የካህሊል ጂብራን መሳጭ ንግግሮች

📖📖📖

📜 በህይወቴ መናገር ያቃተኝ አንድ ጊዜ ብቻ ነው ። ይኸውም አንድ ሰው "አንተ ማነህ?" ብሎ የጠየቀኝ ጊዜ ።

📜 ጭንቅላቱ የሰው ፣ ሰውነቱ የአንበሳ የሆነው የግብፅ ሐውልት (ስፊንከስ) አንድ ጊዜ ብቻ ተናግሯል ። እንዲህም አለ ፦
" ደቃቅ አሸዋ በረሀ ነው ፣ በረሀም ደቃቅ አሸዋ ነው ። አሁን ሁላችንም እንደገና ዝም እንበል ። "

፨ ስፊንከስ የተናገረውን ሰምቻለሁ ፣ ግን አልገባኝም

📜 እግዚአብሔር እኔን እንደጠጠር ወደዚህ አስገራሚ ሀይቅ ሲወረውረኝ የረጋውን የላይኛውን ክፍሉን በበርካታ የክብ
ሞገዶች አደፈረስኩት ። ነገር ግን በጥልቁ ቦታ ስደርስ ያለምንም እንቅስቃሴ ተቀመጥኩ ።

📜 ዳግም የምወለደው ነፍሴ እና አካሌ እርስ በእርስ ሲፋቀሩ እና ሲጋቡ ነው ።

📜 ትዝታ(ተዘክሮ) የመገናኘት ያህል ነው ። መርሳት ደግሞ የነፃነት ያህል ነው ።

📜 እኛ ሰዓት የምንቆጥረው በፀሐይ እንቅስቃሴ(አቅጣጫ) ነው ። እነሱ ሰዓት የሚቆጥሩት ኪ ሳቸው ውስጥ

በሚያስቀምጡት አነስተኛ መሳሪያ(ማሽን) ነው ።

፨ እስኪ ንግሩኝ፣ እንዴት ብለን ነው በአንድ ቦታ በተመሳሳይ ሰዓት ልንገናኝ የምንችለው?

📜 ፨ ቤቴ " ያለፈው ህይወትህ እዚህ ሥላለ ትተህኝ አትሂድ " አለችኝ ።

፨ ጎዳናውም " እኔ የወደፊት ሕይወትህ ስለሆንኩ ተከተለኝ " አለኝ ።

፨ እኔ ደግሞ ለቤቴ እና ለጎዳናው " እኔ ያለፈም ሆነ የወደፊት ህይወት የለኝም ። እዚህ ከቆየሁኝ በመቆየቴ ውስጥ መሄዴ
አለ ፣ ከሄድኩኝም በመሄዴ ውስጥ እዚህ መቆየቴ አለ ። ሁሉንም ነገሮች መለወጥ የሚችሉት ፍቅር እና ሞት ብቻ ናቸው
" አልኳቸው

