macbeth ay hinihirang bilang Thane ng Cawdor bilang kapalit ng dating
Thane na nagtraydor sa kaharian at naparusahan nga kamatayan. Dito napagtanto ng

4
magkaibigan na nangyari nga ang unang bahagi ng hula. Nang tanungin ni Macbeth si Banquo
kung umaasa ba siyang sa lahi niya magmumula ang magiging tagapagmana, ipinagkibit-
balikat lang niya ito at sinabing ang demonyo minsan ay nagsasaad ng kalahating
katotohanan upang maakit ang taong gumagawa ng makakasama sa sarili. Hindi ito pinansin
ni Macbeth na nag-iisip kung magkakatotoo nga kayang siya’y magiging hari at kung basta
na lang ba ito ibibigay sa kanya o matutupad ito sa pamamagitan ng paggawa niya nang hindi
mabuti.
Nang magkita sina Haring Duncan at ang dalawang heneral ay nagpasalamat
nang labis ang hari sa kanilang kabayanihan at inihayag na ang gusto niyang maging
tagapagmana ng trono ay ang kanyang anak na si Malcolm. Sinabi rin ng hari na gusto niyang
maghapunan at magpalipas ng gabi sa kastilyo ni Macbeth. Sumulat si Macbeth sa kanyang
asawang si Lady Macbeth upang ipaalam ang planong pagdalaw ng hari gayundin ang mga
sinabi sa kanya ng tatlong manghuhula.
Nang mabasa ni Lady Macbeth ang liham ng asawa tungkol sa inihayag ng
tatlong manghuhula ay labis niyang inasam na mapunta ang trono sa kanyang asawa at ang
naiisip lang niyan ay paraan ay ang pagpatay ni Macbeth sa hari habang ito’y nasa kabilang
kastilyo. Pinag-isipan ni Macbeth ang kagustuhan ng asawa subalit hindi niya maatim gawin
dahil napakabuti ng hari at wala siyang dahilan para patayin ito maliban sa kanyang ambisyon
subalit ikinagalit ito nang labis ni Lady Macbeth. Pinagsabihan siyang duwag at kinuwestiyon
ang kanyang pagkalalaki. Hinikayat siya nito sa pamamagitan ng isang plano; paiinumin niya
ng alak ang dalawang bantay ng hari para makatulog. Pagkatapos ay sasaksakin ni Macbeth
ang natutulog na hari at ang dugo’y ipapahid sa dalawang guwardiya upang sila ang
mapagbintangan. Nakumbinsi si Macbeth at kinagabiha’y isinagawa niya ang karumal-dumal
na pagpatay sa mabuting hari.
Kinabukasan, nadiskubre ni Macduff, isa pang maginoong pinagkakatiwalaan
ng hari ang kanyang bangkay. Ang krimen ay ibinintang ng mag-asawang Macbeth sa
dalawang guwardiya. Sinabi ni Macbeth na napatay rin niya ang dalawa dahil sa matinding
galit niya sa ginawa nilang pagpaslang sa hari. Hindi makapaniwala si Macduff na kayang
patayin ng guwardiya si Haring Duncan at siya’y nagsimulang magsuspetsa. Sa pagkamatay
ng hari, si Macbeth ang hinirang na hari ng iba pang maharlika. Ang dalawang anak ng haring
sina Malcolm at Donalbain ay agad tumakas dahil sa takot para sa kanilang kaligtasan. Alam
nilang kung sino man ang pumatay sa kanilang ama ay gugustuhin ding isunod sila. Si
Malcolm ay nagtungo sa England at si Donalbain ay nagtungo sa Ireland.
Bagama’t naging hari na ay hindi pa rin nawala sa isipan ni Macbeth ang sinabi
ng tatlong manghuhula na ang magiging tagapagmana ng kaharian ay magmumula sa lahi ni
Banquo. Inimbita nilang mag-asawa si Banquo sa pagtitipong gagawin sa kanilang palasyo
kinagabihan. Ang hindi alam ni Banquo ay kumausap na pala si Macbeth ng dalawang
mamatay-tao upang ipapatay siya at ang anak niyang si Fleance. Kinagabihan, may ikatlong
mamamatay taong ipinadala upang makatulong sa dalawang kinausap ni Macbeth. At nang
patungo na nga sa palasyo ang mag-ama ay inabangan at isinugod sila ng mamamatay-tao
subalit si Banquo lang ang napatay nakatakas si Fleance. Sa pagtitipong inihanda ni Macbeth
para sa lahat ng maharlika sa Scotland ay nagpakita sa kanya ang multo ni Banquo. Labis na
natakot at nataranta si Macbeth na ikinagulat ng kanyang mga panauhin. Sinikap ni Lady
Macbeth na ayusin ang sitwasyon subalit ang pangyayari’y nakasira hindi lang sa marangyang
pagtitipon kundi sa paningin din ng mga maharlikang bisita para sa kanilang bagong hari.
Binalikan ni Macbeth ang tatlong manghuhula at inilahad ang sumusunod na
hula para sa kanya: Kailangan niyang mag-ingat kay Macduff; na hindi siya kailanman
mapapatay ng sinumang ‘’iniluwal ng isang babae’’; at magiging ligtas siya hangga’t hindi niya

