Republic of the Philippines

Department of Education
Regional Office IX, Zamboanga Peninsula

1O Zest for Progress

Z Peal of artnership

FILIPINO
Ikatlong Markahan- Modyul 4
Epiko ng Mali

Pangalan: _____________________________________
Baitang/Seksyon:_______________________________
Paaralan: _____________________________________
 Bumuo sa Pagsusulat ng Modyul

Manunulat: Nona Love S. Saguin

Editor: Lindo O. Adasa Jr.

Tagasuri: July G. Saguin

Maricel B. Jarapan

Tagaguhit/Tagakuha ng Larawan: Arnin B. Pangilinan

Luzilito Daan
Tagalapat: Peter Alavanza

Tagapamahala: Felix Romy A. Triambulo, CESO VI

Oliver B. Talaoc,Ed.D.,
Ella Grace M. Tagupa, Ed.D.,
Jephone P. Yorong, Ed.D
Lindo O.Adasa
 Alamin
Pagkatapos mong isagawa ang modyul na ito, ikaw ay inaasahang:

 Naiuugnay ang suliraning nangingibabaw sa akda sa pandaigdigang

pangyayari sa lipunan. ( F1OPN-IIId-e-79 )
 Naihahanay ang mga salita batay sa kaugnayan ng mga ito sa isa’t
isa. ( F1OPT-IIId-e-79 )
 Nabibigyang-puna ang napanood na teaser o trailer ng pelikula /
teleserye na may paksang katulad ng binasang akda.(F1OPD-IIId-e-77 )

Balikan

Panuto: Bilugan ang titik ng tamang sagot.

1.) Ang sumusunod ay mga katangian ng maikling kwento, MALIBAN sa,

A. Binubuo ng mga kabanata.
B. Tumatalakay sa isang madulang bahagi ng buhay.
C. Ang pangunahing tauhan ay may suliraning kailangang bigyan ng solusyon.
D. Nag-iiwan ng isang kakintalan sa mga mambabasa.

2.) Isang uri ng maikling kuwento na ang binibigyang-diin ay ang ugali o

katangian ng tauhan.
A. kuwento ng kababalaghan C. kuwento ng tauhan
B. kuwentong katatawanan D. kuwentong makabanghay

Panuto: Guhitan ng ( ) ang patlang bago ang bilang kung may kaugnayan
sa maikling kwento at ( ) naman kung walang kaugnayan.

_______ 3. maaaring pormal at di-pormal

_______ 4. tumatalakay sa isang madulang pangyayari sa buhay

_______ 5. taglay nito ang pagkakaroon ng isang kakintalan

_________
5
 Aralin
1 Epiko ng Mali

Tuklasin
Panoorin ang teaser o trailer ng teleserye na mula sa link na
https://youtu.be/reOR71wzJ4 at sagutin ang mga sumusunod na tanong.

Ano ang masasabi mo

sa magiging takbo ng kuwento?
Magiging maganda ba ito
at kaakit-akit panoorin?
Ipaliwanag ang iyong sagot?

Ano ang iyong reaksiyon mo

tungkol sa tinutukoy na kapangyarihan sa
napanood na bahagi ng teleserye?

________
1O
 Suriin
Basahin at unawaing mabuti ang teksto..

Sundiata : Ang Epiko ng Sinaunang Mali

Sundiata:An Epic of the Old Mali
Salin sa Ingles ni J.D. Pickett
Isinalin sa Filipino ni Mary Grace A. Tabora

