GAWAIN 1: Ang Proseso ng Pagbabasa

I. Basahin ang sumusunod na mga teksto. Maging malay sa paraan ng pagbasa at tukuyin
kung ano-anong proseso ng pagbabasa ang nagagamit habang binabasa ang bawat teksto.
Maghanda sa talakayan sa klase.

1. Ang Konstitusyon ng Republika ng Pilipinas

 2. artikulo mula sa Internet

Ang 13 Batas ng mga Adik sa Pag-ibig

Driving after break up law – Bawal magmaneho ang mga taong kagagaling lang sa matinding break up. Yun bang isang oras pa lang
ang nakakalipas at kaka sink in pa lang ng mga salitang “Tapos na tayo!” Delikado ito sa mga babaeng ginagawang catwalk ang
kalsada at lalong-lalo na sa mga lalaking jologs na mahilig maghanap ng salamin sa kalye sabay strike a pose na parang nasa
commercial sa TV.
Frienzone code of the Philippines – Friendzone is the new basted daw, pagdating sa pakikipagdigmaan sa pag-ibig. Nakasaad sa code
na ito na bawal ilagay sa friendzone ang manliligaw na pinaabot mo ng 3-4 na buwan ng paghahabol sa’yo. Malaki na ang na- invest nun
sa’yo. May karapatan siyang i-refund lahat ng gastos nya tulad ng load, dinner, deodorant, at balikang pamasahe.
Benefits for Emotionally Unstable Law – Obligahin ang mga kompanya na bigyan ng leave with pay ang mga taong may matinding
pinagdaraanan sa pag-ibig. Imbes na maging unproductive sa opisina ang mga iyan, might as well na bigyan na lng ng one way ticket
papuntang Africa para makapag soul searching kasama ng mga hyena at leon.
Anti-Paasa Act of 2015 – Sa batas na ‘to, pwede nang ipahuli kung sino man ang nangako sa iyo ng pagdidikitin ang buwan at ang
Neptune sa ngalan ng pag-ibib tapos ‘yon pala ay pampalipas-oras ka lang nya.
Single Security System o SSS – Tatandang dalaga? No boyfriend since birth? Wag ka nang matakot pa. Dahil sa sistemang ito, ipapa-
prioritize lahat ng single na babae na may edad 30 pataas. Magbibigay ng gift certificates buwan-buwan para ipang shopping. Yung
buwanang kontribusyon n’yo pwede n’yo ring i-lump sum sakaling himalang magkaroon kayo ng love life.
Wasak Foundation – Samahan ng mga na-basted, naloko, umasa, nabuntis at iniwang sugatan ang puso. Sa foundation na ito, tuturuan
ang lahat ng members kung paano makabangong muli. Magkakaroon din ng mga outreach program para sa iba pang nasalanta ng pag-
ibig.
CDA o Cyber Display of Affection Bill – Ang birtuwal na lampungan ng magkasintahan so social media at talaga namang masakit sa
mata. Kaya naman sa batas na ito, bawal nang i-flood and news feed ng mga landian moments nyo ng jowa mo. Bawal nang i-upload
ang mga skype pictures ninyo lalo na kung mukha lang ding sumabog na appendix. Bawal din ang mga prenup pics kung hindi pa rin
naman talaga engaged.
Karapatang Pangkabit – Nagsusulong sa pinaglalaban ng mga sulutero at sulutera na wala nang ginawa kundi bigyan ng anghang at
pait ang mga salitang pag-ibig. Kung meron ngang Animal Welfare Act, sila rin na tao lamang at nagmahal lang daw sa maling
pagkakataon.
Makaka-move On Ka Rin Rehab Program – Ang pagmu-move on mula sa dating relasyon ang isa sa pinakamahirap na gawin. Kaya sa
loob ng rehab, walang magiging access sa Facebook kaya wala nang pagkakataon na mai-stalk ang ex mo. Bawal din ang cellphone.
Dito isinasagawa ang throwback therapy session kung saan pinapatitig sa pasyente buong araw ‘yung pinakapangit na picture ng ex
niya habang tinutugtog ang kantang “My heart goes shalalalala…” bilang background music.
E-bat Law o Expanded Babaero Added Tax – Itataas ng 30% ang tax ng mga lalaking mahilig sa chicks. Halimbawa ay sa beerhouse.
Lahat ng items na mabibili roon ay kakargahan ng E-bat pati ng kakandunging bebot. 70% ng malilikom sa tax na ito ay mapupunta sa
Wasak Foundation at ang matitirang 30% ay para sa mga hopeless romantic.
Forever Alone National Agency – Kung atat ka nang magkaroon ng love life pero kulang ang network mo at access para maki-mingle sa
ibang single, and Forever Aline National Agency ang bahalang maghanap ng posibleng maging partner mo in life. Walang placement
fee na kokolektahin. Just bring your minus one tape and beware of fixers.
Landimeter Act of 2016 – Kasama ito sa tinatawag na modernization program ng bansa. Kakabitan ang lahat ng mga estasyon ng bus,
mall, simbahan, paaralan, at opisina sa buong Pilipinas ng landimeter device. Sa device na ito, malalaman mo na agad kung nilalandi at
nagpapalandi ang jowa mo. Automatic na magpapadala ng SMS sa phone mo ng “Higad in the house!”
Declare February 14 as Single Awareness Day – Gagawing special non-working holiday ang February 14. Double pay para sa mga
single. Magtatali ng itim na panyo sa ulo ang lahat ng mga single at magmamartsa mula Quirino hanggang R. Papa LRT station.
 3. tekstong impormatibo

