1

Aralin Introduksiyon at Pananaliksik sa Wika at

Kulturang Pilipino
7
Mga Inaasahan
Ngayo’y nagsisimula ka nang tumahak sa pinakamalawak na daigdig ng buhay
estudyante. Malapit ka nang tumuntong sa kolehiyo, kung kaya mahalaga na lalo pang
mahasa ang kakayahan mo sa pananaliksik at pagsulat na siyang inaasahang
maisasakatuparan mo sa pagtatapos ng yunit na ito.
Ang kakayahang malilinang mo sa bahaging ito ay magagamit sa lahat ng aspekto
sa buhay sapagkat halos lahat ng bagay ay nangangailangan ng pananaliksik.
Tatalakayin sa modyul na ito ang maikling introduksiyon sa pananaliksik upang
maihanda ka sa pagbuo ng awtput sa inaasahang pagganap.
Inaasahan na sa pagtatapos ng aralin ay malilinang sa iyo ang mga kasanayang
ito.
➢ Nasusuri ang mga pananaliksik na pumapaksa sa wika at kulturang Pilipino.
(FIIPB-IIg – 97)
➢ Naiisa-isa ang mga hakbang sa pagbuo ng isang makabuluhang pananaliksik.
(FIIPu-IIg-88)
Batid kong nais mo nang magpatuloy at malaman ang aralin sa araw ito ngunit,
kailangang sagutan mo muna ang unang gawain.

Paunang Pagsubok
Basahin at unawain ang mga tanong sa bawat aytem ng pagsusulit. Piliin ang letra
ng tamang sagot at isulat sa inyong sagutang papel.

1. Tumutukoy sa sistematikong paghahanap sa mga mahahalagang impormasyon

hinggil sa isang tiyak na paksa o suliranin.
A. pamimili B. paniniyak C. pangangalap D. pananaliksik
2. Aling pahayag ang hindi kabilang sa kahalagahan ng pananaliksik?
A. nagpapayaman ng kaisipan C. pinalalawak ang karanasan
B. nagdaragdag ng kaalaman D. pinasasalimuot ang pagkatuto
3. Alin ang hindi kabilang sa mga katangian ng isang mananaliksik?
A. masigasig B. masinop C. masiyasat D. mapagdahilan
4. Alin sa sumusunod ang unang dapat pinag-uukulan ng panahon ng isang nagsisimula
sa pananaliksik?
A. pamimili ng paksa
B. pangangalap ng datos
C. pagbuo ng pansamantalang balangkas
D. ang mga sangguniang kakailanganin sa pagkalap ng datos
5. Katangiang taglay ng isang mahusay na paksa ng pananaliksik.
A. kawili-wili para sa manunulat
B. malawak at masaklaw ang paksa
C. kapaki-pakinabang at napapanahon ang paksa
D. nagtataglay ng mga malalalim na salitang mahirap maunawaan ng babasa

Modyul sa Senior High School-Filipino

Komunikasyon at Pananaliksik sa Wika at Kulturang Pilipino
Ikalawang Markahan: Ikapitong Linggo
 2

6. Sa paggamit ng internet ay makahahanap tayo ng mga impormasyong may kaugnayan

sa paksang ating isinusulat, ngunit ang pinakamabuting lugar upang pagsaliksikan ay
ang______________________
A. aklatan C. silid-aralan
B. hatirang-madla D. silid-tanggapan
7. Ang mga aklat ay mahalaga para sa pangangalap ng datos, maliban dito ay maaari
ding magsagawa ng _________
A. sarbey B. interbyu C. pagmamasid D. pagrerekord
8. Ang pagsasama-sama ng mga natipong impormasyon sa pamamagitan ng isang teksto
ay tumutukoy sa _____________________
A. pagbuo ng paksa C. pagsulat ng burador
B. pagbuo ng balangkas D. pagtatala ng bibliyograpiya
9. Sa bahaging ito, isa-isang sasagutin ang mga suliraning nais bigyang linaw.
A. pagsulat ng pinal na papel C. pagpapahayag ng resulta ng riserts
B. pagbuo ng konseptong papel D. pagrebisa at pagwawasto ng burador
10. Tumutukoy sa malapitang pagsusuri ng penomenon na karaniwang batay sa
instrumentong pampananaliksik na talatanungan.
A. riserts B. sarbey C. case study D. field study

Mahusay! Binabati kita sapagkat nasagot mo ang ilang mga katanungan sa ating
panimulang gawain. Ngayon naman ay muli nating balikan ang nagdaang aralin.