Maghan Sundiata, na tinatawag ring Mari Djata,anak siya ni Maghan Kon

Fatta ng Mali sa kaniyang ikalawang asawa, si Sogolon Kadjou. Isang mahiwagang
mangangaso ang humula na ang kanilang anak na lalaki ay magiging isang
makapangyarihang pinuno na makahihigit pa kay dakilang Alexander,ang
maalamat na Griyegong mananakop. Ilang tao lamang ang naniniwala sa propesiya
sapagkat pitong taong gulang na si Mari Djata ay hindi pa nakalalakad. Tila
walang katiyakang mapabilang siya sa mga pagpipiliang maging emperdor.
Namatay si Haring Maghan Kon Fatta kaya’t hinirang ng kaniyang unang
asawang si Sassouma Berete ang sariling anak na si Dankaran Touma na
tagapagmana ng trono ng ama. Madalas silang nanibugho kay Mari Djata at sa
kaniyang ina kaya’t ipinatapon niya ang mag-anak sa likod ng palasyo. Napilitan
itong mamuhay ng isang kahig isang tuka.
Nabuhay si Sogolon Kedjou sampu ng kaniyang mga anak sa tira ng Inang
Reyna, pinagyayaman niya ang maliit na halamanan sa likuran ng nayon. Isang
araw, kinapos siya ng pampalasa at nagtungo sa Inang Reyna upang magmakaawa
ng kaunting dahon ng baobab.
“Tingnan mo ang iyong sarili,” wika ng mapanghamak na si Sassouma. Ang
aking calabash ay puno. Tulungan mo ang iyong sarili, maralitang babae. Para sa
akin, mayroon akong anak na nakalalakad sa edad na pito at siya ang
nangangalap ng mga dahon ng baobab na iyan. Maari mong kunin ang mga iyan
sapagkat ang iyong anak ay hindi makalalamang sa aking anak.” Siya’y
nanunudyong humalakhak nang matinis na pumupunit sa laman at tumatagos sa
kaibuturan.
Nilisan niya si Sassouma nang may bikig sa lalamunan. Sa labas ng kanilang
kubo, si Mari Djata ay nakaupo sa kaniyang walang silbing mga binti at walang
pakialam na sumusubo’t tangan-tangan ang calabash. Hindi napigilan ni Sogolon
ang kaniyang sarili,
“Oh anak ng kasawiang-palad, hindi ka ba makakalakad? Dahil sa iyong
pagkukulang ako’y nakaranas ng matinding pangdudusta sa aking buhay! Ano ang
aking pagkakamali? Panginoon, bakit mo ako pinarurusahan nang ganito?
“Inay, anong problema?”
“Manahimik ka,walang makakaparam ng pang-iinsultong aking tinamo.”
“Ano ba yaon?”
 “Si Sassouma’y pinahiya ako dahil lamang sa dahon ng baobab. Sa edad
mong iyan, ang kaniyang anak ay nakapipitas na ng dahong iyon para sa kaniyang
ina.”
“ Mahusay kung gayon, ako’y maglalakad sa araw na ito.,” sabi ni Mari
Djata. “Puntahan mo ang panday ni ama at utusang hulmahin ang pinakamabigat
na bakal. Inay, dahon lamang ba ng baobab ang iyong kailangan o nais mong
dalhin ko ang buong puno?”
“Ah aking anak, upang tangayin ng hangin ang pang-aalipustang ito, ibig ko
ang puno’t ugat sa aking paanan sa ating dampa. Nang oras na iyon ay naroroon
sa labas si Balla Fasseke, humangos siya sa pinakamahusay na panday, si
Farakouro, upang magpagawa ng tungkod na bakal.
Nang dumating si Balla Fasseke at humiling ng tungkod na bakal,
napabulalas si Farakouro, “ Dumatal na ba ang dakilang araw?”
“Tumpak,ngayon ay isang namumukod na araw, isisiwalat ang hindi pa
nasaksihan sa anumang pagkakataon.”
Nangusap si Balla Fasseke,anak ni Gnankouman Doua, “Naririto na ang
dakilang araw, Mari Djata. Ika’y kinakausap, Maghan,anak ni Sogolon. Ang Kristal
ng Niger ay pumapawi ng mantsa ng katawan ngunit hindi kayang lipulin ang
