MASVILLE NATIONAL HIGH SCHOOL

IKATLONG MARKAHANG PAGSUSULIT SA FILIPINO 9 SY 2018-2019

Pangalan:__________________________Petsa: ____________________Iskor: ___________
Baitang at Seksyon: ________________ Pangalan ng Guro: ________________________

PANITIKAN
I. Panuto: Basahin at unawain ang mga katanungan sa bawat bilang.
Titik lamang ang isulat sa inyong sagutang papel.

1. Isang Akdang pampanitikan na nahahati sa mga kabanata at may mga kawing-

kawing na mga pangyayari.
A. maikling kuwento C. parabula
B. epiko D. Nobela
2. Isang uri ng tulang pasalaysay na naglalarawan ng kabayanihan at katapangan ng pangunahing tauhan.
Inilalarawan din ang kaniyang pakikipagsapalarang pinagdaanan at binibigyang diin ang katangiang
supernatural ng tauhan. Nagtataglay siya ng pambihirang lakas hindi kapani- paniwala.
A. elehiya C. awit
B. epiko D. tanaga
3. Isang akdang hinango sa Bibliya na kapupulutan ng aral na maaaring magsilbing gabay sa marangal na
pamumuhay ng mga tao. Gumagamit ng matatalinghagang pahayag na lumilinang sa mabuting asal na
dapat taglayin ng tao.
A. pabula C. anekdota
B. parabula D. talambuhay
4. Ang tulang naglalarawan ng pagpapahalaga o pagkamuhi ng makata o may-akda sa isang pook o
pangyayari ay tinatawag na tulang ____.
A. mapang-uroy C. mapang-aliw
B. mapaglarawan D. mapangpanuto
5. Ito ay isang tulang liriko na naglalarawan ng pagbubulay-bulay o guni-guni na nagpapakita ng
masidhing damdamin patungkol sa alaala ng isang mahal sa buhay.
A. pasalaysay B. pangkalikasan C. elehiya D. oda
6. Uri ng soneto tulang liriko na nagsasaad ng papuri sa Diyos at mga Santo.
A. Oda B. dalit C. elehiya D. soneto
7. Ang sining ng panggagaya sa tunay na kalikasan ng buhay na kinatha upang itanghal at magsilbing
salamin ng buhay ay ang ____.
A. kathambuhay B. teatro C. dula D. sarsuwela
8. Ang nobelang Isang Libo’t Isang Gabi ay isang orihinal na akda mula sa bansang:
A. Bhutan B. Singapore C. Saudi Arabia D. Israel
9. Ano ang ibig sabihin ng pahayag na “Banal na araw noon sa Herusalem”.
A. Pista ng Pangilin C. Araw ng mga Santo
B. Mahal na Araw D. Pasko
10. Nakumbinsi ni Maritsa si Ravana kaya umiisip sila ng ibang paraan. Ang salitang nakumbinsi ay
nangangahulugang ____.
A. napaniwala C. napasubaybay
B. napasunod D. napapayag
11. Ang paratang sa kaniya ay isang kamalian. Ano ang kahulugan ng salitang paratang?
A. bintang B. akala C. maltrato D. palagay
12. Ang ebidensiyang inihain laban sa kanya ay walang bisa. Ang salitang ebidensiya ay nangangahulugang
____.
A. papeles C. paratang
B. patunay D. paniwala

13. Ang masaklap na pangyayari, nagwakas na. Ang salitang masaklap ay nangangahulugang______.
A. hindi malilimutan C. hindi maganda
B. masama D. kawalang pag-asa
14. “Nahagip ng kaniyang espada ang tenga at ilong ng higante.” Ano ang kahulugan ng salitang nahagip?
 A. natamaan B. nasugatan C. nadaplisan D. nasagasaan
15. Malungkot na lumisan ang tag-araw sa kaniyang buhay. Ang ibig sabihin ng lumisan ay____.
A. lumayo C. humiwalay
B. lumikas D. umalis
16. Pare-pareho ang tinanggap nilang upa sa kanilang pagtatrabaho. Ang ibig sabihin ng upa ay _____.
A. pautang C. utang
B. bayarin D. kaukulang bayad sa paggawa
17. Sanlibong punglo ang naubos sa kaniyang pakikipagbakbakan. Ang ibig sabihin ng punglo ay______.
A. bala C. itak
B. pera D. baril
18. Bihagin mo si Sita para maging asawa mo. Ano ang kahulugan ng salitang “bihagin”?
A. ikulong C. hulihin
B. bitagin D. akitin
19. Ibaon mo na sa hukay ang kaniyang nagawang kasalanan sa iyo. Ano ang ipinahihiwatig ng
matalinghagang pahayag na may salungguhit?
a. itago b. ilibing c. kalimutan d. magpatawad