Balik-tanaw
Isulat sa sagutang papel ang iyong sariling pagpapakahulugan sa sumusunod na
pahayag. ( Maaaring magkaroon ng tatlong pagpapakahulugan ang bawat pahayag.)

1. Hindi pa siya maganang kumain.

2. Hindi pa siya makakain nang husto.
3. Hindi pa bumabalik ang gana niya sa pagkain.
4.
Mahusay ang iyong mga naging pagpapakahulugan. Tandaan lamang na
nakaaapekto sa pagpapakahulugan sa isang salita, o pahayag kung ano ang
konsepto ng taong nagsasalita sa kaniyang sinasabi. Masasabing pinakapraktikal
nang ituring na ang kahulugan sa wika ay ang inihahatid na mensahe o kontent
ng ating sinasabi.

Pagpapakilala ng Aralin

Bagamat itinuturing ng marami ang pananaliksik bilang isang mahirap na gawain, at

may mga nagsasabi ring ito ay nakababagot at kumplikadong gawin. Sa bahaging ito ng
ating aralin, mapatutunayan mong madali at magaan itong gawin kung patuloy kang
magsasanay. Maging ang mga taong mahuhusay at bihasa na sa gawaing ito ay
nagsimula rin sa unti-unting pagkatuto. Kakailanganin mo ang ibayong sipag,
pagsasanay, at kagustuhang matuto. Ngunit ang pinakamahalaga sa lahat ay ang
determinasyon at pagiging matiyaga upang maging matagumpay sa pagbuo ng sulating
pananaliksik. Ano handa ka na ba? Tara na, isipan ay patalasin na.

Modyul sa Senior High School-Filipino

Komunikasyon at Pananaliksik sa Wika at Kulturang Pilipino
Ikalawang Markahan: Ikapitong Linggo
 3

Mga Hakbang sa Pagbuo ng Sulating Pananaliksik

1. Pagpili ng Mabuting Paksa
Ang unang hakbang sa pagbuo ng sulating pananaliksik ay ang masusing pag-
unawa sa paksa at mga kaugnay na gawaing ibibigay ng guro. Kinakailangang malinaw
sa mag-aaral ang layunin ng pag-aaral at ang nais ng guro upang maiwasan ang
pagkasayang ng panahon at oras na ilalaan ng mag-aaral dito. Magtanong kung may
mga bagay na hindi naging maliwanag. Kapag ganap na naunawaan ng mag-aaral ang
kaniyang gagawin ay mas magiging madali na ang pagbuo nito at maitutuon na niya ang
pansin sa mahusay na paghahanda para sa paksang tatalakayin sa gawain.
Napakahalaga na piliing mabuti ang paksa upang maging matagumpay ang isang
sulating pananaliksik. Ang paksa ay nararapat na pinag-iisipang mabuti at idinadaan sa
isang maingat na pagsusuri upang matiyak na makabubuo ng isang makabuluhang
sulatin. May mga pagkakataong nagbibigay ang guro ng ilang paksang maaaring
pagpilian ng mga mag-aaral. Ang mga paksang ito ay ang sa tingin ng guro na magiging
interesado ang mga mag-aaral at abot ng kanilang kakayahan. Ngunit kung ang paksang
naisip ay wala sa suhestiyon ng guro, huwag mag-atubiling lumapit at ilahad ang iyong
ideya. Isaisip na baguhan ka pa lamang sa gawaing ito at nangangailangan ng gabay ng
isang taong may malawak na kaalaman at makapagsasabi kung ang paksang naisip ay
posibleng maisagawa ng isang mag-aaral na tulad mo sa haba o lawak ng panahong
nakalaan.
Narito ang mga maaari mong itanong sa sarili bago tuluyang magpasiya sa paksang
susulatin:

➢ Interesado ba ako sa paksang ito? Magiging kawili-wili kaya para sa akin ang
pagsulat at pagkalap ng mga impormasyon at mahahalagang datos na ukol dito?
➢ Angkop, makabuluhan, at napapanahon ba ang paksang ito? Magiging kapaki-
pakinabang ba ang magiging bunga nito para sa akin at sa ibang babasa lalo na
ang mga kamag-aral ko?
➢ Masyado bang malawak o malaki ang saklaw ng paksa? Masyado ba itong
limitado?
➢ Kaya ko kayang tapusin ang paksang ito sa loob ng panahong ibinigay sa amin?
➢ Marami kayang sangguniang maaari kong pagkunan ng impormasyon upang
mapalawak ang paksang napili ko?
Kung Oo ang sagot mo sa mga tanong, maaaring ito na ang pinakaangkop na paksa
para sa iyo. Maaari ka nang magpatuloy sa ikalawang hakbang ng pananaliksik.
2. Pagbuo ng Pahayag ng Tesis (Thesis Statement)
Kapag napagpasyahan na ang paksa, bumuo ka na ng pahayag ng tesis. Ito
ang pahayag na magsasaad ng posisyong sasagutin o patutunayan ng iyong bubuoing
pananaliksik.
Narito ang ilang tanong na maaaring maging gabay o magbigay direksyon sa
pagbuo mo ng pahayag ng tesis.
➢ Ano ang layunin ko sa pananaliksik na ito? Layunin ko bang maglahad ng
impormasyong o magpapatunay sa pinapanigan kong posisyon?
➢ Sino ang aking mga mambabasa? Ang guro lang ba ang makababasa ng isinulat
ko? Maliban sa guro sino pa kaya ang maaaring magkaroon ng interes na basahin
ito? Ano kaya ang inaasahan ng aking mga mambabasa?
➢ Ano-anong mga kagamitan o sanggunian ang kakailanganin ko? May sapat
bang kagamitan o sanggunian upang magamit ko sa pagpapatunay sa aking
pahayag ng tesis? Saan ko mahahanap ang mga ito?
3. Paghahanda ng Pansamantalang Bibliyograpiya
Kakailanganing bumisita sa mga aklatan upang mangalap ng iyong mga
sanggunian. Maaari ring makakuha ng mga impormasyon mula sa internet. Maging
maingat lamang at suriing mabuti ang mga talang makukuha sapagkat maraming
impormasyon mula sa internet ang walang katotohanan. Mahalaga ang paggamit ng
aklat at internet sa pagbuo ng isang epektibong pananaliksik. Maraming mga bagong
impormasyon at dokumentong mababasa sa internet na wala sa mga nailathalang mga

Modyul sa Senior High School-Filipino

Komunikasyon at Pananaliksik sa Wika at Kulturang Pilipino
Ikalawang Markahan: Ikapitong Linggo
 4

aklat. Subalit hindi rin naman dapat na umasa at magtiwala sa mga impormasyong
mababasa sa internet sapagkat walang kasiguraduhang ito ay totoo lalo na kung ito ay
galing lamang sa mga open web. Nararapat na tiyaking maayos, tama, kompleto, at
beripikado ang mga impormasyong isasama sa bubuoing sulating pananaliksik.
Bumuo ng pansamantalang bibliyograpiya mula sa mga nakuhang sanggunian. Ang
bibliyograpiya ay talaan ng iba’t ibang sanggunian katulad ng mga aklat, artikulo,
report, peryodiko, magasin, website, at iba pang nalathalang materyal na ginamit.
Makatutulong ang paggawa at paggamit ng card ng bibliyograpiya para sa bawat
sanggunian.

