Се јавува во периодот од 15-45 год . возраст . Постојат повеќе типови на
шизофренија и тоа : шизофренија симплекс , хебефренија , кататонија , параноидна шизофренија.
Шизофренија симплекс и хебефрената форма претежно се јавуваат кај млади
луѓе во периодот на пубертет и адолесценција . Мед . сестра треба да се грижи за многу појави што се случуваат кај пациентот , бидејќи тие се повеќе се оддалечуваат од реалниот живот , ти губат работните навики , не водат сметка за својот изглед и личната хигиена . –
Посебна тежина во негата и третманот кај болните со кататонија кои : ce
сместуваат во одделот за интензивна нега . Кај нив е евидентна психомоторна закоченост , болните завземаат константно иста положба , изостануваат движењата и вербалната комуникација . Многу важни функции на организмот се нарушени . Иако пациентот , не контактира ни - вербално ни емоционално , мед . сестра треба да му се обраќа љубезно , да му ја објаснува потребата од клиничките испитувања и , спроведувањето терапијата . Редовно да врши тоалета на болниот и бањање во кревет , чешлање и промена на постелнината и пижамите. Хранењето е внимателно со лажица .Се врши масажа и предохрана од декубитус , пратење на диурезата и столицата на болниот. Уредно . бележење на сите витални знаци . Мед . сестра постојано треба да биде во близина на кататониот болен , да ја бележи секоја психичка промена и да го известува лекарот , бидејќи излегувањето од ступор може да заврши со суицид или - кататона помама - радтус проследена со изразена агресија кон околината и предметите .
Нега на нарапоидни болни
Параноидната форма на шизофренија се карактеризира со присуство на
параноидни налудничави идеи и халуцинации , како слушни така и мирисни . Пациентот е сомничав ; има идеи на прогон и може да биде опасен за околината и навреме треба да се превземаат потребни мерки за заштита . Тие мислат дека се неправедно хоспитализирани , дека се здрави , дека сите им работат зад грб и сакаат да ги уништат .Мед . сестра , треба стрпливо да го сослуша болниот , но не смее да се согласува со она што го вели ниту пак да му противречи , бидејќи со тоа ризикува и таа да биде вовлечена во параноидниот систем . Голем дел од пациентите сметаат дека некој сака да ги отруе и упорно ја одбиваат подготвената храна или сами подготвуваат од претходно скриени продукти . Сестрата мора да најде начин да го натера пациентот да јаде , па дури и да му дозволи и правење на најразлични ритуали на проверка дека храната не е затруена . Кај овие болни носно - желудочна сонда не се поставува , за да не дојде до проширување на параноидните мисли за обид на негово убиство . Кај сите типови на шизофренија заради неуредноста на болните мед . сестра мора да води посебна грижа за редовно миење , бањање , чешлање , сечење нокти и спречување на инфекции од нечисти раце . За да не дојде до појава на интеркурентни инфекции на одделението таа мора да врши надзор над техничкиот персонал за спроведување на редовна дезинфекција на собите санитарните чворови . Редовно да се врши промена на вешот и постелнината , да се внимава да не одат боси , соблечени , после бањање косата да им се исуши , бидејќи овие болни заради тие причини постојано страдаат од прелади . Неконтролирано пијат ладна вода , лежат и седат каде што ќе посакаат . Затоа мед . сестра секојдневно треба да прави инспекција на кожата на болните за спречување и појава на кожни болести , редовна контрола. Таа треба да го следи секое движење на болниот и да предвиди можна агресија или самоповреда . Сестрата треба да се грижи што побрзо да ги вклучи во групните активности на окупациона и работна терапија .