5
nakikita ang gubat ng Birnam Wood ay hindi naman puwedeng gumagalaw at magpunta sa
Dunsinane.
Ang hindi alam ni Macbeth ay tumakas pala si Macduff upang pumanig kay
Malcolm. Sinubok muna ni Malcolm ang katapatan ni Macduff bago niya ito tinanggap. Nang
malaman ni Mcbeth ang ginawang pagpanig ni Macduff kay Malcolm ay agad niyang ipinay-
utos na kubkubin ang kastilyo nito at ipapatay ang asawang si Lady Macduff at ang kanilang
anak.
Galit nagalit at labis na nagdalamhati si Macduff nang makarating sa kanya
ang ginawa ni Macbeth sa kanyang pamilya at sumumpang ipaghihiganti ang nangyari sa
kanila. Bumalik sila Malcolm sa Scotland kasama ang sampung libong sundalong ipinahiram
ni Haring Edward para labanan ang hukbo ni Macbeth. Suportado sila ng mga maharlikang
Scottish na tumutol na rin sa mapaniil na pamumuno at malupit na pagpatay ni Macbeth
maging sa mga inosente.
Sa kabilang dako, si Lady Macbeth ay unti-unti nang inuusig ng kanyang
konsensiya, Siya’y naglalakad sa kanyang pagtulog at ipinagpipilitang may dugo ang kanyang
mga kamay na hindi kayang hugasan ng tubig.Bago dumating ang mga kalaban ni Macbeth
ay nakarating sa kanya ang balitang nagpakamatay ang kanyang asawa. Ikinabagabag niya
ang balitang ito subalit lalo pa niyang pinalakas ang puwersa sa Dunsinane at inisip na dahil
sinabi ng mga manghuhula ay hindi siya matatalo. Gayunpama’y labis siyang natakot nang
malamang ang hukbo nina Malcolm at Macduff ay paparating na at may dalang pinutol na
sanga mula sa kagubatan ng Birnan Wood upang maikubli ang tunay nilang bilang. Nangyari
na isa-isa ang mga hula.
Nakipaglaban nang buong giting si Mcbeth subalit malakas ang hukbo mula
sa England. Unti-unting natalo ang kanyang hukbo at magkaharap sila ni Macduff ay sinabi
nitong hindi siya iniluwal ng kanyang ina kundi mula sa sinapupunan ng kanyang ina, siya’y
tinanggal upang mailabas (ito ang kilala natin ngayong CS o panganganak sa pamamagitan
ng cesarean section) kahit alam na niyang matatalo siya ay ipinagpatuloy pa rin ni Macbeth
ang pakikipaglaban hanggang sa mapatay siya ni Macduff. Si Malcolm, anak ni Haring Duncan
ang itinanghal na hari ng Scotland.

Paano nakaapekto ang dula sa pagpapahayag ng

damdamin at saloobin mo ? Malinaw bang nasalamin
ang kultura ng bansang pinagmulan ng akda?

Itiman ang angkop na bilog.

?
Nauunawaan mo ba ang binasa mong dula?
o Oo
o Medyo
o Hindi

Yehey! Masaya akong malaman na pagkatapos mong basahin ang mahahalagang impormasyon sa
aralin ay naging malinaw sa iyo ang konsepto.