Ang card na ito ay naglalaman ng mga susunod na impormasyon:

Pangalan ng awtor
Pamagat ng kaniyang isinulat
Impormasyon ukol sa pagkakalathala
Mga naglimbag
Lugar at taon ng pagkakalimbag
Pamagat ng aklat
Ilang mahahalagang tala ukol sa nilalaman

Ang inihanda mong ito ay mahalaga at makatutulong sa iyo na makahanap ng

maraming impormasyong kakailanganin sa susulatin, makapagbibigay ng ideya kung
gaano karaming sanggunian ang makukuha o magagamit para sa paksang napili, at ang
mga tala o impormasyong nakalap ay magagamit na sa aktuwal na pagsusulat nang
hindi na kailangang hanapin o balikang muli ang materyal na pinagmulan.
Hindi lahat ng sangguniang itinala sa pansamantalang bibliyograpiya ay magagamit
subalit mahalaga pa ring kunin ang lahat na makikitang may kaugnayan sa paksa
sapagkat maaaring sa panahon ng pagsusulat ay makatulong ito sa iyo at hindi ka na
maghahagilap ng iyong gagamitin dahil alam mo na kung saan ito makikita.
4. Paghahanda ng Tentatibong Balangkas
Ang paghahanda ng tentatibong balangkas ay magbibigay direksiyon sa
pagsasaayos mo ng iyong mga ideya at pagtukoy kung ano-anong materyal pa
ang kailangang hanapin. Maaaring gamitin ang mga inihanda mong card ng
bibliyograpiya upang maging gabay sa pagbuo ng iyong balangkas.
5. Pangangalap ng Tala o Note Taking
Balikan ang inihandang tentatibong balangkas at card ng bibliyograpiya at
tukuyin kung alin sa mga ito ang kakailanganin sa iyong susulatin, at
iminumungkahi ring isulat nang maayos ang iyong mga tala.
Mayroong tatlong uri ng tala na maaari mong magamit.
1. Tuwirang sipi – kung ang tala ay direktang sinipi mula sa isang sanggunian.
Gumamit ng panipi. Itala ang sangguniang pinagkunan gayundin ang pahina
kung saan ito mababasa.
2. Buod – kung ito ay pinaikling bersiyon ng isang mas mahabang teksto. Maikli
ito subalit nagtataglay ng lahat ng mahahalagang kaisipan ng orihinal na
teksto. Ito ang pinakamadalas gamitin sa pagkalap ng mga tala.
3. Hawig- kung binago lamang ang mga pananalita subalit nananatili ang
pagkahawig sa orihinal.
6. Paghahanda ng Iwinastong Balangkas o Final Outline
Sa bahaging ito susuriing mabuti ang inihandang tentatibong balangkas upang
matiyak kung may mga bagay pang kailangang baguhin o ayusin. Nararapat na
gawin na ang kaukulang pagbabago o pag-aayos upang ang pangwakas na
balangkas ay maging mabuting gabay sa pagsulat ng iyong burador.
7. Pagsulat ng Burador o Rough Draft
Maaari ka nang magsimulang sumulat ng iyong burador. Ang isang sulating
pananaliksik ay dapat magkaroon ng introduksiyon na nagtataglay ng mga

Modyul sa Senior High School-Filipino

Komunikasyon at Pananaliksik sa Wika at Kulturang Pilipino
Ikalawang Markahan: Ikapitong Linggo
 5

