6

Filipino
Kwarter 1 – Modyul 5:
Sundin Mo!
Filipino – Baitang 6
Kwarter 1 – Modyul 5: Sundin Mo!

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung
ito ay pagkakakitaan. Kabilang sa mga maaaring gawin ng nasabing ahensiya o tanggapan
ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name,
tatak o trademark, palabas sa telebisiyon, pelikula, atbp.) na ginamit sa modyul na ito ay
nagtataglay ng karapatang-ari ng mga iyon. Pinagsumikapang matunton ang mga ito upang
makuha ang pahintulot sa paggamit ng materyales. Hindi inaangkin ng mga tagapaglathala
at mga may-akda ang karapatang-aring iyon. Ang anomang gamit maliban sa modyul na ito
ay kinakailangan ng pahintulot mula sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa sa

anomang paraan nang walang pahintulot sa Kagawaran

Inilathala ng Kagawaran ng Edukasyon

Panrehiyong Direktor: Gilbert T. Sadsad

Kawaksing Panrehiyong Direktor: Jessie L. Amin

Mga Bumuo ng Modyul

Manunulat: Judy Ann E. Dolot

Editor: Miguel S. Pelecia
Tagasuri: Nora J. Laguda
Beverley P. Babagay
Catherine L. Licup
Miguel S. Pelecia
Tagaguhit: Emma N. Malapo
Tagalapat: Rey Antoni S. Malate; Brian Navarro

i
Paunang Salita

Bilang tugon sa makabagong tunguhin sa pagkatuto ay binuo ang serye ng

modyul na ito. Nilalaman nito ang mga lubhang mahahalagang kasanayang
pampagkatuto o Most Essential Learning Competencies (MELC) sa ilalim ng
kasalukuyang kalagayan ng edukasyon. Upang matugunan ang hamong
kinakaharap sa edukasyon, kalusugan at kaligtasan malaking tulong ang modyul na
ito sa patuloy na pag-aaral ng kabataan sa loob at labas ng paaralan sa
pakikipagtulungan ng mga magulang at tagagabay
Inaasahan na ang modyul na ito ay higit na makatutulong sa paglinang ng
kasanayan at kakayahan ng mga mag-aaral.

Para sa Tagagabay:

Upang lalong kagiliwan ng mag-aaral at maging kapaki-

pakinabang ang modyul na ito, tiyaking makapagbigay ng oryentasyon
sa mga mag-aaral, magulang, o sinomang miyembro ng pamilya kung
paano gagamitin at iingatan ang modyul na ito.
Ipabatid na kailangang magkaroon ng sariling sagutang papel
ang bawat mag-aaral para sa paunang pagsubok, mga gawain sa
bawat bahagi at panapos na pagsubok. Kung tapos nang sagutin ang
modyul na ito, ipaalala sa mag-aaral na kaagad itong ibalik sa guro
para sa kaukulang tunguhin.
Sa mga aralin na nangangailangan ng ‘devices” gaya ng laptop,
radio/tv, cellphone, at iba pa, huwag pong mabahala/mag-alala kung
sakaling wala o may kakulangan ang mag-aaral sapagkat ang guro na
ang gagawa ng paraan kung paano maihahatid ang kaalaman.

Para sa mag-aaral:

Inihanda ang modyul na ito para sa iyo. Kailangan mong

sundin at saguting mag-isa ang mga gawaing nasa loob
nito. Huwag kang mag-alala, kayang-kaya mo ito.
Tiniyak kong matutuwa ka habang natututo.
Ingatan mo ang modyul na ito. Huwag mong susulatan at
iwasang mapunit ang mga pahina. Gumamit ka ng sagutang
papel o ang iyong kuwaderno. Sige, simulan na natin!

ii
 Sundin Mo!
(Pagsunod-sunod ng mga Pangyayari)

Panimula:

Ang aking pagbati sa iyong tagumpay sa

nakaraang aralin!
Mahusay mong nakilala ang katuturan ng
sawikain. Ngayon naman sa modyul na ito,
itutuon mo ang iyong isip sa wastong pagsusunod-
sunod ng mga pangyayari sa kwento sa tulong ng
nakalarawang balangkas at pamatnubay na tanong.
Huwag kang mag-alala, papatnubayan kita.
Simulan na natin.