20. Nang tumuntong ako ng ikalabindalawang taong gulang, ako ay itinali sa bahay- kinakailangang
ikahon ako. Ano ang kahulugan ng salitang sinalungguhitan?
A. itali sa bahay C. pagbawalang lumabas
B. ikulong D. lahat ng nabanggit
21. Ang ibig sabihin ng magkatugon ang damdamin ay____________.
A. pareho ang minamahal C. iisa ang itinitibok ng puso
B. pareho ang iniibig D. iisa ang isinisigaw
22. Elemento ng sanaysay na pinag-uugatan ng anumang uri ng diskurso. Karaniwan itong sumasagot sa
tanong na "tungkol saan ang akda?" Ito ang pinakapayak na antas ng mga pinag-uusapan. Ito rin ang
sentro ng ideya ng buong akda.
A. tono B.paksa C.kaisipan D.ideya
23. Ito ay ang saloobin ng may-akda sa paksa. Sa pamamagitan ng mga espesipikong wika na ginamit ng
may-akda, mababatid kung sino ang target na mambabasa.
A. tono B.kaisipan C. paksa D.ideya
24. Nakapaloob dito ang nais iparating ng manunulat sa mga mambabasa, dito umiinog ang malilit na
himaymay ng akda. Maaaring ito ay hindi tuwirang binabanggit kundi ginagamitan ng pahiwatig ng
may-akda para mailahad ito.
A. tono B. kaisipan C.paksa D.ideya
25. “Huwag mong kalilimutang ikaw ay isang bangang gawa sa lupa,” ang tagubilin ng Inang Banga sa
kaniyang anak. “Tandaan mo ito sa buong buhay mo.” Ito ay hinango sa parabola ng:
A. Parabula ng Banga C. Parabula ng Isang Lapis
B. Talinhaga ng Butil ng Mustasa D. Alibughang Anak

26. “Sige patayin mo siya!” sabi ni Rama. Ang pahayag ay ___.

