Ang alamat 

ay ang mga haka-hakang kwentong bayan tungkol sa pinagmulan ng isang

bayan. Mga haka hakang, palapalagay tungkol sa pinang-galingan ng isang bayan. Ang
alamat ay mga kwentong bayan na isinasalin sa bawat henerasyon sa pamamagitan ng
bibig. Ang mga alamat ay kapupulutang ng mga aral. Ang mga kwentong ito ay
nagsasalamin ng ating kultura.

Mga Kwentong Alamat Sa Pilipinas

Ang mga alamat ay mga palapalagay na kwentong bayan na nagsasabi tungkol sa
pinanggalingan ng isang lugar, bagay, tao. Ang mga sumusunod ay ang mga kwentong
alamat sa pilipinas:

 Alamat Ng Saging - Kwentong bayan tungkol sa pinagmulan ng saging

 Alamat Ng Pinya-  ang pangunahing bida rito ay si pina, na kinalaun nagging
pinya
 Alamat Ng Makahiya - Kwentong bayan tungkol sa pinagmulan ng halaman na
makahiya
 Alamat Ng Bahaghari - Kwentong bayan na patungkol sa hindi pagkakasundo
sunod nina Pula, Kahel, Dilaw, Luntian, Bughaw, Indigo at Lila, na siyang
pangunahing bahagi ng bahaghari
 Alamat Ng Luha -  Eto ay kwento ni luwalhati, na siyang pinagmulan ng luha
 Alamat Ni Maria makiling- Ang kwentong ito ay tungkol sa dalagang si maria
makiling na siyang pinagmulan ng bundok ng maria makiling
 Alamat Ng Karagatan-  Ang kwentong ito ay patungkol sa bathala ng tubigan na
si amansinaya.  
 Alamat Ng Aso -  Kwento na nagsasabi tungkol sa pinagmulan ng aso. Ang mga
pangunahing bida dito ay si Roque at ang kanyang pamilya
 TULA: Kahulugan, Elemento, Uri, at mga Halimbawa ng Tula

Ano ang Tula?\

Ang tula o panulaan ay isang masining na anyo ng panitikan na naglalayong maipahayag ang
damdamin ng makata o manunulat nito. Kilala ito sa malayang paggamit ng wika sa iba’t ibang anyo
at estilo. Nagpapahayag ito ng damdamin at magagandang kaisipan gamit ang maririkit na salita.
Ito ay matalinghaga at kadalasang ginagamitan ng tayutay.
Ang tula ay binubuo ng mga saknong at ang mga saknong ay binubuo ng mga taludtod. Karaniwan
itong wawaluhin, lalabindalawahin, at lalabing-animing pantig. Ang kalipunan ng mga taludtod ay
tinatawag na taludturan o saknong.

Mga Elemento ng Tula

Ang tula ay may walong (8) elemento. Ito ay ang mga sumusunod:

1. Anyo

Tumutukoy sa kung paano isinulat ang tula. Ito ay may apat (4) na anyo.

 Malayang taludturan – walang sinusunod na sukat, tugma, o anyo. Ito ay karaniwang

ayon sa nais ng manunulat. Ang mga tulang isinulat ni Alejandro Abadilla ang halimbawa
ng mga tulang nasa anyong malayang taludturan.
 Tradisyonal – may sukat, tugma, at mga matalinhagang salita. Ang ilan sa mga
halimbawa ng tulang nasa anyong tradisyonal ay ang mga tulang isinulat ni Dr. Jose
Rizal, isa na dito ang “Isang Alaala ng Aking Bayan“.
 May sukat na walang tugma – mga tulang may tiyak na bilang ang pantig ngunit ang
huling pantig ay hindi magkakasingtunog o hindi magkakatugma.
 Walang sukat na may tugma – mga tulang walang tiyak na bilang ang pantig sa bawat
taludtod ngunit ang huling pantig ay magkakasintunog o magkakatugma.
2. Kariktan

Ito ang malinaw at hindi malilimutang impresyon na natatanim sa isipan ng mga mambabasa. Ang
kariktan ay elemento ng tula na tumutukoy sa pagtataglay ng mga salitang umaakit o pumupukaw
sa damdamin ng mga bumabasa.