pang-uusig. Tumindig ka, batang leon, umatungal at ihayag sa palumpong na sa
simula ngayon sila ay may panginoon.”
Humawak ang dalawang kamay ni Mari Djata sa mga bakal habang
nakaluhod. Sa isang marahas na paghila, iwinasiwas ni Djata ang katawan at
umangat ang kaniyang tuhod sa lupa.Buong igting niyang itinuwid ang katawan
gamit ang mga paa subalit biglang bumaluktot at nagbagong-anyo ang bakal na
hawak, ito’y nagging pana!
Biglang umawit si Balla Fasseke. Nang makita ni Sogolon ang anak na
nakatayo, siya’y saglit na naumid, pagkatapos ay kara-karakang humimig ng
papuri sa Diyos na naghimala sa anak.
Ang tinig ni Balla Fasseke ang namalita sa buong palasyo ng nagaganap at
ang lahat ay namangha sa nasaksihang pagbabago sa anak ni Sogolon.
Sa likuran ng Niani ay nakatanim ang munting puno ng baobab. Buong lakas
na binunot at pinasan ni Djata ang puno. Inilagak niya ito sa harapan ng kanilang
kubo,”Inay, naririto ang ilang dahon ng baobab para sa iyo.
Bata pa lamang si Sundiata ay mahusay ng mangangaso. Naging matalik
niyang kaibigan si Manding Bory, ang anak ng kaniyang ama sa ikatlong
asawa.Nang mabigo ang balak na pag-utas kay Djata nina Sassouma at Dankaran,
ipinatapon nila ang mag-anak.
Habang nagbibinata si Sundiata, ang maitim na budhing si Soumaro Kante,
isang manggagaway na hari ng kanugnog na kaharian ay nang-aagaw at
nananakop ng maraming bayan. Gayon pa man siSundita’y nakagawa ng paraan
na makaratingsa Sosso, ang kabiserang lungsod niSoumaoro upang makaharap
ang halimaw na pinuno. Maraming digmaan ang pinangunahan at
pinagtagumpayan niSundiata habang patungo sa Sosso. Siya’y naging popular na
lider,maraming kawalang sumapi sa kaniya.
Batid ni Soumaoro na si Sundiata ay kagaya niyang salamangkero kaya’t
ipinasaulo niya ang kaniyang saloobin sa isa sa alagang kuwago. Ang ginoo nama’y
nagsugo rin ng kuwago kay Soumaoro. Nagsagutan ang dalawang salamangkerong
hari.
 “Hinto binata.Ako ang Hari ng Mali. Kung hinahangad mo ang kapayapaan,
bumalik ka sa iyong pinagmulan,”litanya niSoumaoro.
“Ako’y nagbabalik Soumaoro upang muling yakapin ang aking kaharian. Kung
hangad mo ang kapayapaan, ika’y magbayad-pinsala sa aking mga kapanalig at
umuwi sa Sosso kung saan ika’y hari.”
“Ako ang Hari ng Mali sa pamamagitan ng puwersa ng aking kamao. Ang aking
karapatan ay maluwat nang napatunayan ng aking pananakop.”
“Kung gayon, aagawin ko ang Mali sa iyo gamit ang puwersa ng aking kamao
at tutugisin kita hanggang sa iyong kaharian.
“Samakatuwid, kailangan mong mabatid na ako ang mabangis na name sa
batuhan, walang sinumang makapagpapalayas sa akin sa Mali.
“At kailangan mo ring mabatid, ako’y may katotong pitong panday na dudurog
sa batuhan.Pagkatapos, name,ika’y aking lalamunin.”
“Ako ang makamandag na kabute na nagdudulot ng mabangis na pagbuga.
“Para sa akin, ako ang mapanagpang na tandang; ang lason ay walang bisa sa
akin.”
“Ika’y magtino, munting bata,baka pagliliyabin ko ang iyong mga paa, dahilako
ang pula’t mainit na baga.”
“ Datapwat ako, ako ang ulan na papawi sa baga:Ako ang malakas na agos na
tatangay sa iyo.
“Ako ang makapangyarihang sutlang-puno ng bulak, na matayog sa ibang puno.
“ At ako ang nananakal na baging .
“Husto na ang pangangatwirang ito. Hindi mo mapapasakamay ang Mali.”
“Tandaan,walang silid para sa dalawang hari sa isang reyno Soumaoro;