ideyang nakapaloob sa kabuoan ng sulatin. Katawan na naglalaman ng pinalawig

o nalamnan nang bahagi ng iyong balangkas, at ang iyong kongklusyon na
siyang nagsasaad ng buod ng iyong mga natuklasan sa iyong pananaliksik. Pag-
ukulan ng pansin ang pagkakaugnay-ugnay ng mga kaisipan. Dapat ding
isaalang-alang na ang wikang gagamitin ay payak ngunit malinaw; tama ang
baybay, bantas, at kaayusang panggramatika; pormal ang anyo; at karaniwang
nasa ikatlong panauhan.
8. Pagwawasto at Pagrebisa ng Burador
I-proofread o basahing mabuti at iwasto ang mga bagay na kailangang
maiwasto sa iyong burador. Bigyang tuon ang pagkakabuo ng mga pangungusap,
ang baybay, ang mga bantas na ginamit, pamaraan ng pagsulat, at angkop na
talababa o footnote. Pumili na ng tiyak na pamagat ng iyong sulatin, gawin na ang
paunang salita, talaan ng nilalaman, at pinal na bibliyograpiya. Huwag kalimutan
na bigyang pagkilala ang may-ari o manunulat na ginamit mo bilang sanggunian,
itala ito sa footnote at bibliyograpiya. Ang talababa ay mahalaga rin para sa
pagbibigay-kahulugan sa isang bahagi ng sulating pananaliksik na
nangangailangan ng karagdagang paliwanag.
Mga Dapat Tandaan sa Pagsulat ng Bibliyograpiya:
➢ Pagpangkat-pangkatin ang mga ginamit na sanggunian. Pagsama-samahin ang
mga aklat, pahayagan, website, at iba pa.
➢ Isaayos muna nang paalpabeto ang pangalan ng mga awtor, gamit ang apelyido
bilang basehan.
➢ Isulat ang bibliyograpiya gamit ang sa iba’t ibang estilo ng pagsulat. Kung
American Psychological Association (APA) ang napili mong estilo, maaari mong
sundan ang pattern sa iba upang maisulat na ang mga ginamit na sanggunian.
Para sa mga aklat:
➢ Apelyido ng awtor, Pangalan ng awtor, (Taon ng Paglilimbag), Pamagat, Lungsod
ng Tagapaglimbag: Tagapaglimbag.
Para sa mga Artikulo sa Pahayagan o Magasin:
➢ Apelyido ng awtor, pangalan ng awtor, (Taon ng Paglilimbag), Pamagat ng Artikulo,
Pamagat ng Pahayagan o Magasin, Paglilimbag #, (Isyu #), Pahina #
Para sa mga Kagamitang Mula sa Internet:
➢ Awtor, (Petsa ng Publikasyon) “Pamagat ng Artikulo o Dokumento.” Pamagat ng
Publikasyon. Petsa kung kailan sinipi o ginamit mula sa buong web address simula
sa httl://.
9. Pagsulat ng Pinal na Sulating Pananaliksik
Pagkatapos pagdaanan at isagawa nang mabuti ang naunang walong hakbang,
ngayon ay nakatitiyak ka na ng isang mainam na sulating pananaliksik. Simulan
na ang pagsusulat gamit ang pormat na ibinigay ng guro

Mula sa: Dayag, Alma M., Del Rosario Mary Grace G. (2017)
Pinagyamang Pluma (Komunikasyon at Pananaliksik sa Wika at Kulturang Pilipino.)
Quezon City: Phoenix Publishing House, Inc.
Magaling! Inaasahan ko na lubos mong naunawaan ang mga mahalagang
impormasyong inilahad sa bahaging ito. Nais ko na ito ay iyong pakatandaan sapagkat
gagamitin mo ang mga impormasyong ito sa mga susunod mong gawain.

Mga Gawain
Gawain 1.1 Dear Self
Bumuo ng isang tekstong persweysib na nagtataglay ng iyong mga kakayahan,
husay, talento at humihikayat at/o nagpapatibay sa sarili mo na kaya mong bumuo ng
isang matagumpay na sulating pananaliksik.Isulat sa iyong sagutang papel. Maaari

Modyul sa Senior High School-Filipino

Komunikasyon at Pananaliksik sa Wika at Kulturang Pilipino
Ikalawang Markahan: Ikapitong Linggo
 6

itong gawin sa anyo ng liham, tula, at awit ( ilapat bilang liriko sa isang napapanahong
awit ).

PAMANTAYAN NAPAKAHUSAY MAHUSAY DI-GAANONG

(kung (kung may 1 o 2 MAHUSAY
naisagawa ang na hindi (kung hindi
3 pamantayan) naisagawa sa naisagawa alinman
pamantayan) sa nasa pamantayan)

1. Binubuo ng 3 talata
para sa liham, 4 na
saknong naman para sa
Tula at awit.
2. Tiyak at hindi maligoy
ang paglalahad.
3.May tamang gamit ng
mga bantas, at malaki at
maliit na mga titik.

Gawain 1.2 Mahal kong ka-GenZ

Hikayatin ang iyong kaibigan na magpadala ng sulatroniko (e-mail) na naglalahad
ng kaniya ring agam-agam sa kaniyang sariling kakayahang makabuo ng sulating
pananaliksik. Bumuo ka ng payo para sa kaniya at isulat ito sa iyong sagutang papel.

Paalala:
Sa gawaing ito ay maari kang magtamo ng 15 puntos.
10 Kung nahikayat mo ang iyong kaibigan na magpadala ng liham o
e-mail
5 puntos naman sa nabuo mong payo para sa kaniya.