Iba ka talaga! Pinabilib mo ko !

Ipagpatuloy mo pa.

6
 P agsasanay 1

Panuto: Sagutin ang sumusunod na pahayag.

1. Paano nagkaiba ang reaksyiyon ni Baquo sa sinabi ng mga bruhang manghuhula na
naging reaksiyon ni Macbeth? Ano ang ipinakita ng naging reaksiyon ni Macbeth sa
kanyang pagkatao?
2. Paano mo ilalarawan si Lady Macbeth bilang asawa? Masasabi bang siya ang pang-
apat na bruha sa buhay ni Macbeth? Patunayan?
3. Anong karumal dumal na krimen ang nagawa niMacbeth sa taong nagtiwala nang
lubos sa kanya ng dahil sa pag-uudyok ng asawang makuha niya ang
kapangyarihan?
4. Bakit naging madali na sa kanya ang pumatay ng sinuman, maging mga inosenteng
babae o batang walang kamuwang-muwang na sa tingin niya’y hadlang sa kanyang
ambisyon pagkatapos nito? Ano ang Nawala o nabago sa kanyang pagkatao?
5. Paano namatay si Banquo? Paano nasira ng multo niya ang pagtitipon at ang
pagkakilala ng mga Maharlika kay Macbeth?
6. Bakit muling lumapit si Macbeth sa mga bruhang manghuhula? Paano siya iniligaw o
binigyan ng huwad napag-asa ng mga ito?
7. Paano pinagbayadan ni Macbeth ang kanyang mga kasalanan? Ano ang
ipinahihiwatig ng sinasabi niyang dugo sa kanyang mga kamay?
8. Paano natalo ni Macduff si Macbeth gayong sa pagkakaalam niya’y walang
sinumang iniluwal ng isang babae ang makatatalo sa kanya?

Kamusta ang unang pagsasanay? MADALI ba o MAHIRAP?

Nakuha mo bang lahat ng wastong sagot sa pagsasanay 1?

Kung nakuha mo nang lahat, ikaw ay MAHUSAY!
Maaari mo nang gawin ang Pagsasanay 2.
Kung mababa sa 5, balikan mong muli ang hindi mo nakuha at pag-aralang
muli at pagkatapos, magpatuloy na sa pagsasanay 2.

7
 P agsasanay 2

Panuto: Pumili ng isang pangyayari sa akda. Pagkatapos, isulat ang saloobin at damdamin
nito sa iyo. Gayahin ang kasunod na pormat sa papel.

Pangyayari sa
akda

Bisa

Pangkaisipan/ Damdamin
Saloobin

Ang galing-galing mo! Natapos mo ang Pagsasanay 2.

Saang pagsasanay ka nahirapan?

Pagsasanay 1 Pagsasanay 2

Gayunpaman binabati kita sa iyong tagumpay.

Dahil madali mo lang nasagutan ang unang pagsasanay, heto pa ang isa pang
gawaing magpapatibay ng iyong kaalaman.

8
 P agsasanay 3

Panuto. Ihambing mo ang bansang tagpuan ng dula sa ating bansang Pilipinas.

Gamiting pamanatayan sa paghahambing ang mga gabay sa unang hanay.

Paghahambing base sa Bansang Tagpuan ng Bansang Pilipinas

Dula(Scotland)
• Pinuno ng Estado

• Uri ng Pamahalaan

• Kalagayan sa buhay
ng nakakarami sa
mamayan
• Tawag sa
mamamayan
• Tirahan ng mga
pinuno
• Iba pang kultura at
kaugalian ng
dalawang bansang
nabanggit

Lodi na kita! Natapos mo ang mga pagsasanay

Nasagutan mo lahat na pagsasanay.

Anong naramdaman mo matapos malaman ang

resulta ng iyong pagsisikap?

 ☺ 

9
 P angwakas na
agsubok

Tulad ng kultura ng ibang bansa, ang kulturang Pilipino ay makulay at mayaman din.
Panuto: Pumili ng isa sa mga kultura at tradisyon nating ipinagmamalaki at sa tingin
mo’y naiiba sa kultura ng ibang lahi. Isulat mo sa mga linya sa ibaba ang
kultura nating ito gayundin ang iyong damdamin o saloobin kaugnay
nito.
___________________________________________________________________
___________________________________________________________________
___________________________________________________________________
___________________________________________________________________
____________________________________________________________________

K aragdagang

G awain

G
Ang ganda ng aralin natin.