pahintulutan mo akong agawin ang iyong puwesto.
“Magaling, sapagkat digmaan ang iyong ninasa, ika’y hindi ko uurungan subalit
itimo mong siyam na hari ang aking pinugutan ng ulo at inadorno sa aking silid.
Tunay na kaawa-awa, ang iyong ulo’y matatabi sa kapwa mo pangahas.
“Ihanda mo ang iyong sarili Soumaoro,ang delubyo’y mananalasa,
sasalpok at bubura sa iyo sa lupa.”
Sa ibang banda, ang griot na Djatang si Ball Fasseke at Nana Triban, kapatid
niyang babae sa ama na nadakip at nakulong sa karsel sa palasyo ni Soumaoro ay
nakatakas. Sumali sila sa pakikipagdigma ni Sundiata sa gabi ng mismong
labanan sa Krina. Si Fakoli Korona, pamangkin ni Soumaoro ay dumating din sa
kampo. Dahil sa dinukot ni Soumaoro ang kabiyak niya, sumumpa siyang
maghihiganti. Ipinangako ni Nana Triban at Fakoli ang katapatan kay Sundiata.
Inilantad ni Nana Triban ang lihim ni Soumaoro, inilihad niya kung paano
matitiyak ni Sundiata na magagapi niya ang kalaban sa pagitan ng pagdampi sa
balat niya ng tari ng tandang.Pagsapit ng bukang-liwayway bumuo ng plano sina
Sundiata at Manding Bory upang mahubaran ng kapangyarihan si Soumaoro.
“Kapatid, naihanda na ba iyong pana?” tanong ni Manding Bory.
“Oo, iyong masdan,” ang sagot ni Sundiata.Inalis niya ang mahiwagang palaso
sa pagkakasabit sa dingding. Ito’y tila hindi bakal, waring kahoy, at ang dulo’y ang
matalim na tari ng puting tandang na makatatanggal ng tana ni Soumaoro, isang
lihim na nailabas ni Nana Triban sa Sosso.
Sa kaniyang makapangyarihang tinig,sumigaw si Sundiata, “An gwega!” At
nagsimulang sumulong ang bataliyon. Mabilis na sumalakay si Sundiata at ang
pagsasagupaan ay nagsimula nang kumalat. At matuling lumaganap ang digmaan.
Hinanap ni Djata ang salamangkerong-hari. Nasulyapan niya ito sa gitna ng
labanan. Sinunggaban ni Sundiata ang bawat Sossong sofas, kung kaya’t madali
 siyang nakalapit kay Soumaoro. Nang mapansin ng huli ang ikinilos ni Djata,
siya’y bumuwelta subalit siya’y nasundan ng tingin ng matapang na bayani.
Huminto si Sundiata at hinutok ang kaniyang pana. Lumipad ang palaso at
dumaplis sa balikat ni Soumaoro. Nang tumama ang tari ng tandang,
naramdaman niyang ito’y hindi lamang munting gasgas kaya’t kagyat naglaho ang
kaniyang kapangyarihan. Nagtagpo ang mata nila ni Sundiata. Siya’y nangatal na
tila dinapuan ng matinding lagnat, napatingala ang nauupos na siSoumaoro sa
langit. Isang malaking ibon ang paikot-ikot na lumilipad at kaniyang napagtanto.
Ito ay ang ibon ng kasawian.
“Ang ibon ng Krina,” ang kaniyang naungol.
Ang Hari ng Sosso’y sumigaw nang ubod –lakas. Napalingon ang kaniyang
kabayo at siya’y tumalilis. Nakita ng mga Sosso ang kanilang hari siya’y kanilang
pinarisan, at mabilis ding tumakas.
Hindi nagtagumpay sina Sundiata at Fakoli na tugisin si Soumaoro datapwat
napasakamay nila si Sosso Balla, ang anak ng haring umalpas patungo sa yungib
at naglahong parang bula. Pumunta si Sundiata sa kalapit na nayon, Koulikoro,
ditto niya hinintay ang kaniyang hukbo.
Nang nakumpleto ang hukbo ni Sundiata, sila’y nagmartsa sa direksiyon ng
Sosso ng lungsod ni Soumaoro, ang lungsod ng mga dalubhasang panday sa
paghawak ng sibat.
Sa pagkawala nina Soumaoro at Sosso Balla, si Noumounkeba, ang puno ng
tribo, ang tumayong lider upang depensahan ang lungsod.