Sa modyul na ito, inaasahang

napagsusunod-sunod mo ang
mga pangyayari sa kuwento sa
tulong ng nakalarawang
Layunin:
balangkas at pamatnubay ng
tanong.

1
 Ito ang mga bagong salita na dapat
mong kilalanin para sa araling ito.

Basahin natin.
Talasalitaan:

Maikling Kwento – anyo ng panitikang

nagsasalaysay nang tuloy-tuloy ng isang pangyayari.

Balangkas – disenyo ng sunod-sunod na pangyayari

o hulwaran ng pagsasaayos ng mga pangyayari.

Pangyayari – maaaring ito ay karanasan, insidente,

mga pagkakataon at okasyon na inaayos nang may
pagkasunod-sunod ayon sa panahon. Sumusunod
ang kahalagahan ng isang ideya, kaalaman,
konsepto, impormasyon, gawain, o pangyayari sa
isang kuwento.

2
 Ano ba ang alam mo na sa ating aralin,
subukin mo nga?

Panuto: Sa pagsubok na ito

malalaman kung gaano kalawak
ang iyong kaalaman sa
Panimulang Pagsubok: pagsusunod- sunod ng mga
pangyayari. Isulat ang sagot sa
sagutang papel. Isulat ang bilang
1-5 sa wastong pagkakasunod-
sunod ng mga pangyayari.

__________1. Nababahala ang mga tao sa paglaganap ng sakit na COVID-19

sa bansa.
__________2. Maraming natanggap na tulong at suporta ang mamamayan
galing sa iba‟t ibang ahensya ng gobyerno. Isa na dito ang
mula sa DSWD na “Social Amelioration Program”.
__________3. Noong Marso 16, 2020 ipinatupad ni Pangulong Duterte ang
“Enhance Community Quarantine” sa Luzon dahil sa na
Pandemya na COVID-19.
__________4. Ikinatuwa nila ang pagbibigay ng pamahalaan ng Social
Amelioration Program (SAP).
__________5. Binili ni Aling Marina ng mga pagkain ang nakuhang pera
mula sa SAP.

Binabati kita. Natapos mo ang unang pagsubok.

AlaminBinabati
natin sa kita.
pahinaNatapos mo ang sagot
17 ang wastong unangsapagsubok.
mga tanong.
Alamin natin
Saangsaantas
pahina ____ ang wastong sagot sa mga tanong.
ka nabibilang?
Saang antas ka nabibilang?
5 tamang sagot – NAPAKAHUSAY
53-4tamang
tamangsagot – NAPAKAHUSAY
Sagot – MAGALING
tamang sagot –
3-4 tamang Sagot – MAGALING
1-2 PAGBUBUTIHAN PA
1-20 tamang sagot –– PAGBUBUTIHAN
tamang sagot KAYA MO „YAN PA
0 tamang sagot – KAYA MO YAN

3
 O di ba madali mong nasagutan ang
gawain.
Ngayon, upang higit na mapalalim ang
iyong kaalaman, gawin mo ang susunod pang
mga nakalaang gawain.
Sige, simulan mo na.

Mga Gawain sa Pagkatuto:

Alam mo ba kung paano inaayos ang mga pangyayari sa isang

seleksiyon?

Dapat mong isaisip na ang pangyayari o hakbang ay naayos nang may

pagkakasunod-sunod ayon sa panahon. Sumusunod ang kahalagahan ng isang
ideya, gawain, o pangyayari sa isang kuwento, isang ideya, gawain, o
pangyayari sa isang kuwento, isang resipe sa paggawa ng lutuin, o isang
hulwaran ng pagsasaayos.
Madali lang naman kilalanin o tukuyin ang pagkakasunod-sunod dahil sa
mga salitang naghuhudyat na ginagamit. Ang halimbawa ng mga salitang
nagpapahiwatig ng isang hulwaran ng pagkakasunod-sunod ay:

Una, pangalawa sumunod nang nalaunan sa wakas

ang pinakahuli pagkatapos unang-una pinakamalahaga

4
 Basahin ang sumusunod na seleksiyon.

.
Bayanihan sa Barangay SUGOD

Umaga ng Linggo, agad na nagpatawag ng pulong si Kapitan

Edmundo D. Albor para pag- usapan ang gagawing tulong sa mga
kababayan na nawalan ng hanapbuhay dahilan sa lockdown o
pagpatigil ng operasyon ng mga transportasyon ni Pangulong Duterte
sa bansa. Ayon sa balita mula sa Department of Health (DOH) marami
ring nag-agaw- buhay dahil sa COVID- 19 kaya‟t nababahala ang
mamamayan. Kaya‟t habang hindi pa pinapatupad ang pagpatigil ng
operasyon sa mga kompanya, hinikayat ng mga kagawad na
magpuntahan ang mga kabarangay upang magbalangkas ng mga
hakbang. Agad na tumugon ang mamamayan at pumunta sa covered
court. Patunay lamang ito sa pagkatapos ng unos ay may bahaghari.
Sa simula ng pagpupulong, nagbahaginan ang mga kasapi ng
kanilang opinyon. Nagtayuan ang iba na nais magsalita habang
naghahabulan ang mga bata sa paligid. Nag-uusap ang
magkakapitbahay sa kanilang nais itulong. Dahil parang nawawalan na
ng atensiyon, nagsalita ang kapitan. Ipinantawag niya ng atensiyon ang
megaphone na hawak ng isang kagawad. Tumahimik ang
magkakapitbahay at nag-upuan ang mga nakatayo.

Ipagpatuloy mo ang
pagbasa at sagutin ang mga tanong.

5
 Sinimulan na ng kapitan ang pulong. Hiniling niyang mag-usap-usap
ang magkatapikang-balikat kung ano ang kanilang maibibigay na tulong at
partisipasyon sa hakbangin ng barangay. Maya-maya, tinawag ng kapitan
ang bawat grupo.

Nagmungkahi ang mga kababaihan ng JLAND Handicrafts na

ipambili ng gatas at kagamitan ng mga bata at matatanda ang mga
nakolektang pera. Samantala, ang kaguruan naman ay magbibigay ng
kanya- kanyang tulong tulad ng pagkain sa mga nawalan ng hanap-buhay.
Ayon naman sa Sangguniang Kabataan, ipantutulong nila ang perang
nakolekta mula sa fund raising activity nila noong nakaraang buwan, ibibili
nila ito ng mga kagamitang pangkalusugan tulad ng alcohol at face mask.
Dagdag pa ng kabataan na bawal ngayon ang face-face kaya naisipan nila
na gamitin ang social media tulad ng facebook live na magpapakitang-turo
sa paggawa ng hand sanitizer at mga bagay na maaaring gamitin na
disinfectant tulad ng bleach, tubig at sabon. Sumang-ayon ang kapitan sa
mungkahi ng Sangguniang Kabataan kung kaya‟t hinikayat na niyang
gawin sa lalong madaling panahon ang plano. Ang mga Overseas Filipino
Workers (OFW) na kabarangay ay magpapadala ng tulong-pinansyal upang
idagdag sa mga food supply na ibibigay sa mga apektadong residente.

Nang magkasundo sa plano, natuwa ang lahat sa ipinakitang

pagkakaisa ng bawat miyembro ng barangay. Kahit na hindi kabarangay,
nagdadamayan sila sa ikagagaan ng pagtulong sa kapwa. Nagpalakpakan
ang lahat nang matapos na ang pagbabalangkas ng plano. Agad na nag-
uwian ang tao para simulan ang mga nakaatang na gawain.

6
? 1. Tungkol saan ang usapan? Ang usapan ay tungkol sa
bayanihan ng barangay.

2. Sino ang nagpatawag ng pulong?

Ang nagpatawag ng pulong ay si Kapitan

Edmundo D. Albor.

3. Bakit nagpatawag ng
pulong ang barangay?

Dahil sa kumakalat na pandemiyang COVID-

19 at kawalan ng hanapbuhay ng
mamamayan.

