NIYAN NA ELEKSYON

Tigsik ko ining pulitiko,

An pamutang permi likó,

An katuyuhan tirikó,

Garu sanang tandó.

Tigsik ko an kanira kahimuwaan,

Matam-is na dila an kaniya panlaban,

Sa eleksyon mahilig magtugá,

Pag nasa katungdan na, nawawara.

Tigsik ko man ining botante,

Tâ permi sindang nadadali,

Nadadara san tig-baraynte,

Kaya an nasyon dae mina-abante.

Tigsik ko man kun talagang kawaraon,

An baynte pwede man kuwaon,

Tandaan lang katukduan-Diosnon,

Ini saná an sa'tong pagrumdumon.

Tigsik ko man ining mga maestro nan maestra,

Sinda talaga ang primerang bida

Sa eleksyon mabenta,
Dae mina-bwelta.

Pigigibo ninda an kanira katungdan,

An eleksyon bantayan,

Tanganing katoninongan,

Asin dae magkadarayaan.

Tigsik ko an kinaban,

Maging listo sa pirilian,

Dae magpadara isturya lamang,

Sipaton san mayad an kandidato na para sa banwaan.

Tigsik ko kamong gabos,

Na maging mapanabot,

Pilion an wara bahid korapsyon,

Tanganing umunhan man an satuyang nasyon.