Sa pamimitik ng araw, ang tore’y nagkulay itim sa pagkakahanay ng mga
sofas. Nang handa na ang lahat,inihudyat na ni Sundiata ang paglusob. Nakatakip
ang mga kalasag sa ulo,marahan silang sumulong sa paanan ng pader, at
nagsimulang maghulog ng malalaking bato ang mga Sosso sa mga kaaway.
Gumanti ang mga Wagadou na nasa dulong hanay, sila’y nagbuhos ng sunod-
sunod na palaso. Si Sundiata ay may itinatagong kawal na pinakamagaling,sila
ang mga mamamana ng Hari ng Bobos, ang pinakadalubhasa sa pamamaraan.
Pinaulanan ng nagniningas na mga palaso ang kuta ng mga Sosso. Nagliyab ang
mga kabayanan. Naitayo ng mga Mandingo ang mga hagdan at umakyat sa tuktok
ng pader. Sinaklot ng sindak ang mga Sosso nang makitang nasusunog ang
kanilang bayan, sila’y natigilan.Bumagsak ang bakal na pasukan sa palad ng
mgapanday ni Fakoli. Napasok nila ang lungsod, ang hiyawan ng mga bata’t
kababaihan ay nagbunsod ng pagkalito sa mga Sosso kaya’t nabuksan ang
pasukan, ang pangunahing pangkat ni Sundiata ay tuluyang nakapasok.
Pagkatapos ay nagsimula ang nakahihindik na patayan. Ang kababaihan at
kabataan na nasa kalagitnaan ng pagtakas ay nagsumamo.Napadpad sina
Sundiata at ang kaniyang kabalyeriya sa harap ng kamangha-manghang palasyo
ni Soumaoro. Kahit natitiyak ni Noumounkeba na siya ay talunan, pangahas na
itinaas niya ang espada at akmang uundayan si Sundiata, ngunit siya’y nalansi ng
huli, nadakma at malupit na pinihit ang kaniyang bisig, marahas na inginudngod
sa sahig hanggang mailaglag ang espada. Hindi pinatay ni Sundiata si
Noumounkeba bagkus ay inilagak sa kamay ni Manding Bory.
Pinasok nina Sundiata ang tore ni Soumaoro. Alam ng griot ang pasikot-sikot
at kasuluk-sulukan ng palasyo mula sa kaniyang alaala nang siya’y mabihag,
itinuro niya kay Sundiata ang maharlikang silid-tulugan.
Nang buksan ni Balla Faseke ang pinto ng silid, natuklasan nilang nag-iba
ang anyo nito buhat nang matamaan ng mortal na palaso ang nagmamay-ri ng
silid na nawalan ng kapangyarihan. Ang ahas sa babasaging pitsel ay
naghihingalo, ang mga kuwagong nasa dapuan ay kalunos-lunos na
pumapagaspas padausdos sa sahig. Lahat ay nag-aagaw buhay sa adobe ng
salamangkero , lahat ng nakakabit sa kapangyarihan ni Soumaoro. Sinamsam ni
Sundiata ang mga anting-anting ni Soumaoro at marahas na tinipon ang lahat ng
asawa’t mga prinsesa ng kaharian. Itinali ang lahat ng mga bilanggo at sama-
samang pinastol. At ayon sa kagustuhan ni Sundiata, napasakanya ang Sosso
nang araw na iyon.Nang makalabas ang lahat, inatas ni Djata ang ganap na
paggunaw sa Sosso. Sinunog ang mga kabahayan, walang itinira at ginamit
angmga preso sa pagtibag sa mga pader. Samakatuwid, ang balak ni Sundiatang
wasakin ang pundasyon ng Sosso ay maningning na naisagawa.
Tama, ang Sosso ay naging alikabok at humalo sa lupa,ang matayog na
lungsod ni Soumaoro na dating niyuyukuran ng mga hari. Ito ay naging
nangungulilang parang, ang Sosso ay tahanan ngayon ng mga naliligaw na hayop.
Gumulong ang panahon,patuloy ang pagbagtas ng buwan sa kalangitan. Sa
kasalukuyan, ang Sosso ay isa na lamang balintataw sa panaginip ng mga griot.
Tanging si Sundiata, anak ng magsasaka, ang naghandog ng kapanglawan sa
pook. Matapos lamunin ng lupa ang lungsod ni Soumaoro, ang mundo’y walang
kinilalang panginoon kundi si…Sundiata.

