DARIUS: Ako'y mag-aaral, nagsasanay upang mag turo,

Nooy estudyante, maiihanay rin bilang isang guro,

Sa dalubhasaang hindi, sa papel lang natuto,
Na mag mag marka kundi, sa kasanayan at pagkatao

LADY: Ako ngayo'y pinapalago, nang sa bukas mag bunga rin sapagkat,
Gayong nag tanim nuo'y ninuno, bago maituring na alamat,
Ngayon ako ang nag-aani,
sa henerasyon ng mga tagapagtanggap,
At sa hinaharap? Ako naman ang
magpapasibol ng binhi, para sa aanihin ng lahat

EVAN: Gagabay sa bawat batang bumubuo ng pangarap,

Aalalay sa daanang nais nilang matahak,
Naka sentro ang tingin, sa kanilang bawat tapak
Repleksyong sa byahe naisasalamin, ang karunungang sapat,

THAMIE: Bilang alagad ng karunungang nanumpa na maglingkod,

Pa baon ang sandatang ihahandog ng malugod,
Paglinang sa kanya-kanyang kakayahan alinsunod,
Sa katangian ng persona't maging kalasag sa panahon ng paghubog

NATHANIEL: Katha't sangkatutak na naibalot

Sa karanasang sakin ay nag dulot
Nang katuparan ng naisin ay di maudlot
Ngayon ako magsisilbing gabay
Sa mga bagong tanim na binhi
Nang sa pag laon magbunga ang sangay
Ng puno at mag sanhi

ANDREA: Ng paglago at pagpapalaganap

Sa kabilang dako man ng hinaharap
Ako ang guro na sinanay ng daang bako bako
Tuwid na ipangangaral sa mga mag-aaral ang mga paliko-liko

EVAN: Repleksyon mo, ano bang sinasalamin?

LADY: Paglilinaw sa katauhan na gusto mo abutin
THAMIE: Sino ang yong nakita?
ANDREA: Ano ang imaheng nasilayan?
DARIUS: Sa pagsasalarawan ng sarili,
NATHAN: o ang tangi lamang na naging kasangkapan?