4. Ano-ano ang ibinahagi ng mga miyembro

5. Paano nagtapos
ang pulong? ng barangay?

4. Magbibigay ng pagkain ang mga grupo ng mga

Nagtapos ang pulong sa
guro at JLAND Handicrafts para sa mga bata at
pamamagitan ng pagkaka-isa
matatanda. Ang Sangguniang Kabataan naman
ng bawat isa sa plano nila
ay magtuturo ng paggawa ng hand sanitizer at
tungkol sa kanilang
mga bagay na maaaring gamiting disinfectant
kabarangay.
gamit ang facebook live. Ang mga OFW ay
magbibigay ng tulong-pinansyal.

Ano’ng mahahalagang impormasyon ang iyong nalaman?

Makatutulong kaya ang mga ito sa iyong pag-aaral?
Markahan sa ibaba ang antas ng iyong pagkaunawa:

Lubos na naunawaan
Naunawaan
Naguluhan

7
Simulan mo na ang iba’t ibang gawain.
Basahing mabuti ang mga pangungusap sa ibaba.
Panuto: Basahin at unawain ang kasunod
na maikling kuwento. Pagkatapos ay Pagsasanay
sagutin ang mga sumusunod na mga
tanong.
Sitwasyon: May Babala ang Bagyo

Mahimbing na mahimbing ang pagkakatulog ni Andrea. Napakalamig kasi ng panahon.

Napakalakas ng hangin at walang tigil ang malakas buhos ng ulan.
Nagising si Andrea, ginaw na ginaw siya. Natanggal kasi ang makapal na kumot na
bumabalot sa kanyang katawan.
“Signal Number Two,” ayon sa ulat-panahon sa radyo. “Ang ibig sabihin, sa loob ng
24 oras, ay lalakas pa ang nararanasang masamang panahon. Taglay nito ang hangin na may
lakas na, 80 hanggang 100 kilometro bawat oras. Samantala, suspendido ang pasok sa
elementarya at haiskul. Ang lahat po ay pinag-iingat.”
Nag-isip siya, naalala niya ang mga natutuhan, patungkol sa bagyo. Kapag signal
number one, sa loob ng 36 na oras ay maaaring dumating ang hanging may lakas na hindi
hihigit sa 60 kilometro bawat oras. Kapag signal number two, ang hangin ay may lakas na 60
hanggang 100 kilometro bawat oras. Kapag signal number three, sa loob ng 12 hanggang 18
oras, maaaring ang hangin ay may lakas na higit sa 100 kilometro bawat oras.
Batay sa nabasa mong maikling kuwento, sikapin mong masagot
ang mga sumusunod na mga katanungan.
1. Bakit napakahimbing ng pagkakatulog ni Andrea nang araw na iyon?
2. Ano ang dahilan at nagising siya?
3. Kailan masasabing walang pasok sa elementarya at haiskul kung may bagyo?
4. Ano ang naalala ni Andrea na napag-aralan nila tungkol sa bagyo?
5. Sa palagay mo saan madaling makakuha ng mahahalagang balita tungkol sa sama ng
panahon?

Kumusta ang unang pagsasanay? MADALI ba o MAHIRAP?

Tingnan ang sagot sa pahina 17.
Nakuha mo bang lahat ng wastong sagot sa Pagsasanay1?
Kung nakuha mo nang lahat, ikaw ay MAHUSAY!
Maaari mo nang gawin ang Pagsasanay 2.
Kung mababa sa 3, balikan mong muli ang hindi mo nakuha at pag-
aralang muli at pagkatapos, magpatuloy na sa pagsasanay 2.
8
 Dahil madali mo lang nasagutan ang unang
pagsasanay, heto ang isa pang gawaing
magpapatibay ng iyong kaalaman.

Pagsasanay
Panuto: Basahin at unawain ang maikling
talata at sagutin ang mga sumusunod ng mga
pangyayari.