Ang dami kong natutuhan.

Na-enjoy ko rin ang mga gawain

at pagsasanay.

Hindi rin ako nahirapan sa mga

pagsasanay. Kaya parang gusto
ko pa ng karagdagang gawain.

Tara magtulungan tayo!

10
Magaling ang ipinakita mong sipag upang matutuhan at maunawaan ang gawain
sa modyul na ito. At upang subukin pa kung talagang naunawaan mo ang
mahalagang konsepto na dapat mong matamo. Sagutin ang kasunod na
mahalagang tanong.

1. Mahalaga ba ang pagpapahayag ng saloobin at damdamin sa pag-aaral ng

panitikan? Ipaliwanag ang iyong sagot.
______________________________________________________________
_____________________________________________________________
2. Paano nakatutulong ang akda sa paglalarawan ng tradisyon at kultura ng isang
bansa?
______________________________________________________________
______________________________________________________________

Sa wakas ay narating mo ang dulo

ng aralin. Ang saya-saya ko at
napagtagumpayan mo ang mga
pagsasanay at gawain.

Werpa di ba!!!?
Oh, hanggang sa muli!

11
 12
Panimulang Pagsubok
Relihiyon
Kristiyanismo
Protestantismo
Islam
Judaismo,
iba pang karagdagang sagot
Panitikan/Musika
- Mga sulatin na nasa wikang Eskoses o Gelikong Eskosis -Pagpapahalga
sa tradisyunal na musika na may impluwensiya ng Ingles at Ilander,
iba pa..
Kultura /Tradisyon
o Kulturang Ekosis –pagpapahalaga sa legal na Sistema
o Tradisyunal na pananamit( Highland Dress)
o May mahusay na tradisyon ng mga pagdiriwang at
iba pa..
Mga Tao
Pag-uugali – masayahin,mapoporma sa pananamit, mababait, outgoing na mga
tao
Pamumuhay –mahilig sa kasiyahan, mapagpahalaga sa trabaho
Pananaw –pagpapahalaga sa pakikipag-ugnayan sa lipunan
at iba pa…
Pagsasanay 1
Subhetibo ang sagot
Pagsasanay 2
Subhetibo ang sagot
Pagsasanay 3
Paghahambing base sa Bansang Tagpuan ng Bansang Pilipinas
Dula(Scotland)
Pinuno ng Estado Hari ( maharlika) Presidente
Uri ng Pamahalaan Parlamentaryo Demokratiko
Tawag sa mamamayan Scottish Pilipino
Tirahan ng mga pinuno Kastilyo Palasyo
Iba pang kultura at kaugalian Obhetibo ang sagot Obhetibo ang sagot
ng dalawang bansang
nabanggit
Pangwakas na Pagsubok
Subhetibo ang sagot
Karagdagang Gawain
Subhetibo ang sagot
agwawasto P
usi sa
 anggunian

Filipino – Ikasampung Baitang, Modyul para sa Mag-aaral,Unang Edisyon 2015, Vibal

Group Inc. Department of Education-Instructional Materials Council Secretariat
(DepEd-IMCS) Office Address: 5th Floor Mabini Bldg., DepEd Complex, Meralco
Avenue Pasig City , Philippines 1600 Telefax: (02) 634-1054 o 634-1072 E-mail
Address: imcsetd@yahoo.com

Emily V. Marasigan et.al, Pinagyamang Pluma 10, Aklat 1(Kto12)

Karapatang pag-aari ng Phoenix Publishing House, Inc. p27 Quezon Ave.,
Quezon City, Kasapi: Philippine Educational Publishers Association,
pahina 173-193

https://www.slideshare.net
https://philnews.ph>2020

https://uclaliwanag atdilim2013

13
Para sa iba pang tanong at puna, maaaring sumulat o tumawag sa:

Kagawaran ng Edukasyon Rehiyon V

Regional Center Site, Rawis, Legazpi City 4500

Mobile Phone: 0917 178 1288

Email Address: region5@deped.gov.ph