PAU PAU RIKADONG

ALLALENGENNA INDOKU MANCAJI GURU

BATE KALLANNA TAU TEYAE RITEPPU ASENNA

AAJA’NA TASAMBUNGNGI SIKOLATA ANAK

NASABA DE’TO LALENG MANCAJIKI MISETERE’

YAAREGGA NATUANG PETORO

MAKKUARO PANGAJAANA NENEKU RIINDOKU

RIWETTUNA TERRII NASABA MAELOO NARIPABBOTTING

NATEYA AAREGGA

MAELO’MOOPI KASI MASSIKOLA

NALAONA INDO’KU TEMMAPPESABBI

DE’PA NAOMPO PAJJAJARENGE

NALLAALENG TEMMASSANDALA RIPETTANGNGE

NABATU BAATU MAGGARIIGII..

POLE RIKAMPONG CINENNUNG

GANGKANNA LETTU RIKAMPONG URENG

NALANSANNA OTO PALLURENG BAATU

NAELLAU TONANGENG GANGKANNA LETTU RI WANUA BONE

NAPPERUUMA RIBOLAANA AMAUREENA

NARIPATTAMA’NA RISIKOLA SMP

GANGKANNA TEMME’ RISIKOOLA SPG RITAUNG 1982

ENNET TAUNG SIKUA ITTANA MASSIKOLA

DEEPA NATARIMAI SURE’ TEMME’NA

NAENGKANI SURE’ ATTARAKKASENNA MANCAJI GURU

POLE RIINDO SINIMPANUAE

YANARITU JAKARETTA

ALHAMDULILLAH MANCAJI GURU TONGENNI INDO’KU

MAPPUADAI INDO’KU MAKKEDAE

ENGKAWA 5 SIKANENG MAPPADAKKUNRAI

NAIYYA’NA KASI KAMINANG MABEBE

NAEKKIYYA ENGKA ACCOK KUAKKETENNING MASSE MAKKEDAE

MAUNI BANGKUNG MAKUNRUU

NAREKKO TULI RIASAI… RIASAI… RIASAI

MAJEPPU MATARENGNGI PAG..GANG..KANNA..

AKKALERAPANGNGI RIUWWAE

MITTI’ TASSITETTI ‘ TATTEPPA RIBATUE

RILALENNA LIANGNGE

NAKARANA ANNENNUNGENNA MITTI’

GANGKANNA NASEBBO BATU LAPPAAE

JAJI REESOPA TEMMANGINGNGI NALETEI PAMMASENA DEWATAE

SUKURU MARAJANA INDO’KU’

NENNIA PAPPUJINNA LAO RIPUANG SEWWAE

NASABA PAMMASENA DEWATAE

TELLUPPULONI ASERA TAUNG MAPPAGGURU

PUURANI NARASA MANENG CENNING LUNRA’NA

NENNIA PAIINA RIASENGNGE APPAGGURUNG

MALOOTONNI TUDANGENNA RISIKOLAE

LEBBI LOOTOPPI IYYAT TUDANGNGE

HA.. HA… HA…. HAAA….

KUWANI MAIYYE ONRONG APPAGGURUNNA INDO’KU

RISIKOLA IMPERESE’ 5/81 PASSIPPO

KACAMATANG PALAKKA

KABUPATEN BONE

SULAWESI MANIANG

INDONESIA…