NAME: JIHANE TANOG

SECTION: ABM LOPEZ

ARTIKULO 1: Kahalagahan ng Edukasyon sa Lipunan

Isinulat ni Rohini Mohan

Ang edukasyon, kung titingnan sa lampas na karaniwang mga hangganan nito, ito
ang bumubuo sa pinakabuod ng lahat ng ating mga aksyon. Ang ginagawa natin ay kung
ano ang alam natin at natutunan, sa pamamagitan ng mga tagubilin o pagmamasid at
asimilasyon. Kapag hindi tayo nagsisikap na gumawa ng paraan upang matuto, ang ating
isipan ay palaging nagpoproseso ng bagong impormasyon o sinusubukang suriin ang mga
pagkakatulad pati na rin ang maliliit na pananarinari sa loob ng konteksto na nagpapaangat
sa paksa o tila naiiba sa lahat. Kung iyon ang kalagayan, tiyak na ang isip ay may potensyal
na matuto nang higit pa, subalit, tayo mismo ang pumipigil sa ating sarili na palawakin ang
abot-tanaw ng ating kaalaman nang may kasamang pagdududa sa sarili o iba pang hadlang
sa panlipunan, emosyonal, o ekonomiya.

Bagama't ang karamihan ay naniniwala na ang edukasyon ay isang

pangangailangan, maaaring gamitin nila ito bilang isang paraan upang maabot ang isang
tiyak na layunin o personal na marka, pagkatapos nito ay hindi na magnanais na maghanap
ng mas malawak na edukasyon. Gayunpaman, ang kahalagahan ng edukasyon sa lipunan ay
kailangang-kailangan at magkakaugnay, kung saan ang lipunan at kaalaman ay hindi
kailanman maaaring paghiwalayin sa dalawang magkaibang entidad. Higiti pa nating
alamin ang papel ng edukasyon sa lipunan at kung paano ito nakakaapekto sa ating buhay.

Ang pagkakaroon ng maayos na edukasyon ay nakakatulong na magbigay ng

kapangyarihan sa iyong sarili, sa gayo'y nagagawa ka nitong bigyan ng sapat na lakas upang
pangalagaan ang iyong sarili sa anumang partikular na sitwasyon. Ito ang nagpapanatili
upang magkaroon ka ng kamalayan sa iyong paligid pati na rin sa mga alituntunin at
regulasyon ng lipunang iyong ginagalawan. Sa pamamagitan lamang ng kaalaman, maaari
mong tanungin ang awtoridad para sa kapabayaan o mga kaibahan nito. Doon mo lamang
magagamit ang iyong mga karapatan bilang isang mamamayan at maghanap ng pagbabago
sa istrukturang pamamalakad sa pamamahala at ekonomiya. Kapag ang isang mamamayan
ay may kamalayan sa mga patakaran ng kanyang pamahalaan, maaari niya itong
suportahan o magprotesta para sa pagbabago. Sa kabuuan, ang mga tao ay
makakapagbibigay lamang ng pag-unlad kapag alam nila kung saan ang kinakailangan na
ayusin para sa magandang kalagayan ng sangkatauhan. Ang edukasyon ang tutulong sayo
na mas maunawaan ang iyong sarili, tinutulungan ka nitong mapagtanto ang iyong
potensyal at mga katangian bilang isang tao. Nakakatulong ito sa iyo upang gising ang
nakatagong talento, nang sa gayon ay maaari mong hasain ang iyong mga kasanayan.
 Ang isa pang kahalagahan ng edukasyon ay nakakatulong ito sa iyo upang
magkaroon ka ng sapat na akademikong kwalipikasyon upang makakuha ka ng angkop na
trabaho sa susunod na yugto. Ang disenteng trabaho ay binubuo ng pinaghirapang
suweldo o suweldo kung saan maaari mong pangalagaan ang iyong mga personal na
gastusin. Habang kumikita ka para sa iyong sarili, unti-unti mong mapagtatanto ang tunay
na halaga ng pera at kung gaano ito kahirap kitain. Kapag tag-ulan o may hindi inaasahang
pangyayari, mapagtatanto mo ang kahalagahan ng pag-iipon. Pakiramdam mo ay nabigyan
ka ng kapangyarihan dahil may bagong pakiramdam na nabubuo sa sarili mo, at
nararandaman mo ang pangangailangang tumayo sa sarili mong mga paa at maging malaya
mula sa anumang karagdagang suportang pinansyal mula sa iba. Ipinagmamalaki mo ang
katotohanan na kumikita ka para sa iyong sarili, at hindi ito obligado sa sinuman.

