Republic of the Philippines

Department of Education
Region VI – Western Visayas
Schools Division of Passi City
PASSI NATIONAL HIGH SCHOOL
Senior High School
Passi City, Iloilo

SELF-LEARNING MODULE

Komunikasyon at Pananaliksik sa Wika

at Kulturang Pilipino

Code:F11PN-IIa-96
Kwarter 2-Modyul 2
Natutukoy ang iba’t ibang paggamit ng wika sa nabasang pahayag
mula sa mga blog, social media posts at iba pa

1
Kwarter 2: Modyul 2
Nilalaman: Mga Sitwasyong Pangwika sa Pilipinas

Mga Kasanayang Pampagkatuto:

Natutukoy ang iba’t ibang paggamit ng wika sa nabasang
pahayag mula sa mga blog, social media posts at iba pa
Code: F11PB-IIa-96

A. LUNSARAN

Ano-ano ang impluwensya ng internet at social media sa lipunan lalo

na sa pakikipag-ugnayan?

NETIZEN KA BA?

Iranggo mula sa 1 hanggang 6 ang mga serbisyong pang-internet

batay sa dalas ng iyong paggamit.

GOOGLE YOU TUBE

facebook tumblr.

Yahoo twitter

 Talakayan

Ipaliwanag ang kahalagahan ng unang tatlong serbisyong

internet na madalas mong gamiting sa iyong buhay

B. SURIIN

Talakayin at Unawain

ANG HALINA NG INTERNET

Isang global na pangyayari ang malawakang paglaganap ng
Internet. Bawat taon, dumarami na ang gumagamit nito dahil
dumarami na rin ang mga gadget na may kaugnayan dito tulad ng
kompyuter, laptop, tablet, smartphone, at game console.
2
 Ang Internet ay mula sa dalawang pinagsamang salita na inter at
networking na batay sa pakahulugan ng TheFreeDictionary.com (2015)
ay kilala rin bilang malawakang daluyan ng impormasyon (information
superhighway) at World Wide Web.

Ang Internet ang pinakamalaking aklatan ngayon at walang

iisang teksbuk ang makakatapat dito. Binabago ng Internet ang
pamaraan ng pagtuturo at kung saan ito maaaring mangyari o
magkaroon ng pagkatuto. Puwede nang sabay-sabay nag-aaral ang
mga estudyanteng malayo sa isa’t isa at sa guro sa tulong ng
Integrated Virtual Learning Environment (IVLE) na gawa sa
Singapore o gamit ang bago ngayong Sakai Collaboration &
Learning Environment o kaya’y Google Classroom. Maaaring
gamitin pa rin ang Facebook, Google, o Yahoo para sa gawaing
pampaaralan sa tulong ng Internet. Nasa edad na tayo ng e-
learning sa ika-21 siglo na magpapabilis sa pagkuha ng
impormasyon at kaalaman ng kabataang Pilipino.

Mga Tala tungkol sa Internet

Batay sa pananaliksik na ginawa ng Internet Society (2015)

noong 2012 mula sa 10,000 kataong sumagot sarbey na galing sa
20 bansa sa buong mundo, masasabing:

 98 porsiyento ang nagsasabing napakahalaga

ng Internet para magkaroon sila ng daan sa
kaalaman at edukasyon
 96 porsiyento ang nagsasabing gumagamit sila
ng Internet kahit isang beses sa isang araw
 90 porsiyento ang gumagamit ng social media

3
Kinahihiligan namang bisitahin ng mga netizen o mga gumagamit ng
Internet ang sumusunod

Mga social network at blog – 22.5 porsiyento (%)

Instant messaging – 3.3%
Mga larong online – 9.8%
Mga gumagawa ng software 3.2%
E-mail – 7.6%
Classified/auction – 2.9%
Mga portal – 4.5%
Search – 4%
Mga video/movie – 4.4%
Iba pa – 35.1%
Mga kasalukuyang pangyayari at balitang
pandaigdig – 2.6%