Gawain 1.3 Sipat, Suri

1.3.1 Magsaliksik ng isang pag-aaral na nakatuon sa wika at kulturang Pilipino.
Basahin at suriin ito. Markahan ng tsek (/) ang kahong katapat ng pahayag kung taglay
ng binasang pananaliksik ang nakasaad sa pamantayan. Ibigay ang pamagat, pangalan
ng mananaliksik at taon kung kailan isinagawa ang papel. Isulat ito saiyong sagutang
papel.

PAMANTAYAN
1. Interesante para sa akin ang paksa.
2. Makabuluhan at napapanahon ang paksa ng pananaliksik.
3. Malawak /malaki ang saklaw ng paksa.
4. Limitado ang saklaw ng paksa.
5. Mahusay na natalakay ang layunin ng pananaliksik.
6. Hindi malinaw na nailahad ang layunin ng pananaliksik.
7. Maayos na naitala ang mga sangguniang ginamit.
8. Hindi maayos na naitala ang sangguniang ginamit.
9. May maayos na bibliyograpiya.
10. Walang maayos na bibliyograpiya.

1.3.2 Kung ang mga bilang na 3, 6, 8, at 10 ang lumabas na sagot. Gawin ang mga
susunod na aktibiti sa iyong sagutang papel.
1. Gawing limitado ang saklaw ng paksa.
2. Sumulat ng iyong sariling layunin ng pananaliksik batay sa nilimitahang paksa.
3. Kumalap ng mga sangguniang magagamit sa pagtalakay sa paksa.
4. Gumawa ng isang maayos na bibliyograpiya.

Modyul sa Senior High School-Filipino

Komunikasyon at Pananaliksik sa Wika at Kulturang Pilipino
Ikalawang Markahan: Ikapitong Linggo
 7

Magaling! Napagtagumpayan mo ang mga pagsubok na ihinanda para sa iyo.

Halina at patuloy pang palawakin ang iyong kaalaman, kakayahan, at kahusayan.

Tandaan
Ngayon naman, upang higit mong matandaan ang aralin sa araw na ito, gumuhit
ng bangkang naglalayag sa karagatan. Isulat sa bawat bangka ang mga hakbang sa
pagbuo ng makabuluhang sulating pananaliksik. Magtala rin sa loob nito ng akronym
na maaaring maging tanda sa mahahalagang impormasyong nakapaloob sa bawat
hakbang. Gawin ito sa iyong sagutang papel.

Isagwan ang iyong Bangka.

Isang gawain pa ang inilaan ko para sa iyo upang mailapat mo ang

iyong mga natutuhan.

Pag-alam sa mga Natutuhan

A. Sagutin ang mga tanong sa impormal na sarbey. Lagyan ng tsek (/) ang patlang
sa tapat ng pahayag na kumakatawan sa iyong sagot.

1. Kailan ka huling bumisita sa isang website gamit ang iyong cellphone o kompyuter?
_____ kahapon _____ noong isang buwan
_____ sa kasalukuyang linggo _____ noong isang taon
2. Anong website ang madalas na binibisita mo? (Maaring magkaroon ng higit sa isang
sagot) _____ Google _____ Youtube _____ Twitter _____ Facebook
_____ Instagram _____ Messenger _____ Viber _____ Iba pa
3. Alin ang madalas mong ginagawa kapag bumibisita ka sa mga websites?
_____ manood _____ magsaliksik
_____ magbasa para malibang _____ maglaro
4. Kailan ka huling gumamit ng internet upang mag log-in sa Facebook, Instagram, Twitter
at maglaro ng video games?
_____ kanina _____ ngayong linggo
_____ kahapon _____ noong nakaraang linggo
5. Sa paggamit ng hatirang-madla (social media) ilang oras ka nag-iinternet? (Mag-
Facebook, Instagram, Twitter o maglaro ng video games, manood ng videos at gumamit
ng iba pang uri ng hatirang madla (social media).
_____ 1-3 _____ 6 - 9
_____ 4-5 _____ 10 o higit pa

