Professional Documents
Culture Documents
As Propiedades Do Texto
As Propiedades Do Texto
As Propiedades Do Texto
Un texto, xa sexa oral ou escrito, debe reunir tres propiedades: adecuación, coherencia e cohesión.
A adecuación establece que calquera texto se debe adaptar a un contexto ou situación comunicativa
determinada. Non é o mesmo comunicarnos cun profesor/a, xuíz/a que facelo cun amigo/a.
Rexistro formal: caracterízase polo uso dun vocabulario máis preciso, con estruturas máis
elaboradas.
Rexistro informal: vocabulario de uso cotián, estruturas sintácticas máis simples....
A coherencia é unha propiedade que pon en relación todos os elementos dun texto, dotándoo dun
significado global que permite entender a información. Depende de dous factores:
A cohesión é a forma en que se presentan conectados ou enlazados entre si os enunciados que forman
un texto. Empréganse diferentes procedementos lingüísticos.
Recorrencia. Certos elementos remiten a outros que resultan necesarios para a súa
interpretación. Existen varios procedementos:
A repetición de palabras: Xoán foi comprar un traxe para a voda dos seus amigos.
Quería que o traxe fose elegante e discreto.
A substitución por sinónimos: Os rapaces chegaron tarde a clase. Estes mozos
sempre fan o mesmo.
O uso de hiperónimos e hipónimos
Hiperónimos: Xoán posúe moita paciencia. Outra das súas virtudes é a constancia.
Hipónimos: Gústanme todas as flores, pero as miñas favoritas son as margaridas e as
hortensias.
A referencia ou deíxe. Procedemento mediante o que determinadas palabras remiten a outros
elementos do texto. Os elementos deícticos son:
Emprego de pronomes persoais, que se refire a substantivos aparecidos con
anterioridade: Susana e Lola son curmás. Elas sempre andan xuntas.
Os posesivos e os demostrativos: Non quero recibir malas novas, iso retrasaría os
meus proxectos.
Os adverbios: No romaría do monte todo o mundo era feliz. Alí esquecíanse as
duras tarefas da vida cotiá.
Substitución.Consiste na colocación dun elemento en lugar doutro ou doutros no texto para
evitar a súa repetición: As últimas investigacións pensan que o aceite de palma é nocivo para a
saúde, eu tamén penso así.
Elipse. É a omisión dun elemento e que se pode entender polo contexto: Iredes mañá ao cine?
Iremos.(mañá ao cine). Tamén é moi común a omisión do suxeito: Meu irmán convidoume a
comer no mellor restaurante da cidade, pero cando chegou o día esquecérao por completo.
OS CONECTORES