BLOG

Sinasabing ang blog ay galing sa dalawang salita, web at

blog. Ito ay may dalawang depinisyon. Una, ito ay isang pangngalan
ng tumutukoy sa isang website na maituturing naman na isang blog
dahil sa tema at mga nilalaman nito – maaaring mga salita o teksto,
litrato, video, link, o kung ano man ang naisin ng blogger. Blogger
ang tawag sa tao o grupong nangangalap, nagpapatakbo, at nag
simula sa isang blog. Sa bawat paggawa ng blog, may kani-kanila
silang dahilan. Ikalawa, bilang isang pandiwa, ang blog o pag-blog
ay tumutukoy sa aksyon ng paggawa o pagsulat ng isang post na
siyang ilalagay at magiging laman ng iyong blog (pangngalan).
Karaniwan, ang mga blog post ay nakaayos mula lumang post
hanggang bago. Una mong makikita, bilang mambabasa, ang
pinakabagong blog post ng isang blogger kaysa mga luma nitong
ginawa. Pakatandaan na ang mga blog ay hindi limitado sa artikulo o
teksto lamang. Mula sa simpleng diary at dyornal, naging tulay din ito
4
 upang mapadali ang paghahanap ng impormasyon, konsepto, at iba’t
ibang bagay na gusto nila. Para sa mga blogger, mas madali at mas
mabilis din ang pamamahagi ng iba’t ibang impormasyon o bagay na
gusto nilang ikalat sa mga mambabasa mula sa mga personal na
bagay hanggang sa mga balita.

Hindi, maikakailang malayo na nga talaga ang nararating ng

paggawa ng blog. Dahil sa walang tigil na pagsali ng mga interesadong
tao naging mas malawak ang saklaw nito. Blogosphere ang tawag sa
komunidad o mundo ng mga blogger. Dito ka makakakita ng iba’t ibang
uri ng blog at personalidad ng mga blogger. Sa katunayan, dito na rin
nabubuhay ang karamihang mga sikat na blogger.

MGA URI NG BLOG

Ang sumusunod ay ilan lamang sa napakaraming uri ng blog. Dumami

na nang tuluyan ang mga uri ng blog dahil sa kalayaan ng mga
blogger na mamili at gumawa ng sarili nilang tema para sa kanilang
mga blog.

 Fashion Blog – Ito ang isa sa mga pinakasikat ng uri ng blog.

Ang mga blog na may ganitong tema ay naglalaman ng mga
damit o kung ano man ang bago sa mundo ng fashion o
pananamit. Kabilang ang mga blogger na sina Laureen Uy, Kryz
Uy, at Liz Uy sa mga nagpapatakbo ng ganitong blog.
 Personal Blog – Marami sa mga blogger ang gusto lamang
magbahagi ng kanilang buhay. Maaaring gusto lamang nilang
matuto ang mga tao sa kanila o magbahagi lang ng mga bagay
na tumatakbo sa kanilang isipan. Halos walang tema ang mga
blog na ito- kahit ano ay puwede.
 News Blog – Ang nais lamang ng mga blog na may ganitong
tema ay magbahagi ng mga bagong balita sa mga mambabasa.
Isa na sa mga mapagkakatiwalaang blogger mula sa ganitong
uri ay ang Time na kilala dahil sa kanilang magasin. Maaari na
ring isama rito ang mga blog na nagbabahagi ng balita ukol sa
kalusugan, isports, at teknolohiya.

5
 Humor Blog – Naglalayon ang mga blog na ito na makapagpatawa
o makapag-aaliw ng mga mambabasa. Maganda ang mga ganitong
uri ng blog upang mas lumabas ang galing ng blogger na makuha
ang kiliti at emosyon ng mga mambabasa. Pinakasikat na marahil si
Professional Heckler sa mga humor blogger dito sa Pilipinas. Ngunit
hindi lamang sila nagpapatawa, gusto rin nilang maimulat tayo sa
katotohanan gamit ang kanilang alam na paraan.

