2.

Предмет на административното право

Административното право претставува збир од правни норми со кои се регулираат организацијата, дејноста и
контролата на администрацијата. Во правната теорија постојат 2 приода при определувањето на предметот
на административното право: Административното право како гранка на правниот систем и
Административното право како гранка на правната наука.

Предмет на административното право како гранка на правниот систем во РМ претставува збир на

авторитативни и неавторитативни правни нормои со кои се регулираат: Организацијата на администрација,
Управната/административната дејност и Контролата над администрацијата. Под
организација на администрацијата се подразбира основање и укинување на административните органи,
нивната внатрешна организација и персонална структура, раководењето со нив, нивното работење и
односите што тие ги остваруваат со другите државни органи, со недржавните правни субјекти и со граѓаните.
Управна или административна дејност означува вршење на административни и стручни работи, донесување
на правни одлуки, вршење на материјални дејства. Контрола над администрацијата се состои од: судска
контрола врз законитоста на управните акти, судска контрола врз работата на администрацијата и вонсудска
контрола која може да биде политичка контрола и контрола на омбудсманот. Предмет на науката за
административното право: Изучување на позитивните правни норми, Изучување на историскиот развиток на
правните норми, Изулување на идниот развиток и насоките во кои се движи административното право и
Систематизација на административно-правните норми и од нив изведува општи правила и начела.