Ψαλμός 68΄

-Γενηθήτω ἡ τράπεζα αὐτῶν εἰς παγίδα, καί εἰς ἀνταπόδοσιν καί εἰς σκάνδαλον.
-Σκοτισθήτωσαν οἱ ὀφθαλμοί αὐτῶν τοῦ μή βλέπειν, καί τόν νῶτον αὐτῶν διαπαντός
σύγκαμψον.
-Ἔκχεον ἐπ΄ αὐτούς τήν ὀργήν σου, καί ὀ θυμός τῆς ὀργῆς σου καταλάβοι αὐτούς.
-Γενηθήτω ἡ ἔπαυλις αὐτῶν ἠρημωμένη, καί ἐν τοῖς σκηνώμασιν αὐτῶν μή ἔστω ὁ κατοικῶν.
-Ἐξαλειφθήτωσαν ἐκ βίβλου ζώντων, καί μετά δικαίων μή γραφήτωσαν.

Ψαλμός 5΄
-Ἄνδρα αἱμάτων καί δόλιον βδελύσσεται Κύριος.
-Ὅτι οὐκ ἔστιν ἐν τῷ στόματι αὐτῶν ἀλήθεια, ἡ καρδία αὐτῶν ματαία.
-Τάφος ἀνεῳγμένος ὁ λάρυγξ αὐτῶν, ταῖς γλώσσαις αὐτῶν ἐδολιοῦσαν, κρῖνον αὐτούς, ὁ
Θεός.
-Ἀποπεσάτωσαν ἀπό τῶν διαβουλιῶν αὐτῶν, κατά τό πλῆθος τῶν ἀσεβειῶν αὐτῶν ἔξωσον
αὐτούς, ὅτι παρεπίκρανάν σε, Κύριε.

Ψαλμός 91΄
-Ἐν τῷ ἀνατεῖλαι ἁμαρτωλούς ὡσεί χόρτον, καί διέκυψαν πάντες οἱ ἐργαζόμενοι τήν ἀνομίαν,
ὅπως ἄν ἐξολοθρευθῶσιν εἰς τόν αἰῶνα τοῦ αἰῶνος.
-Ὅτι ἰδού οἱ εχθροί σου, Κύριε, ὅτι ἰδού οἱ ἐχθροί σου ἀπολοῦνται, καί διασκορπισθήσονται
πάντες οἱ ἐργαζόμενοι τήν ανομίαν.

Ψαλμός 53΄
-Ἀποστρέψει τά κακά τοῖς ἐχθροῖς μου, ἐν τῇ ἀληθείᾳ σου ἐξολόθρευσον αὺτούς.

Ψαλμός 54΄
-Καταπόντισον, Κύριε, καί καταδίελε τάς γλώσσας αὐτῶν, ὅτι εἶδον ἀνομίαν καί ἀντιλογίαν
ἐν τῇ πόλει.
-Ἐλθέτω δή θάνατος ἐπ΄ αὐτούς, καί καταβήτωσαν εἰς ἅδου ζῶντες, ὅτι πονηρία ἐν τοῖς
παροικίαις αὐτῶν, ἐν μέσῳ αὐτῶν.

Ψαλμός 56΄
-Ὤρυξαν πρό προσώπου μου βόθρον, καί ἐνέπεσον εἰς αὐτόν.

Ψαλμός 139΄
-Ἐξελοῦ με, Κύριε, ἐξ ἀνθρώπου πονηροῦ, ἀπό ἀνδρός ἀδίκου ῥῦσαι με.
-Οἵτινες ἐλογίσαντο ἀδικίαν ἐν καρδίᾳ, ὅλην τήν ἡμέραν παρετάσσοντο πολέμους.
-Ἠκόνησαν γλῶσσαν αὐτῶν ὥσεί ὄφεως, ἰός ἀσπίδων ὕπό τά χείλη αὐτῶν.
-Φύλαξόν με, Κύριε, ἐκ χειρός ἁμαρτωλοῦ, ἀπό ἀνθρώπων ἀδίκων ἐξελοῦ με, οἵτινες
διελογίσαντο τοῦ ὑποσκελίσαι τά διαβήματά μου.
-Ἔκρυψαν ὑπερήφανοι παγίδα μοι, καί σχοινίοις διέτειναν παγίδα τοῖς ποσί μου, ἐχόμενα
τρίβου σκάνδαλα ἔθεντό μοι.
-Ἀνήρ γλωσσώδης οὐ κατευθυνθήσεται ἐπί τῆς γῆς, ἄνδρα ἄδικον κακά θηριεύσει εἰς
διαφθοράν.

Ψαλμός 45΄
-Ὁ Θεός ἡμῶν καταφυγή καί δύναμις, βοηθός ἐν θλίψεσι ταῖς εὑρούσαις ἡμᾶς σφόδρα.
-Διά τοῦτο οὐ φοβηθησόμεθα ἐν τῷ ταράσσεσθαι τήν γήν, καί μετατίθεσθαι ὄρη ἐν καρδίαις
θαλασσῶν.