Mga Hakbang sa Paghahanda sa Pagdating ng Bagyo

Unang-una ay subaybayan sa radio o telebisyon ang mahahalagang balita sa
pagsama ng panahon. Pangalawa ay mag-imbak ng mga pagkain sa bahay lalong- lalo
na iyong mga de lata upang hindi magutom. Pagkatapos ay mag-imbak din ng
posporo, kandila, flashlight, at baterya na maaaring magamit kung kinakailanagn.
Pinakamahalaga sa lahat ay manatiling mahinahon sa lahat ng sandali upang
makaiwas sa dagdag na sakuna. At panghuli, kailangang makinig sa mga balita tungkol
sa pagbabago ng panahon.
http//www.slide.net/mobile

Mga Tanong:
1. Sa Paghahanda sa pagdating ng bagyo ano-ano ang mga dapat gawin?
Una: _____________________________________________________________
Pangalawa: _______________________________________________________
Pangatlo:
_________________________________________________________
Pang-apat: _______________________________________________________
Panglima: ________________________________________________________
2. Ano- ano ang mga ginamit na salitang naghuhudyat ng pagkakasunod-sunod ng
mga pangyayari sa binasang talata?
Una: _______ Pangalawa: _______
Pangatlo: _______ Pang-apat: _______
Panlima: ________

Ang galing-galing mo! Natapos mo ang Pagsasanay 2.

Saang pagsasanay ka nahirapan? Pagsasanay 1 Pagsasanay 2

Gayunpaman binabati kita sa iyong tagumpay.

9
Balikan ang mga natutuhan sa naunang
mga gawain upang masagutan ang
sumusunod na pagsasanay.

Panuto: Basahin at unawain ang kuwento. Pagsasanay

Punan ang story frame ng tamang
pagkasusunod-sunod ng mga pangyayari.

Sa Wakas Cellphone na Ako!

ni Marissa P. Bagacina

“Estong! Estong!” tawag ng kanyang ina nasi Nanay Belen.Araw-

araw niyang naririnig ang katagang” Estong kailan ka ba magbabago?”
“Hmmmp! ako na naman ang nakita ni nanay” pahimutok na sabi ni Estong
sa kanyang sarili.
Si Estong, batang payatin…hindi pala-ayos sa sarili, inaatupag ang
paglalaro at nakakalimutan niya palagi ang bag niya sa paaralan, kaya‟t
palagi siyang napagsasabihan ng kanyang guro sa hindi niya paggawa ng
takdang aralin lalo na ang pagsasanay niya sa pagbabasa at higit sa lahat
hindi siya sumasama sa School Feeding sa kanilang paaraan, dahil sa hindi
niya gusto ang mga niluluto dito pansit bato lamang ang gusto niyang
merienda at tilapia naman bilang pangulam ang kilalang niyang pagkain.
Ibang-iba kasi sa dalawa niyang kapatid si Estong na sina Ening at si
Esang. Pala-ayos sarili malusog ang pangangatawan, pala-aral at kapag
tapos na sa kanilang gawaing –bahay, ang pinakakahintay ng dalawa niyang
kapatid ang magamit na ang kani-kanilang Cellphone.Cellphone! ‟yon ang
tanging pangarap ni Estong ang makahawak din ng Cellphone.Ngunit sa
murang edad niya ay hindi pa siya pinapayagan na humawak nito sa ilang
mga kadahilanan.
Sa tuwing titingnan niya at nilalaro ng kanyang mga kapatid ay
tinatakpan ng kamay ng kanyang ate, sabay sambit “Nagawa mo na ba ang
bilin ni Nanay Belen?”.

