Banghay Aralin sa

Health I

Unang Markahan
Unang Linggo
Pagkilala sa mga Pagkaing
Masustansiya at Hindi Masustansiya

I. LAYUNIN
Sa araling ito, ang mga mag- aaral ay inaasahang:
1. Nakikilala ang mga masusustasyang pagkain na mainam sa kalusugan at
kung kalian ito kakainin.
2. Natutukoy ang pagkain na masustansiya sa ating katawan at hindi
masustansiya para iwasan ang pagkakaroon ng sakit.

II. PAKSANG ARALIN

Paksa:
Pagkilala sa mga Pagkaing Masustansiya at Hindi Masustansiya
Kasanayan sa Pag- unawa sa Teksto
A. Kagamitan:
Laptop, AVP
B. Sanggunian:
MELCs (H1N-Ia-b-1)
K to 12 Health Curriculum Guide, May 2016 Health 1 Grade 1

C. Pagpapahalaga: Nabibigyang halaga ang mga pagkaing masustansiya at

ang mabuting epekto ng mga ito sa ating kalusugan.

D. Integrasyon: ESP- Naisasagawa nang palagian ang pangangalaga at pag-

iingat sa katawan.

III. PAMAMARAAN

A. Panimulang Gawain
1. Panalangin
2. Pagtsetsek ng Attendance
3. Balik- aral:
Ang Masusustansiyang Pagkain
Panuto: Hulaan ang mabubuong bagay mula sa puzzle.

1. 3.

2. 4.

Mga Sagot:
1. Saging 2. Ampalaya 3. Gatas 4. Tinapay

B. Panlinang na Gawain
1. Pagganyak
Awitin natin ang “Bahay Kubo”
2. Tukoy- Alam
Panuto: Mula sa awit na “Bahay Kubo,” anu- anong mga gulay na nabanggit?
Kilalanin mo nga ang ilan sa mga ito? Bakit kailangan nating kumain ng iba’t- ibang
gulay?
3. Paglalahad
Pamantayan sa Pakikinig sa Kuwento:
1. Umupo ng maayos.
2. Makinig at unawain ang mga detalye sa kuwento.
 Pagbasa ng Kuwento.

Si Tintin, ang Batang Patpatin

Ni Bernadette V. Carpio

“Umaga na! Gumising ka na Tintin!,” sigaw ni Aling Ising sa kanyang anak na si

Tintin. Ngunit si Tintin ay ayaw pa ring tuminag sa kanyang pagkakahimbing. Maya-
maya’y galit na ang ina at niyugyog siya sa kama, “Bangon na! ang wika niya.
Sa hapag- kainan ay nakahain ang pritong itlog, mainit na kanin, gatas at saging,
ngunit si Tintin ayaw itong ubusin. Habang ang ina ay namimitas ng gulay sa bakuran,
nagmamadaling lumabas si Tintin upang bumili ng sitsirya at kendi. Sa tanghalian,
nilutong gulay ay ‘di niya pinapansin, maging ang pritong isda ay ayaw niyang galawin.
Ganoon palagi si Tintin. Mas gusto niya pa ang hotdog, sitsirya, tsokolate, kendi at soda.
Isang araw sumakit ang kanyang tiyan at pati na rin ang kanyang ngipin. Dinala
siya ng kanyang ina sa Health Center.

Sagutin ang mga sumusunod na tanong tungkol sa binasang kuwento.

1. Ano ang pamagat ng ating kuwento?
2. Sinu- sino ang tauhan sa kuwento?
3. Ano ang masasabi ninyo kay Tintin?
4. Bakit kaya siya dinala sa Health Center?
5. Ano ang inyong natutunan sa kuwento?

Pagpapahalaga: Ano ang mga epekto ng masusustansiyang pagkain sa ating katawan?

Kung hindi tayo kakain ng mga ito ano ang mangyayari sa ating katawan?
Paano tayo makakaiwas sa mga nakakahawang sakit tulad ng Covid- 19?

4. Pagtalakay

Mga Masusustansiyang Pagkain na Mainam sa Ating Katawan

1. Ang mga gulay at mga prutas na sariwa ay mainam sa ating katawan. Ito’y
nagtataglay ng bitamina at mineral na nagbibigay sigla at lakas sa ating katawan.
Ang mga prutas ay mainam na kainin bago kumain. Ang taglay nitong fiber at
nakatutulong upang linisin ang ating bituka.
2. Ang mga pagkaing galing sa hayop tulad ng baka, baboy, kambing at iba pa,
mga lamang dagat tulad ng isda, alimango at sugpo ay nakatutulong sa ating
pagtangkad at paghubog ng ating katawan.
3. Ang kanin, mais, kamoteng kahoy, kamote, at ube, konting mga taba at mantika
ay nagbibigay naman sa atin ng enerhiya na kailangan ng ating katawan.
 Ang mga Hindi Masusustansiyang Pagkain at Masama sa Ating Katawan
1. Ang mga junk foods gaya ng mga sitsirya.
2. Ang mga frozen foods gaya ng hotdog at tusino.
3. Mga kendi at tsokolate.

5. Pagyamanin
Panuto: Tingnan ang larawan. Lagyan ng tsek (/) kung masustansyang pagkain ang
nasa larawan at ekis (x) kung hindi masustansiya.

6. Paglalahat
Anu- ano ang mga masusustansiyang pagkain na kailangan ng ating katawan?
Anu- ano ang naidudulot nito sa ating kalusugan?
Anu- ano ang mga hindi masusustansiyang pagkain na dapat nating iwasan?

Pagsanib ng aralin sa ESP:

 Paano ninyo mapangangalagaan ang inyong katawan laban sa sakit?
 Bukod sa pagkain ng masusustansiyang pagkain, ano- ano pa ang maaaring
magpalakas sa ating katawan?

IV. Pagtataya
Panuto: Piliin ang tamang letra ng larawang tinutukoy mula sa loob ng kahon.
 ___________ 1. Isa itong masustansiyang pagkain na nagpapalinaw ng mata.

___________ 2. Ito ang mas mainam na iniinom ng mga batang katulad niyo upang
tumangkad at maging malusog.

___________ 3. Ito ay dapat iwasan na inumin dahil maaaring magdulot ng pagkakasakit

balang araw.

___________ 4. Nakapagbibigay ito ng enerhiya sa katawan upang hindi antukin sa pag-

aaral.

___________ 5. Pagkain itong mayaman sa bitamina C upang makaiwas sa pagkakaroon

ng sipon, ubo at lagnat

V. Takdang- aralin
Panuto: Gumuhit ng 3 pagkaing masustansiya at 3 pagkaing hindi masustansiya sa
tamang hanay.

Masustansiyang Pagkain Hindi Masustansiyang Pagkain

Inihanda ni:
JOCELYN A. ENTIENZA
GURO - III