Modyul sa Senior High School-Filipino

Komunikasyon at Pananaliksik sa Wika at Kulturang Pilipino
Ikalawang Markahan: Ikapitong Linggo
 8

6. Kailan ka huling nagbasa ng aklat/mga aklat?

_____ kanina _____ ngayong linggo
_____ kahapon _____ noong nakaraang linggo
7. Ano ang pamagat ng huling aklat na nabasa mo?
8. Tungkol saan ang aklat na ito?
9. Ilang oras ang ginugugol mo sa pagbabasa ng aklat / mga aklat?
_____1 – 3 _____ 6 - 9
_____ 4 – 5 _____ 10 o higit pa
10. Sa iyong palagay, handa ka na bang magsaliksik at bumuo ng isang sulating
pananaliksik? Bakit?

B. Batay sa mga naging sagot mo sa inisyal na sarbey, gawin ang mga susunod na
gawain. Isulat sa iyong sagutang papel.
1. Bumuo ng dalawang (2) mabuting paksa ng pananaliksik.
2. Bumuo ng dalawang (2) talata ng pahayag ng tesis para sa bawat paksang
iyong nabuo.

Lagyan ng tsek (/) ang kahon bago ang pahayag, kung tinaglay ng nabuo mong
paksa ng pananaliksik at pahayag ng tesis ang mga katangiang dapat mayroon ito.

Mga Katangiang Dapat Taglayin ng Mabuting Paksa at

Pahayag ng Tesis

Interesado ako sa paksang ito, at kawili-wili para sa akin ang

pananaliksik at pagsulat ukol dito.
Angkop, makabuluhan, at napapanahon ang paksang ito at
magiging kapaki-pakinabang ang bunga nito sa akin at sa iba
pang babasa lalo na ang aking mga kamag-aral.
Magagawa kong tapusin ang paksang ito sa loob ng itinakdang
panahon.
Maraming mga sangguniang nasusulat na maaari kong
pagkunan ng mga impormasyon upang mapalawak pa ang
paksang nabuo ko.
Nagawa kong maglahad ng mga impormasyong magpapatunay
sa pinapanigan kong posisyon sa aking pahayag ng tesis
Nagawa kong matukoy kung sino ang aking mga mambabasa.

Nakapagtala ako ng ilang mga sangguniang magagamit ko sa

pagpapatunay sa aking pahayag ng tesis at kung saan ko ito
mahahanap.

Kahanga-hanga ang iyong sipag, tiyaga at determinasiyon. Batid kong makatutulong

ang iyong mga natutuhan upang maging madali para sa iyo ang gawaing
pampananaliksik at upang masagutan ang ilan pang mga gawaing inihanda.

Pangwakas na Pagsusulit
Basahin at unawain ang mga tanong sa bawat aytem ng pagsusulit. Isulat sa iyong
sagutang papel ang letra ng tamang sagot.

1. Sangay ng semantika na tumatalakay sa ugnayan ng mga ipinakikitang senyales o

paraan ng pagpapahayag, at pati na ng mga taong gumagamit nito.

Modyul sa Senior High School-Filipino

Komunikasyon at Pananaliksik sa Wika at Kulturang Pilipino
Ikalawang Markahan: Ikapitong Linggo
 9