10
 Tungo ang ulo ni Estong na umiiyak patungo sa banyo. Babasa-
basain niya lang ang mukha, aalisin ang konting bahid ng dumi sa kanyang
katawan at magpupulbos na lang para makitang malinis siya.” Ate! Ate!
Esang! Naghihilamos na po ako!”, pasigaw na tawag ni Estong…ngunit,
hindi pa rin siya pinapansin ng kanyang mga kapatid…tiningnan lang siya
at..”Ano, nagawa mo na ba ang lahat na bilin ni Nanay at Tatay?” paulit na
tanong ng kanyang ate, iiling-iling lamang si Estong at nagmukmok na
lamang sa isang sulok.
“Buti pa ang cellphone, hinahawakan, pinipisil-pisil at kinakausap”
pahimutok na sabi sa sarili ni Estong, “Simula ngayon, magbabago na ako
“sabay tapik niya sa kanyang balikat.
Umuuwi na siya sa tamang oras kumakain nang masustansiyang
pagkain. Nagpapalit ng uniporme pagkagaling sa paaralan. Pilit niyang
kinikilala ang mga letra at salita sa kanyang binabasang aklat, na tila
inihalintulad niya sa isang Cellphone ang pahina ng aklat, pinipindot-pindot
at kinakausap niya ito.
“Esang! Ening! Estong! Nandito na kami!” pasigaw na tawag ng
kanilang mga magulang na galing sa pagdalaw ng kanilang mga lolo‟t lola sa
bayan ng bato. O! ano Estong kamusta ka na?” sambit ng kanyang Tatay
Nesto. Pangiti lamang ang sagot ni Estong sa tanong ng kanyang Ama.
Laking gulat ng kanyang ina sa pagbabago ng kanyang anak na si
Estong. Bitbit ang bag sa pag-uwi nakakasabay na nila sa pagkain at
nagiging pala-ayos na sarili.
Hangga‟t sa nakakasabay na niya ang kanyang mga kapatid sa sala,
ngunit may pag-alinlangan pa rin si Estong sa kanila. Lingid pala sa
pagkakaalam ni Estong iyon pala‟y pinagkakaisahan siya ng kanyang mga
kapatid, upang matuto sa kanyang mga gawain, mag-aral, at magbasa.
Simula noon para na rin siyang Cellphon pinipindot-pindot,
pinipisilpisil ang kanyang mamula-mulang pisngi nang kaniyan mga
kapatid at tila makulay na pabalat ng Cellphone ang kanyang pagbabago sa
kanyang sarili. “Mahal ka namin Estong”, sambit ng dalawa niyang kapatid.
“Sa wakas Cellphone na rin ako!” sigaw ni Estong, na laking gulat ng
kanyang buong pamilya.

11
 “Bakit anak nasabi mong Cellphone ka na?” tanong ng nagtatakang
ina. “Mahal kong Nanay, ako na po ito…Cellphone na po ako”
Nababasa ko na po ang pinipindot-pindot na lumalabas po sa
Cellphone, palagiang nagpapalit na rin po ako ng pambahay at nag-aayos ng
sarili, tulad po ng ginagawa ni Ate pinapalitan niya ng pabalat ang kanyang
Cellphone na parang bago ulit at higit sa lahat po nakakausap ko na po ang
aking mga ate bagama‟t binigyan lang po nila ako ng aral na matuto sa
aking mga ginagawa kaya po Cellphone na rin ako.”
Tumawa na lang at niyakap siya ng mahigpit ng kanyang ina.

Wakas

Bilib na talaga ako sa iyo. Nasagutan mo lahat na

pagsasanay. Iwasto mo ang iyong mga kasagutan sa
pahina 18.
Anong naramdaman mo matapos malaman ang
resulta ng iyong pagsisikap?

  
12
 Ang bahaging ito ng modyul ay susukat sa mga
natutuhan mo sa loob ng aralin. Huwag kang
matakot dahil alam kong kayang-kaya mo ito.
Huling pagsubok na lamang ito na
kailangan mong sagutin.

Panapos na Pagsubok
A. Panuto: Basahin at
unawain nang mabuti ang maikling
kwento sa ibaba. Sa tulong ng Story Ladder tukuyin ang wastong
pagkakasunod ng mga pangyayari sa kuwento, tiyakin na gumamit ng
mga hudyat sa pagsusunod-sunod ng pangyayari.

Kuyog
Elena Duka-Tatel

“Inay, gutom na po ako,” ang sabi ni Isa. Ang bunso sa tatlong anak nina
Bell at Boods.
“ O, halika anak. Tawagin mo na rin sina ate Ning at ate Bing mo at
nang makakain na tayo nang sabay-sabay,” ang sagot ng inang si Bell.
Habang kumakain sila ng almusal ay nagtanong si Ning. Siya ay
limang taong gulang, ang panganay sa tatlong magkakapatid.
“‟Nay, ano po itong ulam natin? Kahit maliliit pero masarap po „nay.”
“ Kuyog, Kuyog ang tawag d‟yan. Sariling huli „yan ng tatay n‟yo,” ang may
pagmamalaking tugon ng ina. “Hmmm... ang sarap ate. Kanin pa nga po,”
dugtong ni Bing, ang pangalawang anak.
“ Alam n‟yo ba mga anak? D‟yan lang „yan nahuli ng tatay n‟yo,” sabay turo
ng amang si Boods sa dagat na malapit sa kanila. “Lalo pang sumarap „yan
dahil nilagyan namin „yan ng nanay ninyo ng langkwas.”
“ Ano naman po ang langkwas? Ang malambing na tanong ng
bunsong si Isa na tatlong taong gulang pa lamang.“Ang langkwas anak ay
parang luya . Mas sumasarap at bumabango pa ang bagoong na kuyog
kapag hinaluan ng dinikdik na langkawas. Mas lumalambot at nagiging
medyo malagkit ang sabaw nito kapag palilipasin muna ang ilang araw
bago kainin ang bagoong,”ang sagot ng ama na halatang lalo pang
nasisiyahan sa pagtatanong ng mga anak.