 Photo Blog – Ang blog na ito ay naglalaman ng mga litrato

hanggang sa mga typographies. Naging malaking parte na ng buhay
ng kabataan ang mga photo blog. Isa na marahil sa pinakasikat na
pinagkukuhanan at pinagmulan ng nasabing blog ang Tumblr. Hindi
man katulad ng ibang mga blog site, maganda pa rin ang Tumblr
dahil bukod sa napakarami ang mga gumagamit ay nakikita ang mga
talento ng mga makabagong kabataan sa paggawa ng iba’t ibang
litrato na karaniwan ay naglalaman ng mga mensahe.

 Food Blog – Ang pangunahin at maaring natatanging layunin ng

blog na ito ay magbahagi ng resipi at mga paraan sa pagluluto
ng masarap o kakaibang mga pagkain.
 Vlog – Ito ay kilala bilang video vlog sapagkat naglalaman ito ng
mga video mula sa mga blogger. Ang mga video ay maaaring
kuha ng mga paglalakbay, eksperimento, o kung anumang
personal na gawain.

 Educational Blog – Nakatutulong ang mga ganitong blog upang

malinawagan ang mga pag-aaral sa mga aralin na hindi nila
maintindihan sa paaralan. Napakarami ng mga blogger na may
mabubuting puso upang ipaliwanag nang maliwagan ang mga
aralin. Kabilang na rito ang blog site na AccountingCoach.com

Sitwasyong Pangwika sa Text

Ang pagpapadala at pagtanggap ng SMS na lalong kilala bilang text

message o text ay isang mahalagang bahagi ng komunikasyon sa
ating bansa.

6
Katunayan, humigit-kumulang apat na bilyong text ang ipinadadala
at natatanggap sa ating bansa araw-araw kaya naman tinagurian
tayong "Texting Capital of the World".

Sa text nga naman ay hindi mo nakikita ang ekspresyon ng mukha

o tono ng boses ng taong tumatanggap ng mensahe.
Sa pagpindot din sa keypad ay mas mabibigyan ng pagkakataon
ang taong-i-edit ang sarili niya at piliin ang mas angkop na
pahayag o salita kaysa sa aktuwal niya itong sinasabi sa harapan
man o sa telepono.

Ano ba ang katangian ng wika sa SMS o text?

Ikaw mismo kapag nagte-text ay malamang na gumagamit ng

magkahalong Filipino at Ingles at pinaikling mga salita, hindi ba?

Sa pagbuo ng mensahe sa text, madalas ginagamit ang code

switching o pagpapalit-palit ng Ingles at Filipino sa pagpapahayag.

Madalas ding binabago o pinaiikli ang baybay ng mga salita para

mas madali o mas mabilis itong mabuo.

160 characters lang kasi ang nilalaman ng isang padalahan ng

mensahe kaya nangyayari ito para makatipid sa espasyo at para
mapabilis ang pagpindot sa maliliit na keypad ng cell phone.

walang sinusunod na rule o tuntunin sa pagpapaikli ng salita,

gayundin kung sa Ingles o sa Filipino ba ang gamit basta't
maipadala ang mensahe sa pinakamaikli, pinakamadali, at kahit
paano'y naiintindihang paraan.

Halimbawa

Ang "dito" ay nagiging "d2"

Ang "Nandito na ako. Where are you na?" ay nagiging "d2 na me.
Wr u na?"
7
Ang "puwede" ay nagiging "pwd"

"Saan ka na ba"? na nagiging "sn k n b?"

"Are you going to see me?" na 23 titik ay nagiging "r u goin 2 c me

2day?" na binubuo ng 14 na titik

Usong-uso rin sa text o chat ang mga daglat or shortcut o

pagpapaiksi lalo na sa ingles

AAP Always A Pleasure

AML All My Love

B4N Bye For Now

BFF Best Friends Forever

BTW By The Way

CUL8R See You Later

HBD Happy Birthday

EOD End Of Discussion

J/K Just Kidding

Minsa'y nakapagdulot ng kalituhan ang ganitong mga paraan ng

pagpapahayag sa text o SMS subalit ito'y tinatanggap ng lipunan
bilang isa sa mga katangian ng wika. Ang wika ay buhay o
dinamiko. Patuloy itong nagbabago, yumayabong at sumasabay sa
pagbabago ng panahon.