A. Pragmatiks B. Linggwistiks C. Semantiks D. Semiotiks

2. Ang bahagi ng pananaliksik na idinadaan sa isang maingat na pagsusuri upang
matiyak na makabubuo ng isang makabuluhang sulatin.
A. tesis B. Paksa C. burador D. bibliyograpiya
3. Ang APA ay isang estilo ng pagsulat na may kahulugang:
A. Alpha Phi America C. American-Philippine Association
B. American Press Association D. American Psychological Association
4. Sa prosesong ito ng pagsulat ay babasahing mabuti at iwawasto ang mga dapat iwasto
sa burador.
A. pagrebisa ng burador C. pagsulat ng burador
B. pangangalap ng tala D. muling pagbasa sa burador
5. Bahagi ng pananaliksik na nagtataglay ng mga ideyang nakapaloob sa kabuoan ng
sulatin.
A. katawan B. abstrak C. kongklusyon D. Introduksiyon
6. Ang bahaging ito naman ang nagsasaad ng buod ng iyong mga natuklasan sa iyong
pananaliksik.
A. katawan B. abstrak C. kongklusyon D. introduksiyon
7. Ang bahaging ito ang magbibigay direksiyon sa pagsasaayos ng mga ideya at kung
ano-anong materyal pa ang kailangang hanapin.
A. pagsulat ng burador C. Paghahanda ng iwinastong balanagkas
B. pangangalap ng tala D. paghahanda ng tentatibong balangkas
8. Ito ang bahaging nagsasaad ng posisyong sasagutin o patutunayan ng bubuoing
panananaliksik. Ang tinutukoy ay pahayag ng
A. tesis C. riserts
B. paksa D. may-akda
9. Uri ng tala na direktang sinipi mula sa isang sanggunian, ginagamitan ito ng panipi sa
simula at sa dulo ng sinipi.
A. buod B. hawig C. tuwirang sipi D. katulad na sipi
10. Uri ng tala na binago lamang ang mga pananalita subalit nananatili pa rin ang
pagkahawig sa orihinal.
A. buod B. hawig C. tuwirang sipi D. katulad na sipi

Pagninilay
Gumawa ng Vlog na humihikayat sa kapwa mo mag-aaral na huwag matakot at
huwag magkaroon ng negatibong persepsyon hinggil sa pagsulat ng pananaliksik. Ilahad
rin kung ano ang mga katangiang dapat taglayin ng katulad mong baguhan sa gawaing
ito. Maaari mo ring ipakita sa Vlog kung paanong naging madali para sa iyo ang pagbuo
ng paksa at pahayag ng tesis sa bahaging Pag-alam sa mga Natutuhan.

Pamantayan Puntos

Ang paksa ng Vlog ay tungkol sa pagsulat ng pananaliksik 5

Maikli, malinaw at totoong nakahihikayat ang nilalaman. 5
Hindi maligoy at may himig nakikipag-usap lamang 5
May maayos na paglalahad ng mga kaisipan. 5
Kabuoan 20

Napakahusay! Binabati kita sa ipinakita mong pagtitiyaga at kahusayan. Kung

mayroong bahagi sa modyul na ito na hindi mo naunawaan mangyaring makipag-
ugnayan sa iyong guro.

Modyul sa Senior High School-Filipino

Komunikasyon at Pananaliksik sa Wika at Kulturang Pilipino
Ikalawang Markahan: Ikapitong Linggo
 10

KOMUNIKASYON AT PANANALIKSIK SA WIKA AT KULTURANG PILIPINO

IKALAWANG MARKAHAN – IKAPITONG LINGGO
SAGUTANG PAPEL

Pangalan: _________________________________________Guro: ___________________________

Baitang at Seksyon: _______________________________ Petsa: __________________________

Paunang Pagsubok: Balik-tanaw

1. 6. Pahayag 1: ______________________________________________
2. 7. _______________________________________________
3. 8. _______________________________________________
4. 9. Pahayag 2:_____________________________________________
5. 10. _______________________________________________
_______________________________________________
Pahayag 3: ____________________________________________
_______________________________________________
Gawain1.1 _______________________________________________
___________________________________________________________________________________
______________________________________________________________________________
__________________________________________________________________________________
________________________________
__________________________________________________________________________________
_____________________________________________
Gawain 1.2
_____________________________________________________________________________________
_____________________________________________________________________________________
_____________________________________________________________________________________
_____________________________________________________________________________________
Gawain 1.3.1/1.3.2
_____________________________________________________________________________________
_____________________________________________________________________________________
_____________________________________________________________________________________
_____________________________________________________________________________________
Tandaan:
________________________________________ _____________________________________
________________________________________ _____________________________________
________________________________________ _____________________________________
________________________________________ _____________________________________

Pag -alam sa Natutuhan Pangwakas na Pagsusulit:

1. 6. 1. 6.
2. 7. 2. 7.
3. 8. 3. 8.
4. 9. 4. 9.
5. 10. 5. 10.

Modyul sa Senior High School-Filipino

Komunikasyon at Pananaliksik sa Wika at Kulturang Pilipino
Ikalawang Markahan: Ikapitong Linggo