Pagyamanin
Panuto : Tukuyin mula sa alapaap kung aling suliraning pandaigdig
ang may kaugnayan sa epikong binasa at isulat ang mga ito sa
mga linya na nasa loob ng mapa.

Terorismo druga
diskriminasyon
CoVid19 bagyo korapsyon
pagputok ng bulkan kahirapan
pagdukot o kidnapping
pag-aagawan ng teritoryo

3
1

2 5
5
 Gawain
Panuto: Pagtuonan ang mga salitang nasa larawan. Ihanay ang mga
salitang magkakaugnay batay sa larawang nasa ibaba at isulat
ang mga ito sa espasyong nakalaan.

salamangkero
panday
mahiwaga
manghuhula
kawal
mangangaso

mamamana

kapangyarihan

mananalaysay
anting-anting

1_________________ 5 8
2_________________ 6 9
3
4_________________ 7 1O ________________

______
1O
 Isaisip
Panuto: Mula sa punongkahoy ng kaalaman, hanapin ang mga salitang
makapagbubuo ng isang makabuluhang pahayag na nasa ibaba.
Isulat ang mga ito sa bawat patlang.

Pangunahing panday
tauhan
diyos
epiko diyos a
pakikidigma

hangaan kabayanihan

paglalakbay teleserye

Sa modyul na ito, natutuhan ko na ang __________ ay

nagsasaad ng _______________________ ng pangunahing
tauhan na nagtataglay ng katangiang nakahihigit sa
karaniwang tao na kadalasan ay buhat sa lipi ng mga
diyos at diyosa.
Ang paksa ng mga epiko ay kabayanihan ng
pangunahing tauhan sa kanyang ______________________
at _________________________.

Ang pangkalahatang layunin ng epiko ay gumising sa damdamin

upang ____________________ ang pangunahing tauhan.

5
 Tayahin
I. Panuto: Piliin at isulat ang titik ng tamang sagot sa patlang
bago ang bilang.

___1.) Ang sumusunod ay mga salitang magkakaugnay, MALIBAN sa,

A. pang-aalimura C. pang-iinsulto
B. panunudyo D. paninimdim

___2.) “ Lumusob na si Soumaoro kasama ang kanyangmga kawal. Mabilis

namang sumalakay sina Sundiata. Lumaganap ang digmaan habang
ang araw ay hindi natitinag sa pamamayagpag sa himpapawid.”
Anong pangyayari sa ating bansa ang may kaugnayan sa binasang
pahayag?
A.Labanan sa Marawi 2017 C. Covid19
B.Pagputok ng Bulkang taal D. Bagyong Ulysses 2020
___3.) Paano nakatutulong ang kuwento sa pagkakaroon ng kamalayan
sa pandaigdigang pangyayari sa lipunan?
A. Nakatutulong ito sapagkat ang mga pangyayari sa kuwento ay
sumasalamin sa realidad ng buhay.
B. Nakatutulong ito dahil nailalahad ang mga makukulay na
pangyayari.
C. Naibabahagi nito ang madulang pangyayari sa buhay ng tao.
D. Naisalaysay nito ang isang makabuluhang pangyayari

__4.) Batay sa trailer na iyong napanood, ano ang pagkakatulad ng serye sa

akdang binasa?
A. Ipinanganak na may kapansanan subalit pinagkalooban
naman ng pambihirang lakas.
B. Pagkakaroon ng asawa na buhat sa angkan ng mga dugong
bughaw.
C. Pakikipaglaban upang maipatupad muli ang kaayusan at
kapayapaan sa kalupaan.
D. Pagtataglay ng anting-anting upang maging immortal.
___5.) Sa iyong tingin, bakit mahalagang magplano upang matiyak ang
pagtatagumpay sa hinaharap?
I. Upang mapaghandaan ang mga hakbang na dapat gawin.
II. Upang may panahon pang makapagpahinga bago
Isakatuparan ang plano.
III. Upang ikaw ay maturingang isang mabuting tao.
IV. Upang mabatid ang mga bagay-bagay na dapat isaalang-alang.

A. I at II B. II at III C. I at IV D. III at IV
II. Panuto: Isulat ang pangalang Sundiata kung ang pahayag ay
isang suliraning pandaigdig na may kaugnayan din sa epikong
binasa at Soumaoro naman kung walang kaugnayan.

________6.) Idinadaan sa madugong labanan ng ilang rebeldeng grupo ang

kanilang mensahe sa kasalukuyang administrasyon.