8
Paalala:
1.Bawat mag aaral ay magsumite ng natapos na gawain sa inyong
cluster leader o mga magulang/guardian sa oras na nakatakda ng
pagpasa
Pagpapatupad ng health protocols ay dapat isalang-alang
2. Para sa may access sa internet maaaring ipasa ang output sa guro
sa pamamagitan ng email o messenger
3. Sa mga mag-aaral na nag home quarantine, maaring ipagpatuloy
ang pagsagot sa modyul at hintayin ang instruksyon
ng City Health sa panahon na maaring na kayong makalabas at ipasa
ang mga output.
4. Sa mga mag-aaral na nastranded sa mga lugal na ECQ , maaring
ipasa online ang mga gawain.
5. Maaaring makipagchat, text or call ang mga mag-aaral sa mga
guro mula
Lunes hanggang Biyernes 8:00 am -5:00 Pm lamang.

C. PAGYAMANIN (Performance Task)

Sagutin sa isang buong papel

1. Mamili ng isang uri ng blog.
2. Maghanap sa internet , magasin o telebisyon ng isang blog ayon
sa uring napili.Gupitin o iprint at ipasa sa guro
3. Suriing mabuti ang nilalaman o entry mula rito.
Iminumungkahing pumili ng mga blog na gumagamit ng ating sariling
wika

9
Uri ng Blog
Pangalan ng May-akda Uri
ng Blog
Website o link kung saan
makikita
Nilalaman
1. Tungkol saan ang blog
2. Ano-ano ang paksa ng post
nito
Paggamit ng Wika
1. Ano ang wikang ginamit
2. Madali bang maunawaan ng
mga netizens ang mga salita o
pahayag na ginamit? Bakit?

Sariling Opinyon
1. Nagustuhan mo ba ang
nilalaman ng blog?
Ipaliwanag ang sagot
2. Makatutulong ba sa iyo ang
mga impormasyong nakapost
sa blog?

Mahabang Pagsusulit (Modyul 1 at Modyul 2)

Test I. TAMA O MALI
Panuto: Isulat ang salitang TAMA kung ang pahayag ay wasto at
salitang MALI kung ito ay hindi wasto.

1. Katulad ng telebisyon, Filipino rin ang nangungunang wika sa

radyo maliban kung ito ay local na estasyon ng radyo.
2. Ang internet ay mula sa pinagsamang salita na inter at networking
ay kilala rin bilang superhighway.
3. Ang blogosphere ay tawag sa komunidad o mundo ng mga
blogger.
4. Pinakamaimpluwensya at pinakamakapangyarihang istitusyon sa
ating lipunan ang mass media.
5. Walang title o subdubbing ang mga palabas sa mga wikang
rehiyunal dahil karaniwan ng mga Pilipino ay nakakaintindi ng ating
wikang pambansa.
10
6. Nakasalalay sa uri ng programa sa telebisyon o radyo ang mga
ipapasok na advertisement o patalastas.
7. Patalastas ang bumubuhay sa radyo, telebisyon at dyaryo.
8. Ang radyo ay tinaguriang medya ng masa dahil sa makamasa ang
nakikinig dito.
9. Ang telebisyon ay itinuturing na pinakamakapangyarihang media sa
kasalukuyan dahil sa dami ng mamamayang may telebisyon sa
kanilang pamamahay.
10. Pilipinas ang tinaguriang texting capital of the world dahil sa dami
ng sales ng cellphone ayon sa DTI.

Test II PAGTATAPAT-TAPAT
Panuto: Itapat ang Hanay A sa Hanay B. Titik lamang ang isulat.

HANAY A HANAY B
11. PHOTO BLOG A. Kilala rin sa tawag na video blog
12. FOOD BLOG B. Naglalaman ito ng mga makabagong
` uri ng pananamit
13. NEWS BLOG C. Pagbahagi ng mga resipi at mga
paraan nga pagluluto
14. PERSONAL BLOG D. Sa tumblr madalas makikita
ang blog na ito
15. VLOG E. Pagbahagi ng blogger ng mga balita
sa mga mambabasa
F. Pagbahagi ng buhay ng blogger

RADYO BLOG E-LEARNING INTERNET TELEBISYON TEXT

16. Isang sangay ng mass media na gumagamit ng paningin at

pandinig
17. Isang malawakang daluyan ng impormasyon
18. Pagsusulat o pagpost ng akda sa internet
19. Pakikipagkomunikasyon gamit ang cellphone
20 Isang uri ng mass media na maaaring mapakinggan ang AM o FM.

