Kung susuriin ko ang sariling kasanayan sa pag gamit ng wikang Filipino, masasabi kong ito ay

nasa lebel na ika-pito.  Libangan kong sumulat ng tula at iba pang uri ng literatura na ang gamit
na salita'y nakaugat sa ating wika. Gayunman, batid kong may puwang pa sa aking kasanayan sa
pag gamit nito at ang aspektong ito ay pumapatungkol sa matinik na gramatika at malawak na
salitaan ng wikang Filipino. Ako'y sang ayon sa kaisipang malaki ang impluwensiya ng pag
gamit ng social media sa atiing sariling wika. Dahil sa "western" karamihan ang mga social
media apps na ating ginagamit, ingles ang kalimitang lenggwahe mayroon ito. Naaayos man sa
settings na ito'y isalin sa wikang ating nais, hindi ganoon ka tugma at kalawak ang mga
terminilohiyang ginagamit. Idagdag pa ang mga nilalaman o mga bagay na nababasa natin sa
ating mga social media accounts, bunsod ng 'di papigil na modernisasyon ay karamihan sa mga
balita at babasahin dito ay nasa wikang ingles --- isama pa diyan ang mga sinusubaybayan nating
drama o mga panoorin na nasa iba't ibang wika. Hindi natin mapipigilan ang mga makabagong
pagbabago at ang daan upang harapin ito ay sabayan ito. Maaari nating gamitin ang mga
platforms na ito upang palawigini at pagyamanin pa ang wikang mayroon tayo.