13
 “Ang bagoong na Kuyog ay napakasarap iulam sa kanin. At hindi lang
sa kanin mga anak, maging sa lutong kamoteng kahoy,” sabad naman ng
inang si Bell.
Sila ang mag-anak na kuntento na sa kung ano ang mayroon sila.
Tinuruan nilang mag-asawa ang kanilang mga anak na mamuhay nang
simple. Kaya sa murang edad ay natuto na silang magtipid at hindi
nagrereklamo sa kung ano ang ihaing pagkain sa kanila. Hindi rin nila
ikinahihiya ang pag-ulam ng kuyog at pagtitinda nito. Ang kuyog ay isa sa
mga nahuhuling yamang dagat ni Boods sa kanilang lugar na malapit
lamang sa dagat. Lumipas pa ang mahabang panahon.
Ang tatlong magkakapatid ay nakapagtapos na ng kani-kanilang pag-
aaral. Bawat isa sa kanila ay nakapagtayo na ng sariling negosyo.
“‟Nay, salamat po sa inyo ni Tatay. Kung hindi po sa pagtitiyaga ninyo
sa pagtitinda ng mga isda ay hindi kami makakapag-aral na
magkakapatid,” maluha-luhang sabi ni Ning sabay yakap sa kanyang mga
magulang.
Nang marinig ito ng dalawa pang anak na sina Isa at Bing ay kanila
ring niyakap ang kanilang mga magulang.
“At dahil po d‟yan, mamamasyal tayo ngayon!” Ang natutuwang sabi ni
Ning. Nag-aatubili man ay sumama na rin sina Bell at Boods.
“Wow! ang pabulong na narinig sa mga magulang ng magkakapatid.
“Restaurant ba ito Ning? Dito ba tayo kakain? Ang sunod-sunod na tanong
ng inang si Bell.
“ Wala pa yatang mga costumer na kakain kasi mukhang tahimik pa ang
paligid,” dugtong naman ni Boods.
“Pero teka, may kotse na sa banda roon kaya baka may kumakain na
sa loob. Mukhang mahal dito,”ang wika ulit ni Bell.
Habang inililinga ang paningin ng mag-asawa, hindi nila namalayan na
pumasok na sa loob ang magkakapatid na nagbubulungan at
naghahagikhikan... hawak ng nakakubling kamay ang susi na handog sa
mga magulang.
Wakas

14
STORY LADDER

Ikaapat na
Pangyayari
Ikatlong
Unang Ikalawang Pangyayari (wakas)
Pangyayari Pangyayari
(Simula)

Yehey!
Malapit mo nang matapos ang araling ito. Iwasto ang
iyong mga sagot sa pahina 19.

Ilang bituin kaya ang iyong matatanggap? Suriin sa ibaba.

 nagawa lahat  1 hindi nagawa

 2 hindi nagawa  3 pataas hindi nagawa

15
 Ang ganda ng aralin natin.
Ang dami kong natutuhan.
Na-enjoy ko rin ang mga gawain at
pagsasanay.

Hindi rin ako nahirapan sa mga

pagsasanay. Kaya parang gusto ko pa
ng karagdagang Gawain.
Karagdagang Gawain Tara magtulungan tayo!

Panuto: Ngayong panahon ng Enhanced Community Quarantine (ECQ),

tiyak na maraming pinagkakaabalahan ang inyong pamilya. Ikukuwento mo
ito sa pamamagitan ng pagsulat ng mga pangungusap sa speech balloons.
Tandaan, gamitin ang mga wastong pagkakasunod-sunod ng mga
pangyayari sa natutuhan sa modyul na ito.

