Mula noong dumating ang pandemya sa ating mundo, ay nagbago ang takbo

ng buhay ng bawat tao. Noon ay normal pa tayong nakakagalaw at nakakapunta sa

mga iba’t ibang lugar. Ngayon ay limitado na ang ating mga kilos dulot ng virus na
ito. Walang pinipili na estado ng buhay ng tao, mahirap man o mayaman ay
parehong na apektuhan nito. Ngunit mas malala ang apekto nito sa mga mahirap, sa
kadahilanan na nawalan sila ng mga trabaho dahil nagsisisara ang mga
establisyimento at pinagbabawal ng lumabas sa kanilang mga tahanan. Pati
edukasyon ng mga kabataan ay na apektuhan nito, napapabayaan ang paglago ng
mga bata dahil sa hindi na sila makapag-aral.

Aking ibabahagi ang masasama at mabuting karanasan na idinulot ng new

normal sa aking buhay. Isa din ako sa mga na apektuhan nitong Covid-19. At hindi
ko maipagkakait na talagang nagbago ang aking pamumuhay kumpara noon na
normal pa ang lahat. Isa sa mga masamang nangyare sa aking buhay, ay ang pagbago
ng lifestyle na aking kinagawian noon. Dati ay maaga pa akong nakakagising at
nakakatulog dahil sa ako ay pumapasok pa sa aking paaralan. Ngayon ay madalas na
akong nakakatulog ng madaling araw. Mas babad na ako sa pag gamit ng
teknolohiya dahil sa walang ma gawa dito sa loob ng bahay. Noon ay normal pa ang
aking timbang, pero ngayon ay mas nadagdagan ito dahil sa hindi na ako nakaka
lakad lakad sa labas at nakakaehersisyo. Parati akong nakaupo o higa dito sa bahay.
Dahil dun ay mas napalapit ako sa mga sakit at humina ang aking katawan. Kung
kaya’t ay madalas akong may sipon at sumasakit ang ulo. Isa pa sa mga hindi ka
ayang-ayang pagbabago sa aking buhay ay ang pagbabago sa aking ugali. Noon ay
may pagtitimpi pa ako, pero ngayon ay mas madali na akong magalit kahit sa mga
maliit na bagay. Subalit sa lahat ng ito ay may mga magandang karanasan naman
ang dumating sa aking buhay na hindi ko naranasan dati. Isa na siguro ay mas
napalapit ako sa aking pamilya, dahil nga limitado lang ang paglabas ng bahay, ay
mas nakakausap ko ang aking pamilya at nakakasama ko na sila ng matagal na oras.
Dahil dati ay busy pa kami sa aming mga kanya kanyang buhay, subalit ngayon ay
mas nagkaroon kami ng oras para magsalo salo. Isa pa sa mga mabuting dulot ng
new normal sa aking buhay, ay mas nakita ko ang halaga ng aking sarili at ng aking
pamilya, Kahit gaano kahirap ang buhay dulot ng pandemya na ito, ay nariyan parin
ang ating pamilya upang bantayan tayo at ingatan ang isa’t isa. Sa aking sarili naman
ay mas naunawaan ko ang kahalagahan ng aking kalusugan. Mas naging maingat ako
sa aking sarili, dahil isa ito sa mga puhunan para maabot ko ang aking mga
pangarap.

Gaano man kahirap ang dumating na problema sa ating buhay, isipin lang
natin na isa itong pagsubok na dapat lagpasan. Mas bigyang pansin ang mga tao na
nasa paligid mo, na nariyan parati at kasama mo sa mga pagsubok na ito. Bigyang
halaga ang ating kalusugan dahil ito ang tanging yaman na kailanman ay hindi
mawawala sa ating mga kamay.