Ang bayan ng Anda ay kabilang sa third class municipality na matatagpuan sa kanlurang bahagi ng Pangasinan. Sa
apatnapu’t apat na bayan at apat na lungsod na bumubuo sa lalawigan ng Pangasinan, ang Anda ang bukod tanging
bayan na isla. Kilala rin ito sa tawag na Cabarruyan Island na siyang itinuturing na Mother Island ng tanyag na Hundred
Islands dahil ang mag ito’y magkasamang idinuruyan ng dagat sa Golpo ng Lingayen. Ito ay may kabuuang lawak na
74.55 kilometro kuwadrado. Binubuo ang bayang ito ng labingwalong (18) barangay, ang mga ito ay Awag, Awile,
Batiarao, Cabungan, Carot, Dolaoan , Imbo, Macaleeng, Macando-candong, malong, Namagbagan, Poblacion, Roxas,
Sabilig, San Jose, siapar, Tondol, at Tori-tori.

Isa sa mga ipinagmamalaking katangian ng mga taga Anda ang pagiging relihiyoso. Buhay na buhay sa nasabing bayan
ang iba’t ibang relihiyon. Sa katunayan, magkakatabi rito ang simbahang Romano Katoliko na may pinakamaraming
miyembro, Iglesia Filipina Independiente (Aglipayano), United Methodist Church, Crusaders, at Pentecostal. Bukod pa
rito, malaking pangkat na rin ang nabibilang sa Iglesia ni cristo, Jehova’s Witness, Born Again Christian, Baptist, At
Sabadista.

Dalawang uri ng klima ang nararanasan sa bayang ito. Maulan ang panahon mula Hunyo hanggang Setyembre at
mainit naman mula Oktubre hanggang Mayo. Dahil sa klima at lokasyon ng nasabing bayan, pagsasaka at pangingisda
ang pangunahing hanapbuhay ng mga tao rito. Bukod dito, pinagkakakitaan ng mga kababaihan ang paghahabi ng buri
na siya namang dahilan kung bakit may Silang Festival sa naturang bayan. Batay sa census 2010, ang mamamayan sa
bayang ito ay may kabuuang 37,011. Wikang Bolinao ang pangunahing wikang sinasalita ng mga mamamayan subalit
marami na rin ang Ilocano, Tagalog at Pangasinense.

Nakatutuwang marunong sa iba’t ibang wika ang mga mamayahan sa Anda subalit sa kabilang banda ay nakatatakot
ang unti-unting pagkawala ng kanilang pangunahing wika, ang Bolinao. Batay sa census ng NSO noong 2007, mayroon
51,200 katao ang gumagamit ng wikang Bolinao sa bayan ng Anda at Bolinao, Pangasinan na ayon sa Ethnologue ay
paunti nang paunti ang nagsasalita nito at kaya nasa istatus na threatened. Ang kalagayang ito ng wikang Bolinao ang
pumukaw upang isagawa ang pag-aaral na ito.