11
Test III.PAGPIPILI

Panuto : Kilalanin ang mga sumusunod na daglat o shortcut na

pinauso ng mga kabataan
21. G2G
A. Got to go C. Got you going
B. Go ng go D. Gag nang gag

22. GBU
A. God by us C. Gone but You
B. God Bless You D. God is with us

23. LOL

A. Like na like C. Laugh out loud

B. Love you love D. League of legends
24. XOXO

A. so … sooo C. so much in love

B. hugs and kisses D. Solgen and Sonia
25. OIC

A.Oh, I see C. Owik

B. Officer in Charge D. Other in case

Test IV. PAG-UNAWA SA BINASA

Natutukoy ang ibat ibang paggamit ng wika sa mga napakinggang

pahayag mula sa mga panayam at balita sa radyo at telebisyon
(F11PN-11a-88)

Panuto: Basahin ang balita ang sagutin ang mga katanungan. Titik
lamang ang isulat.

Habang mainit pa ang isyu tungkol sa pagpataw ng karagdagang

buwis at pagbubukas ng mga balikbayan box, isa pang isyung
kaugnay nito ang mapanood. Ibinalita ng news anchor na si Pinky
Webb at reporter Pia Gutierrez ng ABS-CBN News.com TV Patrol
ang tungkol sa Balikbayan boxes na ilegal na ibinebenta ng isang
forwarding company sa ilang mga negosyante.
12
 26. Ano ang nararamdaman mo habang pinapanood ang balita?

A. Nanghihinayang dahil sa hindi umabot sa may-ari

B. Natatakot na baka makita ang mga ipinadala at makuha ng
mga salarin
C. Nagagalit dahil mayroon na namang panibagong kurapsyon
D. Nalulungkot dahil sisikat na naman ang forwarding company

27. Batay sa iyong naramdaman, masasabi bang naging

matagumpay ang reporter sa pagpili ng tamang salitang ginamit
niya sa pag-uulat?

A. Hindi, dahil likas na ang ganitong uri ng balita

B. Hindi, dahil karaniwan na lamang ito
C. Oo, dahil sa salitang illegal na hindi kaaya-aya.
D. Oo, dahil dalawang magagandang reporter ang nagbalita
28. Kung pagbabatayan ang paraan at nilalaman ng pagbabalita,
maaari bang sensasyonal ang pag-uulat?

A. Hindi B. OO C. Hindi sigurado D. Maaari

29. Kung ikaw ay isang OFW, Ano kaya ang iyong gagawin
matapos mapanood ang balita?

A. Magwalang bahala dahil hindi lang naman ako ang biktima

B. Huwag nang magpadala kailanman
C. Magtipon ng mga impormasyon sa mga forwarding company
at alamin ang kanilang kredibilidad
D. Magpadala na lamang kung may uuwi.
30. Paano napatunayan sa pinanood ang pagiging makapangyarihan
ng telebisyon bilang isang uri ng mass media?
A. Nakapagreact agad ang nanonood
B. Hindi makapangyarihan ang telebisyon dahil sa uri ng balita
C. Marami pa rin ang nanonood ng telebisyon
D. Nakapagbigay ng impormasyon sa manonood kayat madali
silang makapag-ingat.

13
 Sanggunian:

Jocson, Magdalena O. Komunikasyon at

Pananaliksik sa Wika at Kulturang Pilipino.
1253 Gregorio Araneta Avenue, Quezon City: Vibal
Group, Inc. 2016
Nuncio, Rhoderick V. et.al. SIDHAYA 11
Komunikasyon at Pananaliksik sa Wika at
Kulturang Pilipino. Cand E Publishing, Inc.
2016

14