3. Persona

Ang persona ng tula ay tumutukoy sa nagsasalita sa tula. Kung minsan, ang persona at ang makata
ay iisa. Maari rin naman na magkaiba ang kasarian ng persona at makata. Maaari rin na isang bata,
matanda, pusa, aso, o iba pang nilalang.

4. Saknong

Ito ay tumutukoy sa grupo ng mga taludtod ng tula. Ito ay maaring magsimula sa dalawa o higit
pang taludtod.
5. Sukat

Ito ang bilang ng pantig ng tula sa bawat taludtod na karaniwang may sukat na waluhan, labing-
dalawahan, at labing-animan na pantig.

6. Talinhaga

Kinakailangan dito ang paggamit ng mga tayutay o matatalinhagang mga pahayag upang pukawin
ang damdamin ng mga mambabasa.

7. Tono o Indayog

Tumutukoy sa paraan ng pagbigkas ng bawat taludtod ng tula. Ito ay karaniwang pataas o pababa.

8. Tugma

Ito ay ang pagkakasingtunog ng mga salita sa huling pantig ng bawat taludtod ng tula. Sinasabing
may tugma ang tula kapag ang huling pantig ng huling salita ng bawat taludtod ay
magkakasintunog. Nakagaganda ito ng pagbigkas ng tula. Ito rin ang sinasabing nagbibigay sa tula
ng angkin nitong himig o indayog.

Mga Uri ng Tula

Ang tula ay may apat (4) na uri. Ito ay ang sumusunod:

1. Tulang Liriko

Ang tulang liriko o pandamdamin ay uri ng tula kung saan itinatampok ng isang makata ng kanyang
sariling damdamin, iniisip, at persepsyon. Puno ito ng masisidhing damdamin ng tao tulad ng
kalungkutan, pag-ibig, kaligayahan, kabiguan at iba pa. Sa kabila ng pagiging maikli, ito ay sapat
upang maipahayag ang damdamin ng manunulat. Ang halimbawa ng tulang ito ay ang Florante at
Laura na isinulat ni Francisco Baltazar.
2. Tulang pandulaan

Ang tulang pandulaan ay karaniwang itinatanghal sa mga entablado at ang mga linyang binibigkas
ng bawat karakter ay patula. Ito ay naglalarawan ng mga tagpong lubhang madula na maaring
makatulad, makaparehas, o maiba sa nagaganap sa pang araw-araw na buhay.

3. Tulang pasalaysay

Ito ay nagsasalaysay o naglalarawan ng makulay at mahahalagang pangyayari sa buhay na

matatagpuan sa mga linya o berso na nagbabahagi ng isang kwento. Ang halimbawa ng tulang ito
ay ang Ibong Adarna ni Jose dela Cruz o mas kilala sa tawag na “Hoseng Sisiw”.
4. Tulang patnigan

Ang tulang patnigan ay kilalang tulang sagutan sapagkat ito ay itinatanghal ng mga
nagtutunggaliang makata ngunit hindi sa paraang padula kundi sa paraang patula na tagisan ng
talino at katuwiran ng mga makata. Karaniwan itong tinatawag na balagtasan kapag itinatanghal sa
entablado.
Mga Halimbawa ng Tula

 Tula Tungkol sa Bayan

 Tula Tungkol sa Crush
 Tula Tungkol sa Edukasyon
 Tula Tungkol sa Guro
 Tula Tungkol sa Ina
 Tula Tungkol sa Kaibigan
 Tula Tungkol sa Kalayaan
 Tula Tungkol sa Kalikasan
 Tula Tungkol sa Magulang
 Tula Tungkol sa Pag-ibig
 Tula Tungkol sa Pamilya
 Tula Tungkol sa Pangarap
 Tula Tungkol sa Sarili
 Tula Tungkol sa Wika