Borja, Mark Joseph 1 March 2022

11-Midship: Tan-Aw Mrs. Priscila Estanislao

Benepisyo sa Paglalaro sa labas ng Bahay

Iba na talaga ang paglaki ng mga bata ngayon at noon. Ang mga bata ngayon ay
gumugugol sa loob ng bahay na nakadikit ang mata sa kompyuter habang ang mga bata noon ay
gumugugol ng kanilang oras sa labas na tinatangkilik ang kalikasan. Ang malaking karamihan ng
mga bata ngayon ay nananatili lamang sa loob ng bahay na gumagamit ng computer, nanonood
ng TV, online o naglalaro ng mga video game araw-araw. Gayunpaman, halos 10 porsyento
lamang ng mga bata ang gumugugol ng kanilang oras sa labas araw-araw, ayon sa isang bagong
poll sa buong bansa.

Isang sa pinakamagandang benepisyo ng paglalaro sa labas ay ang pagkakaroon ng

malusog na katawan. Lalong dumarami ang obesity ngayon dahil karamihan sa kanila ay tamad
na mag-ehersisyo at magpalipas ng oras sa labas, mas gusto nilang manood ng telebisyon,
maglaro ng video games, at mag-online sa bahay sa buong araw. Ang paglalaro sa labas ay
nagbibigay-daan din sa mga bata na tamasahin ang natural na kapaligiran at matutunan kung
paano maghanap ng ehersisyo, at sariwang hangin. Ang mga batang natututong mag-enjoy sa
mga outdoor activity ay may mas mataas na posibilidad na maging adulto na gustong mag-
hiking, magbisikleta, umakyat sa bundok, at marami pa. Sa pamamagitan ng paglalaro ng oras sa
sikat ng araw, makakatulong ito sa kanilang mga katawan na makakuha ng bitamina D upang
bumuo ng mas malusog na mga buto at maaaring mabawasan ang mga panganib tulad ng sakit sa
puso o mataas na presyon ng dugo.

Ang isang nakatutuwa ngunit hindi delikado na laro para sa mga bata ay ang tumbang-
preso. Di tulad ng iba pang larong panlabas, ang Tumbang Preso ay may mga benepisyo sa
intelektwal at pisikal na kalusugan. Ilan sa kahalagahan ng paglalaro ng sport na ito ay
kinabibilangan ng mga sumusunod. Nagbibigay ito ng pagkakataong mag-ehersisyo nang walang
stress. Pinahuhusay nito ang pagkamalikhain at itinataguyod ang mas mahusay na
pakikisalamuha sa mga bata. Makakatulong din ito sa pagbuo ng koneksyon sa pagitan ng mga
bata at kanilang mga nakatatanda. Ito ay dahil ito ang parehong mga laro na tinangkilik ng
kanilang mga magulang at lolo't lola. Isa pang magandang halimbawa ay ang POGS. Kung hindi
mo alam kung ano ang Pogs, isa lang ang masasabi ko sa iyo, ang boring ng pagkabata mo! Pero
para na rin sa mga hindi nakakaalam, ang pogs ay isang parang karton na pabilog na nilalaro ng
mga bata. Hindi siya laging nilalaro. Seasonal siya- ibig sabihin depende kung uso. Ang Pogs ay
may iba't ibang uri ng disenyo. Mula sa Frozen hanggang sa Dragonball hanggang sa Pokemon
hanggang sa kung anong teleserye ang uso, meron at merong disenyo yan sa pogs. Kadalasang
pinaiikot sa ere ang pogs kasama ng dalawa pang pog isa ay ang sa kalaban mo at ang isa ay
panabla. At ang panghuli ay ang agawang base. Binubuo ng dalawang grupo na ang bawat isa ay
may kani-kaniyang base. Kailangan makuha ng kabilang grupo ang base ng kalaban para
manalo. Kaya dapat na maingat na bantayan ang base. Kapag nahawakan ng kalaban ang
sinumang miyembro, tatawagin itong ‘bihag’ at maililigtas lamang ito kapag nahawakan ng
kasamahan.

Samakatuwid, hindi ba nakatutuwang balikan ang mga alala ng nakaraan. Kung kayat,
huwag natin itong burahin at kalimutan. Ang mga magulang ay dapat maglaan ng ilang oras
upang dalhin ang kanilang mga anak na lumabas upang tamasahin ang kapaligiran, sa gayon ay
hindi lamang natigil sa bahay na naglalaro o nanonood ng tv. Bilang bahagi ng pagiging isang
bata, dapat silang magkaroon ng pagkakataong maglaro sa labas. upang sila ay maging mas
malusog, maging mas matalino, masiyahan sa kapaligiran at magkaroon ng mga hindi
malilimutang alaala sa kanilang paglaki.