Sa wakas ay narating mo ang dulo ng aralin.

Ang saya-saya ko at napagtagumpayan mo
ang mga pagsasanay at gawain.
Ang husay mo kid!

16
 17
Panimulang Pagsubok
1. 2 2. 3 3. 1 4. 4 5. 5
Pagsasanay 1
1. Napakahimbing ng tulog ni Andrea dahilan sa napakalamig na
panahon
2. Nagising siya ay ginaw na ginaw dahilan sa natanggal ang makapal na
kumot na bumabalot sa kanyang katawan.
3. Idideklarang walang pasoksa elemenatr at haiskul kapag Signal
Number Two.
4. Naalala niya ang napag-aralan nila sa paaralan tungkol sa bagyo.
Kapag signal number one, sa loob ng 36 na oras ay maaaring dumating
ang hanging may lakas na hindi hihigit sa 60 kilometro bawat oras.
Kapag signal number two, ang hangin ay may lakas na 60 hanggang
100 kilometro bawat oras. Kapag signal number three, sa loob ng 12
hanggang 18 oras, maaaring dumating ang hanging may lakas na higit
sa 100 kilometro bawat oras.
5. Madaling makakuha ng mga mahahalagang impormasyon o balita
tungkol sa pagsama ng panahon sa radio at sa telebesiyon.
Susi sa Pagwawasto
 18
.
A. Pagsasanay 2
1. Una: Sundan sa radio o telebisyon ang mahahalagang balita sa
pagsama ng panahon.
2. Pangalawa: Mag-imbak ng mga pagkain sa bahay lalong lalo na
iyong mga de lata upang hindi magutom.
3. Pangatlo: Mag-imbak din ng posporo, kandila, flashlight, at baterya
na maaaring magamit kung kinakailangan.
4. Pinakamahalaga sa lahat ay manatiling mahinahon sa lahat ng
sandal upang makaiwas sa dagdag na sakuna.
5. Panghuli: Kailangang makinig sa mga balita tungkol sa pagbabago
ng panahon.
B. 1.Unang-una 2. Pangalawa
3. Pagkatapos 4. Pinakamahalaga
5. Panghuli
Pagsasanay 3
Unang pangyayari-Si Estong ay batang payatin, hindi palaayos sa
sarili, inaatupag ang paglalaro at nakakalimutan niya palagi ang
bag sa paaralan.
Ikalawang pangyayari- taliwas siya sa dalawa niyang kapatid na
palaaral, palaayos at malusog ang pangangatawan.
Suliranin- Si Estong ay laging napapagalitan dahil sa kanyang ugali
kaya siya‟y nagtatampo.
Wakas- nagbago ng pag-uugali si Estong, lagi na siyang naliligo,
nag-aaral at kumakain ng masustansiyang pagkain kaya mula
noon parang cellphone na siyang pinipindot pindot sa pisngi at
kinagigiliwan ng lahat.
 19
Panapos na Pagsubok:
Unang pangyayari – Ang mag-anak ay nagsabay-sabay na kumain ng
almusal na kuyog lang ang ulam.
Pangalawang pangyayari- hindi nagrereklamo ang mga anak sa kung
ano ang mayroon sila dahil sa sila‟y mahirap lamang.
Pangatlong pangyayari- nagsakripisyo ang mag-asawa sa pagtitinda ng
isda mapag-aral lamang ang tatlong anak.
Pang-apat na pangyayari- nakatapos ng pag-aaral ang tatlong anak at
nakapagtayo ng sariling negosyo kaya naging masagana at
matagumpay sila.
 SANGGUNIAN

______________Istorya, pag-aari ng DepEd Rehiyon V, Inilimbag sa Pilipinas,

Taong 2019
____________ http//www.slide.net/mobile

20
Para sa iba pang tanong at puna, maaaring sumulat o tumawag sa:

Kagawaran ng Edukasyon Rehiyon V

Regional Center Site, Rawis, Legazpi City 4500

Mobile Phone: 0917 178 1288

Email Address: region5@deped.gov.ph

21