Professional Documents
Culture Documents
Дэлгэрэнгүй Лекц. Зээлийн Бодлого Боловсруулалт
Дэлгэрэнгүй Лекц. Зээлийн Бодлого Боловсруулалт
Зээлийн бодлогод нөлөөх хүчин зүйлс нь банк бүрт харилцан адилгүй байх хэдий ч
банкууд бодлого боловсруулахдаа дараах зүйлсийг зайлшгүй анхаарах ёстой. Үүнд:
1. Макро эдийн засгийн хүчин зүйл
- Эдийн засгийн ерөнхий төлөв
- Мөнгө зээлийн бодлого, түүний хэрэгжилт
- Сангийн бодлого
2. Орон нутгийн болон бүс нутгийн хүчин зүйл
- Бүс нутгийн эдийн засгийн хөгжил, үйл ажиллагааны чиглэл
- Харилцагчдын эрэлт хэрэгцээ
3. Дотоод хүчин зүйл
- Өөрийн хөрөнгийн бүтэц өөрчлөлт
- Депозитын багц
- Боловсон хүчний ур чадвар
Тухайн банкны зээлийн бодлого боловсруулах үйл ажиллагаа, банкны бүтэц зохион
байгуулалт тусгалаа олсон байдаг. Өөрөөр хэлбэл тухайн банкны зээлийн үйл ажиллагааг
хэрэгжүүлэгч нэгжүүдийн зохион байгуулалтаас хамаарна. Энд зээлийн хүсэлт хүлээн
авахаас эхлээд шийдвэрлэх зээл олгох хяналт тавих, зээл хаах болон зээлийн тогтмол
хугацааны тайлан мэдээ бэлтгэх, энэ мэдээлэлд тулгуурласан зээлийн эрсдлийг удирдах
арга замуудыг хамруулна.
Банк зээлийн бодлогыг оновчтой боловсруулснаар дараах зорилгууд хангагдана. Үүнд:
- Зээлийн эрсдлийг удирдах боломжтой.
- Зээлийн мэргэжилтны ажлын удирдамж зөв байх
- Хөрөнгө оруулагч оновчтой санхүүжүүлснээр банкны орлого тогтмолжих улмаар
эдийн засгийн өсөлтөнд бодит хувь нэмэр болно.
Зээлийн бодлогод тусгах зүйлс:
1. Зээлийн чанар, эрсдлийг удирдахад оролцох банкны бүх нэгж хэсгүүдийн зохион
байгуулалт, ажилтнууд, тэдгээрийн эрх үүрэг, тэдгээрийг томилох, ажиглах,
тайланг авах арга зам, хэлбэрүүд
2. Зээл олгох эрх бүхий этгээдийг томилох
3. Зээл олгох зөвшөөрөл гаргах журам
4. Зээлийн ажилтны эрх, үүрэг, хариуцлага
5. Зээлийн төсөл хүлээн авах үйл ажиллагаа
6. Зээлжүүлэлттэй холбоотой баримт бичиг, хувийн хэргийг зохих журмаар
бүрдүүлэх
7. Зээлийн эрсдэл, зээлийн төсөлд судалгаа дүгнэлт хийх
8. Банкны удирдлага, ажилтан, тэдгээрт холбогдох этгээдэд тавих зээлийн
хязгаарлалт
9. Зээлжүүлэлтийн ажилтан, зээлийн ашиглалтыг хянах журам
10. Хүндрэл бэрхшээлтэй чанаргүй зээл бий болгохоос урьдчилан сэргийлэх илрүүлэх
арга замууд, бүртгэлд авах үйл ажиллагаа
Зээлийн бодлого, түүний элементүүд
Банкны зээлийн бодлого нь тухайн банкны хүрээнд зээлийн үйл ажиллагааны хэм хэмжээг
тодорхойлж, зээлийн үйл ажиллагааны бүхий л харилцааг зохицуулах журмын эмхэтгэл,
зээлийн ажиллагааг зохицуулж зохион байгуулж, хэрэгжүүлж буй ажилтнуудын үйл
ажиллагаандаа заавал мөрдөх, хэрэгжүүлэх баримт бичиг юм. Зээлийн бодлогыг
хэрэгжүүлэхийн тулд зээл нэг бүрийг судлах, хэлэлцээ хийх, зээлийн нөхцөлийг тогтоох,
зээлийг хаах, баримтаар нотлоход зээлийн мэргэжилтнүүдэд туслах зээлийн нарийн журам
гаргадаг. Зээл олгох, төлүүлэх гэх мэт журмууд нь зээлийн бодлогын хүрээнд түүнийг
хэрэгжүүлэхэд зайлшгүй шаардагдах зүйлсийг тусгасан байдаг.
Хүснэгт Зээл олгох үйл ажиллагааны үе шат, зээлийн бодлогын элементүүд
шатууд
Харилцагчийг тодорхойлох
Зээл олгохоос өмнөх