A. nakikiusap C. nag-uutos
B. nagmamakaawa D. nagpapaunawa
27. Dinala ni Ravana si Sita sa Lanka, ang kaharian ng mga higante at demonyo. “Mahalin mo lang ako ay
ibibigay ko sa iyo ang lahat ng kayamanan,” sabi ni Ravana. Pero hindi niya napasuko si Sita. Ang hindi
pagsuko ni Sita kay Ravana ay nangangahulugang ________.
A. Natatakot
B. Mahal ang kanyang asawa
C. Hindi si Ravana ang kaniyang gusto
D. Naniniwala sa milagro
28. Ang pahayag na, “Ang nahuhuli ay nauuna at ang nauuna ay nahuhuli” ay nangangahulugang ________.
A. kung sino ang naunang dumating ay siya rin ang unang aalis.
B. lahat ay may pantay- pantay na karapatan ayon sa napag-usapan.
C. ang nahuhuli kadalasan ang unang umaalis.
D. mahalaga ang oras sa paggawa.
29. “Huwag mong kalilimutang ikaw ay isang banga na gawa sa lupa.” Ito ay isang _______.
A. pangangatuwiran C. pagpapayo
B. pangangaral D. pagdadahilan
30. “Sa mga taong naghahasik ng kaguluhan, lumiliit na ang inyong mundo at may kalalagyan kayo.” Ano
ang damdamin ng nagsasalita?
A. naiinis C. nalulungkot
B. nagagalit D. nalulumbay
31. Habang siya’y nabibitak at unti-unting lumulubog ay naalaala ng batang banga ang pangaral ng
kaniyang ina. Anong aral ang nais ipahiwatig ng pangungusap?
A. Walang mabuting naidudulot ang pagsuway sa magulang
B. Habang may buhay, magpakasaya ka
C. Alam ng magulang kung anong makabubuti sa anak
D. Umiwas sa kaway ng tukso sa paligid
32. Sinabi nila, “Isang oras lamang gumawa ang mga huling dumating, samantalang maghapon kaming
nagtrabaho at nagtiis sa nakapapasong init ng araw. Bakit naman pinagpare-pareho ninyo ang aming
upa? Kung ikaw ang isa sa mga huling dumating na isang oras lamang gumawa, ano ang gagawin mo?
A. pababayaran lang ang nararapat na oras ng paggawa
B. hindi pakikinggan ang reklamo ng ibang kasama
C. ibibigay ang sobrang upa sa nagrereklamo
D. tatanggapin ang ibinigay na upa
33. Ano ang mangyayari kung laging sumusunod sa payo ng magulang?
A. magiging sikat sa pamayanan
B. bibigyan ng medalya ng pagkilala
C. mapapabuti ang buhay
D. Magiging mahusay na tao
34. “Ikaw ay nararapat na makisalamuha lamang sa ating mga kauring banga.” Ano ang nais ipahiwatig
nito?
A. huwag pakialaman ang buhay ng iba
B. huwag magtitiwala sa iba
C. huwag sasama sa hindi kauri
D. iwasan ang pakikipagkaibigan
35. “Malungkot na lumisan ang tag-araw kasama ang pagmamahal na inialay.” Ang unang linya ng tula ay
nagpapahiwatig ng____
A. pag-iisa C. pagpanaw ng isang tao
B. paglubog ng araw D. panibagong araw na darating

36. “Kailangang makasama ka, kung hindi mapag-iiwanan ka.” Ano ang layunin ng nagsasalita?
A. manghikayat C. magturo
B. magpaliwanag D. mang-aliw
37. Ang bawat nilalang ay nagtataglay ng hiram na buhay. Ano ang maaaring bumuo rito na detalyeng
pangungusap?
A. Iwasan ang masamang bisyo
B. Ingatan natin ang ating kalusugan
C. Ipagtanggol natin ang ating karapatang mabuhay
D. Lahat ay tama
38. Isang lalaking mahilig maglakbay sa buong mundo ang kaniyang napangasawa. Dahilan ito upang siya
ay malungkot. Umibig siya sa isang guwapong lalaking mas bata sa kaniya. Ang pahayag sa itaas ay
bahagi ng sinopsis ng nobela. Maaari itong:
A. simula B. gitna C. kakalasan D. wakas
39. Nang makita nila ang kanilang mga hitsura at pananamit, nagtawanan na lamang sila. Lumabas sila ng
bahay na tinatakpan ang kanilang mga mukha upang di makilala at makaiwas sa tsismis ng mga
kapitbahay. Ang pahayag sa itaas ay bahagi ng _____ng isang kuwento.
A. simula B. wakas C. gitna D. tunggalian
40. Ang sumusunod ay mga dahilan ng Pangangatuwiran. Alin ang hindi?
A. Upang mabigyang - linaw ang isang mahalagang usapin o isyu.
B. Maipagtanggol ang sarili sa mali o masamang propaganda laban sa kanya.
C. Makapagbahagi ng kanyang kaalaman sa ibang tao;
D. makapagpa impress ng sarili
Pagbasa:
Panuto: Basahin at unawain ang teksto, titik lamang ang isulat sa
sagutang papel.

Tahimik akong nakaupong nag-iisa sa isang gilid na kinagawiang kong likmuan sa pagsusulat. Sa
gilid ng isang mesang may katamtaman ang laki, sapat lamang na mailapag ko ang aking mga
kakailanganing gamit sa panonood. Hindi ko napigilan ng aking sarili isang gabing hindi ako makatulog.
Ako ay umiyak. Malakas noon ang buhos ng ulan ngunit wala namang masabing may masamang
namumuong panahon. Wala namang mapakinggang anunsyo sa telebisyon o radio. Nakipagsabayan sa
malakas na patak ng ulan ang masaganang pag-agos ng aking luha habang pinanonood ko si Ishaan.Siya ang
bida sa aking puso… at si titser…Napukaw agad ang aking interes sa pinanonood kong pelikula. Dala
marahil ng pagiging guro ko, nakarelate ako habang ninanamnam ang bawat eksena. Sa una’y mas tamang
sabihing dahil ako’y isang guro. Tama. Isa akong guro… at isa rin akong magulang.