📜 ነብሴን ለሰባት ጊዜያት ጠላኋት

፨ በመጀመርያ ከፍታ ላይ እደርሳለሁ ብላ ቅን የሆነች ጊዜ ፣

፨ ሁለተኛ አካለ ስንኩል ፊት ያነከሰች ጊዜ ፣

፨ ሶስተኛ ከከባድ እና ከቀላል እንድትመርጥ ስትጠየቅ ቀላልን የመረጠች ጊዜ ፣

፨ አራተኛ ስህተት ፈፅማ ሌሎችም ስህተት ይፈፅማሉ ብላ ራሷን ያፅናናች ጊዜ ፣

፨ አምስተኛ ለድክመት እጇን የሰጠች እና ትዕግስቷን ለጥንካሬ የሰጠች ጊዜ ፣

፨ ስድስተኛ የፊትን(የመልክን) አስቀያሚነት ስትጠየፍ እና ከራሷ ጭምብሎች አንዱ መሆኑን ያላወቀች ጊዜ ፣

፨ ሰባተኛ የምስጋና መዝሙር የዘመረች እና እንደመልካም ነገር የወሰደችው ጊዜ ፣

📖📖📖

ምንጭ 📖 የጥበብ መንገድ ፪ ገጽ 109-113 📖

ደራሲ ✍ ካህሊል ጂብራን

ትርጉም ✍ ደመላሽ ጥላሁን

📖 ማንበብ የተሻለ ሰው ያደርጋል 📖

✍ ንባብ ለሕይወት

@books4all32

📜 የካህሊል ጂብራንን ንግግርና ፍልስፍናዎች በርከት አርጋችሁ ብታስነብቡን ብላችሁን ነበር በጥያቄአችሁ መሰረት እነሆ
ተጋበዙልን

📜📜📖📜📜

📖 " እምነት ማለት ልብ ውስጥ የሚገኝ ውሀ ያለበት የበረሀ ቦታ ሆኖ በፍጹም ጉዞ ሊደረስበት የማይቻል ነው ። "
💫💫💫

📖 " ስለ መንገዶች ከጥንቸሎች በላይ ኤሊዎች ያውቃሉ ። "

💫💫💫

📖 " በልባችን ያሉትን ሚስጥራት ማየት የሚችሉት ፣ በልባቸው ሚስጥሮችን የያዙ ብቻ ናቸው ። "

💫💫💫

📖 " ደግነት መስጠት ከምትችለው በላይ መስጠት ሲሆን ፣ ኩራት ደግሞ ከምትፈልገው ያነሰ መውሰድ ነው ። "

💫💫💫

📖 " ግነት ፣ ስሜቱን ያጣ እውነት ነው ። "

💫💫💫

📖 " አሳፋሪ ሽንፈት ከሚመጻደቁበት ስኬት የተሻለ ነው ። "

💫💫💫

📖 " በጥልቀት የማሰብ ችሎታ የሌለው ሳይንቲስት ፣ የደነዘ ቢላዋ እና የተበላሸ ሚዛን እንዳለው ስጋ ነጋዴ ነው ። "

💫💫💫

📖 " ለራበው ሰው ብታዜምለት የሚሰማህ በሆዱ ነው ። "

💫💫💫

📖 " ህልምና ምኞት በሌላቸው ሰዎች መሃል ታላቅ ከመሆን ይልቅ ፣ ህልም እና ምኞት ባላቸው ሰዎች መሃል ደካማ
መሆንን እመርጣለሁ ። "

💫💫💫

📖 " ሁላችንም እስረኞች ብንሆንም ልዩነታችን አንዳንዶቻችን የታሰርንባቸው ክፍሎች ፣ መስኮቶች ሲኖራቸው
የአንዳንዶቻችን ግን የላቸውም ። "

💫💫💫

📖 " የሌላ ሰውን ድክመቶች ከማወቅ የበለጠ ምንም አይነት ድክመት የለም ። "

💫💫💫

📖 " ፈጣን የምትሆነው የሚያሯሩጥህ ሲኖር ብቻ ነው ። "

💫💫💫
📖 " ዓይኖቹ ውስጥ ያለውን ጥላቻ በከንፈሮቹ ፈገግታ ለመሸፈን የሚሞክር ሰው የማይረባ ነው ። "

💫💫💫

📖 " <<አልተገነዘብኩህም>> ማለትህ ለኔ ከሚገባኝ በላይ ሙገሳ ሲሆን ለአንተ ደግሞ የማይገባህ ስድብ ነው ። "

💫💫💫

📖 " ህይወት ልክ እንደ ሰልፍ ናት ። ቀስ እያለ ለሚራመደው ሰልፉ ስለሚፈጥንበት ከሰልፉ ይወጣል ፤ ለፈጣኑ ደግሞ
በጣም ስለሚዘገይበት እሱም ከሰልፉ ይወጣል ። "🗒🗒🗒

ምንጭ 📖 የጥበብ መንገድ ፪ 📖

✍ ካህሊል ጂብራን

ከፍልስፍና ዓለም እንዲሁም ንባብ ለሕይወት ቴሌግራም ቻናሎች ዝግጅት ክፍል

@filsfina

@books4all32