Darating din ang isang yugto kung saan ang halaga na iyong kinikita sa kasalukuyan
ay tila hindi sapat dahil ang iyong mga hangarin at mga inaasahan mula sa iyong sarili ay
ninanais mong lumago nang malaki. Pagkatapos nito, gugustuhin mong magpalit ng
trabaho upang magkaroon ng mas mataas na antas sa sarili mong pangalan. Gayunpaman,
dito ay nararapat na maging handa ka. Ang promosyon sa papel na ito ay maaaring
mangyari sa dalawang partikular na sitwasyon, ito ay kung mayroon kang naaangkop na
mataas na kwalipikasyong pang-akademiko o isang degree sa kolehiyo na nagbibigay-daan
para ikaw ay makapasa, o na nakakuha ka ng sapat na praktikal na karanasan na
nagpapahintulot sa iyo na maging isang angkop kandidato para sa trabahong iyong
ninanais.

Ito ang dahilan kung bakit napakahalaga ng edukasyon sa kolehiyo pagkatapos ng

high school at hindi dapat ipinagsasawalang-bahala. Kapag dadating sa punto na pipili sa
pagitan ng isang mataas na kwalipikadong kandidato at isang hindi gaanong nakapag-aral
na kandidato, ang mga tagapag-empleyo ay malamang na pipiliin ang kwalipikadong tao.
Ang dahilan sa likod nito ay ang isang kwalipikadong kandidato ay hindi mangangailangan
ng malaking oras at pera ng tagapag-empleyo. Hindi kailangang ituro sa kanya ng
organisasyon ang mahusaya na paraan sa kalakalan, o ang iba't ibang paraan ng pagtatakbo
at pagsasagawa ng mga gawain sa loob ng trabaho. Sa kabaligtaran, ang isang baguhan na
aplikante ay kailangang ituro ang lahat mula sa simula, na kadalasang hindi ninanais na
gawin ng mga tagapag-empleyado. Katulad lamang sa mga taong naghahanap ng mas
mataas na edukasyon at nais na makakakuha ng mataas na antas ng diploma habang
nagtatrabaho. Ang mga taong ito ay patuloy na pinagbubuti ang kanilang sariling pangalan
at ang lawak ng kanilang kaalaman upang umakyat nang mas mataas sa
mapagkumpitensyang hagdan.

Sa mga nakapag-pondo ng sapat na edukasyon, sila mismo ang magpapatnubay sa

landas ng pag-unlad at pagbabago para sa kanilang bansa. Ang mga indibidwal na ito ang
nagpapatuloy at naging mga guro, siyentipiko, imbentor, aktibista sa kabutihan, sundalo, at
mga pulitiko na nagtutulungan upang mabuo ang mismong gulugod ng lipunan. Kung wala
ang bakas ng intelektuwal na ito, ang balangkas ng ekonomiya at panlipunan ay guguho at
babagsak, na magbibigay daan sa anarkiya, pagkasira, at karahasan. Habang ang
masalimuot na balanse ng paglago na ito ay pinananatili, magkakaroon ng patuloy na
progreso sa lahat ng bahagi ng buhay, maging iyon man ay personal na paglago, o pag-
unlad ng bansa bilang isang entidad. Ang pag-unlad na ito ay may napakahalagang papel na
dapat gampanan para sa mga darating na henerasyon, na makikinabang ng mga benepisyo
ng ating pagsusumikap, habang sila ay lalong nagpapaunlad nito. Patuloy na ginagampanan
ng edukasyon ang papel nito sa lahat ng larangan ng buhay. Ang dahilan sa likod nito ay
kung alam natin ang mga kakulangan ng isang desisyon at alam natin ang tungkol sa mga
posibleng mangyari at ang kolateral na pinsala, ang ating mga kalalabasang aksyon ay
magiging mas matalino, na makakatulong sa atin na panatilihing malayo ang panganib sa
lahat ng oras