41. Anong uri ito ng teksto?

A. nagsasalaysay B. naglalarawan C. naglalahad D. nangangatuwiran
42. Ano ang tono ng teksto?
A. naiinis B. nagagalit C. nakauunawa D. nahahabag
43. Ang tekstong ito ay nagmula sa akdang:
A. isang Libo’t Isang gabi C. Mga patak ng Luha
B. Tilamsik ng Sining …. Kapayapaan D. Hindi Ako magiging Adik

Ang kalipunan ng mga taong naglipana sa Azcarraga, Avenida Rizal at Escolta ay mga mamimiling
walang puhunan (karamiham) at mga tagapagbili ng mga bagay na wala sa kanila at lalong hindi kanilang pag-
aari. Ang hanapbuhay ng mga ito ay magtala sa papel ng mga bagay na nababalitaang ipinagbibili. Madalian
ang kanilang usapan. Mabilis magkasundo. Tiyak ang pook na tipanan - - sa harap ng isang mesa: sa ibabaw ng
umaasong kapeng-mais na pinapuputla ang kulay ng gatas na may bantong gata ng niyog. Kung sila’y palarin:
kakamal ng libo, kung mabigo naman ay gutom maghapon.
Halaw sa: Nagmamadali ang Maynila
ni Serafin Guinigundo

44. Ang trabaho o gawain ng mga taong inilalarawan sa talata ay _______.

A. kargador C. ahente
B. tindero D. negosyante
45. Sa pangungusap na “Kung sila’y palarin: kakamal ng libo, kung mabigo naman ay gutom maghapon.”
Ipinahihiwatig nito na __________.
A. Di-tiyak ang hanapbuhay.
B. Mahirap maghanapbuhay.
C. Mayaman ng ilang oras lamang.
D. Ang buhay ay walang katiyakan
46. Sa pariralang “mga mamimili ng walang puhunan (karamiham), at mga tagapagbili ng mga bagay na
wala sa kanila at lalong hindi kanilang pag-aari.” Masasabing ang mga taong tulad nila ay _______.
A. madiskarte C. matulungin
B. matalino D. matiyaga

May mga enerhiyang nukleyar at ibang kauri. Pamuksa ba ng tao o pantulong sa ating
pangangailangan ang enerhiya? Napakalaki ng maitutulong ng agham at teknolohiya sa pagkakaroon ng
maunlad na pamumuhay kung magagamit ito sa mabuting kaparaanan na may maganda at makataong
hangarin. Hindi lamang ang pag-unlad na pisikal ang mahalaga kundi pagsasaalang-alang ng sosyal na
kalagayan ng tao kaalinsabay ng mga teknolohiyang dumarating. Sa hangaring mabuti, ang agham at
teknolohiya ay ilaw na magbibigay- liwanag at nag-uugnay sa lahat ng mga bansa sa mundo.
mula sa Retorika ni Bandril

47. Anong uri ng teksto ang iyong binasa?

A. nagsasalaysay C. naglalahad
B. naglalarawan D. nangangatuwiran
48. Ano ang paksa ng tekstong binasa?
A. enerhiyang nukleyar C. pisikal na pag-unlad
B. pumupuksa ng tao D. makataong hangarin
49. Ano ang maitutulong ng agham at teknolohiya sa atin ayon sa teksto?
A. naging makabago tayo C. maunlad na pamumuhay
B. bumubuti ang serbisyo D. nag-uugnay sa mga bansa
50. Bukod sa pag-unlad na pisikal, ano pa ang dapat isaalang-alang?
A. sosyal na kalagayan ng tao C. emosyonal na kalagayan
B. moral na aspekto ng tao D. pinansiyal na kalagayan ng tao

Inihanda ni: Gng. Jonah S. Bautista

Guro sa Filipino 9