________7.) Patuloy na tinutugis ng pamahalaan ang mga lider ng mga

tiwaling grupo.

________8.) Sa kalagitnaan pa ng taong 2021 darating ang mga bakunang

binili ng Pilipinas.

________9.) Maliban sa Covid 19, isa ang terorismo sa malaking suliraning

kinakaharap ng pangulo sa kanyang kasalukuyang pamumuno.

_______10.) Matapos ang sunod-sunod na pagbayo ng mga bagyo sa

Pilipinas, kinakailangan ngayon ng bansa ang malaking budget
para sa pagsasaayos sa mga napinsala.

_____
1O
 Karagdagang Gawain
Nagbukas ka ng iyong facebook.Nakaagaw sa iyong pansin ang
isang post. Binanggit ka ng isa mong kaibigan dito.
Upang maipabatid mo rin sa masang Pilipino ang iyong saloobin
hinggil dito, bubuo ka ng isang hashtag ( # ) na magbubuod sa iyong
komentaryo ukol sa Anti-Terrorism Bill na naglalayong puksain ang
terorismo sa bansa. Ang terorismo ay isang banta sa kaligtasan ng mga
mamamayan at matagal nang nangyayari hindi lamang sa Pilipinas kundi
maging sa buong daigdig.
Tatayain ang iyong komento batay sa sumusunod na
pamantayan.
a.) malinaw na mensahe b.) orihinalidad

1O puntos kung lahat ay naaayon sa pamantayan

5 puntos kung di masyadong naaayon sa pamantayan

#
______
1O
 Susi sa Pagwawasto

Pagyamanin
Hanay1
1O. Soumaoro Panday
9.Sundiata Mangangaso
8.Soumaoro Mamamana
7.Sundiata Kawal
6. Sundiata Hanay 2
5. C Salamangkero
4. C Manghuhula
3. A Mananalaysay
2. A Hanay 3
1. D Anting-anting
Tayahin Mahiwaga
hangaan Kapangyarihan aaral
pakikidigma
Depende sa sagot ng mag-
paglalakbay Gawain
kabayanihan Terorismo Tuklasin
Epiko Pagdukot o kidnapping 2. C 4.
sunod Diskriminasyon 5. 1. A 3. x
(Ayon sa pagkakasunod- Kahirapan Balikan
Isaisip Pagaagawanng Teritoryo

Sanggunian:
Aklat
Filipino 1O Panitikang Pandaigdig, Modyul para sa mga Mag-aaral
Internet
https://youtu.be/reOR71wzJ4
 Region IX: Zamboanga Peninsula Hymn – Our Eden Land

Here the trees and flowers bloom
Here the breezes gently Blow,
Here the birds sing Merrily,
The liberty forever Stays,
Here the Badjaos roam the seas
Here the Samals live in peace
Here the Tausogs thrive so free
With the Yakans in unity
Gallant men And Ladies fair
Linger with love and care
Golden beams of sunrise and sunset
Are visions you’ll never forget
Oh! That’s Region IX
Hardworking people Abound,
Every valleys and Dale
Zamboangueños, Tagalogs, Bicolanos,
Cebuanos, Ilocanos, Subanons, Boholanos,
Ilongos,
All of them are proud and true
Region IX our Eden Land
Region IX
Our..
Eden...
Land...

The Footprints Prayer Trees by Joyce Kilmer

One night I had a dream. I dreamed I think that I shall never see
that I was walking along the beach A poem lovely as a tree.
with the LORD.
A tree whose hungry mouth is prest
In the beach, there were two (2) sets Against the earth’s sweet flowing
of footprints – one belong to me and breast;
the other to the LORD.
A tree that looks at God all day,
Then, later, after a long walk, I And lifts her leafy arms to pray;
noticed only one set of footprints.
A tree that may in Summer wear
“And I ask the LORD. Why? Why?
A nest of robins in her hair;
Why did you leave me when I am sad
and helpless?”
Upon whose bosom snow has lain;
And the LORD replied “My son, My Who intimately lives with rain.
son, I have never left you. There was
only one (1) set of footprints in the Poems are made by fools like me,
sand, because it was then that I But only God can make a tree.
CARRIED YOU!